Anjappar Chettinad Indian Restaurant

營業中

休息中

近排睇左幾套bollywood既戲, 成日見到佢地食薄餅呀咖哩呀, 睇到個人都好想食印度菜, 你問我我只係知重慶大廈有, 但係同朋友兩個女仔又唔係好想行入重慶大廈, 咁就上網搵下搵下見到依間係星加坡, 泰國, 上海, 北京都有分店, 一定穩陣啦! 就約埋朋友放工一齊去食啦。一出就會望到門口大大個燈箱招牌一入門口就有印度侍應帶位, 今晚早左d食飯, 去到只係6點幾所以未係好多人。第一感覺係唔錯! 乾淨企理又光猛, 而且空間感好大, 坐低之後先發現全部員工都係印度人, 而且可以隔住玻璃遠望到印度廚師係入面整薄餅餐廳播埋印度歌, 好似置身小印度咁呀!Main Menu選擇好多, 中英對照而且有埋圖片, 果然夠國際化呀。牆上面仲有手寫既Today Special點菜後侍應就放低碟同餐具, 好得意碟上面鋪左塊葉。印度烤雞 $75哩個烤雞一上枱, 香料味直撲我個鼻呀😂初頭驚佢炸得乾, 點知咬落去入面雞肉仲好juicy, 一d都唔會乾, 建議要擠埋青檸汁落去, 因為夾埋佢既香料味酸酸辣辣會更加好味!好入味, 而且中間唔乾另外叫左依個set $110, 有齊薄餅, 飯, 一碗主菜咖哩, 另外仲有10

今日肚腩男忽發其想想食印度野，俾我搵到間國際連鎖印度餐廳，咁就一於去試吓啦！入到去係同重慶大廈兩個感覺，呢度地方寬敞，光線亮麗，有別於食印度野餐廳暗暗嘅感覺最重要嘅水源竟然係樽裝水保證飲完唔會肚屙Chicken 65, 印度炸雞，呢個係驚喜，因為係傳統感覺上印度炸雞係會超乾身，此店嘅炸雞係非常新鮮同juicy Butter chicken masala香料十足做得非常精緻，本人覺得配埋下面嘅羊肉飯簡直一絕Naan就係印度野必食嘅，用嚟配搭上面個萬能masala就perfectMutton羊肉biriyani, 其實係一個印度嘅香料飯，配料十足，羊肉可以帶出個飯嘅香味，可惜煮得有少少唔夠乾身，所以小弟覺得配埋上面個masala就會升華咗整個飯喇總結其實此店員工非常有禮貌，場地非常光鮮乾淨，價錢亦都10分公道，適合良朋知己一齊聚聚！

想食印度野，見openrice話有八折就試下。點知有驚喜仲食得好滿足野食品種好多都唔知揀乜好樣樣都想試呢個乳酪蔬菜有驚喜，以為係平平無奇，點知好香口，配小麥餅，prefect match 拼盤也不錯煎魚就乾左d，唔係咁好食乾炒魚呢個好惹味，魚肉好滑，大讚烤雞串燒又係正正的，醃得好入味可以encore

前日我和一班好耐冇見嘅好朋友相約食飯突然有人提出話想食印度菜然後就提議尖沙咀寶勒巷的一間新開的印度餐廳。我們對印度菜的認識不多而餐牌上的食物都係辣和炸為主。一開始我們點了些特色飲品，印度奶茶和Mango Lassi，這個芒果飲品非常特別飲落去酸酸地好似飲乳酪嘅感覺，不過佢係用新鮮芒果製成非常香滑而且好濃厚芒果味，之後點了幾個頭盤，印度烤雞塊、烤芝士和炸洋蔥，三個頭盤我覺得炸芝士比較特別。我們一行八人所以點了多款不同的印度咖喱，有雜菜咖喱、雞咖喱、蘑菇咖喱、每一樣都精美好食。印度薄餅方面除了一般原味之外亦都有薯仔烤餅和蒜蓉芝士烤餅味道都相當特別。但最特別的一個套餐中間有一大碗飯傍邊有八至十種唔同嘅醬汁上邊仲有一兩塊薄餅俾你點嚟食感覺幾得意，是一個不錯的印度食品嘅體驗😀😀

第一次食印度菜，多數食開日本呀泰國呀茶記呀，黎到呢間環境好闊，坐得好舒服。岩哂朋友聚會。首先睇menu, 太多選擇了，無從入手，最後決定叫個薯仔特色餅，魚肉串燒瑪沙拉，羊肉香飯同埋酥油茶。薯仔特色餅個包真係好正，煎得大大份，但係最意想不到嘅係配上魚肉串燒瑪沙拉即係咖哩，更加惹味。魚肉串燒瑪沙拉魚肉大大舊，肉地嫩嫩，咖哩唔辣，但係有味好濃，唔係果啲加左好多水整成嘅假咖哩。食到羊肉香飯啦，哇，spicy😂😂😂好辣呀，估唔到睇落冇辣椒🌶️，但實際辣辣，但好香，夠味👍🏻辣到頂唔到嘅時候，表示到酥油茶出場嘅時候，佢嘅味係好新穎，未試過飲過，但佢嘅解辣效果非常好👍🏻印度菜初體驗表示很滿意😋好味道，選擇多，讚讚

平時食開唔同國家嘅美食，印度菜反而由細到大都未食過，平生初嘗印度菜就喺呢間尖沙咀餐廳。薯仔特色餅 $35好香牛油味，食落好有印度烤餅風味。點醬當主食食都唔錯，但係個人更加鐘意直接食，薯仔餅幾出色。印度式炸雞 $75即叫即炸，比得上kfc炸雞咁脆，雞肉嫩滑，出面包住印度香料粉，好特別，送飯食唔錯。特色熱門套餐 $110好大份 ! 兩個人食啲飯都淨左好多，係咖哩雞飯加好多醬點住食。印度嘅香料我都唔係好有研究，有問過店員邊種醬打邊種醬。呢道嘅店員好有禮貌同心機，嘗試每項解釋啲醬名，但係啲名係印度語，聽完唔太清楚係咩，總括而言係有三種咖哩，其中兩個係素咖哩，一個係雞咖哩，其他醬係印度本土特色，幾有印度風味。甜印度奶昔 $35味道似老酸奶，唔太甜，飲落有好重芝士味，意外地好味。埋單$200幾兩個人，呢間店食物幾高質，顛覆我對印度菜嘅既有觀念。如果下次再食印度菜 ，我都會推介呢道。

今日想食咖哩，於是睇報導，見到尖咀開了連鎖印度餐廳，於是上去一試一到大廈便看到店鋪宣傳海報，便知道沒有去錯地址。然後上兩層，到達餐廳門口。我七點半去到，只有少貓三兩隻，我聽到有香港朋友，外國朋友，大陸朋友來一試。我份位座位屬於角落位，位置舒爽！一到八點，全院滿座。大部分是印度人，少部分本地人，証明餐廳百份百印度口味，值得一試。餐廳係連鎖分店，全球有13間分店，分散各世界部落!方便印度朋友去到邊個國家都有得食家鄉菜naan $25入量少左Ed,只有兩件，出面只少有四件，可能預左一人一份量，不過好香牛油味咖哩魚，我食唔到辣，但一試之下咖哩味好香，香料味好正，我食唔出斯咩香料，但食到香料味!魚肉唔係普通本地魚，比較有口感，硬身，配合咖哩辣一辣碟上配上香蕉葉，令咖哩吸引葉既香味

日泰韓菜食得多，間唔中食下印度野換下口味都唔錯搵到呢間幾有人氣嘅連鎖印度餐廳，都唔難搵，喺樓上一樓。👆🏻門口貼住清真餐廳嘅logo👆🏻地板同室內裝修都好有印度風情，仲見到waiters同廚師都係印度人，落單用英文就溝通到👌🏻👆🏻碟上有好大塊香蕉葉墊住，果然係好有印度風味蝦片 （送嘅）好脆，要趁熱食，如果攤耐左會林！！薯仔薄餅 $35好有特色，因為好少食有餡嘅印度薄餅，咸咸地，好啱點咖哩食特色芝士薄餅 $35初初叫嗰陣都好好奇，究竟特色芝士薄餅同芝士薄餅有咩分別、有咩咁有特色🤔原來係多左辣味同香料味，特色在惹味啲同薯仔nan比，餅底更脆👍🏻butter chicken masala $75Masala同咖哩差唔多，我個人覺得比咖哩仲要多左啲香料味，口感更creamy，好濃味，啱哂送飯或薄餅烤雞肉串燒 $70呢個串燒用汁煮，所以咬落比較林身。配埋個青醬，好特別

一個人悶悶地系尖沙咀行下行下，黎到寶勒行附近見到好多印度餐廳，有點肚餓，於是便膽粗粗地走左上一間位於二樓的餐廳內先看看，可能是因為商業大廈的法例規管，所以哩間餐廳門面没什麼裝飾或海報，只是得個餐廳名，推門入去巳見到有個印度藉的大家庭正在享用午膳中，係枱面見到好多特色的印度小菜，我找左個最裡面的位置內坐低，他們給我一本meau, 當中圖文並茂展示了很多特色的印度菜，我慢慢地細心觀看，最後決定叫了個 Mutton Fried Noodle (羊肉炒麵)，Kali Mirchi Kebab (特色串燒)& Mango Lassi (印度芒果奶昔)。等左大概十零分鐘左右，我的食物開始來了，羊肉炒麵睇落個碗唔系好大，但原來個碗好深底的，一碗一個人食我估都未必食得哂，炒面當中有好多配料(炒蛋、椰菜、紅蘿蔔、洋葱、青椒)混在一起炒，當中既羊肉非常嫩滑好味，完全系唔會覺得un、so或有ga，系我前所未有食過甘嫩滑既羊肉，加上連一點肥膏都唔見有，真系認真要一讚，個麵仲配有個似茄汁的特色醬，混埋炒麵一起吃更有特色。而特色串燒，我叫了半份，用竹簡的器皿盛載，面頭濃濃地，而食落就知道係用左好多香料混合埋所醃

Happy Friday, 同朋友揀咗間印度餐廳食晚飯，平時比較少去食印度菜，所以今次帶住好奇既心情嚟呢度試下。上到去環景寬敞，餐廳燈光光猛，因為晏左食飯，店入面既人唔算多，同朋友兩個人坐四人枱，坐得算舒服，不得不提既係呢度既店員都係印度人，落單既時候要用英文。小食我地叫左個烤雞肉串燒（半份），雞肉辣辣地好惹味，同隔離既印度香草汁都好夾，鍾意食洋蔥既朋友可以配埋洋蔥一齊食，口感一流。嚟到印度餐廳當然要試試印度咖喱，我地要左個特色熱門套餐，有9碗咖喱，1碗sour cream加1碗印度甜品，呢個餐完全係為左唔知點邊一種咖喱而煩腦既朋友而設，一個餐已經可以試到9款味道既咖喱，而每一款都有唔同既濃度、辣度。飲品方面，朋友叫左一個甜印度奶昔，我自己就試左個印度香料茶，兩款飲品既味道都好特別，奶昔酸酸地好開胃，印度香料茶香料味比較重，但都幾有驚喜。最後試埋個印度甜品，係店員推薦下，試左個印度芝士餃子，睇個名唔好以為係鹹食，其實係一款煉奶浸住蛋糕既甜品，口感幾特別，不過味道偏甜。總結呢度店員親切好客、食物大份兼抵食，值得一試！

成日都食中西餐悶悶地，就同友人去左依間印度菜食下好西！環境不算特別，但勝在樓上舖，舒舒服服，唔洗比人趕走同迫。食印度菜就梗係要叫 mango lassi啦！依度的 mango lassi 除左較稠身之外，我仲飲到隱若有d咸味，唔知正宗的 lassi係咪都係咁呢？ 之後就叫左店舖出名的薯仔特色餅同蒜蓉特色餅。我個人覺得薯仔個款就比較軟身d，咬落去較鬆化。而蒜蓉個款就脆身d，似食緊薯片。所以大家可以按照自己喜好選擇。當然不少得咖哩雞肉啦！佢咖哩味都好香濃，睇得出真材實料，唔會溝水。我本身唔中意椰奶味，依度既咖哩味恰到好處，不會太辣。到左甜品，叫左玫瑰炸奶球配雪糕。原本係比佢個名吸引既！諗緊點樣係玫瑰炸奶球！食落去又凍又熱咁！好得意！雪糕就係雲尼拿味，不過不失啦。但其實佢個d玫瑰不是玫瑰黎，係一粒水果。我估都係翻譯錯誤左😂但試下都無妨！

其實就從來都冇去過印度，所以都唔知乜嘢叫做正宗印度咖喱😂不過本身以為食印度咖喱嘅地方都係好大浸味，點知呢間印度餐廳裝修都幾摩登，坐得幾舒服。叫咗一個咖喱羊肉，同埋兩份烤餅，個人鍾意薯仔烤餅，因為入邊有餡仲多一層口感，同埋新鮮整嘅烤餅真係好好食，另外叫咗一個炒河粉，不過呢個就比較普通，冇乜印度特色😂同埋就叫咗個雞肉串燒，原來係蒜蓉味嘅，幾多肉汁👍🏿另外芒果奶昔係必叫，因為真係好香芒果味好好飲！

平時真係無乜食過印度菜，今次同朋友初體驗，所以揀咗間喺尖沙咀知名度高嘅連鎖印度餐廳🤣👌🏼 入到門口已經見到鋪頭一半香港人一半印度人，就覺得應該無揀錯，有咁多印度人都食就代表口味正宗啦💁🏻‍♀😌😌 因為遲咗食晚飯所以都算有位嘅，鋪面寬敞唔會好逼😚 店員係印度人，落單要用英文，但其實佢哋應該都識聽廣東話，有啲店員仲好風趣同我地用唔鹹唔淡嘅廣東話傾偈😆😛 好搞笑同親切🤣 值得一提嘅係佢哋服務態度都好好，有啲我哋唔清楚係咩佢哋都好樂意介紹，仲推介左人氣之選，啱晒我哋呢啲選擇困難症嘅🥳🤩有咁多款選擇就梗係花多眼亂啦，我哋就揀咗特色熱門套餐，諗住一次過試幾款唔同嘅咖喱🍛 份量好大份，兩個人食啱啱好🤪 有9小碗咖喱、sour cream同香料，加1小碗印度甜品，仲有一大碗咖喱豬肉😍 仲有印度脆餅，點咖哩汁嚟食，好似蝦片咁😝 仲有印度烤餅(naan)，印度餐必try🙋🏻‍♀🙋🏻‍♀🙋🏻‍♀ 成個set好抵食，就算人少少都可以試到好多唔同嘅口味💯💯有啲咖喱味道比較淡，有啲就比較濃，啱晒唔同口味嘅朋友👌🏼 我自己就比較鍾意大碗d嘅個款，唔會話太辣但係亦都唔稀，仲有肉味，唔錯🤤咁難得嚟到，就梗係試埋啲小食啦

呢頭好似食黎食去都係個啲嘢食，所以搞下新意思，搵其他菜食下，望一望，原來尖沙咀都有唔少印度菜，而呢間好似幾多食評，就去睇下。其實我有啲驚青，覺得呢邊可能雜啲，不過都真係嘅，係樓下已經好多唔知印度定南亞嘅人係度打躉，然後上樓個陣又有一班跟住我地。可能，應該係我有諗太多，不過如果過黎，女仔，尤其一個人，都係小心啲好。我發現呢度都應該幾地道同正宗，因為除左我地，其他都係印度人，同埋佢地真係用手食飯。我哋叫左薯仔特色餅，雞肉馬莎拉，玫瑰炸奶球配雪糕。薯仔特色餅我覺得相對黎講少啲印度菜嘅重口味，因為我叫左嘅另一個飯太油同太辣喇薯仔特色餅有啲似薄餅，幾好食，尤其係加埋雞肉瑪莎拉就夠惹味。但係個炸奶球就唔好喇甜到好濟 根本食唔入口仲要加雪糕🤥🤥🤥

呢排食多佐印度餐廳係少數地方價錢經濟,好坐,舒服,聽唔到隔離枱講野,服務ok 68蚊買佐個價錢$110既dinner set meal, 幾扺。個餐似開心樂園餐咁,幾好玩~ 又多醬又有nann又有飯又有肉 。服務好~ 你無問 staff都鍾意教你點食同埋講每一隻點辣法。有羊魚雞揀,魚唔太得,多骨少肉。唯一不足係唔包嘢飲,加杯芒果smoothie$35, 杯野幾"傑",最後我自己溝啲水 。我friend叫杯奶茶,好似撈佐d herb,有啲辣, 麻麻枱上嘅bonaqua水要收錢,可以另外問staff拎玻璃樽水飲記住coupon要叫嘢食前出示,otherwisr有個女侍應會唔比你用