8鍋臭臭鍋 (謝斐道) (已結業)

一直都好想試下呢間主打一人一鍋既8鍋臭臭鍋，今晚同朋友都唔太餓，可以兩個人試一個鍋，仲可以叫其他小食～餐廳環境寬敞，卡位座位都好寬落，就算枱枱都打邊爐但都唔會覺得好焗，冷氣好夠。有九款火鍋套餐，各有唔同湯底，而且配料充足，總有一款岩～鍋物配飯或粉絲HK$115另加HK$7可升級做滷肉飯或烏冬餐牌有個醬油完美比例教學，三匙豆瓣醬/沙茶醬+兩匙豉油+一匙蒜蓉就可以完美調配出醬汁，好惹味架！藥膳羊肉鍋藥膳湯底充滿藥材味，溫潤又回甘。配料有娃娃菜、羊肉片、翡翠魚豆腐、台灣貢丸、椎山、香菇、粟米、沙白、油豆腐、金針菇、炸枝竹、粉絲、嗚門卷、素鮑魚、鴨肉丸、蓮藕。丸類爽口彈牙、菜類及粟米非常鮮甜，羊肉片肉質細嫩軟滑、肥瘦均勻。滷肉飯鋪滿肥而不膩的豬肉，再繞上鮮甜濃郁的醬汁，簡單的食材但卻令人忍不住一吃再吃。多多綠HK$30益力多配上甘香綠茶，甜度剛好。

中午都想食火鍋，唔係話咁易有。依家推薦呢間火鍋店比大家，一人一鍋，價錢又合理，值得去食架，埋單每人100蚊有找。留意下，每個鍋入面包嘅食材都吾同，可以睇清楚先決定，侍應都好好耐性，等我地決定好先叫佢黎落單，亦都唔介意我地諗好耐先點菜。我比較喜歡食辣，所以點左2號臺式麻辣鍋中辣，辣味幾香，食辣嘅朋友仔必定要點啦，記得配粉絲喎，吸辣湯嘅精華食物😂😂。一個小插曲，我坐的位置風太大，冷氣直吹我個鍋，吹到我個鍋都好難先熱到，等左十幾分鐘滾吾起，最終叫服務員較細啲冷氣，再加多次火，先滾得起。服務員態度良好的，雖然遲左先可以食野，但我都覺得可接受。

在銅鑼灣鬧市食lunch，不是等位就是限時。Lunch time打邊爐不但是時間上的刺激，更可以說是在玩命。早餐尚未消化，熱呼呼的食物又在四小時後倒進肚子裏。香蒜牛肉鍋．HK$88除了9款鍋物以供選擇外，還有星期一至五的迷你鍋午餐優惠，價錢只須HK$66並包了白飯或粉絲和飲品一杯。可惜當天的迷你鍋是主打羊肉，怕怕羶味的我只能投靠9款鍋物的menu。香蒜牛肉鍋的材料十分豐盛，大量娃娃茶、牛肉片、蟹籽丸、甜不辣、牛丸、凍豆腐、粟米、金針菇、炸枝竹、粉絲、沙白、嗚門卷、翡翠魚豆腐及蓄茄。而我則試試粉絲及凍泡沫紅茶。先嚐一口湯底，清淡中帶點蒜味，不致令您口喝。牛肉片有點老，建議半熟牛肉可令口感更佳；而索湯的金針菇和翡翠魚豆腐，因為吸了不少蒜味，令口感非常濃郁，而一杯凍泡沫紅茶就好像為您沖淡少許肥膩感並帶走殘餘的蒜味。環境方面，坐位闊落及播放流行曲，聲量不大並能讓大家chit chat，總算是鬧市內的一個小清泉。

最近同同事食散水飯，揀左依間係銅鑼灣嘅台式一人一鍋，貪佢夠多嘢食同午市套餐比較抵食，$88就包左個鍋，飯同嘢飲😍火鍋口味仲有9款選擇，好吸引~-沙茶牛肉鍋，係之前嘅限定口味，最近又返黎喇😚 沙茶味超濃，坐對面嘅都聞到。入面有超多材料，除左蔬菜外，仲有牛肉，牛丸，米血糕，心形魚豆腐，沙白等。牛肉老左少少，牛丸幾爽口，而且硯肉都幾脹卜卜。台式麻辣鍋，揀左中辣，揀左中辣都幾夠辣嘅。蔬菜方面都大致差不多，其他就多左半舊麵，麻辣餃，豬紅，大腸等。味道上依個就更加惹味🔥酸辣羊肉鍋，食到好多酸菜，湯底味道係酸甜個隻，同樣幾夠辣！羊肉薄身帶少少蘇味，魚蛋好彈牙。

8鍋臭臭鍋 沙茶牛肉鍋 @ $115台式火鍋店食飯，呢間主打一人一鍋，所有鍋配搭好曬湯底同配料-沙茶牛肉鍋配料有牛肉片、豬血糕、牛丸、花枝丸、心型魚豆腐、蜆、粟米、金針菇、枝竹、粉絲、鳴門卷、娃娃菜、蕃茄同甜不辣，好豐富，其實好難食得曬-沙茶湯底唔錯，好香好惹味，沙茶味幾濃味得黎又唔會話太重口味。臨尾用嚟煮粉絲就好正，會吸曬d味。份量好足，牛肉唔會得一兩片就冇左。枝竹吸咗沙茶味都好好食。嫌唔夠味，有特制沙茶醬，蒜頭，辣椒任加，自己可以整啱口味既醬。-推介指數👍🏻👍🏻👍🏻👍🏻👍🏻抵食指數👍🏻👍🏻👍🏻👍🏻(5個👍🏻為滿分)

今晚同朋友聚會，黎打邊爐，試下一人一鍋，一上就可以食，唔駛自己整熟d野，好方便。朋友叫左沙茶牛肉鍋同香蒜牛肉鍋。佢地話唔錯。我同另一位都係叫番茄白豚鍋，因為唔想甘熱氣，揀個最多蔬菜既鍋，番茄湯都算濃味，份量岩岩好。我叫左杯香芋奶茶，好耐冇飲，滿足下自己。

Happy Friday同朋友試左一間台式火鍋店🥘 主打一人一鍋 湯底、配料就已經配搭好曬😁 最岩選擇困難症的桃子🙈作為cheese lover嘅桃子當然要試下芝士牛奶鍋啦🧀🥛 恰巧裡面的配料也是桃子喜歡的😋 有豚肉、蔬菜、丸子、麻吉燒、烏冬等配料十分豐富足料 仲可以選配一碗飯或粉絲 湯底味道適中但唔係幾食唔出芝士味🤣 豚肉唔會鞋一d都唔老🐷 配埋自調醬料一齊食都幾match 下次再試下其他湯底同配料啦～

“臭臭鍋”聽朋友講就聽得多，但今次都係第一次去食😆就算唔鍾意食臭豆腐嘅我都有好多選擇👍🏻今次就揀咗一個芝士牛奶鍋，個湯底香味濃郁得來又唔會太油膩🧀鍋本身入邊嘅材料已經好豐富，但如果想加火鍋料都可以另外再叫👌🏻今次叫呢個芝士牛奶鍋材料有豚肉片、南瓜、金菇、娃娃菜、餃子，午市套餐仲包左一杯野飲🥤同一碗飯/粉絲，$88梨講真係好抵食🤩不過我同朋友都唔夠喉，仲叫咗碟牛肉同埋貢丸🐮下次想食火鍋又唔想就人，一定會返黎8鍋💕

雖然天氣好熱，不過我哋都抗拒唔到打邊爐嘅心，嚟咗銅鑼灣呢間8鍋。環境唔錯好舒服，大大地，仲有卡位可以坐。我哋就叫左芝士牛肉鍋，都幾香芝士味成個鍋都係白白地色好靚。不過小心住耐左會燶咗，入邊都有好多材料最鍾意佢哋嘅甜不辣。另外我哋都叫咗唔少小食，好似炸花枝丸，$36有六粒$6一粒價錢都OK。另外都叫咗台灣香腸，同樣都係$38大大兜強烈建議一定要同佢哋嘅薯片夾埋一齊食又有蒜香味又有豬肉味。嘢飲方面就叫咗個芒果沙冰，幾有芒果味又有少少奶味消暑解渴，打邊爐打到熱到死飲一杯就好啦

銅鑼灣都幾多嘢食下不過呢成日要排隊我就唔係幾鍾意，本身諗住食一欄點知勁多人所以就去咗附近呢間一人一鍋嘅台式火鍋店食。我就叫咗個沙茶羊肉鍋，都幾香港風味，羊肉唔太蘇幾鍾意。入邊都有好多材料入，粟米啊豆腐啊娃娃菜粉絲等等。強烈推介一定要加$7轉佢哋嘅滷肉飯，呢個滷肉飯可以講係我係香港食過最好食嘅滷肉飯。滷肉飯偏肥不過真係啱晒我，食落超重油香。裏面仲有兩塊醃蘿蔔俾你解膩。另外加$7要咗一杯細奶蓋烏龍，奶味都幾重。

如果可以比無星，我會比無星！本身開開心心黎同朋友過生日，結果員工服務態度極差。我地同左其一個個員工講執野，跟住上蛋糕🎂但係另外一個員工無啦啦一野掉低個蛋糕係枱面🙂野食味道又麻麻，服務態度又咁差，勸大家都唔好黎受氣啦！

今日中午同一班朋友放飯，諗唔到食咩直接喺灣仔消防局附近揀咗一間平平哋嘅午市火鍋，一人一鍋都唔錯。由於唔係幾想食辣所以我叫咗個藥膳羊肉鍋，最好嘅一樣野係可以羊肉轉做牛肉，岩曬唔食羊肉嘅我不過又想要藥膳湯底。藥膳湯底都幾香藥材味，入邊有紅棗等等養生食材。原來我哋都追加左一個安格斯牛肉片，呢個牛肉質素相當之好，肥瘦適中之餘仲好香牛肉味。嘢飲方便我就叫咗個奶蓋烏龍茶，套餐加$8就可以辣都算幾抵。買單一個人先$100好！

今日喺銅鑼灣見客，嚟咗一人一鍋火鍋店食。由於我唔係幾想食辣野所以我叫咗一個我蒜香牛肉鍋，雖然都幾重口味不過健康少少唔好食咁多辣野。 幾鍾意嚟呢間食係因為佢哋湯底有好多款，除咗麻辣鍋之外仲有咖喱鍋啦，芝士鍋蕃茄鍋等等。多口味之餘價錢都幾平$88。特別推介嘅係一定要加$7轉佢哋做滷肉飯，滷肉飯大大碗，上邊仲有超多肥膏同埋瘦肉，半肥胖瘦超滋味。嘢飲嘅話我就叫咗黑糖薑母茶，冇得轉甜度雖然有少少甜不過呢飲呢啲薑茶喉嚨都幾舒服。另外都加咗一個安格斯牛肉，$98但係牛肉質素幾好好重牛味仲有啲雪花。

As a die-hard hotpot fan, I’m so excited to visit 8Pot for the first time! I believe the idea of “stinky hotpot” came from Taiwan and though I’m not a huge fan of stinky tofu, there’re still a number of options to choose from. I picked a cheese milk hotpot and taro milk tea and boy it was GOOD. The lunch meal came with an option of rice or vermicelli and a drink for the price of $88, which seems fair. Also, the pot already came with tons of ingredients including veggies, crab stick, pork slides,

06/09.2019今日放工，同老婆打算出街食飯拍下拖，上網見到有臭臭鍋～咪去試下囉。上Openrice見到佢收12:00, 我22:00收工諗住去到大把時間啦，一去到，冇人招呼入門口都算，人到去個個員工都唔理人，個個好似唔想做咁樣，好明顯就係等收工，但距離收工仲有兩個鐘⋯⋯有客入嚟都要做㗎啦，同埋我食火鍋又唔使你照顧我嘅，都唔明白點解佢哋個個口黑面黑?落order嘅時候，完全冇任何反應比我，其實我都唔知佢聽唔聽到我落咗啲咩⋯⋯就算嘢食幾好食都，好服務咁差請我都唔會再黎食啦！其實本人一向食完就走唔會喺度坐好耐阻人收工⋯⋯極唔建議哩間嘢囉，服務差冷氣又熱。