8鍋臭臭鍋 (謝斐道) (已結業)

最近同同事食散水飯，揀左依間係銅鑼灣嘅台式一人一鍋，貪佢夠多嘢食同午市套餐比較抵食，$88就包左個鍋，飯同嘢飲😍火鍋口味仲有9款選擇，好吸引~-沙茶牛肉鍋，係之前嘅限定口味，最近又返黎喇😚 沙茶味超濃，坐對面嘅都聞到。入面有超多材料，除左蔬菜外，仲有牛肉，牛丸，米血糕，心形魚豆腐，沙白等。牛肉老左少少，牛丸幾爽口，而且硯肉都幾脹卜卜。台式麻辣鍋，揀左中辣，揀左中辣都幾夠辣嘅。蔬菜方面都大致差不多，其他就多左半舊麵，麻辣餃，豬紅，大腸等。味道上依個就更加惹味🔥酸辣羊肉鍋，食到好多酸菜，湯底味道係酸甜個隻，同樣幾夠辣！羊肉薄身帶少少蘇味，魚蛋好彈牙。