8鍋臭臭鍋 (謝斐道) (已結業)

以前打邊爐只係冬天先會做嘅嘢，依家一年四季都可以做得仲有如果你怕打邊爐叫到一枱都係嘢食浪費嘅人，一人一鍋就最適合不過一入到去鋪頭，冷氣非常足夠，裝修好有台灣風味，簡潔，寬敞餐牌上有九種火鍋俾客人選擇，每款都有唔同嘅特色，而且餐牌上有各種各樣火鍋配料資料，大食既你可以另外order更加多火鍋配料， 但當然是需要另外付費的啦我和朋友叫咗一個臭臭鍋，同埋沙嗲牛肉鍋，臭臭鍋好友台式豬雜風味，同喺台灣食到嘅一樣味道沙茶牛肉鍋味道非常濃郁 有好香嘅茶味道 牛肉非常嫩滑，而且分量都幾多我哋另外叫咗一個招牌麻辣鴨血同埋鹽酥雞作為小食，鹽酥雞唔會太油膩，口感非常爽脆鴨血帶有麻辣味，做得出眾， 夾落唔易散，非常有彈性。飲品方面我哋叫左茉香綠茶，非常解渴清新。每款鍋物都可以配白飯或者粉絲 無論係白飯或者粉絲都好 都可以吸收湯底嘅精華 好惹味價錢方面都相當合理，比起你喺酒家食到嘅任食火鍋更為經濟，非常推薦大家去品嚐

一向好鍾意食一人火鍋 因為方便同埋可以自己揀口味 唔使同人夾 而台式火鍋更加係心水因為款式新穎又多 所以就同朋友嚟左呢間8鍋臭臭鍋試下 見佢其實都好多款揀 有辣有較重口味 或者creamy d同清淡d都有 佢亦都有唔同配醬調較 蒜蓉 豆瓣醬 辣醬 豉油 佢menu上都有指示教大家點調較湯底個味呢個就係沙茶牛肉鍋沙茶味好香 味道夠濃郁 唔會好辣 惹味牛肉都好多 成個鍋都好足料 食到好飽😋芝士牛奶鍋 一嚟到都聞到幾香芝士味 食落唔會太漏 中間仲有隻蛋但好似作用不大😂香蒜牛肉鍋湯底清淡但香口 適合輕口味的朋友！每個鍋都可以配粉絲 飯 或魯肉飯魯肉飯都幾足料 而且唔會太咸我地仲叫左鹽酥雞新鮮香脆 每次食台灣野都必食！台灣臭豆腐其實同香港臭豆腐味道差唔多 感覺幾得意🙂仲叫多左幾個粟米野飲選擇都好多 叫左個百香果紅茶清淡又解渴 正😋

真係唔明點解30幾度都會想打邊邊總係有條心癮而我不知甚麼叫臭臭鍋聽我朋友個朋友講係有臭豆腐既邊邊咁解無所謂人一世物一世反正未試過let's try!6點幾未算多人不過7點幾就開始排曬隊好彩早黎店名叫得臭臭鍋當然要叫招牌臭豆腐啦!咁大個女都係第一次食!上枱果陣真係好臭但放一陣就無事入口感覺唔到臭味反而仲覺得有啲似滷水豆腐甜甜地又辣辣地多重味覺享受(唔食到辣千祈唔好叫，因為都幾辣)我朋友挑戰難度食完辣豆腐仲要叫酸辣羊肉鍋我偷飲咗一啖湯真係恭喜佢食完準備變小火龍不過如果銅鑼灣仲要地鋪黎講呢個價錢食到咁好既味道已經好難得芝士牛奶鍋都好好味湯式好濃郁最特別係個蛋餃餃子皮同一般餃子好唔同好香蛋味個皮唔會容易咬難味道有少許似玉子豆腐推!個湯唔會越煮越重味我建議芝士湯式配白飯好邪惡呀!!!但係好多人都選粉絲我自己覺得粉絲份量少咗啲姐最好既安排就係每樣配料只有一到兩件好似貢丸，心型魚腐，鳴門卷，南瓜等等而南瓜半溶狀況配搭牛奶湯就最好食湯底會有少許似南瓜忌廉湯腐皮索曬啲湯汁仲好食所以我放到最後尾食打邊爐點可以唔飲凍野!?叫咗茉香綠茶同巨峰提子梳打俾客人選擇既自由度都幾大茶可以無糖，少甜都得作為唔想咁肥既我

嗰日同朋友經過銅鑼灣，友人突然之間想打邊爐，咁啱經過一人一鍋嘅火鍋店，於是就諗住入去試試。鋪頭裝修簡潔好有台灣風味，完全沒有一種打邊爐充滿油煙嘅感覺。餐牌上一早已經安排好9款火鍋套餐，每款風格各有特色，因為我同朋友都比較鍾意食辣所以就叫左台式麻辣鍋同埋酸辣羊肉鍋，兩款都有唔同嘅辣度可以比大家選擇，兩碗火鍋配料方面相當足夠，除左牛肉片同羊肉片既分別之外，基本上娃娃，米血糕，甜不辣，魚蛋等等都全部有齊，相信鋪頭方面募求做到用火鍋配料裝湯底溢出既效果，除左基本配料之外，佢地都有格外火鍋食品供應，客人可以因應自己唔同喜好作出選擇我地就叫左一份麻辣臭豆腐，同埋蜜味台灣腸，遠遠就能夠聞到既臭豆腐味，加上麻辣口感，外脆內軟，中意食臭豆腐既人一定要點外皮沾滿蜜糖味既台灣腸，同我響台灣食既味道一樣，滿足你響貴店都可以享受台灣風味貴公司對客人醬汁方面嘅配搭都照顧得非常周到佢地設計左醬油完美比例圖表，等客人可以品嚐美食到最佳口感貴店既飲品采用左獨立包裝，除左有傳統台式飲料風格，亦都非常清潔衛生。整體來說 價錢合理，食物優質，清潔整齊，喜歡台灣美食既人一定要黎試下

八號風球後的上班日，天氣還是陰陰沈沈下大雨，同意建議去食臭臭鍋，原來是一人一鍋，非常適合為我在這天氣下驅寒！原來這間臭臭鍋來自台灣，在中港台都有分店。午餐都是$88，包一個鍋+白飯/粉絲+飲品，價錢都ok。鍋有九款可選，有辣有不辣，每款的餸有少許不同，同事叫左招牌臭臭鍋，可以揀不辣至大辣，果然係有些「臭味」，哈哈！有點似臭豆腐咁囉！至於麻辣鍋（小辣），我試咗一啖湯底，辣嘅程度可接受，都有幾香嘅麻辣味。另一個同事叫藥膳羊肉鍋，藥膳味好香，感覺有啲似肉骨茶，又偷食左佢一舊羊肉，帶點羊膻味，不錯不錯！我就要芝士牛奶鍋，黃黃白白嘅湯底有濃郁嘅芝士味，幾鍾意呢個湯底。啲餸離不開是丸類、菇類，感覺都幾似打邊爐，呢個鍋本身有少少烏冬，再加埋套餐裏面嘅粉絲，開頭覺得粉絲份量不多，但食晒成個鍋之後係飽到上心口。餐飲本身係泡沫紅茶或抹香綠茶，但可加$7轉$30以下嘅飲品。見佢有個人氣推介叫做「盆栽奶茶」，貪得意試吓，原來係有好多Oreo朱古力碎碎喺面頭，因為好似泥土所以叫做盆栽，味道都OK啦！佢仲有其他鍋我都想試，例如沙茶牛肉鍋、蕃茄白豚鍋等等，有機會再嚟先！

呢間餐廳位於銅鑼灣，位置都好易揾，約咗朋友大概7點食，可能係平日關係，去到都唔需要等位，好快就入到去。不過我見之後都好快full，睇黎都幾受歡迎！我地叫咗一人一鍋，都叫唔同嘅，可以試下share xd 仲叫咗幾款小食。香蒜牛肉鍋未食已經聞到好香蒜味，入面嘅牛肉都好足料，唔會得一兩塊，仲有好多配料，例如蟹籽丸、牛丸等等，下面有勁多娃娃菜墊底，索曬啲蒜味，正！芝士牛奶鍋有位朋友叫呢樣，個鍋偏向日式，但都絕對唔馬虎，芝士味好濃郁，如果係芝士愛好者應該會好滿意！沙茶牛肉鍋另外一位朋友order，入面有啲特別嘅材料，例如米血糕、甜不辣等，好似都係d好台式嘅材料！所有套餐都係$112，包一個鍋同飯/粉絲，亦可以加$12升級至滷肉飯！鹽酥雞我地加咗啲小食，因為去唔到台灣，唯有食住先解下相思之苦😂味道雖然唔算好正宗，但都好香口好好味！古法秘製臭豆腐個人都好鍾意食臭豆腐，佢離遠都聞到臭味，但會食上癮！佢比較特別係，外層唔係炸，同傳統嘅臭豆腐有少少唔同！茉香綠茶有好多台式飲品選擇！佢地比選擇走甜/少甜，幾貼心~~總括而言，呢間餐廳嘅台式火鍋幾多花款，而且質素都唔錯，同朋友一齊一人一鍋就正啦！餐牌：

台灣人氣火鍋進駐香港 非常懷念臭臭鍋 竟然可以喺香港食到這種傳統的味道 真是幸福有九種火鍋湯底選擇 我當然係揀店內最人氣嘅招牌臭臭鍋啦 是一個套餐形式的選擇 先選鍋底 再選擇飯或者粉絲$112我中配料包括 娃娃菜,白豚肉,臭豆腐,台式貢丸,米血糕, 大腸,豬紅,沙白,鵪鶉蛋, 番茄,榨菜絲,韭菜,金菇,鳴門卷,炸支竹,粉絲米血糕是傳統台灣美食 由糯米和動物的血製成的食物 口感煙韌 相當有趙口沙白雖然細細隻 但係勝在非常鮮甜 而且冇沙 有淡淡嘅海水味豬紅吸收曬湯底嘅味道 好入味 好滑好軟熟打邊爐又點少得肥牛呢 另外追加咗一碟肥牛 色澤紅潤夠新鮮 好重牛味 雪花分佈均勻 肉質唔嚡口小食方面點咗非常有台灣特色嘅鹽酥雞 是即叫即炸的 熱辣辣非常香脆可口 炸得啱啱好 肉質依然帶有水份柑桔檸檬梳打 夠解渴 而且透心涼 酸酸味味好開胃 打邊爐來一點有氣的飲品好舒服火鍋醬汁配料 有蒜泥醬,沙茶醬,豆瓣醬... 隨個人喜好自由配搭 超喜歡蒜泥醬 夠重口味店內環境乾淨企理 嘆住冷氣打邊爐 確實人生一大樂事 而且仲有梳化位置提供 坐得夠舒服 店內職員殷勤有禮 下次必定再來光顧

呢晚去嘅8鍋臭臭鍋位於銅鑼灣謝斐道，主打台式一人一鍋，有成九種唔同嘅湯底，實有一款啱你。鍋物$112一鍋，味道唔錯，材料好豐富，一定食得飽。跟餐配飯／粉絲，亦可以加$12改配滷肉飯，大碗、好食！另外呢到亦有一般嘅台灣飲品，大概$30一杯🥤火鍋少不了就係豉油，呢到建議客人可以用三匙豆瓣醬/沙茶醬、兩匙豉油、一匙蒜蓉，用呢個完美比例調配出醬汁。跟住佢咁溝，的確又幾惹味！唯一一個比較煩嘅位就係佢哋嘅蠟膏比較快燒晒，成日都要侍應過嚟補，好彩嘅係侍應反應都好快😋芝士牛奶鍋（$112）娃娃菜、白豚肉、日本南瓜、心型魚豆腐、台灣貢丸、麻吉燒、沙白、香菇、蟹柳、金針菇、炸枝竹、鳴門卷、雞蛋、烏冬、芝士片、蛋餃個人覺得自己食嘅呢個芝士牛奶鍋味道好香濃，配料亦都係我鍾意嘅！尤其是麻吉燒！沙茶牛肉鍋（$112）娃娃菜、牛肉片、米血糕、牛丸、心型魚豆腐、沙白、粟米、金針菇、炸枝竹、粉絲、鳴門卷、花枝丸、番茄、甜不辣、青豆角香蒜牛肉鍋（$112）娃娃菜、牛肉片、蟹籽丸、米血糕、甜不辣、牛丸、凍豆腐、粟米、金針菇、炸枝竹、粉絲、沙白、鳴門卷、翡翠魚豆腐、番茄粉絲／滷肉飯（跟餐）（滷肉飯 +$12）古法秘製臭豆腐（

邊個話一個人唔可以打邊爐㗎 呢間餐廳就係 食一人火鍋 以台式食物及飲品為主打由於今日時間尚早 依然好多空座位 想坐邊就坐邊 睇下個menu先 有九個鍋底選擇 每個鍋底都充滿特色 鍋中配料亦都有詳細列明餐廳還有台式飲品和台式小食堤供 火鍋配料亦可以加錢追加本人是牛肉愛好者 二話不說就揀咗香蒜牛肉鍋喺等待食物來臨嘅過程中 先混醬汁 鍋中配料包括娃娃菜，牛肉片，蟹子丸，甜不辣，牛丸，凍豆腐，粟米，金針菇，炸枝竹， 粉絲，沙白，鳴門卷，魚豆腐，蕃茄凡點選鍋物 可跟飯或者粉絲 其實真係覺得呢個做法唔錯 一人一鍋 鍋中嘅配料非常多樣化 每樣有少少 可以滿足人們貪心嘅慾望個湯底非常夠味 配料有肉有菜 而且有好濃沃嘅蒜香味 啲粉絲吸曬湯底嘅味道 超正牛肉質素唔差喎 雖然薄薄地 但係肉味好濃 而且肉質夠淋炎炎夏日打邊爐 真係唔係個個頂得順 叫返杯透心涼嘅綠茶解解渴 飲唔曬嘅話仲可以帶走拎住飲

I’m from Taiwan and I’ve been looking for the hotpot for one which is available every corner in Taiwan but not here Authentic Taiwanese hotpot and love their 沙茶sauce!!! Which obviously is made in house!I can finally have Taiwanese hotpot by myself and any time I want!!

: 係我最近食過最高CP 值嘅lunch set! 喺銅鑼灣晏晝唔知食咩好？推介大家試下8鍋臭臭鍋嘅lunch set 88蚊就可以包一杯嘢飲+一個臭臭鍋+一碗飯或者粉絲 認真抵到爛●番茄豚肉鍋($88)●濃濃番茄味💕😍😍茄迷必點!!!比較重茄膏味 酸酸甜甜咁~好開胃😍😆😆要讚嘅係佢嘅團藥分量好慷慨！有成5大片😋再加埋粟米豆腐冬菇秀珍菇等等嘅配料。。。飽到上心口~ 正！🐷🐷🐷●沙茶牛肉鍋($88)●重台式風味嘅沙茶牛肉湯底~😆沙茶味同樣好重 牛肉份量亦都非常之多👍👍由於我唔食牛嘅關係就幫唔到大家試啦😫😫 配菜亦較多台式小食例如米血糕 鍾意台灣味道嘅朋友必嗌！😆🐷🐷🐷●盆栽奶茶($30)●叫lunch set嘅話加7蚊就可以試到呢杯原價30蚊嘅特飲~雖然話係奶茶 但係一啲都飲唔到奶茶味 反而似係阿華田+朱古力+oreo餅碎嘅嘢飲😅😂😂好啱我呢種又唔飲咖啡又唔飲奶茶嘅小朋友口味人士😂😂😆💭💭💭好味(8/⑩)抵食 (9/⑩)

記得同屋企人一餐好開心。好窩心。嗰日同媽咪試下呢間臺式嘅火鍋店因為可以一路打甂爐真係唔錯幾過癮。最緊要係無限時可以慢慢食嘢傾下偈。我自己覺得性價比唔錯。你一共有八款嘅唔同火鍋介紹而且佢哋招牌臭臭鍋。我媽咪比較鍾意食粉絲同埋佢哋嘅臭豆腐。我自己就比較鍾意沙茶牛肉回歸。因為佢哋嘅沙茶醬唔太辣好有味道。而且係牛肉新鮮嫩滑。非常有肉味香滑。等咗唔夠十分鐘兩個窩已經上臺我發覺用料非常豐富吸引。味道濃郁好可愛加上芫茜。😊

臭臭鍋岩岩開個陣已經好多人食之前食左招牌臭臭鍋同芝士牛奶鍋今日特登約埋朋友黎食多次試下其埋其他湯低臭臭鍋每鍋到一人既份量,有9款鍋物選擇,好似間唔中到有轉過其他湯底,另外每鍋有跟埋白飯/粉絲,一個人食哂一鍋到應該夠哂飽今次簡左個臺式麻辣鍋(中辣), 麻辣鍋到幾濃味, 鹹中帶辛香, 麻辣鍋最重當然要有鴨血同蜂巢豆腐, 豆腐氣孔細緻綿密，吸哂D湯汁,而鴨血唔腥仲好爽另外朋友叫左沙茶牛肉鍋, 湯底好香，配料一樣到係好足,同樣到係有好好食既蜂巢豆腐,牛肉配沙茶沙湯低真係好夾,牛肉到好嫩滑2個鍋到好好,下次再試埋其他先餐牌有教點整醬料，吾識整可以參考下

🔺8鍋臭臭鍋是日同朋友試左台式臭臭鍋😃銅鑼灣分店店面闊落 侍應係台灣美女 用國語幫我地點餐🗣.餐廳主售一人一鍋 有9款湯底任君選擇😆每款湯底配一碗白飯或者粉絲🙆🏻‍♀️仲會包一杯指定飲品🍹鍋料一上枱已經大半熟 唔洗等太耐就可以盡情享用🙌🏻.皇牌臭臭鍋🥘臭臭鍋對於唔太食得辣嘅朋友黎講剛剛好😃有臭豆腐、米血糕、豬大腸、鵪鶉蛋......鍾意食臭豆腐嘅朋友唔可以錯過👍🏻.藥膳羊肉鍋🐑藥膳味湯底濃郁👍🏻啱晒鍾意滋陰補陽既朋友仔🤗羊肉片肉質唔錯 膻味比藥材味蓋過 怕膻嘅唔洗擔心

是晚肚腩男收工相約佳人去飲野，經過銅鑼灣一欄拉麵旁竟然見到系尖沙咀食開既臭臭鍋，一於入去食返少少野long下肚先可能時間尚早店內尚有空位唔使排隊，仲洗諗啲乜？坐低真係乜都唔好諗叫番杯台飲，佢個招牌奶茶少甜真係幾滑幾好飲！再黎睇吓餐牌，尖沙咀店小弟已經食過好幾次，見到佢餐牌放大左圖既9號餐，台妹店員都誠意推介既沙嗲牛肉鍋，一於試下佢先！坐坐下叫完野食忽然見到全場爆滿，等餐都等左一段時間，最好就係玩下個調味架混下醬先！好喇，沙茶鍋初嘗試，基本上佢配料同麻辣鍋差唔多，係一個大雜燴，材料豐富。哩個鍋既主打肉係牛肉，份量都好充足。佢個沙茶唔算好濃，不過好香，食落唔覺油膩！另外叫左個經典臭臭鍋小辣，洋溢住臭味同沙茶鍋成為有趣既對比，但係卻同樣地令人口水直流！配料上有少少唔同，用上台灣傳統嘅豬血糕，主打肉變左豬肉片，再滾住臭豆腐，其實哩個配搭真係好襯！跟餐還可以選擇配飯或粉絲，基本上一份餐係巳足夠填滿一名成年男子嘅肚，十分滿足！ 總結銅鑼灣8鍋新店相比起尖沙咀老店服務更貼心，食物水準亦係保持到一致性。晚餐價錢實惠係物超所值！小弟會較喜歡傳統經典臭臭鍋。一人一鍋自己滾自己唔洗爭，最重要食完行到出黎攬住