8鍋臭臭鍋 (謝斐道) (已結業)

今日喺銅鑼灣見客，嚟咗一人一鍋火鍋店食。由於我唔係幾想食辣野所以我叫咗一個我蒜香牛肉鍋，雖然都幾重口味不過健康少少唔好食咁多辣野。 幾鍾意嚟呢間食係因為佢哋湯底有好多款，除咗麻辣鍋之外仲有咖喱鍋啦，芝士鍋蕃茄鍋等等。多口味之餘價錢都幾平$88。特別推介嘅係一定要加$7轉佢哋做滷肉飯，滷肉飯大大碗，上邊仲有超多肥膏同埋瘦肉，半肥胖瘦超滋味。嘢飲嘅話我就叫咗黑糖薑母茶，冇得轉甜度雖然有少少甜不過呢飲呢啲薑茶喉嚨都幾舒服。另外都加咗一個安格斯牛肉，$98但係牛肉質素幾好好重牛味仲有啲雪花。