27 Kebab House Turkish Restaurant (赫德道)

營業中

休息中

衆裏尋它幾條街,那店就在街尾欄柵處,後疫情再來,breakfast工作前吃早餐,不幸就嚟到,遙看見外藉Chef/Shop Owner胖胖大廚行開（可能去交水費）？只剩下1個店員,可能趁早上只有1,2個客人？！（有客已經很好）沿途由街頭,見到有d店連1個客人都無？！市民消費卷己耗盡？！經濟復甦緩慢,市道仍疲弱？！既然大廚行開咗?我怎麼辦好?是不是要掉頭走？附近餐店又未吃過,唔知好唔好？🤔硬着頭皮前去,希望大廚儘快回來,先向外藉女店員下單點了$65Mix Beef chicken doner roll with soft drink(lunch set),女店員她看來疲憊很累tire ! 要知道它們營業時間由早上10：00am-11:00pm,00-06am,試想像萬一夜班沒有人番,他們隨時直踩只睡3,4小時甚至no sleep也不出奇?!TST附近有間更是24hours open! OMG! 這真是血汗錢！好彩剛下單坐下不久,開始多番2,3個男客人,未幾食神（大廚）😁歸位！坐定定等食！胖胖的大廚仍像從前不拘小節衣著樸實,仍然喜歡穿casual T-shirt,仍然默默堅守岡位繼續用心做卡

【異國風情！土耳其經典街頭小食🇹🇷 Döner kebab ‧ 土耳其旋轉烤肉卷🌯】#MC帶你去尖沙咀Döner kebab 發源於土耳其🇹🇷並且流傳到世界各地，所以不同國家都有形形色色嘅土耳其旋轉烤肉。土耳其旋轉烤肉就喺從旋轉串子一片一片切下來嘅烤肉。多數餡料可以揀牛肉🥩、雞肉🍗、羊肉，豬肉就相對好少，始終土耳其喺回教國家。今次就試咗依間喺尖沙咀嘅「27 Kebab House Turkish Restaurant」😜 .🌯Beef Doner Roll 轉轉燒牛肉卷 $60今次嗌咗牛肉卷，可以揀辣度或者唔辣，我就揀咗小辣。燒牛肉食落唔會太韌，有少少焦香。外皮軟熟熱辣辣，餡料除咗燒牛肉之外，仲有生菜絲🥬、洋蔥🧅、蕃茄🍅同埋千島醬，每一淡都超豐富😋 生菜、洋蔥嘅清脆爽口加上牛味濃郁帶啲啲辛辣嘅燒牛肉，口感十分豐富🤤 醬汁一啲都唔吝嗇，每一淡都好Juicy 多汁💦食落無得口乾。⚡️ 烤肉卷建議多多少少都嗌辣🌶️因為醬汁比較多而且偏甜，加左辣之後，會平衡返個味，又會令牛味突出啲（特別如果嗌羊肉的話，羊羶味會無咁重）.️⭐整體︰7.5/10⭐食物︰8.0/10⭐環境︰6.5/10⭐價錢︰7.5

舖頭座位唔多，約十個，但好岩打工仔lunch time過黎買外賣，價格係尖沙咀黎講屬於一般，唔建議由好遠特登過黎食。 Beef Doner w/rice Or Chips $70轉轉燒牛肉配白飯 $70牛肉有少少羶味但香口，配上舖頭特別風味既三色醬會好好食，當中配薄荷醬最為出色

唔食唔覺原來食左幾年依舊保持一貫水準。薯條+肉+沙律，熱辣辣最鍾意薯條，因為大條又即炸，比老麥好食。羊肉唔係人人岩，不過冬天食正呀。不過好多人睇餐牌好似唔知可以咁叫貼番張相share 下，其實都幾健康尤其夜晚食，附近酒吧有歌有波正

尖沙咀餐廳選擇多但係每次諗唔到食咩又想快靚正就一定會諗起呢間餐廳佢絕對係lunch或者飲完酒之後宵夜嘅好選擇kebab嘅味道每一次食都好似返咗去土耳其咁而且性價比來講算幾高而且等候時間唔長仲非常之足料如果堂食嘅話記住點醬汁食味道會更加豐富

端午節同老友出街happy,當然先嚟果特色午餐先喇😋​味道真心講整體都好ok，由其3款招牌醬勁好味。唯獨個咖哩d雞肉少得可憐，得兩三塊碎雞，配料都冇囉，差不多70蚊，超唔抵食😅希望店主改善份量問題。而且店舖溫度實在太熱，冷氣唔夠，夏天lunch真係唔太建議，熱死

27 Kebab House Turkish Restaurant🕍📍 尖沙咀赫德道2B號首邦行地下1號鋪⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈而家疫情期間， 好多餐廳一早已經收左工，夜晚肚餓，想買個外賣都唔得😮‍💨，最近小編發現左呢間土耳其菜式既餐廳，仲要開得好夜😬。雖然本身對土耳其菜式都冇咩興趣，但見到最熟悉既pizza ,就立即比錢😂。 個pizza 係雞肉 既， $49 一件 ，但食落口又覺得唔錯喎😯，味道會有驚喜。整體推介指數 ：❤️❤️❤️🤍🤍🧸如果鐘意小編既介紹，請即Follow IG: @foodlog2021 😘 之後再㩒下右上角個🔔, 小編定期會為你送上最新資訊☺️謝謝支持。⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈⚈

一直都係kebab fans，好愛呢類捲類的物，裡面夾雞肉或牛肉都好食!呢間喺中環SOHO食過，今日過黎尖沙咀食個late lunch，呢個輕食係好選擇。裡面燈光比較昏暗，但都幾多位可以坐。點了個chicken doner roll，$50 一個捲加野飲。**Chicken Doner Roll* $50雞肉爆多！每啖都係雞肉，重點係唔會有雞皮同肥肉部分，裡面仲有蕃茄、生菜平衡返，好清新。我叫左少辣，但完全食唔到辣味，可能下次可以叫中辣。最欣賞係餅皮部分，好薄，唔係pita bread有咬口嗰隻，不過同餡一樣好夾。店員捲得好實，食落好方便，完全唔會狼狽。

早幾日喺IG見到自己follow嘅營養師/pt介紹尖沙咀呢一間kebab見到營養師計埋卡路里都只不過大約四百幾卡路里 而且我自己本身又好鍾意食皮包住肉嘅野 就膽粗粗一試！原本冇諗住叫薯條但係當日實在太肚餓 所以加左！由於我係foodPanda再送過嚟公司所以見到薯條包住喺個卷入邊 有小小嚇親😆原本以為係另上架嘛 不過唔緊要 我都係志在食到薯條🍟成個卷大致上係唔差嘅 雞肉都好瘦冇乜肥膏 因為以前喺出邊食過一啲雞肉連埋肥膏 個人本來唔太食肥膏😷不過略嫌佢有啲過油😭😭 同埋個皮包得唔實 可能因為太多肉又有薯條？所以一路食一路跌 不過整體都OK滿意下次試吓直接叫外賣 唔foodpanda 睇吓有冇分別先

Kebab 唔算常食，不過其實間中就會想食下呢類野食，或者特別d既菜式好似中東菜等等。之前食都係食最多分店最常見果間，但係尋晚就見到呢個小店好似好多當地人食。喺外地開既店，多當地人食，覺得好唔好食係睇口味，但味道應該點都有當地既特色。我地只係叫左一個牛肉雞肉混合既doner，因為呢個只係我地晚餐既一部分。走左洋蔥，因為生洋蔥食完個口成陣味。叫左小辣，希望佢唔會太辣。等左一陣就黎，Doner熱辣辣，熱到掂都掂唔到。聞到香料味夠勁，又有幾種醬汁可以加，等佢涼等到流哂口水。佢唔算好大份，唔會一份有手臂咁長咁誇張。但係個份量岩岩好，肉夠多同均勻，醬汁都好好咁分布哂喺成個doner度，每一啖都夠味，每一啖都好好味。而且肉夠嫩，成個doner入面既肉都唔會韌。加上佢既調味好夠，夠咸夠香，肉汁同醬汁好好咁混埋一齊。少辣，可能會少d辣醬，但確實係mild既香辛，唔會辣。以後食kebab doner呢d就食呢間，因為係我喺香港食過最好食既doner。最後仲叫左經典土耳其小食，細細地一件四方形開心果酥。完全係expect既味道，哈哈。好甜，但幾香，不過真係好甜，要配茶或者咖啡。

話說一家5口去尖沙咀行下，見到有我同我老公最中意食嘅土耳奇捲餅，所以就停低黎食啦。舖頭比較細，但好快已經塞滿人。老公食左呢個印度雞肉炒飯，佢讚左3次好味。飯粒爽身，好香嘅香料味，辣味剛剛好，食到人停唔到口。我d女就食牛肉捲餅，我d女少食肉都話好食，牛肉有燒烤過嘅香味，入面仲有好多特色醬料，太惹味了。芒果Lassi 好香芒果味，小朋友好中意飲，食完老公個印度雞肉炒飯用黎解辣一流。希望下次會再黎食啦

經過門外，就已經聞到香濃嘅烤肉味，就即刻想入去試下啦。店內坐位好少，只可以坐到十幾人，入去時剛好有兩個人起身，就即刻坐咗落去，唔使等位。餐牌選擇好多，有捲餅、沙律、炒飯、薯條、PIZZA等等，最後叫咗一個咖喱羊肉飯，同埋轉轉燒雞肉沙律。咖喱羊肉非常香濃，香料亦都好惹味，羊肉軟身入味，送飯一流！而轉轉雞肉沙律，非常清新，配搭佢嘅醬料，酸酸甜甜，十分開胃。而且雞肉好香，仲帶肉汁，唔算好乾身，好味！今次揀咗近門口嘅座位，食完都唔會成身香料味！

It’s a little hot during the summer as the store is wide open. But the mix doner with chips is something I crave constantly from here. It reminds me of when I was back in school in the UK. Cheap and filling comfort food during my lunch breaks. They also provide a lot of sauce.

有次友人進去重慶大廈的時候，竟然拿取了外籍人士店員派的介紹/優惠咭😒，於是，便有10名、8名外籍人士追隨着，就好像外地明星在機場到臨😳，那些愚癡的粉絲追隨明星一般，引起騷動，場面不堪，立馬火速離開。😕這個羊肉丸，煮到一粒粒好像免治羊肉的狀態，然之後又煎到面頭香脆，內裏的肉味濃郁，但又不算非常之羶的味道。底下可舖上薯條，讓上面的肉汁滴落去，還有青、紅、白醬任君怒加，嫌酸可加甜，再加辣薯條夠粗夠脆，香口熱燙，甚為美味友人的咖喱比較快來到，看起上來，也是細細碟，份量不算特別多，而且Pita bread的份量亦都偏向少，薄薄的，二摺為一，麥味不算特別香濃，麵粉味道亦都不怎麼特別，普普通通。mango lassi的味道亦都比較濃香，雖然這兒的芒果不算像深水埗那間那麼濃，但是喝至最底，亦都沒覺得被冰粒溶化因而淡化了飲料，因此味道也挺不錯。這baklava甜品，看上來就是一件細細件的四方形酥餅，本來以為應該會好像細細件的西餅那般🤔，豈料原來非常之軟林，頂上的酥皮，都充滿焦糖的味道，連我平日喜歡吃甜東西，都覺得這偏向甜。始終因為環境是位處於酒吧地區附近一帶，因此附近有時都幾多人客經過，又或是外籍人士路

Fresh, delicious and quick delivery. good falafel and crunchy salads. totally recommend.Prices could be a little lower, though.