2+2 Café (已結業)

初黎報到大家好!2015年新開始 , 第一餐點都要食得好既 , 所以自助餐係不二之選.係網上不停咁search, 比我搵到2+2 cafe係有齊龍蝦和生蠔, 當然第一時間走去食.可能係星期五關係 , 當晚都幾多人 , 入坐後立即搵食! 講返啲食物先 , 龍蝦新鮮 , 肉質爽口 , 夠凍 , refill 得快!生蠔肥美, 新鮮 , 食得好滿足熱盤甜品亦有水準, 好食, 抵食...waiter手腳很快, 沒有攪到一枱面都係碟無收, 抵讚!成晚食唔停, 到最後飽到郁唔到!!

早前跟朋友到過「2+2」，上次主題是馬來西亞菜，感覺不錯。今次又帶朋友再次品嚐，而今次的主題則是最近大熱，紅噹噹的波士頓龍蝦。今次再來「2+2」，發現一進門口原本放甜品的地方空置了，把雪糕和甜品都放進入面，擺放的地方都變得有點不同。起初以為會有點迫，不過發現碟數又差不多，原來把食物的轉換次數轉密，所以最後食物的款式都是同樣的多，沒有太大影響。但門口空置的地方有點浪費，期待餐廳盡快有新安排。除了轉換食物的地方外，我看到一排列色彩奪目的食具，由原本傳統銀色的不鏽鋼盤子變成燈色，藍色的法國鐵鑄鍋，色彩豐富、設計新穎，感覺截然不同，不過每次提起都有點重。介紹完裝修擺設之外，終於來到食物的部份了。生蠔一定是每次自助餐回本食物之一。今次是美國太平洋的生蠔，雖然味道不是太濃郁，體型又比較少，但勝在肉質爽口。海鮮區內品種選擇非常多，有翡翠螺、蝦、長腳蟹、青口和當晚的主角波士頓龍蝦，長腳蟹肉質爽甜，蝦也爽口，可惜波士頓龍蝦肉質稍為結實和韌身。刺身都是三文魚，吞拿魚，沒有太大驚喜。反而在壽司方面有驚喜，龍蝦魚籽腐皮壽司，外層的腐皮味道甜甜的盛蛓著爽口的龍蝦肉和有咬口的魚籽，口感不錯，另外三文魚魚籽壽司和芒

第一次試寫食評，文筆唔算通順及無影相請多多見諒龍蝦係我最鐘意食既其中一樣海鮮，所以知道2+2 cafe做龍蝦主題自助餐點都想試一試。一坐底第一時間去搵龍蝦啦，龍蝦放置在不太當眼的位置，如果能放置當眼位感覺會更美好。可能當晚人數不算太多，一大盤冰盘在中間放置數隻，我第一時間攞兩隻返位食先，手快有手慢無嘛。一返到坐位就開餐，龍蝦好新鮮好好味又夠彈牙，兩隻當然唔夠所以再出去，因為同行朋友講已經龍蝦再返貨，成晚一路食其他野一路都有龍蝦唔會話要等要排好耐先有，唔錯唔錯。今次比我想像中好好多，抵食比足料！

今個月饭局特別多，今天约左朋友喺沙田食buffet. 原來有龍蝦，蠔任食。龍蝦正 ，蠔有大有小不過淡小小，沒有海水味。不過D熱食都幾好，乳鸽皮很脆，糯米饭好味，啲串燒都ok！

見openrice有優惠，就訂左位今晚去食。 一入到去見到好多野食 ,第一時間去攞生蠔同長腳蟹！生蠔每次只可拎三隻，外型細小，但係即開，好新鮮！又唔太腥，我平時好怕食生蠔 ，但今次都食得落口：）仲有任食波士頓龍蝦都好正～唔似其他酒店buffet咁雪到冇哂味。好整齊好乾淨三文魚刺身好肥味都幾新鮮見到有Parma ham 都是我的至愛.熟食有好多選擇 三款卷物:加洲卷, 牛油果松葉蟹肉芒果卷, 鵝肝壽司:原條澳洲肉眼牛排,烤有骨豬脾.仲有即燒燒物(豚肉串,西冷串,金菇煙肉卷串,雞腿肉大蔥串…)(扇貝,秋刀魚…)(白菌,秋葵,日本青椒仔…)等等熱辣辣的唔錯 。另外特色熱食:日式清酒煮大蜆, 關東味噌蒸三文魚頭, 鰻魚汁照燒魷魚, 名古屋手羽先, 日式照燒春雞,照燒香葱豚肉卷, 香煎蒜片牛肉粒, 碧綠帶子明蝦球數之不盡.甜品方面都算OK,日本3.6牛奶布甸, 日式杏仁豆腐布甸, 迷你北海道牛奶撻, 日本富士北海道紅豆抹茶拿破崙, 日式芥辣芝士餅,蘋果批,朱古力喷泉有豆腐花, Haagen-Dazs雪糕有六款口味 .整體而言，食物水準都幾好，賣相都好靚，增加食慾,而食物選擇都算幾多,質素在預期之

每年聖誕節總是忍不住到處搵食。今年選擇了2+2 CAFÉ 食Lunch buffet，因為三個懶女人沒有人記得訂位，聖誕節當天打去2+2 Café 竟然有位置。訂了十二點，準時到還是要排一下隊。現場不是很full，心想是不是中伏了。地方不是很大，所以食物種類都沒有很多。第一輪當然是要食海鮮，有點失望因為只有蝦、螺及賴尿蝦。 賴尿蝦素來不是我杯茶，所以就算了。於是惟有食多兩轉魚生。有八爪魚、三文魚同鯛魚，沒有特別。反而湯品及甜品有驚喜，湯方面有兩款，中湯是人參雞湯，超級有人參味。而西湯是則沒有特別就沒有影相了。甜品有很多款，更有聖誕裝飾，只是看已經開心，味道亦不馬虎。其中有個朱古力味樹木型蛋榚最為突出，有樣有內涵，Mosse 勁滑，朱古力味超濃，而且不是cheap 朱古力味。 其實是不是我要求太低，哈哈!總括來說，熟食海鮮和甜品根本不是同一個層次。我沒有試很多肉食，因為朋友說所有肉類都硬的咬不開。甜品就相當有驚喜。但前一天都可以訂到座已經很開心了，每人平均二百多，亦唔算貴。難得的是可以和朋友聚頭，感受耶誕的氣氛。

雖然個人而言，都幾鍾意食自助餐，因為一次過由冷盤，大菜，甜品可以想試乜就試乜，想食幾多就幾多，完全唔使太多顧慮，不過，老婆「詐型」話我次次食自助餐都暴食暴飲，所以，都食少咗好多，下午茶自助餐更好耐無食添。今次，就趁過新年前嚟個最後一擊下午茶自助餐，帝都酒店嘅2+2 Café做緊主題「香芒燕會」下午茶自助餐，芒果一向啱晒小弟！其實，本身幾鍾意食下午茶自勝餐，因為可以一餐頂三餐，通常有打算食下午茶自助餐時，早餐就會食晏啲，之後就一次過當晒午餐、下午茶及晚餐，再者，又以下午茶自助餐定價做得平易近人呢！咪以為2+2 Café得入門口咁細，隔條扶手電梯另一邊仲有個用餐區，地方頗闊落，而大部份食物都放晒晌依邊，分咗多個區域，由沙律、麵包、餐湯、冷盤、凍海鮮、魚生、熱盤、粉麵檔、即製薄餅、串燒、咖喱、酥餅、甜品……，一應俱全。你話喺唔喺當埋午餐、晚餐都得呢！沙律、冷盤、凍海鮮小弟食自助餐有個慣性，就喺「沙律先食」，因為真喺幫助到消化、開胃，可以食多好多嘢。沙律吧及預製沙律分開咗兩邊擺，感覺有少許唔方便，不過，選擇唔少，一定可以組合到美味嘅心水沙律。此外，我又鍾意晌沙律之上加啲冷盤、凍海鮮，添加沙律滋

之前去了2+2吃過晚餐的自助餐，感覺也不是太差，後來看到了有香芒「燕」會下午茶時段，看圖片相當的吸引，就找朋友一起去試了。老樣子在大正門是放著甜品的地方，甜品的款式也相當多，如果想大吃甜品的話挑下午茶時段來可以省不少的錢，不過這不會是我，我要吃生蠔（笑）。雖然是在中段時間拍照，不過生果擺放得還很整齊，應該沒有人把梨拿回座位再帶走吧？ 順手掂了幾顆爆谷來吃，雖然不及戲院的香和甜（真不知道是不是下了罌粟），但起碼是正常水準。另外雪糕是鳥巢牌，作為哈根大師的我當然不會紆尊降貴了。進入主戰場，食品款式當然不能和晚餐相比，價錢關係冷盤的海鮮自然成為開刀對象，改成一些涼拌菜。沙律菜就基本都留下來了。熱食的款式當然也減了而且也變成簡單的菜式，不過晚市好像沒有粥的選項，粉麵檔和串燒檔仍然會為大家密密煮密密燒的。酒店的下午茶一般都是吃批和撻還有麵包，這裡當然也不會少，款式大概有十款左有。最大的驚喜是自製窩夫了，我還是第一次玩這台機呢。巡視過後就開始食東西了，最先拿一些酥餅來吃。這兩款酥餅放涼了是肯定的了，酥皮也因此變得結實，其餡料也過甜了點，感覺不好。Pizza就餡料豐富，芝士量不少，餅皮則比較硬身，不

由小到大，每每提起自助餐，我都會十分雀躍。因為，一個價錢就可以自由自在地盡情享用琳瑯滿目的美食，偶爾一次，實在快樂。吃自助餐，大多時候都在維港兩岸。這次我卻來到帝都酒店的 2+2 Café，他們推出「嚐盡．馬來西亞真滋味．自助晚餐」，多款美拉馬食都幾吸引，當然也有生蠔等豐富的各國食品。今次自助餐的重點，自然是馬來西亞特色美食。除了港人耳熟能詳的肉骨茶、喇沙、傳統拉茶、串燒，還有椰汁雞湯、炒辣蟹、蕉葉燒魚、酸辣魚、香烤三巴麵包雞等等，極具地方特色。就連沙律，都融入了馬拉色彩。　自助餐設有珍多冰專區，由客人自選水果配料。試了不少食品，香口惹味，平均水準不俗。當中，香噴噴的肉骨茶、清甜的燕窩南瓜忌廉湯、惹味而且鮮嫩的馬拉咖喱炒蟹，都是我推介的菜色。最難得是有芝士供應，身為一個芝士迷，所以我自然不會錯過。　回到國際戰線，同樣精彩。第一站，二話不說來到即開生蠔區「掃貨」。生蠔是美國蠔，不算很大隻，勝在新鮮爽口，帶淡淡海水味。這個區當然會再三地排隊！海鮮方面，有海蝦、瀨尿蝦、長腳蟹、翡翠螺、青口等等。整體夠新鮮，尤其喜歡肉質爽口的長腳蟹。反而另一邊的刺身，不算太出色。　熱盤方面，龍蝦伊麵以及燒牛肉

放工和好友於帝都酒店2+2 食x’mas buffet，餐廳以韓國菜作主打，有很多美食，有生蠔，芝士壽司、熟蝦壽司、泡菜飯糰、三文魚翅身、燒牛仔肉、燒青口、燒雞、燒扇貝、韓式海膽炒飯、韓式釀豆腐、汁燒排骨、汁燒牛仔骨、上湯娃娃菜、潮式紅腸、潮式腩肉、潮式牛肚、忌廉銀鱈魚、清蒸石班、煙三文魚、煙香腸、打邊爐(點了雲吞，貢丸、肥牛、豆腐卜和牛丸)樽裝可樂、香蕉雪糕、綠茶梳乎厘(略嫌太多水，未乾透) 、馬卡龍(稍嫌甜了一點) 、朱古力噴泉、黑森林蛋糕、椰子慕絲、朱古力慕絲、咖啡慕絲、法式什餅、Haagen Dazs朱古力和雲呢拿雪糕(還送上芝士焗龍蝦) ，食得超飽超盡興和開心

因為OPENRICE有75折COUPON, 價錢吸引. 所以決定黎試試蟹腳好味, 而且REFILL得好快.蝦同蠔都唔錯幾新鮮. 生蠔佢整得好快, 所以都唔駛點排除, 勁LIKE. 食食下侍應送黎龍蝦送, 原來仲有龍蝦送~ 賣相好靚, 味道不錯, 好鍾意佢個醬, 好多芝士呀YUMMY佢仲有HOTPOT, 不過時晚掛住食海鮮, 冇試到. 見到佢d蠔都幾肥美. 下次會再試下魚生個姐姐好好人, 平時個D好多目無表情咁地SERVE你, 但呢個呀姐見到我行過係立即好好禮貌咁問我想食D咩, 好親切呢~跟住試左尤魚蟹腳即叫即炒, 佢帶點SPICY幾好味, 見到隻蟹腳咁大隻已經流哂口水佢仲有一邊爐端燒, 有扇貝同扒, 我就試左扇貝. 都OK係我食左好多ROUND蟹腳同蠔之後, 開始去食甜品 甜品有haagen dazs雪糕~竟然有剥好既香蕉俾你加入去, 好好笑. 仲有夾糖部俾D小朋友夾糖, 呢個食好多間BUFFET都唔覺有呢D野, 又幾攪笑. 我立即夾左幾粒糖加落我D雪糕到..呵呵呵.. 佢仲有爆谷食.   其實甜品選擇好多, 好可惜我已經一早食到好飽WAKAKA, 椰汁糕推介~總括2+2 好多唔同種類

上星期日11月9日突然想食自助餐、即日訂到2人枱、晚上6點半去到2+2 cafe，當時被安排近門口似是臨時坐位、張枱超細、枱與枱之間好迫、後來要求調往旁邊其中一張正常吉枱。食物質素比上年差好多。人參雞湯、冇人參味、雞味都冇乜、似飲淸水少少。沙律唔新鮮，無乜沙律菜選擇，連沙律汁都無咩味，最奇怪是d 羅馬生菜是一棵切開4邊左右、但冇切菜頭成條上的、問侍応點解、佢答話而家興喎。今次自助餐有小打邊爐湯底另上、每人有半隻焗芝士小龍蝦。湯底無味、打邊爐d 料完全唔掂、唯有食菜、隻半邊龍蝦、頭大肉少、上面的焗芝士又咸到死。甜品方面，冇乜選擇、賣相唔吸引、味道一般！而雪糕之前有3款Pappagallo + 3款Haagen Dazs、而家只有 3款Haagen Dazs+ 3款普通雪糕, 縮左水,冇左Pappagallo !生果又冇乜選擇，得火龍果、西瓜同菠蘿。食得好不滿足、返到屋企，想煑面食添！服務又麻麻、冇人收碟..，期間，見到好多食客投訴。總結，今次完全失望！食物除生蠔之外，無乜可取！比起去年、質素差得遠矣。價錢同食品不成正比。

早兩日係openrice呢度搵左張coupon,就去左沙田呢間2+2試下個宵夜自助餐。以二百蚊呢個價錢黎講，食到既野都算超值！食物種類雖然唔算話多，都係生蠔、熟食、刺身、甜品，但係只要果日去過食自助餐既，都一定會大讚d生蠔，真係隻隻都大到手板禁大！值得一提既係果度整勞粉麵既師傅，佢地果碗粉好好味，湯底濃，拍得住出面d麵鋪！

之前同朋友去過幾次宵夜自助餐，每次都幾失望，因為食品款式都比較少，味道亦一般。今次朋友介紹話有生蠔食，佢話味道都唔差，同埋都有幾多唔同既食物揀，所以就同幾個朋友去試試。我地星期六晚10點多D去到，未坐滿，所以唔洗等位。一去到就緊係去拎生蠔先啦，見到已經有6,7個人排緊隊，不過唔算排好耐。咁我個人又對生蠔唔係好挑剔，只要夠鮮同乾淨就OK。拎果時酒店有服務員用濾水器過濾既水黎洗乾淨，所以食落去完全無沙，而且幾肥美同生鮮。食完生蠔就試下其他食物，我見都真係有成6、7款熱盤，又有凍蝦、田螺同生文魚刺身。推薦羊架，炸蠔同蠔餅。炸蠔配佢個蛋律黃沙醬非常美味。以上推薦既幾款我都拎左幾次，食完就已經飽左，不過既然依度特色係食生蠔，所以都拎多轉。第二次拎唔同左種（已經無咩人排隊，得番一兩個），依次細隻D，朋友話依隻鮮味D，不過我就鍾意肥D，依然好乾淨。跟住緊係食甜品，果度有個朱古力噴泉，3、4款蛋糕，Haagen Dazs同pappagallo雪榚（各有5、6款口味）。我偏好朱古力，所以食朱古力噴泉同蛋糕。果度有夾餅機可以自己試做，我朋友佢試左再加Haagen Dazs，好似幾正。我就費事煩，同埋已經好

「2+2」今次以馬來西亞為主題，剛進門口已經見到馬來西亞特飲珍多冰的專區，侍應即場替客人刨出碎冰，客人可以選擇喜款的配料，做出一款適合自己口味而又色彩繽紛的珍多冰，剛進門口已經感受到濃烈的馬來西亞氣氛，實在非常期待其他馬來西亞的特色美食。海鮮區內品種選擇非常多，有翡翠螺、東風螺、瀨尿蝦、蝦、長腳蟹及藍貝，最喜歡長腳蟹肉質爽甜，蝦也爽口，藍貝則肉質嫩滑。刺身區內有三文魚，吞拿魚，八爪魚，希靈魚，不過我只取了三文魚及吞拿魚，因為我還有更多其他美食想試。想試的其中一樣就是生蠔了，不過這裡沒有把名字寫出來都不知道產地，雖然體積細小，但帶有淡淡的海水味道，而且爽口鮮味。沙律方面我很喜歡馬來西亞雜菜沙律和鮮蝦海蜇米粉沙律，配料非常豐富，有鮮蝦，海蜇，而且色彩奪目，味道方面酸甜中帶點辣，配上爽口的鮮蝦海蜇，醒胃又美味。粉麵區有檳城喇沙湯和馬六甲椰汁雞湯兩款選擇，我選了馬六甲椰汁雞湯，可惜只有淡淡的椰子香味，完全沒有雞湯味，配料我選了蝦及貝類，賣相是很豐富的，可惜湯太淡了。熟食方面我試了馬拉咖喱炒蟹，馬來西亞黑果雞，東巴牛肉，魔鬼魚鰭，戈壁風沙雞，法國麵包蟹炆伊麵，即炒貴刁等等，非常豐富，而且很多款式