影片
港鐵銅鑼灣站 D4 出口, 步行約3分鐘
繼續閱讀
電話號碼
21111707
開飯介紹
裝潢靈感來自世界知名的登山勝地白馬，更設有戶外露天座位，讓客人體會當地居民和冒險者們所熱愛的Apres Ski居酒屋氛圍。
繼續閱讀
營業時間
今日營業
17:30 - 02:00
星期一至日
17:30 - 02:00
公眾假期前夕
17:30 - 03:00
以上資料只供參考, 請與餐廳確認詳情
有關獎賞計劃
相關文章
一踏入銅鑼灣536 Tower，真係好似搭𨋢嗰下已經穿越咗去第二個世界咁！個升降機大堂竟然可以間開一個咁嘅空間，完全係別有洞天，設計得幾有格調！今次試咗佢哋個二人前套餐，$650可以食勻十一道菜，聽落都幾抵。1️⃣前菜三點盛，極致滋味打響頭炮：芥辣八爪魚：啲Wasabi勁嗆口，攻鼻得嚟又好刺激，八爪魚口感幾爽脆，食落真係好過癮。炙燒北海道帆立貝：帆立貝表面輕輕用火槍燒過，帶點焦香，夾埋片檸檬，鮮甜味即刻出晒嚟。炙燒三文魚：半生熟嘅狀態啱啱好，口感超肥美，三文魚油嘅香味濃到化唔開，真係有入口即溶嘅感覺。2️⃣跟住係四款串燒，各有特色：溏心蛋豚肉卷：呢個一定要讚！個溏心蛋嘅「溏心」效果拿捏得非常之好，流心效果一流，蛋黃嘅香滑正好中和咗燒豚肉嘅油膩感，兩樣嘢加埋原來咁夾，👍🏻！紫蘇雞腿肉：用咗孜然、柚子同紫蘇葉去調味，個味道層次幾豐富。不過可能燒得比較耐咗少少，肉質食落有啲偏乾身。明太子山藥：山藥本身口感幾爽脆，配埋鹹香濃郁嘅明太子醬，味道出奇地平衡，唔會太寡又唔會太膩。金菇肥牛卷：經典嘢，用咗醬燒方式，外層嘅肥牛燒到有少少脆口；入面嘅金菇份量十足，成卷咬落口感好紮實。3️⃣食完串燒，就到逸品料理：唐揚炸豆腐：睇個樣平平無奇，但食落先知有料到！呢度啲炸物個脆皮真係做得幾出色，外脆內軟，舊豆腐滑到超級誇張😆，爭啲用筷子都夾唔起。簡簡單單點啲醬汁，已經令人好有記憶點。甜甜辣辣炸雞：我哋揀咗呢款，份量有成八嚿，感覺幾抵食😝！最欣賞係佢個炸漿做得好輕巧又脆身，唔會太厚；面頭嘅醬汁唔會過多，恰到好處，食落有陣陣蒜香，甜味之中慢慢滲出辣勁，呢個幾推介~4️⃣然後係兩款太卷：壽喜燒牛肉：牛肉配酸瓜呢個組合，基本上係不敗之作。值得欣賞嘅係佢哋啲牛肉都幾有質素，食得出濃郁嘅牛味。牛油果忌廉芝士：嘩！呢個真係不得了！一啖咬落去，成嚿Cream Cheese嘅濃滑感即刻爆發出嚟，超級Rich！正當你以為會好膩嘅時候，牛油果醬嗰種清新嘅質感就慢慢湧現，加埋爽脆嘅青瓜，嗰種層次感嘅轉換...… 🥹🥹🥹 大推！一定要試！5️⃣主食（2選1）：鰻魚炒飯：個炒飯底我幾鍾意，簡簡單單用蛋、蔥花同珍珠米炒成，飯粒分明，再配上味道濃郁嘅鰻魚汁。最欣賞係啲鰻魚俾得幾大塊，而且好完整，睇得出唔係用啲碎濕濕嘅鰻魚，呢份用心值得嘉許。6️⃣最後係甜品：吉士鯛魚燒：呢個要另外加$38，作為甜品收尾都唔錯。7️⃣飲品方面，佢哋啲Cocktail都幾有特色，我哋揀咗兩杯：松：呢杯係Whisky底，飲落竟然有淡淡嘅菇菌香氣，幾特別。山：呢杯個賣相真係無得輸，成個盆景咁，打卡一流！味道方面以紫蘇味為主，加埋青檸汁，幾清新。總括嚟講，呢餐真係食得好豐富，由環境到食物都充滿特色同驚喜，絕對值得一試！
繼續閱讀
朋友介紹話銅鑼灣喱到有間LOUNGE HAKUB好chill，喱日早早就收工，約埋FD一齊去hea 下~首先一入到去感覺LOUNGE HAKUBA環境都幾唔錯好，座位間距起碼唔細，可以享受到私人空間。背景音樂輕柔，令整個用餐體驗更添愉悅。佢哋嘅飲品選擇相當豐富，特別係各式各樣嘅cocktail。每款Cocktail都精心調配，口味獨特，值得一試！我哋叫咗個二人前套餐：芥辣八爪魚配上微辣嘅芥辣醬，幾開胃。北海道帆立貝同灸燒三文魚都係非常新鮮，令人驚喜。唐心蛋豚肉卷/紫蘇雞腿肉/明太子山藥/金菇肥牛卷串燒比較少食到明太子山藥，原來都幾好食架。明太子的香氣配搭清清既山藥非常合適，口感特別。蜜糖柚子雞翼雞翼外脆內嫩，蜜糖嘅甜味同柚子非常夾。壽喜燒牛肉卷/牛油果芝士卷比較鐘意牛油果香滑同芝士嘅搭配，口感層次分明，好食。壽喜燒牛肉烏冬保持到日式壽喜燒個種香氣，牛肉鮮嫩。烏龍茶牛奶布甸作為甜品，布甸滑順，搭配烏龍茶嘅香氣，好清新，推介!LOUNGE HAKUBA既出品大致都令我十分滿意，食物同飲品都豐富多樣，幾岩作為朋友CHILL住聚會既地方。
繼續閱讀
銅鑼灣出名多食肆，除咗大街大行嘅地舖，仲有好多商業大廈嘅樓上食店。今日相約朋友去到 tower535食日式fusion菜，叫了一客二人套餐六百幾有足11款食品。另外亦用餐廳提供嘅打骰盒，用打骰來決定飲乜。一杯粉紅色櫻花心心眼，夠晒搶鏡。另一杯酒濃郁配搭梅子酸甜提升芳香甘醇，放粒大塊冰保持冰感。前菜芥辣八爪魚、炙燒北海道帆立貝同三文魚，個人鍾意八爪魚有又咬口，味道加入了芥辣更加惹味。串燒食得多，但當中嘅「溏心蛋豚肉卷」印象未食過，溏心蛋嘅流質口感配搭醬汁豚肉係一個有趣嘅配搭，食落幾好味，印象唔錯。另外一款「明太子山藥」淮山爽爽地幾特別。「甜甜辣辣炸雞」，有點似韓式炸雞，外皮鬆脆，加埋甜辣醬汁，一件吃了有一件，停不了口。唐揚炸豆腐，簡單得嚟味道又唔錯，外皮唔算太脆，融合蘿蔔蓉口感有幾特別。「牛油果忌廉芝士」太卷，你個配搭又係另一驚喜之作，牛油果和忌廉本身都係creamy，組合來吃口感特別。「壽喜燒牛肉」太卷，相對上是常見食材，牛肉燒得幾香有少少肉汁，令太卷冇咁乾，好吃。甜品係吉士鯛魚燒配綠茶雪糕，即叫即做所以還熱哄哄，連雪糕一起吃一熱一凍，好食。晚餐體驗佳，價錢亦有較高性價比，所以整體感覺也不錯！
繼續閱讀
位於銅鑼灣的日式居酒屋。裝潢靈感來自世界知名的登山勝地白馬，更設有戶外露天座位，座位寬敞，用餐舒適很適合和朋友來小酙兩杯。.餐廳除了有日式料理之外，更有提供特色的cocktail；店員拿出cocktail menu時，每一杯都很精緻又好看，實在不懂得怎麼選擇的時候，店員指示可以打開木盒，內有五顏六色各款cocktail的摺紙及簡介，更附上一粒骰仔，就這樣隨機擲中了兩款命運註定的cocktail！有趣又有gimmick, 真的很適合選擇困難症的朋友呢！⋆_____set menu for 2 $650______⋆✿ 前菜⧐ 芥辣八爪魚⧐ 炙燒北海道帆立貝⧐ 炙燒三文魚三款前菜都剛好是我喜歡的日式刺身，芥辣八爪魚開胃爽嫩，份量又充足，完全實踐了我平時吃壽司時總覺得份量太少而吃不夠的遺憾；而其他兩款刺身炙燒過後油香更豐腴，鮮嫩爽滑。.✿ 串燒⧐ 溏心蛋豚肉卷⧐ 紫蘇雞腿肉⧐ 明太子山藥⧐ 金菇肥牛卷串燒燒至金黃色，每款都十分香口惹味；身為蛋控，尤其愛溏心蛋豚肉卷，到底是怎麼可以做到串著雞蛋，但也不會拮穿蛋黃呢？一口咬下去，流心的蛋黃瞬間流出，很是療癒，實在太深得我心了。至於山藥，通常營養價值較高的食材，我都不太喜歡，幸而上面鋪了香口的明太子，有稍微加了不少分。.✿ 逸品料理⧐ 唐揚炸豆腐⧐ 蜜糖柚子雞翼炸豆腐超級嫩滑，炸至金黃酥脆後，口感香脆內嫩。而蜜糖柚子雞翼則是單骨雞翼，甜中帶酸，帶有獨特的柚子清新香氣，入口鮮美多汁。.✿ 太卷⧐ 壽喜燒牛肉⧐ 牛油果忌廉芝士這兩款太卷的概念很創新，尤其牛油果忌廉芝士口味，結合了牛油果的奶油質地和芝士的香濃口感，帶來意想不到的驚喜。.✿ 主食：壽喜燒牛脊肉烏冬以壽喜燒醬汁拌勻烏冬，味道微甜帶鹹，口感香濃；加入流心蛋及軟嫩的牛脊肉薄，飽腹又惹味，很是滿足。.✿ 甜品：烏龍茶牛奶布甸烏龍茶帶有淡淡的茶香和微苦的味道，結合了牛奶濃郁的奶香和滑順的口感，微甜且綿滑，是我喜歡的味道呢。.✿ cocktail: ⧐ maple hunter $128以Peach Tea Infused Vodka, Yuzu Liquour, Lemon juice, Orange juice ,Maple syrup調製。這款cocktail的口感較為清新及果味濃郁，水果的甜度更是增添了柔和的甜味，是一款女士們會喜歡的雞尾酒。.⧐ karakusa luck $138以KINOBI Gin, Green Chartreuse, Lime Juice,Rosemary Syrup, Ginger調製。在Gin加入了lime juice後帶來了酸爽的風味，為整體口感增添清新感，入口清新微苦及帶有微辣的薑味。
繼續閱讀
銅鑼灣既Tower 535近年都開左好多新餐廳同café，最近就同朋友去左其中一間【Lounge Hakuba】食dinner，夜晚主打日式fushion居酒屋。見到二人前套餐好抵、就叫左啦，total有十一品，食物種類同數量都幾多。前菜—芥辣八爪魚、炙燒北海道帆立貝、炙燒三文魚：芥辣八爪魚唔會好辣、反而好惹味，北海道帆立貝同三文魚炙燒左好香口、三文魚油脂味好香。串燒—溏心蛋豚肉卷、紫蘇鷄腿肉、明太子山藥、金菇肥牛卷：全部都新鮮燒、溏心蛋豚肉卷非常流心、豚肉既醬汁甜甜地、同流心蛋好match。紫蘇鷄腿肉紫蘇味唔算太重、但都好juicy。明太子山藥非常爽脆、明太子少少微辣。金菇肥牛卷比較遜色、金菇有D靭。小菜—唐揚炸豆腐、甜甜辣辣炸鷄：呢兩樣個人都非常推薦、唐揚炸豆腐外脆内軟、吸收曬D湯汁好正。甜甜辣辣炸鷄有少少韓式辣醬feel，就算加左醬個皮都好脆。太卷—壽喜燒牛肉、牛油果忌廉芝士：壽喜燒牛肉比較惹味、加左腌蘿蔔可以解膩。而牛油果控既我更加鍾意牛油果忌廉芝士，非常清新。主食—壽喜燒牛肉烏冬：新鮮整起非常熱辣辣。烏冬吸收曬D壽喜燒湯汁、而湯汁比較甜口。牛肉非常軟霖、再加上溫泉蛋非常creamy。甜品—吉士鯛魚燒：吉士鯛魚燒外脆内軟、唔會太甜。另外仲有抹茶雪糕、紅豆同啫喱。櫻Sakura Blessing：全部cocktail都係日本風，如果心大心細仲有得dum骰仔決定。基本上無酒味、gin加上櫻花糖漿，非常少女心。山Wachini：主要係wasabi同青瓜味再加上gin，非常清新、酒味唔濃、而且個人覺得有少少紫蘇味。
繼續閱讀