Lounge Hakuba

營業中

休息中

環境5分：酒吧餐廳就响世貿隔離，地點非常方便。餐廳地方唔算特別大，但係個樓面勁高，有梳化位有皮凳位，兩樣都好舒服，播D歌好輕鬆，格調好好，可以畀五分。衛生5分：梳化位同散枱都非常整齊，枱面同餐具好乾淨企理，衛生一樣畀五分。服務5分：侍應生好好心機介紹佢地主打嘅雞尾酒，落單後即畀左大大樽水，備菜上菜都咁快，效率好高，滿分。味道5分：1) 第一杯Smoky Ume “梅” 雞尾酒個威士忌味好出，酒量足，而且甜度啱啱好。2) 第二杯Wachini “山” 雞尾酒（$138）非常美麗嘅裝飾擺設，杯酒有紫蘇葉嘅味道，旁邊有青瓜同紫菜，紫菜有wasabi味道，好醒神，非常特別。3) 叫左個十一品嘅二人前套餐，包左前菜，串燒，逸品料理，太卷，主食同甜品。a)  前菜拼盤有三樣野。芥辣八爪魚煙煙韌韌。炙燒北海道帆立貝好鮮甜，配埋Ｄ檸檬汁落去好開胃。炙燒三文魚都幾厚肉，燒完都唔乾身。b) 串燒拼盤有溏心蛋豚肉卷，紫蘇雞腿肉，明太子山藥，金菇肥牛卷。個溏心蛋非常成功，蛋黃流曬出嚟，瞵豚肉包住好有層次又有肉味。紫蘇雞腿肉啖啖肉冇骨，一串有兩大舊。明太子山藥好爽脆，上面D明太子又唔係好鹹，仲有燒左嘅芝士，三樣

一踏入銅鑼灣536 Tower，真係好似搭𨋢嗰下已經穿越咗去第二個世界咁！個升降機大堂竟然可以間開一個咁嘅空間，完全係別有洞天，設計得幾有格調！今次試咗佢哋個二人前套餐，$650可以食勻十一道菜，聽落都幾抵。1️⃣前菜三點盛，極致滋味打響頭炮：芥辣八爪魚：啲Wasabi勁嗆口，攻鼻得嚟又好刺激，八爪魚口感幾爽脆，食落真係好過癮。炙燒北海道帆立貝：帆立貝表面輕輕用火槍燒過，帶點焦香，夾埋片檸檬，鮮甜味即刻出晒嚟。炙燒三文魚：半生熟嘅狀態啱啱好，口感超肥美，三文魚油嘅香味濃到化唔開，真係有入口即溶嘅感覺。2️⃣跟住係四款串燒，各有特色：溏心蛋豚肉卷：呢個一定要讚！個溏心蛋嘅「溏心」效果拿捏得非常之好，流心效果一流，蛋黃嘅香滑正好中和咗燒豚肉嘅油膩感，兩樣嘢加埋原來咁夾，👍🏻！紫蘇雞腿肉：用咗孜然、柚子同紫蘇葉去調味，個味道層次幾豐富。不過可能燒得比較耐咗少少，肉質食落有啲偏乾身。明太子山藥：山藥本身口感幾爽脆，配埋鹹香濃郁嘅明太子醬，味道出奇地平衡，唔會太寡又唔會太膩。金菇肥牛卷：經典嘢，用咗醬燒方式，外層嘅肥牛燒到有少少脆口；入面嘅金菇份量十足，成卷咬落口感好紮實。3️⃣食完串燒，就到逸品料理：唐揚

朋友介紹話銅鑼灣喱到有間LOUNGE HAKUB好chill，喱日早早就收工，約埋FD一齊去hea 下~首先一入到去感覺LOUNGE HAKUBA環境都幾唔錯好，座位間距起碼唔細，可以享受到私人空間。背景音樂輕柔，令整個用餐體驗更添愉悅。佢哋嘅飲品選擇相當豐富，特別係各式各樣嘅cocktail。每款Cocktail都精心調配，口味獨特，值得一試！我哋叫咗個二人前套餐：芥辣八爪魚配上微辣嘅芥辣醬，幾開胃。北海道帆立貝同灸燒三文魚都係非常新鮮，令人驚喜。唐心蛋豚肉卷/紫蘇雞腿肉/明太子山藥/金菇肥牛卷串燒比較少食到明太子山藥，原來都幾好食架。明太子的香氣配搭清清既山藥非常合適，口感特別。蜜糖柚子雞翼雞翼外脆內嫩，蜜糖嘅甜味同柚子非常夾。壽喜燒牛肉卷/牛油果芝士卷比較鐘意牛油果香滑同芝士嘅搭配，口感層次分明，好食。壽喜燒牛肉烏冬保持到日式壽喜燒個種香氣，牛肉鮮嫩。烏龍茶牛奶布甸作為甜品，布甸滑順，搭配烏龍茶嘅香氣，好清新，推介!LOUNGE HAKUBA既出品大致都令我十分滿意，食物同飲品都豐富多樣，幾岩作為朋友CHILL住聚會既地方。

銅鑼灣出名多食肆，除咗大街大行嘅地舖，仲有好多商業大廈嘅樓上食店。今日相約朋友去到 tower535食日式fusion菜，叫了一客二人套餐六百幾有足11款食品。另外亦用餐廳提供嘅打骰盒，用打骰來決定飲乜。一杯粉紅色櫻花心心眼，夠晒搶鏡。另一杯酒濃郁配搭梅子酸甜提升芳香甘醇，放粒大塊冰保持冰感。前菜芥辣八爪魚、炙燒北海道帆立貝同三文魚，個人鍾意八爪魚有又咬口，味道加入了芥辣更加惹味。串燒食得多，但當中嘅「溏心蛋豚肉卷」印象未食過，溏心蛋嘅流質口感配搭醬汁豚肉係一個有趣嘅配搭，食落幾好味，印象唔錯。另外一款「明太子山藥」淮山爽爽地幾特別。「甜甜辣辣炸雞」，有點似韓式炸雞，外皮鬆脆，加埋甜辣醬汁，一件吃了有一件，停不了口。唐揚炸豆腐，簡單得嚟味道又唔錯，外皮唔算太脆，融合蘿蔔蓉口感有幾特別。「牛油果忌廉芝士」太卷，你個配搭又係另一驚喜之作，牛油果和忌廉本身都係creamy，組合來吃口感特別。「壽喜燒牛肉」太卷，相對上是常見食材，牛肉燒得幾香有少少肉汁，令太卷冇咁乾，好吃。甜品係吉士鯛魚燒配綠茶雪糕，即叫即做所以還熱哄哄，連雪糕一起吃一熱一凍，好食。晚餐體驗佳，價錢亦有較高性價比，所以整體感覺

位於銅鑼灣的日式居酒屋。裝潢靈感來自世界知名的登山勝地白馬，更設有戶外露天座位，座位寬敞，用餐舒適很適合和朋友來小酙兩杯。.餐廳除了有日式料理之外，更有提供特色的cocktail；店員拿出cocktail menu時，每一杯都很精緻又好看，實在不懂得怎麼選擇的時候，店員指示可以打開木盒，內有五顏六色各款cocktail的摺紙及簡介，更附上一粒骰仔，就這樣隨機擲中了兩款命運註定的cocktail！有趣又有gimmick, 真的很適合選擇困難症的朋友呢！⋆_____set menu for 2 $650______⋆✿ 前菜⧐ 芥辣八爪魚⧐ 炙燒北海道帆立貝⧐ 炙燒三文魚三款前菜都剛好是我喜歡的日式刺身，芥辣八爪魚開胃爽嫩，份量又充足，完全實踐了我平時吃壽司時總覺得份量太少而吃不夠的遺憾；而其他兩款刺身炙燒過後油香更豐腴，鮮嫩爽滑。.✿ 串燒⧐ 溏心蛋豚肉卷⧐ 紫蘇雞腿肉⧐ 明太子山藥⧐ 金菇肥牛卷串燒燒至金黃色，每款都十分香口惹味；身為蛋控，尤其愛溏心蛋豚肉卷，到底是怎麼可以做到串著雞蛋，但也不會拮穿蛋黃呢？一口咬下去，流心的蛋黃瞬間流出，很是療癒，實在太深得我心了。至於山藥，通常營養價

首先要特別介紹下個signature cocktail嘅menu，用一個木箱裝住，好似寶箱咁💎點左兩杯cocktail，分別係Maple hunter楓同Wachini 山。兩杯野飲一到就覺得個野飲嘅design好有心思，啱哂打卡📸。Maple hunter係一杯fruity嘅vodka，飲落係甜嘅cocktail再加埋桃同橙嘅味為主🍑🍊，幾易入口。 食完帶wasabi味嘅紫菜加青瓜，再飲啖酒，十分fresh🥒。揀左個二人前套餐🍴前菜係芥辣八爪魚，炙熱北海道帆立貝同炙燒三文魚芥辣八爪魚口感好彈牙，加上芥辣味好過癮🐙，帆立貝同三文魚都好大舊，炙燒後更有油脂香🔥。🍴串燒分別係溏心蛋豚肉卷，紫蘇雞腿肉，明太子山藥同金菇肥牛卷用豚肉包住原隻溏心蛋一齊食，流心嘅蛋黃令豚肉食起上嚟更滑嫩🍳，好有層次。雞腿肉嘅肉質好嫩，紫蘇葉嘅香氣為雞腿肉作點綴。明太子山藥嘅鮮鹹加上山藥爽脆嘅口感，有種食薯片嘅感覺，好神奇😲。金菇肥牛嘅牛肉油香肉汁俾內部嘅金菇吸收曬，食落金菇口感好滿足好juicy😋。🍴逸品料理係唐揚炸豆腐同揀咗蜜糖柚子雞翼炸豆腐外部嘅炸皮好香脆，內部嘅豆腐好軟滑，外脆內軟嘅口感好食💥。雞翼嘅蜜糖味

我同朋友前排去咗銅鑼灣嘅Lounge Hakuba食飯，呢間居酒屋位於Tower 535三樓，裝潢走日式滑雪度假風，木系傢俬同戶外露天座位好chill，食物同環境都好有驚喜！😊牛油果忌廉芝士呢款太卷用咗新鮮牛油果同忌廉芝士做主角，入口軟滑，牛油果嘅creamy同芝士嘅濃香好夾。仲有少少醃蘿蔔點綴，酸酸甜甜幫到解膩，食落好輕盈，係重口味菜式之間嘅好調劑！🥑蜜糖柚子雞翼我見好多人都有推介嘅一款，雞翼燒得外皮微脆，蜜糖同柚子嘅酸甜味滲入雞肉，食落好juicy。柚子嘅清香中和咗蜜糖嘅甜，味道好平衡，唔會太膩。份量幾多，啱啱好同朋友share，食完真想再點多份！🍗壽喜燒牛脊肉烏冬係主食嘅推介，烏冬煮得彈牙，吸滿咗壽喜燒湯底嘅甜香，湯汁濃郁但唔會過鹹。牛脊肉薄切，肉質嫩滑，仲有溫泉蛋加持，攪拌之後更加creamy。配菜有少少菇類同青蔥，增加口感同層次！🍜最後叫左烏龍茶牛奶布甸，甜品有D驚喜，布甸入口軟滑，烏龍茶嘅清香同牛奶嘅濃郁好match，甜度適中，唔會太膩。咬落去有輕微嘅苦香，提升咗整體嘅味道層次。食完一餐重口味嘅菜，嚟呢款甜品真係好解膩！🍮

今日去咗銅鑼灣試呢間日式fusion餐廳，嘢食選擇幾多，我哋叫咗二人套餐（$650）同埋兩杯酒，全部都好好味！😋首先刺身拼盤好新鮮！個壽喜燒牛肉烏冬，湯底好濃郁，牛肉又嫩滑，不過有少少辣，烏冬吸晒啲湯汁，食落去好滋味！🐮 個蘿蔔蓉豆腐都好特別，蘿蔔蓉蓉嘅口感配埋滑溜嘅豆腐，清新又解膩🤤串燒拼盤就啱晒我哋呢啲鍾意食串燒嘅人😍 流心蛋豚肉個蛋黃流晒出嚟，好邪惡但係好好味！😛 雞髀肉燒得好香，肉質又嫩，金菇肥牛就夠晒juicy，配埋個醬汁，一流！🔥炸雞、燒牛肉卷同牛油果芝士卷都唔錯，牛肉卷嘅牛肉好有咬口，牛油果芝士卷就夠晒Creamy，好滿足！🥑最後，個烏龍奶茶布甸真係好驚喜！烏龍茶味好突出，奶茶味又唔會太搶，布甸口感滑溜，甜度適中，食完個鹹嘅嘢食之後，食個甜品啱晒！🍮叫兩杯酒果陣仲有得玩遊戲抽盲盒黎揀酒🤣 啲酒嘅擺盤都勁打卡able!!!總括嚟講，呢間餐廳嘅食物質素高，價錢又合理，環境都幾舒服，下次一定會再嚟試其他嘢食！推介指數：⭐️⭐️⭐️⭐️⭐️

今日嚟到銅鑼灣一棟商業大樓的Lobby餐廳食飯，外觀覺得平平無奇，但一入到餐廳就覺得別有洞天，佈置到好似登山勝地白馬咁，超有特色餐廳都好適合一班朋友過嚟傾偈，因為有超多唔同款式嘅Cocktail俾你選擇今日就嗌咗個二人套餐$650，已經有11款菜色，前菜✨芥辣八爪魚微辣，芥辣八爪魚好爽口✨炙燒北海道帆立貝帆立貝非常大粒，厚肉，爽口鮮甜，頂級刺身level✨炙燒三文魚三文魚肥美，經過炙燒，更加帶出佢嘅油香串燒✨溏心蛋豚肉卷溏心蛋生熟程度整到剛剛好，蛋黃非常Creamy，蛋味香濃，豚肉肉質結實，清爽，脆口✨紫蘇雞腿肉雞腿表面烤到非常金黃，但裏面仲可以保留嫩滑同埋有肉汁✨明太子山藥超特別嘅配搭，明太子鹹香味十足，山藥可以中和明太子嘅鹹味✨金菇肥牛卷金菇同埋肥牛，可以話係絕配，肥牛生熟程度整到剛剛好，燒汁非常惹味✨唐揚炸豆腐可以做到外脆內軟，仲保留豆香味，送酒一流✨蜜糖柚子雞翼甜甜地酸酸地嘅醬汁，令到食雞翼特別開胃✨壽喜燒牛肉✨牛油果忌廉芝士鍾意食忌廉芝士的人必點，牛油果creamy的質地同芝士出奇地夾✨壽喜燒牛脊肉烏冬烏冬非常彈牙煙靭，加埋溫泉蛋，甜甜地的壽喜燒汁，味道更加香濃，牛脊肉好重牛

嚟到銅鑼灣Tower535，估唔到喺大堂位置都間到一間私隱度高嘅餐廳！氣氛好好，座位闊落，坐得舒服。二人餐喺OpenRice預約嘅話會有優惠價～Cocktail 試左Karakusa Luck： 好有儀式感😂 味道清新 & Maple Hunter ：易入口頭盤芥末八爪魚帆立貝、三文魚表面都有經過輕輕嘅炙燒，有少少嘅火香味唐楊炸豆腐、甜辣炸雞壽喜燒牛肉飯卷、牛油果忌廉芝士飯卷呢兩款飯卷都有驚喜，淨係飯身都已經覺得好食。牛油果忌廉醬香唔會太濃剛剛好串燒紫蘇雞腿肉，味道略嫌稍淡，較乾身金菇肥牛卷，味道ok明太子山藥，明太子醬味道濃山藥夠軟身，呢個配搭唔錯壽喜燒牛脊肉炒烏冬醬汁味道好濃，烏冬好彈牙，撈埋溫泉蛋一齊食好好食！烏龍茶牛奶布丁有淡淡既茶味，幾固態

為咗迎接小假期，放工同朋友去到銅鑼灣白馬餐廳食晚飯。日式fusion二人套餐包括11品，前菜、串燒、逸品料理，太卷、主食同甜品。最特別仲有各款唔同嘅Cocktail，選擇困難症嘅朋友仲可以玩個小遊戲。前菜三味，包括芥辣八爪魚，火炙北海道帆立貝，火炙三文魚。三款魚生刺身都肉質鮮甜，芥辣八爪魚就刺激味蕾，好開胃。帆立貝就肉感厚，火炙過更加香口。三文魚就更加唔使講，用火炙處理，魚油逼晒出嚟。串燒有四款，溏心蛋豚肉卷，紫蘇雞腿串，明太子山藥，金菇肥牛卷首先溏心蛋蛋味濃郁，加上豚肉片包住你燒豚肉嘅油脂滲晒係溏心蛋嘅表面，非常好食。紫蘇雞腿串就味道好特別，紫蘇味好夾啲雞肉味。山藥爽口，用明太子做配搭，可以惹味啲。金菇肥牛卷就燒得好好，金菇唔會太乾，肥牛又恰到好似。用足夠嘅燒汁嚟燒，夠哂味。逸品料理唐揚炸豆腐，甜甜辣辣炸雞炸豆腐外面酥脆，內面夠滑豆味又郁。炸雞乾身唔覺太油膩，甜辣醬平衡到個辣度。食多幾舊都唔覺漏。壽喜燒牛肉和牛油果忌廉芝士太卷味道濃味但層次豐富，雖然係太卷壽喜燒牛肉嘅量都唔少，至牛油果忌廉芝士口感就好滑。鰻魚炒飯好好食同埋份量都唔少，兩個人一定夠飽。最難得係足一整塊鰻魚，而唔係鰻魚粒

同Friend去咗銅鑼灣呢間日式餐飲酒吧，裝修好有復古摩登Feel，仲有幾張似屋企咁舒服嘅大梳化，坐低即刻覺得好Relax，啱晒一路飲酒一路吹水 🍸骰盅抽Cocktail 超有驚喜！佢哋有8款日式特色Cocktail，玩骰仔抽中邊杯就飲邊杯，勁好玩！我Friend抽中咗櫻花，粉紅色睇落好少女，甜甜地易入口。而我中咗杯神秘煙霧Cocktail，一打開個盒噴白霧，打卡一流！味道唔會太甜，有少少清新果香，正！ 🍽️ 食物水準唔錯！- 日式豆腐：滑，醬汁甜甜哋，開胃！ - 韓式炸雞球：脆皮唔油膩，好夾酒！ - 鰻魚炒飯：鑊氣足，鰻魚唔腥，抵讚！ - 拼盤三樣：芥末魷魚爽口、熟三文魚腩油脂香、帶子鮮甜，送酒一流～ - 日式壽司卷：正常發揮，但唔係主角，食住先！ - 日式串燒：叫咗雞肉同牛，燒得香口，唔會乾爭爭。 總結：環境Chill、食物有水準、Cocktail有驚喜，同Friend Happy Hour或者夜晚Hea吓都好啱！ 📍 Lounge Hakuba銅鑼灣

今天來到這家鬧中取靜的居酒屋，日式料理好獨特，道道菜都好令人滿意，而且丟骰子決定Signature Cocktail 真是有趣新鮮，舒服地坐在沙發上同friends 飲cocktail真是一大樂事！**芥辣八爪魚**：微辣的芥辣醬與嫩滑的八爪魚結合，開胃辛辣！ **炙燒北海道帆立貝 & 炙燒三文魚**：新鮮至極，帶有炙燒味！ **溏心蛋豚肉卷**：溏心蛋的流心效果無與倫比，好滑嫩，絕對是必嘗之選。 **紫蘇雞腿肉**：雞腿肉咬下去有紫蘇葉、柚子與孜然的獨特味道，層次豐富。 **明太子山藥**：白色爽脆的山藥上是紅色鮮艷的明太子醬相得益彰，清爽又鹹香！ **金菇肥牛卷**：外層肥牛燒得微脆，內裡金菇飽滿，口感扎實，經典之選。 **蜜糖柚子雞翼**：雞翼脆皮上有甜甜的蜜糖與柚子香氣，怎麼也吃不膩！ **壽喜燒牛肉卷**：壽喜燒的調味大大地提升了牛肉的味道！ **牛油果芝土卷**：牛油果與芝士的搭配令人難以抗拒，層次分明，口感豐富。 **唐揚炸豆腐**：外脆內軟，豆腐滑嫩至極，還帶有絲絲甜味！ **壽喜燒牛肉烏冬**：有大大塊的牛肉軟嫩，烏冬面滑爽，上面還有三文魚籽和太陽

期待了好一陣子和友人的dinner date, 趁著Easter holiday期間聚一聚！大din！朋友介紹抵食好味2人餐，半信半疑的情況下去試試一入餐廳，喜歡它半憂暗又帶點情調的感覺，雖帶點暗但仍看得清全貌。一入座便目標明確的點了2人餐，一看menu，有點驚訝是真的咁多道菜嗎？！•Cocktails 🍹 Holiday 應來點酒水的，聽店員介紹便來了個strong點的old fashion。喜歡店家有心思的骰仔game ，如果想不點飲什麼都有建議給你。•前菜前菜有芥辣八瓜魚，炙燒北海道帆立貝及炙燒三文魚： 以為前菜便是小小的一dish，也絕不手軟呢！喜歡芥辣八瓜魚帶點咬口得來，又是辣辣的口感。刺激了味蕾，開胃了！帆立貝及三文魚也是挺新鮮的，少炙燒了一下。•串燒串燒也有四串： 溏心蛋豚肉卷，紫蘇雞腿肉，明太子山藥及金菇肥牛卷最驚喜的竟然是明太子山藥及溏心蛋豚肉卷。明太子山藥燒得香口得來，帶點少辣。其二是溏心蛋豚肉卷，溏心蛋是100分的蛋，流心得來再帶點味道，包著肉吃一流。• 唐揚炸豆腐 + 炸雞 🍗逸品料理有唐揚炸豆腐，甜甜辣辣炸雞及蜜糖柚子雞翼。最喜歡是唐揚炸豆腐，少香而不油，又j