龍城冰室

營業中

休息中

餐廳：龍城冰室 (旺角)地址：旺角亞皆老街65號旺角新之城地舖香港人最鍾意就喺食茶記☕️，不過如果講起茶餐廳唔知你第一時間又會諗起邊間呢？有6間分店嘅龍城冰室絕對喺我頭5位之一😌，觀塘、旺角、尖沙咀、銅鑼灣等我成日去嘅地方都有分店🤣，咁就腳絕對啱晒我雖然佢哋嘅早餐俾其他茶餐廳貴啲🤏，平均都要40幾蚊，但喺依然無阻大部份時候都座無虛席，人氣非常高企，招牌沙嗲牛肉公仔麵同秘制香辣魷魚公仔麵喺必食‼️加上早餐選擇都幾多，亦有現場烘焙麵包🥯，的確吸引咗唔少長期熟客✝️鐵板招牌黑椒牛柳 $128多數嚟食都喺食佢哋嘅早餐，今次就試咗佢哋成間餐廳最貴嘅食物，最貴都喺$128，難怪咁平民嘅價錢大部分人都Afford得起🤑！唔好以為茶記出品嘅牛扒就無料到，估唔到呢份牛柳比到我驚喜🎉，用鐵板上一上枱已經「滋滋」作響，仲有好濃烈嘅牛肉香味🤤，未食已經覺得吸引😍，牛柳叫咗5成熟🥩，用刀輕輕一切已經可以將牛柳切開，外層接近全熟帶有焦香，內裡肉質粉嫩軟腍，一咬肉汁就淺出而且帶有陣陣牛羶香🐮，個人覺得唔使加黑椒汁已經好夠味，仲有2大塊每塊足3-4cm厚，對比起高級扒房嚟講呢個質素同價錢真喺算平👍。雖然唔知點解會配埋娃娃菜

平時食開西餐多 好耐冇食過茶記🥰之前聽其他人講 龍城冰室幾好食 尤其係個常餐 而且又多食物款式 於是今日去試吓🤪皇牌鐵板餐—招牌黑椒牛柳鐵板餐當然係必叫㗎喇🤣 牛柳好大塊 而且加埋啲黑椒汁 好惹味🎊食落肉與鬆軟 但又唔會有鬆肉粉嘅味🤟🏼常餐101 — 招牌秘製香辣魷魚公仔麵依個常餐101亦都有好多人叫 香辣魷魚做到好出色😊 魷魚完全無筋 同埋份量都多 加埋個辣汁😘 配埋個公仔麵 簡直係一流 而且另外仲有奄列同埋麵包😉簡直係超值炸薯條最後仲叫咗個炸薯條 份量都比預期多 而且炸到好香脆 完全係茶記嘅風味🙌🏻😜

🍴鐵板餐 128 蚊🐂黑椒牛柳 配羅宋湯 要意粉 🐂 仲有丹麥多士 都幾抵食 加凍飲3 蚊 total 131 蚊羅宋湯好足料 好多蘿蔔絲 蕃茄 酸甜度適中 多士厚度正常 都幾香脆 點落羅宋湯度唔錯鐵板大大碟 有兩舊好大既牛柳 五成熟 切落去好淋 口感好 d黑椒汁倒落鐵板度都夠哂入味 意粉好多 本身有 d蕃茄醬喺面 加埋黑椒汁 都 ok仲有少少菜同蘿蔔絲 邪惡得黎帶 d健康🤣Score 平均分< 7.5/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#龍城冰室旺角亞皆老街65 號旺角新之城地鋪~~~~~~~~~~~~

講真依家物價高漲, 想喺茶餐廳鋸個扒都要超過100蚊, 唯獨是依間100蚊有 得找, 佢又有雜扒餐牛扒餐, 鐵板嘅貴少少, 晚餐嗰啲個價錢算係咁, 食過幾次 碟餸菜 都大碟, 唯獨是佢嘢飲要 另外 加錢, 呢樣真係差啲, 其實飲品真係唔值錢 .佢品質方便叫做有保障, 服務方便即係一般茶餐廳咁, 叫做有人幫手落下單拎下餸, 港島區 啲餐廳特別貴, 好彩都有間龍城喺銅鑼灣.成日幫襯亦都會繼續幫襯, 所以 今次 心血來潮 寫下 龍城 嘅食評, 如果大家 喺港島區都有啲平靚正茶餐廳介紹 ,類似呢間咁就好喇

埋單個收銀收左我地錢話無收過，仲要係咁鬧我地，極度趕客，唔會有下次! The cashier took our money and said we didn’t pay. She was extremely rude. Will not visit for sure!

📍 龍城冰室 (亞皆老街) (旺角)旺角亞皆老街65號旺角新之城地舖==============================今日放工去左旺角食野，經過呢間見到個酸菜魚有一人餐，好似幾抵所以就入去試下😋==============================食物⭐️⭐️⭐️⭐️⭐️1️⃣ 招牌酸菜魚（一人套餐）⭐️⭐️⭐️⭐️⭐️呢個酸菜魚真係好好食，湯底夠酸同麻，非常好送飯👍🏻2️⃣ 火腩大膳煲⭐️⭐️⭐️⭐️⭐️火腩好大舊，咬落有微微咸味，加埋少少肥膏所以咬落唔會好韌，大膳爽口唔腥但唔係有好多舊

平時經過龍城冰室都見到有好多遊客幫襯。咁啱今日嚟旺角辦事想快手食個晚飯，就揀咗嚟呢間食睇吓佢咩料。鋪面大間，裝修光猛醒神。晚市時段都滿座咁滯。見佢有一人套餐，又有我最鍾意食嘅招牌酸菜魚。平時食酸菜魚大碟嘅可能都要二百幾蚊，見今次平平哋$88就可以食到，就毫不猶豫叫咗。以茶記水準嚟講，碟酸菜魚都幾精緻，連菊花瓣都有落。香料亦都落得好足。其中仲有炸蒜、芝麻，令到個酸菜魚分外香。味道都算正宗。魚肉片份量都算正常，係切得比較薄。其他配料有白蘿蔔片、酸菜、萵筍。白蘿蔔會比較咸，送飯比較適合。Overall 不過不失啦，以$88食到好味酸菜魚嚟講，可以滿足吓口癮。

早餐既麵食既醬汁太多 非常之重味太咸 而且好難消化 在進食後會感到非常「濟」一大早不太建議去呢一間食早餐 面晚餐晚焗飯都有相同之問題 食用後異常濟 但只係食左一半 而且非常油膩 吾建議去呢間野到食

經開旺角想食啲小食，今次就去了龍城冰室叫咗佢嘅招牌菠蘿包，佢嘅菠蘿包好特別係冰火菠蘿包，新鮮出爐菠蘿包暖暖的，牛油就係用冰敷上的，果然好特別， 佢係一個套餐跟嘢飲，嗌埋杯奶茶冇得定 😄

今日五點幾去食仲有下午茶menu，龍城真係好多選擇，種類多元化，今次揀咗台式腸肉燥飯，點知又幾好食，估唔到係咁typical既冰室食台式飯都冇中伏，特別係台灣腸，炸過之後個口感比係平時食既台灣腸不一樣，我係推介值得一試

果晚睇完演唱會好多人一齊嚟左呢間食大家手上都拎住同一樣既野邊個咁有號召力就係佢啦一坐低叫左個酸菜魚大餐（2人份）佢自己都話可能係最好食既酸菜魚我比90分呀！首先賣相好吸引有兩條魚～魚肉滑無骨唔腥，好多蒿荀，菇片湯底唔會太咸小辣就咁飲同撈飯都一流兩個人計埋野飲埋單$221以一餐宵夜嚟講係有d貴試過酸菜魚後會覺得物超所值平時出嚟旺角行過都無諗過幫襯覺得冰室都係食嚟食去公仔麵飯但下次一定會再番嚟食酸菜魚

呢間龍城冰室旺過旺角，窗口仔賣麵包長期有人買緊，堂食常滿，所以成日外賣；今日趕住食完飯上堂，乖乖排隊入座，好彩都勁快有位😎晚餐有呢個齊集我至愛，唔使點諗lu⋯⋯芝士蝦球燴伊麵伴西蘭花 $98一碟伊麵，有芝士西蘭花及芝士蝦球，大廚炮製呢個組合真好！唔好睇少呢個平民版芝士蝦球伊麵，蝦球堅大粒，隻隻蝦都手指公咁粗壯的！🤣🤣超級啖啖肉。同埋d蝦已經醃咗味，加埋芝士汁，香噴噴，夠惹味。而且芝士汁絕對對板，撈伊麵真係一流，好好食呀。平時食飯見到芝士焗西蘭花都會嗌，今次嘅芝士西蘭花雖然無焗過，但西蘭花點芝士汁，都係咁正！推介丫。羅宋湯呢個紅湯好飲喎！一嚟足料煲、二嚟無溝到水汪汪，堅香濃，連d煲湯料都食哂，乾了！哈哈....熱檸茶茶底清新，唔會澀，檸檬片又夠多，呢度果然出手豪爽，野食大大碟，麵包大大個，野飲都大大杯，性價比超高呢～

放工到旺角吃晚飯，揀左近旺角地鐵站的「龍城冰室」位於旺角中心旁，餐廳面積寬敞座位多，新派冰室的裝修風，座位闊落舒適多款美食均定價合理招牌明爐燒鵝 (例牌)例牌份量都唔少外皮燒得香脆，鵝肉緊緻富鵝香，鵝油四溢招牌酸菜魚大餐 (2-3人份)送白飯兩碗及飲品兩杯加左娃娃菜原條生魚上，夠架勢魚片及配菜份量多，魚肉雪白有魚香；配菜萵筍，蘿蔔，酸菜及娃娃菜都好入味；酸菜魚湯鮮甜辣度夠，酸辣度平衡又充滿芝麻香，油膩感低

呢間我成日經過都見到，但係從來都冇入過去，因為覺得佢只係間普通嘅茶餐廳。不過有朋友推薦我話呢度嘅酸菜魚超級好食，仲帶埋我黎食裡面係茶餐廳嘅基本格局，但係非常之大，座位好多。因為朋友推薦，所以一坐低就毫不猶豫嗌咗個招牌酸菜魚，另外我再嗌咗一個我平時喺大排檔好鍾意食嘅，蜜椒薯仔牛柳粒啲嘢食好快就到，果然係茶餐廳速度但味道真係好唔同！食得出落咗好多香料、花椒同埋酸菜先可以令到個湯咁好味，有辣椒香但係又唔會好辣啲魚仲好薄、超滑又多，配飯真係一流。真心仲好食過深圳嗰啲貴價酸菜魚啦薯仔牛柳粒仲有鑊氣過大排檔啲薯仔外脆內軟，牛柳粒都好軟滑，有牛味，又有好香嘅蜜糖味，同埋大碟到應該要兩個人先食得晒，但真係好食到幾飽都要食埋佢好彩我哋嚟到嘅時候算好早，走嗰陣差唔多有10幾人排緊隊，一定會再黎食！

今晚買咗戲飛睇戲，7點鐘睇6點鐘放工，但肚餓都要醫咗肚先😋，好彩附近有間快靚正嘅茶餐廳。此店面積都幾大，但經常爆滿，所以我始終都未試過，估唔到今日想快食就有位，勁好彩😁。見餐牌食物選擇非常多，我哋點了幾款小食試下。招牌沙爹牛麵 $37.-公仔麵煮得啱啱好，軟硬適中。沙爹味香濃，牛肉調得入味，質感軟腍無筋。脆炸雞髀配薯條 $39.-三款食物最遲上枱，太約6分鍾後，其實都好快🤣。雞脾炸得非常香脆，肉質軟嫩又juicy，調味唔會過鹹。薯條同樣炸得香脆乾身，另灑上小量五香粉調味，令整體味道更加香口惹味😍。雙拼三文治 $24.-即制腿蛋治，火腿肉味鹹香，炒蛋嫩滑香濃，方包新鮮鬆軟，組合雖然簡單，但熱辣辣又好食🥰。