龍城冰室

營業中

休息中

今日同姊妹去旺角跳舞💃🏻明明說好的初學者班，超級難囉！！兩個跳到膝頭哥瘀晒🥲🥲因為落堂都成9點半，周圍大多數餐廳都收左檔了，又攰🐶又餓🐷既我地黎左旺中宵夜之選-龍城冰室🐲🐉我地點左個酸菜魚2-3人餐，諗住酸酸辣辣，醒下胃😋🤤套餐包括：3個配菜，分別為酸菜、蘿蔔片、萵筍片2碗白飯🍚🍚2杯飲品🍻另外可以再加配多3種配菜，有不同蔬菜🥬、肉類🥩、海鮮🦐選擇，每款價錢大概$18-$48左右份量超足！！😱😱大大盤酸菜魚，大量魚肉🐟堆成一座小山丘⛰️😂上面鋪滿花椒、辣椒🌶️各種辛香料🥵再撒上菊花瓣🌼🌼視覺效果好強，上枱未食已經覺得秀色可餐🤤🤤🤤魚肉🐟厚薄適中，肉質順滑，一條魚骨都冇，唔識挑魚骨既小朋友可以衝！😍😍而且魚片吸收酸菜湯精華，魚肉的鮮甜混合酸菜及花椒的酸麻，配上一啖白飯-絕！！😋😋最後，餐廳員工態度友善，即使見到餐廳坐滿客人，下單及上菜速度依然迅速，環境亦乾淨衛生👍🏻👍🏻整體上，性價比高，服務同環境都相當優秀👏🏻💯

哇塞 服务很差！！！bad bad bad!3个人有大位子不给坐，说是6个人坐的，说你们是6个人嘛？给了2人位。。。然后后边来了3个本地人就给☁？？？？？啥东西阿！tui!

今日上完堂約10:40am路過旺角，見到門外個餐有點吸引，冇諗過旺角啲餐廳裏竟然有近一半座位，諗住可以舒舒服服食個早餐才上班！一入去坐低已經被個阿姐我起身坐搭枱位！？我問佢仲有咁多位點解唔可以坐？她才無奈地帶我入去死角位畀我一個坐低，仲要大大聲加句「暫時咋」到我叫早餐…她為咗方便自己入機，要我從40米距離坐位嗌出去落單。。。我講慢咗個餐要轉米粉，佢立即話我咁慢先講！？果然，唔夠15分鐘就叫咗另一個客人坐我對面**重點係仲有一半枱係無人坐🤬🤬嘩！就算這餐廳嘅菠蘿包再好食都唔會再來！！真係要叫聲佢阿姐😤結果為咗食個好味嘅大菠蘿包要受氣㖭☹️幸好換咗個有禮貌嘅男人收錢，都叫做唔洗受氣😩

龍城冰室 (亞皆老街) (旺角).我最喜愛的茶餐廳。分店越開越多，越嚟越多人幫襯。因為好食啊嘛🤤仲要係大件夾抵食果隻。得每個星期六日都會係龍城食早餐🤣食左成年都未厭。.估唔估到茶餐廳竟然有酸菜魚食，仲要2人餐又有，1人餐又有。😍得一個人又想食酸菜魚嘅時候，龍城幫到你。.$88酸菜魚一人餐魚肉分量十足，絕對唔係得幾片，係食到你覺得好夠食嘅份量。味道亦同川菜館食嘅相差無幾。酸同辣都好突出，唔係揸流攤果隻，辣椒🌶️花椒滕椒，應該有的都有。仲有萵筍蘿蔔做配菜，另配一碗大大白飯⋯飽哂。.龍城嘅神奇之處係中西合璧好多花款。.煙三文魚凱撒沙律🥗$69三文魚分量有3-4大片卷成花花咁，又幾好食喎，沙律菜好新鮮，加左酸酸地辣辣地有啲似泰式辣醬嗰種醬汁，甜甜酸酸辣辣咁，好得意，又幾開胃。.板燒和風牛柳飯 $83呢個牛柳嘅味道就比較大路同普通，但一樣係大件夾抵食。但牛肉唔會柴同無根，啖啖肉已經很加分。.飲品加$9有特飲～大大杯紅豆冰。.人均100內.📍旺角亞皆老街65號旺角新之城地舖..

老公 公司樓下有一間「龍城冰室」晚飯時間，全場差不多座無虛席，我們點了一個炒米粉，一個魚，一個鐵板餐，還有兩個飲料🥤，才不到3百塊龍城炒米粉 $66火候十足，配料豐富，蝦仁🍤火腿，蛋，肉絲招牌酸菜魚 $82本身叫一人份量，淺嘗一下，結果好大一碗，超多魚塊，酸酸辣辣好開胃鐵板招牌黑椒牛柳 $128兩塊七成熟厚切牛扒🥩肉質煙靭，配上薯菜跟餐轉 紅豆冰 / 菠蘿賓治 都係$9，大大杯，好抵飲二人雅座，餐廳光猛明亮，上菜速度也很快。而且餐廳還有每天新鮮出爐的麵包，早餐下午茶食一個菠蘿油，真不錯👍🏻而且地點方便，地鐵站一出就見到

每次嚟到旺角，經過呢間冰室都見到門口大排長龍😲今日終於有機會試吓～「龍城冰室」裝潢樸實自然，空間感十足👏🏻而食物選擇亦相當多元化，總有一款合心意，行街攰了嚟歇腳最適合不過✅⭐️下午茶餐：🔸巴拿馬火腿凱撒沙律（$63）➰配 懷舊紅豆冰（特飲+$9）沙律以巴拿馬火腿作主要配料🥗火腿嘅鹹香增添咗沙律嘅味道層次🥓再搭配生菜、番茄、青瓜、洋蔥等新鮮蔬菜，口感相當豐富😽紅豆冰帶濃郁奶香味，紅豆入口腍化兼備🫘搭配透心涼碎冰，夏天飲用消暑解渴一流💥🔸招牌海鮮湯花甲泡飯（$61）➰配 懷舊紅豆冰（特飲+$9）泡飯用料豐富，除咗有鮮甜嘅花甲🐚仲有勝瓜、菇、紅蘿蔔、雲耳等健康配料🙆🏻‍♀️湯底清甜味美，屬高質之選🥣令人滿有驚喜！⭐️單點：🔸煙三文魚牛角酥 配 沙律（$39）牛角酥金黃酥脆🥐酥皮內包裹住帶淡淡煙熏香氣嘅煙三文魚🐟味道鹹香鮮美，配以酸甜沙律醬更添風味💋🔸招牌冰火菠蘿油（$14）菠蘿油新鮮出爐暖笠笠且鬆軟🥯厚身牛油以冰敷分開上碟🧈食客可按個人喜好添加牛油份量，相當貼心呢❤️

去開旺角嘅人對呢間冰室應該唔陌生，佢正正位於旺角站D2出口，平時無論餐廳入面定出面，人流都超旺，今日終於決定去試試佢🫡1. 魷魚公仔麵（$39）龍城名物🤣出面好少見架～魷魚爽口彈牙，湯底香辣惹味😋評分🌕🌕🌕🌕🌕2. 鐵板招牌黑椒牛柳（$128）五分熟嘅牛柳肉質軟淋，冇筋👍🏻熟度掌握得幾好估唔到係原個薯仔攞去焗😳配埋酸酸甜甜嘅醬汁又幾match～套餐包埋丹麥多士同湯，食完都好飽肚評分🌕🌕🌕🌕🌕3. 煙三文魚凱撒沙律（$63）沙律菜份量唔少，但竟然係配泰式甜辣醬🙊第一啖有少少奇怪，食食下又覺得ok wor😂煙三文魚有兩大塊，偏薄少少，同埋感覺唔係咁新鮮🙊都係嗌翻茶記嘢食穩陣啲評分🌕🌕🌕🌗🌑4. 芝士西多士（$28）大大份好抵食，中間芝士都好厚，芝士味濃郁🧀不過略嫌油咗少少🤌🏻評分🌕🌕🌕🌕🌑

「龍城冰室」今日嚟到旺角呢間冰室其實晚晚收工經過都見到好多人排，今日本身諗住同屋企人嚟hea食，點知有驚喜喎！1️⃣蜜椒薯仔牛柳粒估唔到茶記都有啲大排檔嘅鑊氣🤣啲薯仔切粒走油之後有層脆皮～加埋啲黑椒同蜜糖好惹味！牛柳粒肉質都OK，幾有誠意！2️⃣蝦醬通菜炒牛肉鮮魷貪心嘅我揀咗炒牛肉鮮魷，大滿足🤣炒得靚仔唔會水汪汪！鮮魷都幾爽脆！3️⃣招牌鹽焗雞拼沙薑豬手粒飯呢度除咗有燒味之外，仲有鹽焗雞！呢個係是日晚餐，所以包埋餐湯餐飲，抵食之選～個鹽焗雞，我第二日收工經過都外賣咗半隻返屋企加餸😋✨⭐️🌟值得一提嘅係呢度嘅夥計都好親切，唔會好似平時茶餐廳有時會遇到啲冇禮貌粗聲粗氣嘅員工，加上坐得舒服食物質素又唔錯，睇嚟都可以成為我屋企嘅飯堂😘

今晚要番夜，所以就早少少5點食個early dinner。諗住快靚正食一餐，一出地鐵站就見呢間冰室，裝修好似都幾靚，所以就唔諗咁多。本身可以揀下午茶，不過見到花甲忍唔住想食，今次叫咗招牌海鮮湯花甲泡飯$61。佢賣相好靚，都好足料，我一路食一路數，大概都有十幾隻花甲，食落都無乜沙，洗得好乾淨，食落好新鮮。除咗花甲，都仲有好多配料，有勝瓜，菇，紅蘿蔔，雲耳，口感豐富。配菜同飯嘅比例啱啱好，唔會食哂餸冇飯。比起其他下午茶，叫依個泡飯可能要等多一陣間，大約15分鐘，我趕番工但係好彩都食得切。最鍾意喺個湯底，飲落好鮮甜，唔鹹，唔似味精湯，湯面望落都冇乜油，幾好。唔怪得之Menu都有提話記得飲湯，雖然飲湯好肥，但我都差唔多飲哂碗湯。嘢飲就跟餐叫咗杯涷檸水，足足有四片檸檬。

台灣旅行認識既朋友遠道而來，話想試吓地道香港茶餐廳風味😌我就帶佢去龍城冰室一齊食晚飯🤣是日晚餐牌日日不同，今晚有招牌鹽焗雞拼沙薑豬手粒飯，我一見到就決定揀呢個😂試曬佢嘅招牌🌟果然夠嫩夠味！驚喜既係豬手粒又幾爽脆仲有好多骨膠原添👍🏻👍🏻我朋友叫左蜜椒薯仔牛柳粒🤩🤩茶記價錢但有有大排檔嘅鑊氣！！我都偷食左好多粒😝😝我最鍾意蜜椒果種甜甜辣辣又有黑椒香氣好風惹味！加埋d外脆內軟既薯仔直頭係天生一對💜跟住仲叫多左個小菜：蝦醬通菜炒牛肉鮮魷😋😋好足料好豐富，好多片牛肉🤭啲通菜都幾嫩🙌🏻唔會炒到好老，我地2個好快就清碟😂朋友好like🫡同場都好多旅客🧳地鐵站一出就係，超方便，服務態度出奇地好😮🙈幾熱情，唔黑面唔會唔耐煩🙏🏻🙏🏻nice👍🏻

現在巿面上冰室越開越多，食物選擇種類也一樣多，與一般茶餐廳相比確實多元化很多。這次在旺角龍城冰室，以多元化食物供應來吸引食客入座，難怪如此多人。******************************龍城冰室位置旺角地鐵站出口，店舖十分大，座位十分充足，晚巿前來尚早還有空位，一到下班時間，已經滿座。龍城冰室除了小菜、炒粉麵飯，還有鐵板、台式、酸菜魚、燒味、自家烘焙麵包，更有All Day Breakfast、小食、下午茶餐和晚巿供應，餐飲就相對簡單，餐茶和特飲，價錢都是一般茶餐廳收費，多元化得來都實惠，總有一款合心意。去冰室就會覺得食小菜，這次點選些精選食物。鮮油菠蘿包厚切鮮油夾在大大個菠蘿包，都一樣美。全日早餐 HKD68，魚柳、煙肉、意大利香草腸、炒滑蛋、芝士火腿牛角包和沙律菜，賣相都不錯，大塊魚柳肉厚，香草腸香草味很香，牛角包牛油香和滑蛋，成為豐富全日早餐。常餐沙嗲牛肉公仔麵配奄列蛋和香酥丹麥酥 HKD56，沙嗲牛肉都不少，肉質不韌，還帶有花生醬香味，公仔麵口感都不差十。火腿蛋奄列都不錯，香酥丹麥酥牛油香味不少，配上奄列而吃更美味。燒腩仔配叉燒例牌 HKD118，燒腩仔皮脆無

旺角呢間龍城冰室門口長期大排長龍見今日人少少排隊就試吓🤣其實原來人龍都去得幾快，因為入面環境好大，座位數目都好多～ 車水馬龍 啲人氹氹轉🫢以為佢座落係旺角咁黃金嘅地段價錢都會貴貴的，但點知好貼地😍《香鍋麻辣雞套餐》$79一個小菜一碗飯加杯熱飲都係$79😳😳上枱個鍋熱到'咋咋'聲～麻辣雞嘅味道隨之而來～～好 香 😳賣相亦一啲都唔馬虎！配菜又多，雞件又多…味道仲好足添💕佢係一人版嘅乾版雞煲，所以配飯真係一流🤍好耐冇食過燒鵝🥹 見到呢度有得食即刻嗌番份黎食🤭外皮燒得好香，而且夠熱所以一定好食啲😳肉又唔乾唔柴👍🏻仲有酸菜魚！ 估唔到又做得唔錯，本身都冇太大expectation但原來佢配料又多，魚又大塊又滑 湯底又唔會太咸而家啲茶餐廳都非常多種類嘅食物～surprise

餐廳：龍城冰室 (旺角)地址：旺角亞皆老街65號旺角新之城地舖香港人最鍾意就喺食茶記☕️，不過如果講起茶餐廳唔知你第一時間又會諗起邊間呢？有6間分店嘅龍城冰室絕對喺我頭5位之一😌，觀塘、旺角、尖沙咀、銅鑼灣等我成日去嘅地方都有分店🤣，咁就腳絕對啱晒我雖然佢哋嘅早餐俾其他茶餐廳貴啲🤏，平均都要40幾蚊，但喺依然無阻大部份時候都座無虛席，人氣非常高企，招牌沙嗲牛肉公仔麵同秘制香辣魷魚公仔麵喺必食‼️加上早餐選擇都幾多，亦有現場烘焙麵包🥯，的確吸引咗唔少長期熟客✝️鐵板招牌黑椒牛柳 $128多數嚟食都喺食佢哋嘅早餐，今次就試咗佢哋成間餐廳最貴嘅食物，最貴都喺$128，難怪咁平民嘅價錢大部分人都Afford得起🤑！唔好以為茶記出品嘅牛扒就無料到，估唔到呢份牛柳比到我驚喜🎉，用鐵板上一上枱已經「滋滋」作響，仲有好濃烈嘅牛肉香味🤤，未食已經覺得吸引😍，牛柳叫咗5成熟🥩，用刀輕輕一切已經可以將牛柳切開，外層接近全熟帶有焦香，內裡肉質粉嫩軟腍，一咬肉汁就淺出而且帶有陣陣牛羶香🐮，個人覺得唔使加黑椒汁已經好夠味，仲有2大塊每塊足3-4cm厚，對比起高級扒房嚟講呢個質素同價錢真喺算平👍。雖然唔知點解會配埋娃娃菜

平時食開西餐多 好耐冇食過茶記🥰之前聽其他人講 龍城冰室幾好食 尤其係個常餐 而且又多食物款式 於是今日去試吓🤪皇牌鐵板餐—招牌黑椒牛柳鐵板餐當然係必叫㗎喇🤣 牛柳好大塊 而且加埋啲黑椒汁 好惹味🎊食落肉與鬆軟 但又唔會有鬆肉粉嘅味🤟🏼常餐101 — 招牌秘製香辣魷魚公仔麵依個常餐101亦都有好多人叫 香辣魷魚做到好出色😊 魷魚完全無筋 同埋份量都多 加埋個辣汁😘 配埋個公仔麵 簡直係一流 而且另外仲有奄列同埋麵包😉簡直係超值炸薯條最後仲叫咗個炸薯條 份量都比預期多 而且炸到好香脆 完全係茶記嘅風味🙌🏻😜

🍴鐵板餐 128 蚊🐂黑椒牛柳 配羅宋湯 要意粉 🐂 仲有丹麥多士 都幾抵食 加凍飲3 蚊 total 131 蚊羅宋湯好足料 好多蘿蔔絲 蕃茄 酸甜度適中 多士厚度正常 都幾香脆 點落羅宋湯度唔錯鐵板大大碟 有兩舊好大既牛柳 五成熟 切落去好淋 口感好 d黑椒汁倒落鐵板度都夠哂入味 意粉好多 本身有 d蕃茄醬喺面 加埋黑椒汁 都 ok仲有少少菜同蘿蔔絲 邪惡得黎帶 d健康🤣Score 平均分< 7.5/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#龍城冰室旺角亞皆老街65 號旺角新之城地鋪~~~~~~~~~~~~