龍城冰室

[龍城冰室].一出旺角地鐵站🚉就見到大大隻字龍城冰室🤭🐉 嘩 好彩我早少少到 ت我一坐低就即刻見到出面好多人排隊呀🤯.🌟常餐 — 招牌秘製香辣魷魚公仔麵🍜嚟茶記 識食一定食常餐😌😌次次都沙嗲牛麵？ 試吓呢度既招牌魷魚🦑麵用左秘製調味 少少辣但非常香口 🌶️ 魷魚🦑爽口彈牙 口感豐富又有層次☺️. 🌟韓式泡菜魚片花甲豆腐石鍋 🍲熱氣騰騰🍲🔥 泡菜香氣濃郁 魚片鮮嫩 花甲鮮甜 🐟 豆腐柔滑吸晒啲汁超入味石鍋保溫效果好好 ♨️茶餐廳都做到韓式料理真係好勁👏🏿 .🌟焗芝士雞扒意粉🧀🐓🍝芝士融化的香氣配上酥脆嫩滑雞扒🐔 芝士香濃拉絲 意粉彈牙入味 焗烤後表面微焦 好滿足🤤🤤.🌟滑蛋叉燒蝦球飯 🍳🦐 蛋香滑嫩 叉燒甜香入味 🤤🤤蝦球鮮彈Q脆 米飯粒粒分明 🍚 .🌟榴槤菠蘿包🍍🥯 創意十足‼️ 菠蘿包的酥脆外皮加上濃郁的榴槤餡香氣飄飄👃 鍾意榴槤嘅一定唔可以錯過😌🤭.香港茶餐廳食物種類越來越多😎😎除咗基本嘅常餐之外仲有多元化多國菜🇨🇳🇩🇰🇩🇪🇯🇵香港茶記冇得頂呀🤡🤡.@dragoncitycafe.hk📍: 香港旺角亞皆老街65號旺角新之城地舖.…查看更多

每次行過哩間茶餐廳，都睇到排長龍，今日收工早少少，有位即刻試試。餐廳裝修得好古香古色，好似入到港劇啲茶餐廳。Menu好多嘢揀，加少少錢仲可以包埋飲品，抵食。凍檸檬茶，套餐加配，茶底應該用咗錫蘭茶地，夠曬濃濃。飲品飲落唔會好甜， 茶底帶有回甘又有好重嘅檸檬香味:)。雜果賓治，傳統嘅港式飲品。飲品顏色繽紛，有數款唔同味道嘅啫喱，再搭配埋七喜，飲落酸甜清爽，氣泡濃郁。巴拿馬火腿凱撒沙律，巴拿馬火腿入口鹹香帶少少煙熏味，同新鮮爽脆嘅羅馬生菜好夾。沙律醬調得啱啱好，唔會太膩，仲灑滿咗芝士碎同麵包粒，增添口感。香煎沙朗肉燥飯，沙朗牛扒煎得啱啱好，肉質嫩滑唔韌。肉燥飯嘅肉燥肥瘦比例唔錯，醬汁鹹香味十足，用來撈飯一流。仲會搭配埋青瓜，酸菜同流心蛋，全部食曬TIM:)。招牌微辣肥牛拼鮮蝦，肥牛片薄切入口軟嫩，鮮蝦新鮮爽口彈牙。湯底似酸菜魚多D，微辣醬汁好惹味。配料仲搭配埋娃娃菜，娃娃菜吸曬啲汁好入味，食落更加清甜。…查看更多

今日lunch去咗旺角龍城冰室，啱啱過咗中午時間都仲有勁多人～龍城冰室嘅麵包都係新鮮出爐忍唔住要叫返個試吓🍍 菠蘿油麵包焗得香脆，外皮帶少少甜味，加埋厚厚一塊冰牛油，咬落去夠晒邪惡又香口，成個味道平衡得幾好。🍞 厚切西多士厚身多士炸得金黃酥脆，外脆內軟，牛油同糖漿配合得剛剛好，唔會太膩，每一啖都好有層次感，啱晒鍾意食甜嘢嘅人。🥩 鐵板 招牌黑椒牛柳個餐會有埋餐包同埋紅湯～～首先牛柳熱辣辣上枱，叫左七成熟。肉質比較嫩，茶餐廳冰室嚟講質素真係算幾好，黑椒汁味道香濃，配菜可以揀薯菜/飯/意粉，咁啱因為我哋想食埋菠蘿油同埋西多士，所以就叫咗薯菜！份量夠豐富，食完有滿足感。🐟 招牌酸菜魚呢個算係幾有特色，佢有唔同份量嘅酸菜魚，我就揀咗個一人份量但係都好大兜。🙈🙈酸菜湯底香中帶微辣，好開胃，魚食落比較有口感，佢唔係一咬就散開嗰隻～配埋啲蒜蓉辣椒同花瓣裝飾，打卡一流，味道同賣相都有驚喜。總括嚟講，龍城冰室啲嘢食幾有心思，不過繁忙時間就可能要早少少過去排隊啦，因為都幾多人！…查看更多

今日終於嚟到旺角龍城冰室打卡啦！呢間位於亞皆老街65號旺角新之城地舖，超易搵，過咗馬路就係，唔使怕迷路～一入到去，復古冰室feel即刻扑面而來，霓虹燈、舊式卡座，仲有陣陣港式奶茶香，簡直係香港舊日回憶嘅縮影！皇牌鐵板餐一定要試！先講招牌黑椒牛柳，鐵板滋滋聲一響，黑椒汁濃郁得嚟唔辣喉，牛柳嫩滑彈牙，每一口都juicy到爆汁，配埋洋蔥同青椒，熱辣辣上枱，食到停唔到口～另一款焗芝士海鮮飯，芝士拉絲超長，下面係海鮮飯，蝦仁、帶子、青口滿滿，飯粒吸收咗湯汁，焗到金黃香脆，一勺挖落去，芝士海鮮香即刻爆發，滿足感100分！當然唔少得凍檸茶同港式奶茶解膩，奶味濃滑，茶香夠勁，飲完精神一振～整體嚟講，龍城冰室係旺角隱藏版寶藏，價錢親民，份量夠，絕對係茶餐廳控嘅必去！下次嚟旺角記住嚟呢度食常餐啦～#龍城冰室 #龍城 #香港冰室 #冰室美食 #香港冰室排名 #茶餐廳 #港味餐廳 #港式奶茶 #香港必食 #香港美食 #香港酸菜魚 #茶餐廳關注組 #常餐 #常餐關注組 #香港常餐 #沙爹牛肉面 #香港旅遊 #香港探店 #港式復古…查看更多

位於旺角的港式茶餐廳，港九都有分店，這家旺角分店的地點非常便利，地鐵站一出已經見到，光猛開揚、懷舊冰室裝潢風格的地道港式茶餐廳。食物選擇眾多，中式常餐、小菜、西式意粉、鐵板牛扒、粉麵飯都有。菠蘿包自家出爐，款式甚多，菠蘿包是最經典的港式包點。西多士即叫即製作，多士厚厚的，炸至金黃，四邊微脆，充滿蛋香。內裡鬆軟。上面加塊牛油，慢慢軟化，塗上糖漿，很邪惡。招牌酸菜魚一盤酸菜魚，一人份量，湯底濃香惹味，魚塊滑嫩無骨，還有萵筍、酸菜、蘿蔔片等，配白飯吃，特別下飯。招牌秘製香辣魷魚公仔麵香辣魷魚，爽彈又有嚼勁，醬汁香辣，拌公仔麵吃，非常惹味。常餐還包括火腿奄列及丹麥多士，蠻豐富的。招牌黑椒牛柳牛柳配薯菜，淋上黑椒汁。牛柳軟腍，已切成細塊，方便客人吃。原個焗薯仔，很飽肚。…查看更多