好舒服、好自成一角既好地方，三五知己ban埋係塌塌米到好有自己空間👍🏻 - 滿滿海膽杯 好cute個玻璃杯一拎起，成班粒粒魚子碌落黎🤭好味既！ - 三文魚層層疊 職員即場同你燒一燒，好香，而且三文魚真係好多，多到蓋過左件壽司🍣😋 - 京都味噌青瓜🥒 都係會即場燒一燒個味噌，超香！幾特別食法 - 蟹味噌甲羅燒 係好味既，但兩味都係味噌就太濃味，大家可選一款可叫會更佳 - 明太子醬厚燒玉子🧈 好滑蛋，堅厚既！ - 牡蠣🦪清蒸煮4隻 好大隻😍啖啖肉！ - 蒜燒厚切牛吞心 做得好彈牙，好好咬口👍🏻 叫左杯白桃soda&葡萄🍇酒 整體來講，好開心發掘到呢間餐廳🫶🏻上左一樓好似與世隔絕左咁、塌塌米空間舒服闊落，食物質素高👍🏻

日式餐廳黎講，呢間都算應有盡有。拉麵、串燒、刺生⋯⋯⋯⋯好多選擇！仲有張special menu，like and follow 社交平台有discount 😍- 四品刺生盛合
有三文魚6切😍甜蝦&北寄貝各4切，活赤貝1隻
好肥美，好新鮮😋😋- 泰式生蝦
都係靚蝦，啖啖肉😊- 自家制叉燒拉麵🍜（血池地獄湯底）
叉燒夠林，拉麵彈牙👍🏻
湯底仲有得揀大辣中辣同小辣- 極上牛肉配讚岐手打烏冬（芝士湯底）
個湯底已經好無敵😍😍😍😍
芝士控好滿足😌- 濃芝士薯餅、炸魷魚鬚、椒鹽雞軟骨
三味炸野都做得好脆口，好入味😋- 青檸柚子梳打 + 綠茶雪糕配綠茶紅豆冰
勁多飲品選擇，仲要係賣相又靚、又好飲👍🏻整體來講，好開心發掘到呢間餐廳🫶🏻位置方便、環境闊落，食物質素高而且性價比高，職員態度友善❤️

位於商場底轉角位，方便而且幾大間，坐得舒適，自在👍🏻 蘑菇瑞士漢堡🍔 有勁大個蘑菇、牛肉、芝士🧀️，配左好大份炸薯條 好吸引🤩牛肉夠林，蘑菇彈牙好好咬口👍🏻 火腿菠蘿🍍Pizza🍕 揀左厚底，芝士味甚濃 Mango smoothies & Cold lemon tea 特別推介smoothies ，係用雪糕shake出黎，超好味😋 整體黎講，係一間幾悠閒、幾好坐既西餐廳 兩個人以上賣單大約五百幾蚊，還可接受

俾網上相片吸引到，賣相超靚，慕名而來！ 店舖細細間，只做外賣既 可以選擇揀佢set好左既款式，或者自訂組合亦可以！ - 醉冧RUM🍾 呢個係set好既款式，真心正，酒店甚濃 好特別既配搭😍 - 自選杯 揀左配酥皮筒，可以自選2款配料+1款醬汁 想講個menu係有廿幾款選項，揀左好耐😆 最後揀左芒果（係新鮮芒果肉粒）&蘆薈粒粒爽 醬汁揀左抹茶牛乳醬😍 超鍾意！ 乳酪好滑亦唔會過甜，係用左北海道牛乳做，好香濃！ 食完一杯已經想再食另一款口味😋

老老實實，而家連V city的餐廳都唔洗點等位🙈🙈又令我有機會試到呢間性價比幾高既上海菜喎👍🏻😋 松子大黃魚🐟 酸酸甜甜好入味，幾脆亦好開胃👍🏻 砂鍋花膠雲吞雞（一位）🐔 個湯好香滑，一位份量剛剛好，有兩粒雲吞、兩三件雞，兩三塊花膠 花雕醉雞（例） 清清地，唔算十分入味，但都可以既！ 酒釀丸子🍡 清甜彈牙，滿意👍🏻 豆沙鍋餅 佢唔係脆口個種餅，係少少似夾餅個種，又另一番味道，我鍾意既！反而冇咁熱氣🤭 整體黎講，上菜速度好快，兩個人叫咗咁多野食，買單唔使$500，菜式選擇亦都好多，性價比真係算幾高。

旺角鬧市中的樓上日本餐廳，環境好舒服，職員好有禮，好悠閑開靜👍🏻 - 烤魷魚乾 好開胃👍🏻好好咬口、好入味😋 - 拖羅海鮮豪華太卷 好正😍😍😍有肥美既海膽，入口已經好香口 - 鵝肝大黑菇 鵝肝好香濃，好match，分開食、一齊食都好食🥰 - 燒蠔 好大兩隻，係滑既👍🏻🫶🏻 - 虎蝦天婦羅🍤 啖啖肉，連蝦頭都好甜❤️ - 日式蜂巢手羽仙&活鰻小串 蜂蜜味既雞翼好入味🤭 鰻魚亦都係皮脆肉嫩，彈牙👍🏻 - 鮮磨山葵牛肉 牛肉真心好滑好林👍🏻👍🏻👍🏻而且甜甜地好match！ - 鹽燒三文魚頭連魚鮫 魚肉好滑嫩，皮亦都燒到脆脆地咸咸地，好鍾意😊 整體來講，好開心發掘到呢到🫶🏻餐廳位置方便、環境舒適，食物質素高而且食材新鮮，職員態度友善，好鍾意呢間餐廳❤️

旺角鬧市中的樓上cafe，座位好闊落舒服，環境亦都好休閑安靜👍🏻想玩既亦都有board game借你玩🤭 - 軟殼蟹黑松露意大利粉 成隻蟹好夠脆，黑松露香味亦夠出，意粉好滑👍🏻 - 龍蝦湯 好香濃，入口好滑👍🏻 - 芝士焗薯條 拉絲芝士好正！份量好夠大，一個人堅食唔晒，好岩三五知己邊吹水邊食🤭 - 蜜桃乳酪 好清新既鮮果香🥰 整體來講，餐廳位置方便、環境舒適，食物質素幾高，算係性價比幾高既一間樓上cafe！

係屯門市廣場Donki門口，平時經過成日見到人地d食物好靚，終於搵到機會試一試🥰 - 蕃茄沙律配胡麻醬 好過癮，原個蕃茄上🤭好清新👍🏻 - 濟州柑橘乳酪 - 熱情金菠蘿沙冰 兩杯都係好出名要叫左打卡既！心心眼🥰🥰係好味既！最重要係好睇😆 - 神話豬腳紫蘇拌飯 豬腳肉好林，好入味，唔會太咸，好OK喎！ - 醬燒牛肉飯卷 好爽口，好味😋 - Lotus焦糖芝士窩夫 超好味既窩夫，外脆內軟！芝士碎好重味，超鍾意❤️ 整體來講，餐廳位置好搶眼、食物外貌好搶眼，估唔到精緻菜都好足份量，好夠飽，而且食物係好味既👍🏻👍🏻讚！

細細間但分左兩邊鋪，另一邊鋪個感覺好自成一角，鍾意😊👍🏻 - 極尚龍蝦湯叉燒拉麵🦞 個湯好香濃，夠鮮👍🏻 - 人氣雞白湯叉燒拉麵🐔 加 流心蛋🥚 兩碗既叉燒都好林，麵都夠挺身，流心蛋剛剛好！ - 蟹肉忌廉薯餅🦀 好creamy，脆口香口😋 - 炸魷魚鬚🦑 大大一碟，夠香脆，魷魚都夠鮮味👍🏻 - 炸章魚球🐙 兩粒好fit，皮唔算厚，肉粒都大粒，好味既！👍🏻 整體來講，餐廳細細間，但上菜好快，食物質素高，性價比高！值得再去😋

連日來見到好多人打卡，新店開張超多優惠👍🏻👍🏻今日去到平日下午都keep住有客😋👍🏻 - 桂花凍108茶王 烏龍茶底，有桂花同愛玉既清新👍🏻仲有得抽獎🎟️抽到免費加配料🥰 - 波霸珍珠奶茶(熱) 奶茶味夠濃，珍珠超級多😍😍 - 青茶3Q 好鍾意呢杯簡簡單單，綠茶底，有珍珠、椰果&茶凍，好多野咬，又唔會太甜！👍🏻 整體黎講，飲品質素高，店內好多台灣人，連新開張既優惠都好有創意，之後都會繼續買😋