龍城冰室

營業中

休息中

港式扒房已經買少見少，好多都可以系茶記同冰室食到。今日行經#龍城冰室 ，見到門口餐牌內有鐵板餐供應，全店免收加一，而價錢同份量系旺角區相當吸引，一食完就行多幾步就落到地鐵站。我吔一致揀咗羅宋湯，湯料足，夠味，食完個湯唔口渴。柑桔蜜&紅豆冰鐵板招牌黑椒牛柳配全熟薯菜 蒜替汁牛柳揀咗全熟，大小和厚度與牛仔骨相比較為厚，肉質鬆軟多肉汁，我幾鍾意個蒜替汁偏酸。薯菜好香，飽滿，沾左點沙律醬都好食。鐵板板燒黑椒牛仔骨配意粉 黑椒汁有4-5件左右都算幾多，油脂感重，但加左黑椒汁食落感覺唔會太油膩。

今晚叫左晚餐F，蜜椒薯仔牛柳粒飯，有好幾個薯仔都係脆口既，好明顯係炒唔熟啦！我都幾乎日日黎食咁濟，質素有好有唔好，但其實味道係唔錯既，賣相都唔差，不過希望可以改善下！

3點幾去tea 1 tea先下午茶餐牌有三十幾項選擇三十幾至六十幾不等今次叫左下午茶餐酸菜魚配飯68加3蚊凍飲呢個餐平時午餐做88另一個就叫左常餐 因為想食佢個丹麥多士味道全部幾好只不過食得有啲辛苦一 9成滿 但唔夠人 出餐有啲慢二 今日33 34度 有開冷氣但都好焗 要自己開埋個風扇仔先好啲啲

今日嚟幫屋企人拎眼鏡，之後行經呢間冰室都好多人就入去食個下午茶，點咗個酸菜魚配飯估唔到個份量咁多，而且冰室嚟講佢嘅酸菜魚味道都好出色，cp值十足呢間冰室真係好多人，可能因為佢嘅食物款式都好多，啱曬唔同人嘅喜好。我揀咗特飲紅豆冰，嘆住嚟等酸菜魚，紅豆煮得夠淋夠溶，酸菜魚都好快整好，好大碗，魚片份量好多，不同類型嘅辣椒睇到口水都流！食落酸菜魚唔會太辣，酸香味豐富，好啱口味。呢到食物種類好多，樣樣都好吸引，下次要再試下！

記得呢間嘢係疫情嗰時開，地點方便，餐廳超大。之後停業咁耐竟然仲撐得住。呢間嘢嚟過好多次，有好，亦都有唔好嘅經驗。最深刻印象係，佢嘅龍城炒米粉，以為可能係乜嘢招牌菜，結果非常難食。第二次係花甲湯飯，以為係啲湯汁令到隻蜆唔開，一咬落去成口都係沙，嚇死。因為方便嘅關係，之後都是有幫襯。瑞士汁雞翼，炸薯條，呢啲嘢中規中矩，可以一試。乾炒牛河都唔錯，不過水準唔穩定。咖喱都幾好食，呢個選擇比較穩陣。尋晚就試咗佢嘅鐵板餐，叫咗牛仔骨，同薯菜。個湯同個包其實真係唔錯。sorry太肚餓不過冇影相。個焗薯我都幾鍾意佢個醬，雖然唔係整得出色，但係我覺得幾好食。好啦，終於講牛仔骨，一上嚟個賣相都幾差，食慾大減，不過就有成五大嚿喎🙄。牛仔骨好多根唔係嚿嚿切得開。用嚟練習吓用刀叉都幾好，食咗一兩啖唔錯嘅就好似抽中獎咁開心。

下午2點幾排隊進餐廳，店員門口問我幾位我說2位，再問到了沒有，我說沒有，她直接跳過無視去招待我後面的，我唔知係我冇錢食定係覺得我食唔起，咁既服務我點都唔會接受，請我都唔會再去，嬲到爆炸

今日出去旺角行街，個fd 話之前宵夜係呢間食，都幾ok, 服務又好，當時餐廳老細都係鋪頭度。入到去，爭啲跣親。地下好油，餐枱之間嘅通道好多笪地方濕立立。叫個員工拿個碗，成個碗底都係橙色油漬，一睇就係食過未洗(唔係洗唔乾淨嗰啲樣，係一睇正常人都覺得未試)。我唔知係咪個員工近視太深，定點la ! 個fd 話換太快，應該影低，諗我又冇諗咁多，出街食飯，都係想開開心心啫。點知，轉個頭見到個黑色衫女員工，拿住紙巾係度撩鼻屎，嗰下真心好嘔心🤮出嚟食飯仲要見呢啲嘔心場面，真係唔講出嚟都忍唔住。啲嘢食唔係唔好食，正正常常，冇問題嘅。但見到呢啲場面，唔好意思絕對冇下次，真心推薦唔到😞

一入到茶餐廳，已經有個靚位坐下，之後叫食物，感到不對勁，越嚟越熱，冷氣稀薄。後來食物到來，雖然也幾好食，但太熱影響食慾，沒有心情食食物。最後都吃下，但我見各人大汗淋漓，真是苦痛！希望改善冷氣！另外，由於冷氣太少，夥計們個個都大汗淋漓，他們不是不想做，而是盡了力，都覺得好辛苦。他們食客們的要求都盡量配合，奈何食客因為熱而經常轉位，影響大家的工作質素，可想而知，一個夠用的冷氣系統，是多麼影響貴店的服務質素呢？

伏香港服務業務表表姐 ，可一不可再，永不光顧！身處旺角中心區，此餐廳的惡劣服務態度，真係港味代表..！因位置方便，無論本地人同遊客都會到訪的本地茶餐廳，此餐廳致力爛服務文化推廣到極點：一，小心地滑，豐富油脂鋪地下，溜冰場一樣 二，金毛阿姐，送餐用力掉落枱面，十分晦氣，好似俾乞兒咁。三，重點特色所在，全部侍應都會鬧人，包括落單 ，尤其是收銀阿姐表情凶狠，吾滿意同公司講吾好同我講，一副關我鬼事嘅嘴臉。四，經理努力鬧員工 ，站左門口向水吧位置破口大罵，全場客人陪鬧。五，各位待應姐姐被鬧，心情當然煩燥，向住客人態度更差勁，遇上客人不悦反駁，姐姐們就大聲叫經理然後行開。六，早晨時間 。半場空置，仍堅持要搭枱（併桌），為公司提高成本效益，同時成功令客人反面。總結，食得落你就去食啦…

今晚同朋友喺旺角睇完戲都成11點幾😌有啲肚餓就直接去食宵夜☺️呢間喺旺角新之城樓下嘅龍城冰室，平時晏晝經過見到都要排隊🤪即使依家嚟到都仲有好多人喺度食野傾偈！鮮銀芽蝦球泡飯用左肥美鮮蝦球、銀芽、勝瓜做餸😌蝦球食落口感爽脆、仲有成五隻咁多😍勝瓜清甜、濃郁嘅龍蝦湯底泡飯真係幾好食😋鐵板招牌黑椒牛柳配意粉同黑椒汁🐮牛柳厚實叫五成熟剛好保留了肉質鮮嫩滑🫶搭配上濃郁馥醇的黑椒汁令人口齒留香🤤意粉軟硬度適中👍餐湯羅宋湯飲落酸味味令人好開胃😊西蘭花炒龍躉球炒得幾有鑊氣😌西蘭花保持爽脆口感,龍躉片厚切啖啖肉😊一啲都唔孤寒👍龍躉皮充滿骨膠原，調味恰到好處,不會過鹹油膩👍飲品叫做港式凍咖啡及熱檸水

一入去已經冇人理 等左陣有個黑面呀姐指我地去張枱 坐低叫野食啦 條友勁唔耐煩咁：講numberok 咁講number囉 全程黑面黑到以為佢同我有仇一路食一路有一隻隻飛黎飛去 打死左2隻食完出黎隻腳勁痕野食係好茶廳質素囉 搞唔掂

Feeling a bit dizzy after doing my shopping in Tsim Sha Tsiu. Had to hop off the train for food. I googled the closest restaurant to me. It lead me to this restaurant I ordered french toast with peanut butter and grilled Japanese tenderloin The French toast was served right after I placed my order. Thought it wouldn’t be fresh but the toast was so fresh and crispy!! The tenderloin was so tender but not well done! Otherwise it’d be overcooked to my taste. So many people. Basically full house

大家好今晚去了旺角龍城冰室這間店位於旺角地鐵站旁邊新之城隔離人流都幾勁既位置 人都好多因為佢有一個咖喱吉列豬扒飯好似幾正我就點了一個這個咖喱似係屬於比較濃郁既馬來咖喱食得出有椰漿同好多馬來香料果種也唔會太辣好易入口豬扒方面足足有兩塊甘多加埋比我手掌仲大少少炸得好香脆仲有兩件幾腍既薯仔可以送咖喱添另外這個飯仲可以加$6 配埋凍擰茶因為菠蘿包似乎都係呢度既特色再叫多個榴槤菠蘿包菠蘿包都幾大個 菠蘿皮好脆切開菠蘿包都真係有榴槤餡料係裏面另外一提這間店位於旺角中心地帶但服務員既姐姐都好有禮貌唔會好急操服務唔錯

龍城冰室一向都是自己在旺角的飯堂，無論食物質素還是員工嘅工作效率都非常高，上菜速度快，今晚自己一個食飯，由於晚飯時間尚早，吾洗等位就入到座。天氣悶熱，選左海鮮湯龍躉泡飯 ，同埋菠蘿包，飲品就選咗凍檸茶。 先來菠蘿包，菠蘿包一貫水準，包微暖，酥油皮脆口，是好好的餐前小食。跟著到海鮮湯龍躉泡飯，一來見到泡飯上面有3大嚿龍躉肉、好多勝瓜同雜菌，好足料。海鮮湯係龍蝦湯的味道，好飲又暖胃，龍躉肉泡過油，魚肉肉質彈牙香口，泡飯易入口連埋其他配料，不知不覺已經食晒成碗，份量充夠，簡單滿足的一餐。😋😋

好耐都冇食過港式味道鐵板餐。網上翻查資料，見到旺角#龍城冰室 評價唔錯，決定就黎呢邊試試。餐牌選擇眾多，種類有煎炒煮炸煲等，連小菜都有。鐵板餐都系$100左右 ，特飲都只係加$9。招牌鐵板黑椒牛柳配黑椒汁 $118牛扒係好淋身， 7成熟加黑椒汁，味道更勝一籌，呢度嘅扒都係淋身有口感，仲包埋餐湯，餐包，鍾意食淋身扒一定唔好錯過！鐵板照燒鰻魚雞扒$108雞扒相信燒左一陣，不過肉質都仲好嫩滑，而且大大件勁抵食，唔食牛嘅朋友都絕對推介，仲有塊鰻魚食!!雜果冰+9紅豆冰+9 店家坐落於旺角鬧市區域，座位寬闊，坐得舒適，百零蚊食得好飽，晚市時間已經開始滿座，好快就現人龍，預留時間等位。