鼎泰豐

營業中

休息中

以為疫情會冇咁多人幫襯點知成間野都幾full下小籠包⭐️⭐️⭐️中規中矩 啲皮唔會太薄夾起黎都唔會穿 排骨湯麵⭐️⭐️⭐️排骨炸得都幾好食排骨唔算好薄偏瘦左啲糯肉燒賣⭐️⭐️⭐️⭐️味道唔算話好出色但非常之有特色從來冇食過咁樣口感嘅燒賣有啲似雲吞皮包住糯米飯 值得一試

由於疫情嘅關係冇得去旅行，咁就唯有去香港既餐廳食唔同嘅菜式頂住檔先，嗰陣喺台灣食過鼎泰豐，反而喺香港未食過🙌🏻今次就終於去咗啦😛😛😛菜肉紅油抄手朋友唔係好食得辣都食到 反而我自己覺得再辣啲會更惹味～但係涵料比例控制得好好 皮唔會太厚 有返係台灣果陣食既水準～酸辣湯酸辣湯嘅味道真係做到又酸又辣味 個人就好鍾意 ❤️ 再加上鼎泰豐嘅酸辣湯用料好足 基本上每一啖都可以食到肉絲 原味小籠包鼎泰豐最出名嘅就係小籠包 有唔同嘅味道😍但係我自己最鍾意嘅就係原味小籠包🙌🏻熱辣辣小籠包嘅肉好鮮味😆而且每一啖咬落口 熱湯就會喺口裏面爆出黎 極度推薦

2人限聚令期間，同屋企人去食鼎泰豐。因為突然好想食小籠包，諗住應該冇咩人去。點知原來係要排隊嘅。食咗個烤夫都算唔錯，係細碟咗少少。擔擔麵就真係一般般。。。最好食就係小籠包同埋甜品豆沙小籠包，係我嘅最愛呀。因為唔係好甜，第一次喺細個去台灣食嘅，食到要叫多一籠。今次係隔咗咁耐再食返，同喺台灣嘅味道一樣。。。無變過，所以就算最後食飽，我都要叫多個甜品。最後2個人食到攬住個肚走。。。提提大家豆沙小籠包係必食!!!

🌷每次我必點涼菜香干馬蘭頭，欣賞佢細緻菜粒，配豆干香，觸動味覺神經🍄 紹興酒醉雞，冰冰涼涼、充滿酒香的鮮嫩鷄件💝小籠包外皮厚薄適中，皺褶賣相靚，肉餡有肉鮮味，湯汁不油膩

食過無數次呢間台灣米芝蓮餐廳 今次就集中討論下我覺得最好食嘅野🤤 我今次試左醉雞 擔擔麵 台式四季豆 小籠包 同埋蝦仁肉絲蛋炒飯🤤醉雞係一如既往咁好食 雞好嫩滑 浸左入一個非常濃嘅酒入面之後 食雞都會醉咁🤣🙈 擔擔麵就唔係平時食湯嘅擔擔麵 呢個係撈麵 但個汁都係大同小異 值得一讚嘅係佢個汁好多花生 好濃郁 好味!!!小籠包雖然係普通又簡單嘅嘢食 要整得好一啲都唔容易 呢間小籠包嘅皮厚薄適中 口感亦唔會太粉一咬入去入面啲湯爆曬出嚟 正!!!🤤蝦仁肉絲蛋炒飯對我來講係一個驚喜 因為就咁睇只不過係一碟好簡單嘅炒飯 但係越簡單係越難整😆 炒飯入面嘅蝦仁非常爽滑 肉絲都好淋 炒飯唔係用咗好多調味 但係好好味 除咗鹽我都唔知佢落咗啲乜嘢🙈台式四季豆並唔係我哋食開嘅干煸四季豆佢冇咁乾身嘅 加上係凍上嘅 但係一樣咁野味惹味😋😋We ordered a Drunken chicken, Steamed pork dumplings, Noodle with spicy sesame and peanut sauce, Egg fried rice with shrimps and shredded p

小籠包及酸辣湯味道比台中食嗰間有味得多小籠包湯汁頗多同皮薄排骨蛋炒飯好味, 排骨好入味, 蛋香好勁, E個都真係有D意料之外但服務態度當然台中好好多啦, 香港E邊需要改善下

如果唔係朋友提議，已經唔記得咗銅鑼灣還有一間鼎泰豐。鼎泰豐三個字似乎仍然有啲吸引力，最近環境同餐廳本身嘅地點 ，平日午市有七成入座率已經算不錯。四樣菜先嚟㗎係著名嘅小籠包。 皮薄多汁，一口size 剛剛好。水準依然超班。炸醬麵沒有醬，叫佢做肉碎撈麵更加貼切。冇醬之餘亦都冇乜味道。台灣紅燒牛肉麵賣相一樣平平無奇，不過味道唔錯。湯底比較重中藥味，未必個個適合，小弟反而覺得比外面一味得鹹嘅湯底更多層次。最後上枱嘅係浄菜肉雲吞。本身已經比較淡口嘅菜式喺食完牛肉麵後覺得更加無味。最後決定將啲雲吞放落牛肉麵啲湯裏面先至入得口。

星期六來到銅鑼灣，想吃台灣菜，回味一下上年去台北旅行吃的鼎泰豐美食。想不到午市都要等位十多分鐘才可入座。紹興酒醉雞$80- 酒味濃郁，雞肉有些部分肉質較乾，雞皮爽滑。絲瓜蝦仁小籠包(6個)$67- 假如吃普通豬肉小籠包已經滿足不到你的口腹，我推薦這個絲瓜蝦仁小籠包。湯汁清甜，絲瓜提升了爽脆的口感，較一般的小籠包清新，減少了油膩感。台式紅燒牛肉湯麵$92- 牛肉份量偏少，湯底有藥材味道，麵條口感爽滑有口感，點一碗一起分享剛剛好。豆沙甜糭$50- 趁端午節應節，點了豆沙糭，糯米蒸得軟糯有口感，豆沙香甜，作為甜品一流。小籠湯包(12個)$84- 這個是假日限時推介，店員跟我們說小籠湯包的皮蒸壞了，要我們再等多二十分鐘，幸好我們吃飽了可以等下，而且餐廳環境偌大舒適，坐在卡位等下都好。原來小籠湯包跟平時吃的不一樣，份量較少，湯汁較少，皮依然很薄，不過蛋絲湯過鹹，喝不下去。

食過咁多間連鎖上海滬菜店,始終最吸引到回頭既都係鼎泰豐既小籠包,今日行開銅鑼灣係諗唔到試咩餐廳既時候都係回歸鼎泰豐既懷抱.小籠包都係一樣可以透過超薄細既小籠包皮見到小籠包內盛滿湯汁,湯汁既份量至少填滿1/3有多.夾超既時候雖然皮薄但又唔易穿,一咬水裏既湯汁即刻流出,肉味好香濃又唔膩,肉餡依舊香滑帶陣陣豬肉香.台式擔擔麵即擔擔醬帶好濃既芝麻同花生醬味,入口夠濃稠香滑,再配上辣油輕輕減低膩滯感,麵質夠爽彈之餘充份掛上擔擔醬.最後再加上粒粒芝麻碎增加口感得黎又加重花生既香味.油豆腐粉絲湯,湯底清而不濁,豆腐內夾雜肉餡令成份湯味道無咁單調多份肉香.粉絲夠彈牙又唔會過腍帶有韌性.粉絲湯上又加上榨菜司蝦米令湯底更香濃,味道鹹鹹香香.

I was there for dinner with my friend. Good environment and gentle staff. We order some food. All was delicious. Impressed by the beef make for the soup and other one ( see description in the pic ). Slow cooked and delicious on the palate. Silonbau was amazing and the vegetables was very good hot and well cleaned. I will back again

上星期五同事話 lunch time 想食鼎泰豐，我地就去左食，一去到餐廳，完全唔洗等位就入得去，正我地今日叫左小籠湯包，四季豆，涼拌海蜇，蝦仁炒飯，紅油炒手，煎餃子，春卷，泥芋小籠包。除左涼拌海蜇同埋四季豆之外，其他樣樣都好味。個海蜇冇乜味，調味方面係冇？至於個小籠湯包，紅油炒手同埋泥芋小籠包，真係每次必食，冇一次係會令我失望。佢個炒飯都好味，炒得好乾手，我每次好肚餓嘅時候都會叫佢個抄飯架至於個煎餃子都春卷都好脆好香口，都唔錯

獨家村的午餐，要快，幸好有抬，唔使等便可以立即入座，枱與枱之間有合適距離，能令人安心適意地進食，枱面也闊落，點多幾款食物都有空間放上. 一個人，食量有限，可點的數量受限制，最後選取了小籠包、川椒雞及牛湯麵. 小籠包有六件，皮薄多汁，挾而不破，肉的鮮味頗豐，醃製時已加入了麻油，吃前沾上薑醋，渾然和味；川椒雞是先炸，然後用甜酸醋煮，有少許辣味，川椒葉絲托底，雞肉的約有十件，大小適中，但肉質一般，雞味欠奉，大概是雪藏貨；湯麵不過不失，麵質彈牙，尚算可口，湯底頗清，但無甚驚喜. 茶水每位十元，另收加一，可以接受.

一星期都有一次同家人出街食飯，今次就揀咗銅鑼灣既鼎泰豐。因為多人等位，所以我選擇早啲去排隊等位，個職員話要半枱人數先比入去坐，所以我大約等咗半個鐘到先入到去。今餐食豪啲，所以4個人叫都點咗9款食物做晚餐：小籠包：皮薄，肉鮮，一定要食。醬汁黃花魚、香菇素餃：皮薄，餡料足料。紅燒牛肉湯麵：牛肉好淋，麵條有咬口，湯底濃郁。蝦仁燒賣、雞絲蝦仁春卷、酸辣湯：酸酸辣辣啱哂胃口，口感豐富。蘿蔔絲伴海蜇皮：簡單前菜，涼拌十分好食。八寶飯。樣樣都好食，全家都食得開心。

喺台灣食過一次，但係要朝聖下香港嘅鼎泰豐睇吓質素如何🤔小籠包（$64）鼎鼎大名嘅招牌小籠包果然係味道唔錯👍🏻記住要趁熱食，配埋裏面嘅熱湯。屁夠晒薄，餡嘅份量啱啱好。食完兩籠都忍唔住要encore叫多一籠🤪雞肉小籠包（$67）唔知道有雞肉小籠包可以揀😮個人覺得個湯比較鹹，但係肉嘅份量都唔少嘅。唔知點解雞肉小籠包仲貴過豬肉小籠包😅菜肉蒸餃（$60）個人覺得個餃皮厚左D同埋比較乾，要點啲醋食。呢個嘅餡仲多個雲吞。台式紅燒牛肉湯（$78）牛肉幾厚同埋腍，份量啱啱好，湯一啲都唔辣。菜肉雲吞湯（$64）雲吞皮嘅厚度啱啱好，餡幾多菜，但係唔算大粒。清燉雞湯麵（$89）個人覺得D麵太粗，但係鍾意佢分開上個燉雞湯，D麵唔會腍曬。雞肉都幾多，雞胸好腍👍🏻仲有隻雞脾😍台式擔擔撈麵（$55）一D都唔辣😓麻醬味唔夠濃，淨係有陣苦味😕但係D麵幾好食，唔會太腍高湯炒豆苗（$128）成晚最貴嘅一碟餸🤣但係菜豆苗係靚嘅👍🏻炒得好香同埋好味，份量都唔少，但係可以收平啲😅。好多侍應，時時刻刻仲會幫你斟茶😅大枱都隔得幾遠，都適合一家人嚟。價錢一般，食食吓都成千蚊。食物質素都唔錯😋

好耐無食鼎泰豐小籠包，行完街就專程到銅鑼灣食，整體都非常失望，得小籠包是水準之中皮薄多汁，咬開啲湯流出來，夠鮮夠濃郁，不愧是鎮店之寶。台式四季豆，味道幾好，但份量少到不得了，以為是前菜，而且正常應該是熱炒出來，但呢碟豆是凍的好失望，好似食緊冷盤咁。醬汁黃花魚，一樣是細到不得了，同太鹹食咗幾啖就停哂手。紅燒牛肉湯麵，牛肉幾大舊又軟腍，不錯。麵又彈牙，配埋個湯，好夾，是正常水準另外要咗兩杯凍豆漿，普普通通〜