鼎泰豐

營業中

休息中

第一次黎食鼎泰豐 唔好講笑 係幾好體驗我感覺自己好似去左旅行景點甘成個餐廳都係外國人 而且餐牌上有齊不同國家語言 圖片甘佢個餐牌好簡單 但都好招牌 我因為得一個 今日我只叫左一客小籠包同牛肉麵 埋單$185小籠包我諗係必叫 好新鮮 一籠6隻佢係果種好薄但有彈性既外皮所以我6粒夾起全部都係無穿 而且好多摺 好強既技巧 無得輸另外我叫左牛肉麵 佢有個係牛肉湯 一個係有埋面 甘因為中午都想食個面就叫左牛肉麵 有牛味 湯頭唔濃係可以直接飲用既咸度 好足料 另外佢係細面都幾吸到湯 不過我分開左個面 用沾面方式黎享用佢 我覺得佢唔夠咸 所以加左少少醬油 茶係靚茶 整體服務同食物都好有水準 見到佢外賣有88折 我決定下星期再食

[ 鼎泰豐 ]，一個喺台灣嚮噹噹的名字 .....同朋友行開銅鑼灣， 突然之間好想食台灣菜，即刻打開openrice睇下有咩台灣餐廳好食。朋友話不如去鼎泰豐廳， 心諗我哋成四年冇去鼎泰豐啦，咁我哋就試一試 睇下 水準 係咪仲係一樣咁好餐廳環境寬敞樓底非常之高，枱同枱之間都有好多空位，侍應嘅數量亦都非常之足夠， 唔會話唔夠人手。至於食物呢，我哋就嗌咗以下幾款。1) 紅燒牛肉麵，湯頭濃郁，牛肉軟腍，水準保持 😄2) 小籠湯包，肉汁四射，非常出色😉 3) 花雕醉雞，一個看似制法簡單的冷盤，但要做得雞滑兼入味，並非易事，但 鼎泰豐 掌握得很好，真係好好味呀 ! 😍人均 $200 左右，抵食推介。🤩

訂購晚餐，取餐時，被餐廳職員責罵：「下次不要落這樣的備注 !下次多人做唔到！！」 我的備注是「小籠包多份醋」，「外賣袋用膠紙黐口」疫情底下，用膠紙封袋口，顧客要求錯了？還是多份醋有問題？？態度囂張的餐廳！

又一間台灣老字號過江龍, menu有三種語言, 中英日, 可想而知十分受歡迎, 而且都採用左全透明玻璃廚房, 用餐客人都可以直接見到師傅製作, 價錢就一定偏貴, 而且款式都好多, 淨小龍包都5,6款, 味道就大部分好食, 係唔小心揀中左一款好伏既牛肉面蘿蔔絲拌海蜇皮 ($62)高質, 好夾, 味道好清爽脆口, 令人一啖接一啖小龍包 ($66, 6個)好食, 但同坊間既正常水準小龍包差不多, 有湯汁, 肉味正常, 而間特別在醋同醬汁係分開2枝, 可以依自己口味而調配蝦肉紅油炒手($68, 6個) 比一段豬肉餡料好食, 而且每一隻都有原隻蝦再加豬肉, 而款好食台式紅燒牛肉湯面 ($92)一碗由好評直接到只可以俾OK評價既牛肉面, 好難食, 面同湯底正常, 牛肉都有3大舊, 1件牛筋, 牛肉好UN, 係咬唔開個種, 咬得開都啃唔郁, 牛筋都唔諗, 食牛筋就係想食個種軟諗, 有啲黏口骨膠原既感覺, 而件完全冇總括而言, 雖然CP值唔高, 但都係一間幾出名而且好食既小龍包店, 未食過既我覺得值得一試,  希望只係我當日個碗既牛肉面唔好食

今日吃簡單的晚餐。小籠包：這小籠包的包子皮很薄，比平曰吃的小籠包細少少，肉餡鬆化，當中又有鮮美湯汁，一個一口，配上醋和薑絲，熱乎乎.菜乾豆乾絲：這涼菜是平常家常風味，就是菜乾、豆乾絲和粉絲涼拌，帶一點醋、麻油和醬油風味，清清地。蒜蓉炒菠菜苗：這菠菜苗炒得幾有鑊氣，既有蒜香，又不太油膩，味道唔錯。蝦仁肉絲蛋炒飯：看似平實的炒飯炒到幾香口，飯粒不是乾身那一種，還有少少濕軟，加上可口的旦絲、肉絲和爽口的蝦仁，味道鮮美，淡雅而不寡，幾ok.這一天的晚餐ok

多年來都能夠成為米芝蓮推介的台灣著名食府，水準一定有保證原料的嚴選堅持、食材的細膩虞理、烹飪的嚴謹調味、上桌的品質服務，每一個環節都謹慎面對，層層把關，才能將這份信念送到客戶的餐桌上食物方面:原味水晶肉 : 豬手肉味道鮮美，豬皮嚼勁彈牙，一道美味的必食夏天開胃菜菜肉紅油抄手 : 紅油微辣帶甜，菜肉抄手足料美味胡椒排骨湯麵 : 湯麵清湯美味，手工麵煙韌彈牙，炸排骨有肉味，外皮胡椒味濃

身為上海人，小籠包作為當地平民美食由細到大食唔少。台灣鼎泰豐好多好多年前在香港紅磡剛剛開店時就幫襯過，印象是不好吃性價比低. 今天路過銅鑼灣鼎泰豐，家人想吃小籠包，ok冇問題，再试吓無妨俾多次機會佢（簡直好了傷疤忘了痛）兩個人叫了兩籠小籠包，一籠糯肉燒賣，一碟烤夫，一碟蒜香粉皮肉. 主角小籠包啲肉又松散又乾又渣又冇味，係有汁嘅，但除咗油又係完全冇味，難食到啊！連點小籠包嘅醋都淡到冇味，可以講係我食過最難食小籠包! ! 蒜香粉皮肉，啲白肉唔知擺咗幾耐，完全風乾曬，肉乾甘，加粉皮拌口感差而且一點味道都冇，烤夫和糯肉燒賣都係中下等之作👎成餐飯冇樣嘢好食，應該講係難食👎再有連沖茶嘅水都唔够熱，一間超級失敗嘅餐廳，竟然仲係米芝連一星，所以話所謂米芝連餐廳，除咗貴性價比低就只能呵呵了！這個以小籠包出名的餐廳，小籠包都可以甘難食，仲可以生存咁多年，開甘多分店，真係奇蹟

原味水晶肉 - 好好食嘅前菜，簡單嘅食材，複雜嘅烹調方式，令到平平無奇嘅豬肉變成超級好食嘅水晶肉，佢最值得讚嘅地方係唔會散，正絲瓜蝦仁小籠包 - 香港好少有其他口味嘅小籠包，佢入口時，有絲瓜清新，唔會太肥膩，好適合減肥又為食人士食春菜肉絲湯麵 - d麵好幼細，而且彈牙，唔易斷，個湯清清地唔錯台式膽膽撈麵 - 同平時食開嘅膽膽麵唔同，佢無肉，只有花生，但味道濃郁，少少辣，唔錯蝦肉蒸餃 - 入面嘅湯汁好清新，但改成煎餃應該會提升口感迷你芝麻包 - 近年流行流心，佢就唔係呢樣，但都好好食，細細個，可以一啖食完再食其他野

因為住係附近酒店，系街見到橫額又貼左小籠包既廣告就試下。聽朋友推薦呢度既小籠包一向都唔錯，另外叫左炒飯，小食多滋味，個人最滿足都系小籠包，外皮唔系太厚，食落去味道都相當唔錯。

My all time favorite restaurant that serves awesome xiao long bao, appetizers, noodles and rice.  Countless visit to this joint in various locations and all of them are consistently good without failing even once.Came early on a Saturday to avoid the long queue and the staff was considerate to put us (with 2 kids) at a corner away from the crowd.Tossed shredded beancurd & seaweed & bean sprouts: finished it in less than 2 minutes and had to order another one simply because it's too goodTossed sh

又黎「鼎泰豐」食家鄉菜，老老實實要計佢究竟好吾好食，我只可以講佢只係中規中矩級數，不過貪佢價錢抵、上菜快。提早六點左右吃飯，已經坐得滿滿。我每次來都發現銅鑼灣店特別多外藉人士客人。店員也多，快手快腳，ok 㗎！點左四樣嘢，不須十分鐘上齊，同快餐有得揮。乾扁四季豆加上XO 醬香口惹味四喜烤麩醬油吾入味，用料亦未夠足，一般以下。小籠包吾知真定假，「小籠包」好似細粒左，舊肉同湯包都削左，冇以前咁好吃。蝦仁炒飯以珍珠米炒飯，炒飯底吾算乾身，但又炒得幾好食，珍珠米甜甜地，蝦仁大隻亦爽口，份量就細左小小。

自從covid之後,都有起碼成兩年冇去過台灣，台灣嘅鼎泰豐小籠包，差唔多每次去台灣都會去食。今晚咁岩要去灣仔睇話劇，睇之前又諗唔到食咩好，就去銅鑼灣搵吓有咩嘢好食，經過鼎泰豐見唔使等位，就去尋找下台灣嘅味道，食咗當去咗。當然叫咗小籠包，鮮蝦炸春卷，炸豬扒同埋豆沙小包。小籠包，皮薄多汁，一籠六個，兩個人食有啲唔夠喉。鮮蝦炸春卷，有驚喜，雖然其貌不揚，味道唔錯。炸豬扒好好味，有好似食緊台灣便當幸福嘅感覺。豆沙小包，又係每次去鼎泰豐必要嘅，唔會太甜，好香豆沙味。

下畫放假，見鼎泰豐無乜人，唔洗等位，一於試下。⭐️水晶肴肉 & 烤麩⭐️肴肉入口好有香肉味，很清新絕對無膩嘅感覺。烤麩咬落qq彈彈，唔會又濕又軟。⭐️紅燒牛肉麵⭐️好普通，個湯唔濃，好似係味粉溝岀嚟，麵唔掛湯，肉就正常啦，不過不失。🙂⭐️小籠包⭐️果然係招牌菜呀！外皮薄透內餡多汁，底用白布鋪住，唔怕夾起上嚟會穿漏汁！🤩⭐️赤豆鬆糕⭐️有驚喜！個餡非常有紅豆香味，沒有紅豆沙的地方則有糯米香！鬆糕軟軟綿綿有彈性，好味！食得飽坐得舒服，小籠包同鬆糕尤其推薦！

好耐無食過台灣名物 鼎泰豐 今次一個人午餐見到不用排隊就決定回味一下單價不便宜,一個人食2碟已經過百蚊蘿蔔絲伴海蜇皮 海蜇落了麻油夠爽口夠香 當前菜食不錯招牌小籠包 5分鐘左右上得鼎泰豐嘅小籠包算係數一數二，熱辣辣送到食落皮薄餡靚，咬開後啲湯流晒出嚟非常鮮味多汁消費$150銅鑼灣怡和街68號地舖

我認識的鼎泰豐是在20多年前跟團去台灣時在此吃午餐 第一次吃就已經很喜歡 因為皮薄 肉汁多又鮮味 價錢又十分親民 後來知道它在香港開分店 更加第一時間去光顧 時至今日 很多店鋪的小籠包都做得十分出色 更加入新的元素 令它百花齊放 各有特色今天去了銅鑼灣的店 發現裝修沒有太大改變 所以看起來有點老氣 等了大約15分鐘就有位 廚房採用半開方式 可以見到師傅在工作 服務員白衫黑褲 負責廚房的有載帽子 令人感覺很舒服及衛生 餐牌上品種不多 保持臺式的風味我點了假日獨有的小籠湯包連蛋花湯 和一般的小籠包不同 外皮像雲吞皮 大小也和雲吞差不多 內裡也是鮮肉餡及有湯汁 放入蛋花湯來一起吃 別有一番風味蒜香粉皮肉 香而不辣 粉皮很滑 肉切得很薄 清燉牛展湯麵 湯一點油也沒有 味濃而清 一片片的牛展 入口十分軟滑 配上彈牙的麵條 正最後都是忍不住再加單 要多一客小籠包 吃得真是暢快啊雖然價錢相比之下有點小貴 但是值得的