黑龍

營業中

休息中

🎌 黑龍 (灣仔)灣仔汕頭街29號地舖🔅呢間餐廳係日本師傅打理，佢哋嘅特色就係拉麵湯底比出邊嘅更加濃郁。無論係個拉麵底、湯底、餸菜、配料等都會做到100分。👇🏻今日就揀咗一份拉麵一份沾麵。-辣三枚肉沾麵 $9️⃣8️⃣初頭冇諗住食沾麵架，但係見到OpenRice都幾多人推介呢一款就試吓佢，佢個湯底味道真係好濃郁，如果冇食開咁濃味嘅嘢可能會有啲唔習慣。👅不過大家可以放心，職員會為你哋安排一壺鰹魚湯，有需要嘅朋友可以將佢倒落原本嘅湯底度溝稀少少。-山椒辛味噌拉麵 $9️⃣8️⃣✌🏻呢一個拉麵我就有做足功課，因為我知道有好多人慕名而來，成日都話唔夠材料而賣清光，所以今日同朋友提早到門口排隊，就係為咗呢份拉麵。好彩冇令我失望！山椒味好突出，成個湯底好特別，好濃郁。叉燒都好入味！。

同媽媽去灣仔shopping，行到肚餓就知係時候食野啦！媽媽想食麵，咁就同佢去食啲平時比較少食的拉麵，去左《黑龍》，黑龍拉麵店係灣仔汕頭街29號地舖，有個黑色的三角形屋頂，好顯眼，好易揾。🥟餃子 $38餃子一碟5隻，外皮一邊煎到香脆，2邊Q彈，裏面餡料足，肉餡多汁好味。咬落去好有口感，好滿足！辣三枚肉沾麵 $98呢碗沾麵真心好正呀！麵彈牙有咬口，厚厚的腩肉外層燒到焦香，咬落去油脂和肉混合，無得輸！成隻溏心蛋🥚好好味😋個沾麵湯係🐷豚骨湯黎的加秘製辣粉，好惹味！🐂牛荕black 拉麵 $98 媽媽好鍾意食牛筋，呢個合佢口味，拉麵混合左港式風味，加左牛筋係入去🤩，好有特色呀。湯底係香濃的牛腩味，叉燒好靚好好食，牛筋又腍又滑，拉麵必有的溏心蛋亦好出色👍木耳絲爽口，洋蔥🧅和蔥令個麵的味道更有層次。

今日收工自己一個去咗食同事介紹嘅日本拉麵，呢間日本拉麵係幾正宗嘅，而且喺灣仔亦都幾多人推介嘅拉麵，今次一個人試咗佢嘅沾面同埋章魚燒。🍜辣三枚肉沾麵 $98因為上次嚟食過湯拉麵，今次就試咗佢哋嘅沾麵，佢哋沾麵都冇令人失望，向右Jimmy湯品亦都非常之龍尾，但又唔會講得好鹹，而且佢嘅呢亦都非常掛汁！🧆章魚燒 ( 燒汁味 ) $25佢哋嘅章魚燒亦都好好食，嚟到嘅時候熱辣辣非常之香。再加上我嗌咗燒汁味，令到嘅時候已經舔舔脷😆食落口嘅時候非常之熱，而且係有入口即溶嘅感覺非常之好！

食在灣仔🧷黑龍•¨•.¸¸☆･ﾟ•¨•.¸¸☆･ﾟ•¨•.¸¸☆今日又同我男朋友拍拖，我哋去開附近嘅商場睇電腦就順便過嚟食吓嘢！我同我男朋友都好鍾意食沾麵，不過近呢一個月真係未食過！所以我哋行過見到呢一間拉麵店就諗都唔諗衝咗入去🤑🤫辣三枚肉沾麵 $98💗🤫櫻海老沾麵 $98💗兩個拉麵最大嘅分別就係一個辣一個唔辣，另外佢哋嘅叉燒都有唔同㗎 ！一個係輕微燒過，令一個係就咁煮！我自己覺得燒過嘅嗰一塊好食啲🥰如果拉麵底嚟講，其實我覺得兩個都一樣，面比較軟身一啲好，我自己都幾鍾意。不過湯底略濃，如果大家好似我咁唔係食得好慣就可以拎起枱上面嘅鰹魚湯底倒落去！

日本拉麵一直深受港人愛戴，不少港人目標要食盡香港拉麵為人生目標😎😎可見港人對拉麵的熱愛程度。最近去了位於灣仔既黑龍，係區內都幾有名氣既拉麵店，店員態度誠懇有禮，環境闊落，食落都幾舒服😋😋👍👍今次點左：1️⃣黑龍叉燒飯 $882️⃣吉列豬扒$45⭐️黑龍叉燒飯 叉燒每件都肥美嫩滑，唔係瘦到鞋恰恰架，口味正宗，肥瘦啱啱好🥩🥩醬汁好食，甜甜地，叉燒同飯都吸哂啲醬好正，飯粒粒分明，仲有粒溫柔蛋，配飯一流🍳🍳🍛🍛⭐️吉列豬扒$45豬扒鬆軟無比，略帶少少肥，咬落去鬆化軟淋，肉質唔會鞋，厚肉，好好味🍗🍗😋😋

終於嚟到周五，努力完今日，可以放下假，放工慢慢食個豪華晚餐。去左《黑龍》食拉麵，拉麵店係灣仔汕頭街29號地舖，有個黑色的三角形屋頂，好顯眼，好易揾。放假點可以唔嚟返杯啤酒＄45🍻，再嚟野食。先嚟件🐽吉列豬扒$45 ，豬扒即口即炸，新鮮熱辣🔥，豬扒炸得好靚，金黃色的外層香脆可口，入面的豬等扒仍然係Juicy的。櫻海老沾麵 $98，呢個麵有好多櫻花蝦，數片叉燒和一隻溏心蛋。沾麵的麵有啲近似鳥冬的粗度但又比一般鳥冬幼身少少。麵咬落去QQ彈彈，又有力可以掛到湯汁。叉燒味道適中，成隻溏心蛋好滿足，蛋汁沾麵都好好吃😋

‼️沖繩鹽味豚骨拉麵‼️🙉喺Menu入邊千揀萬揀終於揀到我想食嘅口味，呢個口味係職員推介我嘅，佢一嚟就叫我試吓飲下佢哋嘅湯底先，然後再叫我試吓佢哋嘅拉麵。雖然話有鹽，但係湯底飲落唔會鹹，而且味道好濃郁。🙌🏻麵係幼麵，食落有少少鹽味，幾特別。溏心蛋真係溏心😏叉燒唔會熟透老哂，very good!‼️吉列豬扒‼️🙉小食就揀左吉列豬扒，日式嘅吉列豬扒，真係零瀉唔同，比一般嘅下等豬扒較為厚身，肉質比較有口感，外脆內軟，仲要充滿肉汁。炸粉唔會過厚。如果唔想咁熱氣，仲可以放入湯度浸一陣先食😳，將佢放入團骨湯底入邊豚肉味更昇華！

今日同朋友晏晝搵嘢食，就專登去咗呢間黑龍拉麵店，之前朋友食過白雞湯拉麵非常之推介，我哋今次一個白雞鹽拉麵，另外想試少少新嘢，所以我哋就叫咗個沾麵黎食！呢個我哋係二訪嘅白雞鹽拉麵，佢哋嘅質素果然沒有改變，依然十分之美味。白雞湯嘅味道依然非常鮮甜，而且飲得出不是味精湯！他的拉麵亦都非常之瓜汁食落口非常之香。另外我哋今次新試嘅櫻海老沾麵，佢呢個沾麵都非常之吸引，佢嘅蝦味非常之有層次，一開始食到好滋味，後尾鮮味會慢慢滲出來！

🖍️牛筯black 拉麵 $98唔知係咪因為湯底淆製咗好耐嘅關係，所以味道非常濃郁，勁多牛筯係面，全部都係好入味好腍，第一次食咁正嘅牛筋👍🏻上面仲有溏心蛋，半流心狀態，我自己唔係咁鍾意張隻蛋浸咁耐湯底。因為會浸熟左隻蛋☹️，所以大家如果有蛋嘅話都可以試吓我呢個方法畢起咗先！我自己覺得呢度啲嘢食都唔錯，唔知係咪因為日本人經營嘅關係，所以真係好有日本風味嘅感覺！本身係想試佢另一個拉麵，點不知已經賣晒🫠唯有下次再嚟食！我見呢到仲有好多唔同類型嘅小食，今日食得太飽啦，所以都係下次再試下！

📍黑龍灣仔汕頭街29號地舖🍜黑龍豚骨拉麵 $88呢間拉麵一直都好想試😋咁啱做野會去開灣仔就試一試佢，我去到一點都未夠，已經見到前面大約有10個人到等緊🥲但好彩都唔算等好耐就有得入去食😌接待我既店員係日本人黎👨‍🍳，即時覺得日本氣息又重左🤤🤤🤤至於個拉麵我覺得個湯底好香好濃✨‼️唔會太咸或者太油膩🧐就算食完都唔會好濟🤘🏻麵既硬度都啱啱好而且都好掛湯😚一啖接一啖好快就食完😋😋

灣仔有一間好出名的黑龍拉麵🍜，主打濃郁美味的湯底，是由日本人開設的，湯底的材料充足, 因此湯的黏度也跟日本的差不多, 非常的香濃足味💛🤤😋👅😝😛😍 店舖雖然不大，但是服務周到，疫情期間會控制人流，隔個位置先會有另一枱客人，所以上菜速度快，極力推介！絕對係近年香港拉麵評價最高的一間！💛👍🏻⭐️黑龍豚骨拉麵 $88 ( 可選擇辣度 ，激辛，二倍，基本，無 ）豚骨湯底好濃好Creamy, 拉麵係幼麵，都好彈牙。紫菜好碎濕濕果款唔係一塊果啲紫菜，我幾鍾意，好爽口。叉燒薄身，肉質嫩口，多肉多汁，好juicy😛😛。我都奇怪點解個湯咁濃味。唔係好多香港人食到喎應該，我最到最後先知原來有個鰹魚湯汁可以溝架。無試到添wuwuwu，下次一定要再嚟試！白雞塩味拉麵🍜湯底熱騰騰超濃味，雞肉又嫩又滑入口即融。仲有隻糖心蛋🥚⋯⋯係好流心麵熱辣辣，雞蛋溏心啱啱好。d湯又熱又鮮味，麵質都非常唔錯。麵的軟硬度自選也合我口味，有蔥真係好好😛😗總括味道係唔錯👍🏻👍🏻🍜🔥章魚燒 ( 燒汁味 )$25，一份有4粒，章魚燒圓轆轆，脹卜卜。章魚🐙燒加左燒汁，沙律醬和柴魚干，好好食😋

本人係拉麵愛好者😎😎最鍾意去搵唔同高質既拉麵，今次黎左呢間灣仔既黑龍，店內環境充滿日式感覺，天氣轉涼❄️❄️好適合吃一碗濃厚的拉麵，呢度就啱哂啦😆😆黑龍叉燒飯 $88（細），日式叉燒幾肥幾好味🥩🥩焦香味再加埋肥美嘅肉香，難以抗拒，個醬汁真係好香，包住哂叉燒同飯粒🍚🍚啖啖都係濃濃既醬汁香，飯仲吸埋叉燒既油脂🤣🤣🤣口味更豐富，加埋粒溫柔蛋，真係無得頂😋😋😋牛荕black 拉麵 $98，個湯底用牛筋煮，一食就食得出好香濃既牛味🍗🥩🥩個湯幾濃郁，麵叫左基本硬度，的確啱啱好，唔會過淋過硬，有少少彈口😆😆牛筋煮得好淋好入味，得兩三細嚿唔夠喉呀😋😋😋

牛荕black 沾麵🆚牛筋飯 ‼️到底係沾麵好食啲定係牛筋飯好食啲？我自己就覺得沾麵比較好食，因為始終有啲汁！雖然話就話佢個湯底係幾濃食內阻，會有少少膩嘅感覺，但係呢度嘅職員幾好，佢哋會為我哋預備堅魚湯，如果食到最後真係覺得味道爭少少就可以到啲鰹魚湯落去中和一下會比較好食。‼️牛筯飯都好正，牛筯又淋又入味！如果大家怕個飯太乾身嘅話可以多少少湯落個飯入面！咁就會濕潤多少少！🙌🏻我下次都會嚟食㗎，因為呢間餐廳嘅嘢食款式都算幾多！見到佢個Menu有好多嘢都想食，但係今日本身想食嘅嗰個拉麵已經賣晒，下次一定要早啲嚟排隊先至得❤️😮‍💨

我細佬話今日終於食到一間香港，最好食嘅拉麵店🤭唔知有冇人同我哋一樣都好鍾意食拉麵！我哋誇張到係每一餐都可以食🤣呢度嘅拉麵有啲咩咁吸引？淨係睇個餐牌已經有好多唔同類型款式嘅拉麵可以選擇，有好多味道都係勁出名，晏咗嚟就有機會已經賣晒冇得食☹️所以如果大家有心儀嘅拉麵，記得早啲嚟霸位！今日叫咗啲咩？黑龍豚骨拉麵 $88，呢個拉麵幾好，鍾意食辣嘅話就啱晒，因為有得揀激辛or二倍，如果唔係好食得辣或者食到少少就可以揀基本或者無辣。我我自己就揀咗激辛😚，辣得好過引，麵底較軟身。牛筯black 拉麵 $98，人氣首選嘅拉麵，我見好多人嚟到都係叫呢款，我就推薦左比我細佬。佢話呢度嘅牛筋好林好入味😋係一級棒！

今日夜晚收工同男朋友落咗灣仔搵嘢食，突然間見到有朋友推介一間喺灣仔好出名嘅日本拉麵🍜於是我哋就排隊入去食，夜晚嘅時候呢間拉麵都非常之有人氣，好多人等位。山椒辛味噌拉麵 $98今次我就叫咗一個辣味噌拉麵，呢個拉麵嚟到之後非常香，佢嘅辣味不會太刺激，但係可以食到淡淡辣嘅香味。佢嘅拉麵質地亦都非常剛好。白雞鹽拉麵 $88呢個白雞鹽拉麵都非常之推介，佢嘅湯底好香濃，雞嘅鮮味同埋佢嘅喊道適中，佢嘅湯會一啖接一啖咁係咁飲唔停口🤭而且佢嘅份量都夠飽👻