麻辣派對 (金百利廣場) (已結業)

由於最近不能北上，對於酸菜魚非常懷念的我就來到這間餐廳。這間餐廳主打都是酸菜魚，於是便來試一下。我今天點的是酸菜江團魚配上bb辣。 一上枱時我驚呆了，因為份量實在是非常之大，可以足夠三至四人的食用。江團魚肉非常鮮嫩，份量亦不少，而鍋內更有粉絲，一個人絕對食不了。而味道方便bb辣也是很辣，若果不食得辣的人不要點更高級了。但若果想挑戰店內提供魔鬼辣椒粉，有勇者可以挑戰一下嗎？反而酸道不是很足夠我認為可以再加強一下。另外我點了一份回鍋肉送飯，相比之下回鍋肉完全不辣，但還好香味仍在，故送飯仍是一流。最後由於太辣的關係點了一杯C飲，份量也是非常之多可以足夠兩人飲用。

去銅鑼灣搵食，唔知食咩都係想搵d辣野食，係金佰利樓下見到佢大大隻招牌，就去試下lo ，環境裝修幾好，用燈較暗，都幾好feel仲有朋友未到就叫碟小食先！脆生腸！正！又爽又脆！雖然一一樣就係我地太自大，叫左中辣太辣了🤣🤣不過都係好好食！之後就黎泡椒田雞啦！夠肉質彈牙❤️，用銅盤加蠟燭上，可以保温💕👍🏻但建議唔好食得太心急，要得佢煮耐d先夠入味！同埋一定要撈一撈等佢底下既汁都佔滿田雞，先最好食！最後酸菜魚，還好啦！個酸湯係好出味既，不過比起田雞都係田雞好食d！呢間可以加入『心水餐廳系列』！😍

這幾天真的太冷了，所以中午與同事到一間餐廳食川菜，一來可以暖身，二來可以滿足我食辣的慾望😘我還記得有一個好朋友經常叫我陪佢黎食，但一直約不到時間，我承諾會盡快應約🙈這間餐廳售賣很多川菜菜式，辣的程度有5種，分別是走辣、BB辣、小辣、中辣和大辣，隨餐可以選湯或飲品。因為我們不太能食辣，所以點了BB辣😂1. 鮮椒爽脆生腸 $78很多人未必會點生腸，覺得不健康，但我就最鍾意食🥰生腸雪得很冷，口感爽脆，配上辣油，辣椒和蒜粒，非常好食😋如果有枝啤酒，作為下酒菜，相信都會排頭幾名😂2. 招牌口水雞 $58這個口水雞的雞肉很嫩滑，在醬汁方面，除了有基本的辣油外，還有花生醬，味道又香又辣，不錯👍🏻3. 酸辣水晶粉（跟餐）這碗水晶粉和材料的份量都頗多，有花生粒、榨菜、肉碎和蔥粒，水晶粉很彈牙，而湯汁酸酸辣辣，很開胃😋4. 派對6小時燉湯（跟餐）因為天氣冷的關係🥶，想點一碗熱的燉湯暖身。湯裏頭有豬肉、雞腳和一些藥材，味道清甜而不油膩，很好飲😋

小白兔話好懷念食酸菜魚。見到近近地金百利有間，就上嚟試下。門口就見到有消毒搓手液，感覺乾淨衞生。入門見到可愛的花花佈置，少女心爆發。一坐低就先俾消毒濕紙巾。yooo~~好怕醜啊。原來除咗酸菜魚，仲有水煮魚，番茄煮魚同鮮椒魚。魚的種類同辣度都可選擇。 都係食番本來就想食的酸菜魚先。一上枱~ 嘩~好大一盤! 有花瓣鋪面， 同店舖裝飾互相呼應!試下味先! 雖然揀咗bb辣， 都會有少少辣。先辣後麻，而辣的感覺很快便消失， 不會有種想要一直喝冰水的感覺。 酸菜很多，魚肉也不少，並且很滑溜。 色香味俱全。吸收了酸菜湯的精華.，令本來平平無奇的水晶粉及魔芋，變得鹹鹹酸酸，特別有風味。除了水煮系列，還可另點小菜。今晚試了薑糖酒炒芥蘭， 甜甜地又有薑及酒香味的芥蘭，特別醒神開胃，可以食多幾啖白飯。還點了侍應推介的水果茶及鮮檸C茶。題外話，這裏的侍應服務真的超到位，也很親切有禮，耐心講解食用方法。 真係有點賓至如歸的感覺。大讚!

玩就要玩得盡興，食就要有幾辣得幾辣！正所謂薪火相傳，自幼就比父母灌輸食辣既文化，搞到長大之後都變左個辣伙頭。尤其是每次面對四川菜既誘惑，真係叫人難捨難離。如果你要我揀一間鍾情既川菜專門店，或者銅鑼灣呢間「麻辣派對」，絕對係數一數二既。佢地既配料、份量、味道都係高水準之作，食返個快Lunch，你都咪話唔梳乎！👇📌紅燒排骨小麵 - $58▪ 雞腎 - $10▪ 牛腱肉 - $10▫ 每次要去到食麻辣麵果陣，都一定要加餸，呢d就常識黎咖啦。要大讚既係用上餐廳用上陽春麵，麵質有咬口夠彈性，煙煙韌韌，幾特別。我唔算話好食得辣，所以揀左小辣，份量就大碗，碗上加左大量花生、葱花聞落夠哂惹味。排骨煮得名腍身，唔會太乾身，唔錯。另外雞腎、牛腱肉都做到爽口彈牙，用黎送麵認真一流。📌五香牛筋腩小麵 - $58▪ 水魷魚 - $10▪ 台式貢丸 - $10▫ 呢到既牛筋腩大件夾抵食，肉質軟腍香味濃郁，食落啖啖肉認真過癮。配埋新鮮水魷魚，入口索索聲，夾埋辣湯一齊食好夾；台式貢丸比平時食開既口感更加爽滑，肉味夠香。午市仲會送雲耳同埋紅豆沙，呢個價錢夠哂抵食啦。📌派對口水雞 - $68👉口水雞乃係四川菜

餐廳門口好美 走進去彷似置身秘密花園一樣，跟平日中式感覺很不一樣，座位大部份以卡位為主，環境舒適。侍應禮貌地安排坐位及介紹點餐方法，好貼心川北涼粉 （小辣）作為前菜涼粉份量充足，涼粉清涼可口配麻辣醬汁非常開胃，涼粉伴隨有大量肉碎同芫荽，花生脆卜卜令口感變得複雜，陳醋平衡了辣度，辣度恰好能刺激食慾，沒有太辣。店內推介的 歌樂山辣子鷄，加配肥腸，剝皮魚，蓮藕（小辣）。份量超級大，兩個人食足夠，見到一大堆的乾辣椒人就興奮起來。辣子雞炸得剛好肉質保持嫰滑，不會又乾又硬，肉質鬆軟，雞件數量充足，抵食。肥腸爽脆可囗，經過泡油的肥腸不會太膩，而且夠乾身😋蓮藕夠入味，辣炒醬汁包圍下的清爽口感，充分地平衡了乾鍋的辣度！🌶🌶我最鍾意嘅剝皮魚屬於最愛推介系列，雖然是加配，但份量很充足有六條以上，剝皮魚冇骨又香口，啖啖肉配上辣炒醬汁味道剛好，非常嘢味。吃的時候，魚還是脆脆的，口感結實新鮮冰雪鮮檸C飲食辣炒必點凍飲，檸檬果茶意外地發現有亞麻籽，有驚喜。亞麻籽令到果茶變得有咬口，酸甜度適中，配辣炒非常醒胃。還送了是日甜品 咋喳糖水，確實吃完辣炒後，真的想吃點甜的，感覺很完滿！

簡單叫了一個手撕雞、一個酸菜魚，特選桂花魚原因是本人不愛多魚骨 只想飲口辣湯。1、上菜速度好好、但上錯啲魚係生既2、叫廚房再煮耐啲、今次生熟度合適3、食兩件後 發覺每一塊魚都有啲骨碎、係切斷左先落窩。我理解水煮魚應該係開片時會順方向切，而唔會大大塊魚腩都會有¼節龍骨4、條桂花魚應該只係半斤多重、300蚊條小魚毛價格有啲貴咯後記：我太太經常中午過黎食 lunch 烤魚，佢評價烤魚沒毛病。如果水煮魚做不到位沒改善可以下架。但我下次如有必要再去也唔會再點（即系冇機會試水煮菜）

一般人來到麻辣派對會吃辣，但今次便特意點了不辣的菜色來試試，看看會不會與麻辣菜色一樣水準。海底椰燉雞湯這燉湯火喉十足，端出來時熱辣辣，清甜解渴。銅盆紅燒魚這盆紅燒魚的份量太大了，適合較多人一同分享，我們兩人吃剩了不少配菜，因為吃得太飽了，只吃美味香口的魚都飽了一半。干煸四季豆這是必點的菜色，除了是餐單上少有的蔬菜外，它的鑊氣滿滿，吃起來十分香口，夾了一條又一條。這是麻辣派對的招牌魔鬼辣椒粉，不能吃太辣的我看到字句便徹退了，喜歡辣的人能試試。這杯水果茶大的誇張，很適合二人分享，而且放滿生果，情侶必點，既健康又甜蜜。最後埋單時還送上桂花啫喱，味道清甜，把油膩的感覺洗掉。

環境4分：正常樓上餐廳格局，派對主題四周圍七彩繽紛，中國菜嚟講環境都算前衛，有格調果種，氣氛都唔錯，枱同枱之間唔算太迫，可以畀四分。衛生4分：地方都好乾淨企理，枱面又冇黐立立，都係畀四分。服務 5分：服務員唔囉唆，夠爽手，態度好好，服務可以畀滿分。味道4分：1)      戀味毛肚雖然叫BB辣，但係越食越辣，非常惹味，送啤酒一流，一D部位爽，一D部位淋，非常得意。2)      七味雞脆骨，名正言順七味粉炸雞軟骨，脆卜卜，又一送酒好菜。3)      黑醋伴秋葵D秋葵好長，好脆，好新鮮，酸酸味味咁非常開胃。4)      大刀牛肉小麵份量非常之多，有牛展，酸菜，花生，肉碎，蔥，Ｄ麵食得出係手打，煙煙靭靭，吸曬湯，非常有味。5)      飯後送桂花啫喱甜品，又香又可以解辣。抵食5分：四十八蚊一碗麵係晚餐價位，絕對抵食，畀滿分。

新年流流一定要食啲好意頭啱節興嘅嘢食，第一日食咗魚同蝦，呢個係每年指定動作，第二日都一樣，諗起仲有一樣野要食嘅，就係橫財就手嘅豬手，但係唔多餐廳開嘅時候唔係度度都有得食，喺銅鑼灣就諗起一到一定有得食，坐低唔使諗即刻叫，干鍋豬手叫咗中辣，新鮮花椒一串串上碟，麻香辣俱全，煮得唔係太林，比較爽脆有咀嚼感，唔會韌韌，另外再叫多一個麻辣小麵，一樣都係要中辣，呢樣野真係食幾多都冇問題，放耐咗都唔會發脹，同樣麻香四溢

今日晚餐，去咗銅鑼灣嘅麻辣派對，麻辣派對位於銅鑼灣金百利廣場4樓，由銅鑼灣港鐵站E出口，1分鐘內就到，非常方便入到餐廳，環境相當有情調；佢哋主打不同程度嘅辣度，務求滿足所有客人嘅口味，當然唔食得辣嘅朋友都可以選擇走辣今次點左金牌酸辣水晶粉、麻辣牛展肉、燒椒小皮蛋、古法咕嚕肉金牌酸辣水晶粉，水晶粉入口煙韌彈牙，配合埋不同的配菜，當然，亦要選擇合適自己嘅辣度，絕對係必食之選麻辣牛展肉，餐廳誠意十足，絕對唔會好似出邊啲餐廳咁，得面頭幾舊，份量十分足夠，配合埋高水平嘅烹煮方法，又一必食之選燒椒小皮蛋，個人喜好， 十分喜歡食皮蛋，今次呢款小皮蛋非常特別，係迷你版，每粒都係原隻上，非常特別，而且食完一啲都唔膩，非常好食古法咕嚕肉，餐廳除咗麻辣之外，其他餸菜都十分出色，就好似呢款古法咕嚕肉，酸酸甜甜，肉質鮮嫩，外脆內軟，食完辣野，食返酸酸甜甜絕對係一個好嘅中和作用餐廳仲有好多唔同款式嘅菜式，一次真係食唔晒，下次再嚟幫襯

同朋友都很喜歡吃辣的☺️見到金百利咁大個logo寫住麻辣派對～再上OPENRICE 見評價都唔錯就決定上去吃～入到去見到好多人都食緊一大盤既辣魚同埋辣既鍋～非常非常吸引😍但由於我地兩個都唔算太肚餓所以就叫左小麵米線同埋小食～但見到個個都叫水果茶所以我地都每人叫左一杯～聽聞可以解到辣。食物黎既速度都非常快～首先嚟咗土豆絲好開胃👍🏻炒得都好入味🥰跟住就上左肥牛米線同埋紅燒牛腩小麵～肥牛米線裡面有D肉碎同榨菜～食米線真係必備既配菜👍🏻而朋友食紅燒牛腩小麵都食到津津入味。最後就上埋回鍋肉同埋水果茶回鍋肉同水果茶我都非常推介要叫👍🏻回鍋肉炒得非常有鑊氣連個椰菜都好入味。平時出面嘅水果茶會落好糖～而呢個水果茶你會飲到係新鮮嘅生果加茶嘅味道～裏面嘅水果都好足料👍🏻每次隨心揀都同朋友食到好野都覺得好開心🥳

第一次黎麻辣派對既銅鑼灣店 係正sogo對面 非常就腳黎得麻辣派對就當然係想食辣野啦口水雞 (中辣) $68食得口水雞就當然係中意佢既重口味而呢到既口水雞汁就岩哂我口味 因為夠麻夠辣夠香D雞亦夠嫩 所以夾埋一齊 加埋小小花生粒 好惹味酸菜魚 - 型江團 (小辣) $168其實咩係型江團我地都唔知, 但見menu有幾種魚, 而呢種最平, 所以就試左.本身以為最平既魚Type應該會係好多骨果D 但驚喜既係佢魚質又滑亦算有口感而且已經起好哂骨 食落口啖啖肉酸菜魚既湯底亦夠惹味 食得辣既人我會建議可以直接叫中辣tim 應該會仲爽除左魚 湯底仲有D芽菜 薯粉等 其實2個人食真係食完呢個就夠哂飽lu椒鹽鴨舌 $88即叫即炸 不過不失 送酒一流埋單平均每人$200鬆D 都算抵食~

在香港要吃好吃的酸菜魚沒有多間店， 麻辣派對是我的首選，選擇多份量大，而且環境舒適清炒萵筍，萵筍切成片，上枱時充滿麻油香味，口感清爽宜人，令人一片接著一片吃，清清的點一份菜，它絕對是我的選擇，還可以有助去水腫來這裏的主要目的是吃酸菜魚，我們點的是酸菜味型桂花魚，除了酸菜味還有水煮味，鮮椒味或者蕃茄味，魚類還有四款選擇，如果要不要太多魚骨的就要選擇桂花魚桂花魚肉質嫩滑入口即溶，淡淡肉在酸菜魚鍋中，當中已帶數片魔芋，另外還可以選擇其他輔菜， 肉類蔬菜類或者麵條也可，有20-30款選擇最後我們加了秋葵和水晶粉，水晶粉真的是必點輔菜之一，水晶粉輕輕吸了酸菜魚湯底，帶點酸酸辣辣，越食越開胃這裏還可以點啤酒，喝過痛快最後，每人送上桂花涼粉甜品一杯，吃出陣陣桂花香，滿足

行完街，因為屋企人想食口水雞，所以上OpenRice搵左呢間餐廳試下！好近地鐵站好方便！環境比較昏暗，我就唔係太鍾意呢種感覺。叫一個套餐又有湯又有甜品，好豐富！我哋唔要嘢飲要左湯，呢個係椰子雞湯，個湯好清甜非常之好飲，好濃郁，真材實料，唔似有味精，我屋企人飲得好滿意。呢個蔥爆羊肉，我叫咗小辣，希望個辣可以遮蓋咗羊「蘇」味。啲京蔥好好味，羊唔算「蘇」但就略有點咸，原本以為一碗飯好多，最後覺得唔夠撈餸。口水雞，同平時見嘅有啲唔同，平時通常用辣椒去做，多數紅卜卜，但係呢碟口水雞主要味道係來自花生，所以有好多粒花生，仲有花生醬味，我非常之鍾意！ ！簡直想用晒成個醬撈飯食。最後仲有甜品，餐廳話糖水多數係紅豆綠豆，今次就係渣咋。唔知點解我硬係覺得呢個咋喳同我平時食嘅唔同但係又講唔出係咩分別，但肯定就係無落陳皮。我鍾意佢特別細碗d，咁就唔怕食到太飽啦，都避免左浪費食物！服務方面，我又覺得好好喎，佢哋好肯同我解釋餐單上面餸菜嘅分別，一個侍應講完，另外一個見我唔明又會好熱心走過來講多次！