麻辣派對 (金百利廣場) (已結業)

朋友想食水煮魚，於是選擇了麻辣派對這間店，單看名字已知以麻辣為主。餐廳裝修好像到了派對一樣，燈光昏暗，頗有氣氛。原來除了水煮系列，還可選擇重慶銅盤烤桂魚，下次可試下。今晚我倆點了水煮味型江團$168，辣的程度選了BB辣。如想再刺激點，可選少辣，中辣，大辣，不食辣的朋友可點走辣。另外我們加點了輔菜，鮮牛肉$58。雖然看上去全部都是辣椒，但BB辣尚可接受。江團只有少量細骨，魚肉非常鮮味，牛肉鮮嫩，而且配上芽菜，水晶粉，相當入味。我們點了最愛的清炒萵荀$78，傳來麻油香味，萵荀炒得爽口。最後，不要誤會呀，奉上濕紙巾一張抹手。

耐唔耐就想食一次川菜，鬧市之中我最鍾意黎食呢間，貪佢裝修好、座位舒服 而 食物好味。.嗌左一盤酸菜魚-江團魚$168.上菜速度好快，唔使10分鐘酸菜魚就已經準備好。.好多魚片，魚肉冇草腥味又啖啖肉，配埋又酸又辣既湯，好惹味好正。附送芽菜、蒟蒻、紅薯粉，好抵食。.小食- 酸辣土豆絲 $68以辣椒拌炒得好香脆既土豆絲，越食越想食，食下食下成碟食晒。.鮮椒爽脆生腸 $78生腸處理得好乾淨又爽脆，配以大量蒜粒、辣椒及青瓜絲，係好好既前菜。.餐廳最後贈送桂花冰粉甜品，清清甜甜解辣最岩。

麻辣已經漸漸成為我的飲食飯堂，無論是午市套餐或者晚上散點菜式，同樣美味，至於內裏環境，真的像開派對，裝潢女生們最愛 前菜點了一份冷盆，川北涼粉，有花生碎，芝麻及肉碎，攪拌後進食，涼粉本身沒什麼味道，但與配料醬油混在一起吃，味道小辣帶點醋香麻辣雞煲（半隻），上檯時有一個小蠟燭放在底部，一路吃可一直保持溫度，麻辣雞非常惹味，辣度可選走辣至大辣，雞肉有好多，我們還加了輔菜，蓮藕及肥牛肉，兩者吸收晒麻辣雞煲的精華，令人滋味滿分麻婆豆腐，拌飯一流，點了一碗飯依然覺得不足夠，豆腐軟滑，醬料香濃而且不會太辣，一份可以多人享用最後來一罐加多寶，在為晚餐的尾聲，涼快極了

麻辣之友聚會，大家都決意要到麻辣派對。口水雞是我愛吃的川菜美食之一，必點！岡雞肉嫩滑，醬汁味麻嫩香濃，加上花生及芝麻香，惹味開胃。吃川菜當然要吃水煮魚。今次點了鮮掓煮法，吃黑魚，點中辣。鮮椒的麻香嘋突出，能把魚鮮味帶出。黑魚肉結實有彈性，魚味濃郁，血旺（豬紅）軟彈入味，嫩滑不易碎開。原有配料薯粉非常彈滑入味，可以再多點就好了。最後餐廳送上每人一個小甜點：水晶冰粉，質感似啫哩，陣陣桂花清新甜香，迅速解辣解滯。

近來天氣清涼，最啱食吓麻辣菜式暖暖腸胃，食店位於銅鑼灣金百利廣埸，裝修優雅，環境舒適，以麻辣作標題，點了幾度小辣家常菜，配以白飯。干煽杭州花菜咸肉香噴噴鑊氣十足，椰菜花新鲜爽脆，紅辣椒惹味不太辣，咸肉夠甘香。家常豆腐豆腐脆而香滑，配菜有雲耳，甜椒等，平實有親切感。干煽四季豆呢道餸真係十分美味，四季豆鬆化鮮甜，咸香肉碎夠晒惹味，鑊氣十足，好食到唔停得口。古法咕嚕肉脆漿很薄而入口香脆，肉質相當嫩滑，紅綠椒夠青甜，最特別有酸羗蕎頭，令整碟餸更添惹味。家常菜式夠晒巧手，好味又滿足。

久不久就要食辣野刺激下大腦！除左喜愛既辣辣火鍋，我都鐘意食川菜！麻辣派對我之前都食過，印象不錯，今次又再去食，因為起銅鑼灣金百利，地點超方便吸晴的門面人數不多，所以叫左三樣食物加飲品水煮味型江團肥牛肉$226望上面既相就知道佢好大碟！入面有好多材料，好多魚肉、肥牛仲有薯粉、蒟蒻同其他配菜。材料有好多款，可以自由選擇我叫左小辣，個人覺得啱啱好口水雞(例)$68同樣叫了小辣，雞件吸了辣味，好香口，雞肉夠嫩滑！孜然蔥爆蒙古羊肉$88食落好有獲氣，羊肉份量都足，如果羊肉切得厚身少少，口感會更好！同樣地叫了小辣，不過這個是蔥爆，所以食落不是太辣凍密語水果茶$38大大杯，好多水果！我叫左少甜，味道啱啱好，食辣野要飲啲凍野舒緩下！環境不錯，幾適合一班人一齊食，侍應服務幾好，有個姨姨不停幫我地加水，換碟！有個應該係經理又會問下食物如何，感覺真摰投入！

今晚同咗屋企人去食四川菜。 揀咗很受歡迎的［麻辣派對］😋網上資料 收到風間餐廳裝修格調非常高級，有氣氛， 真係有別於一般食四川辣嘢嘅小店。 雖則如此，發現佢餐牌嘅食物價錢中等又唔算昂貴。見到餐牌圖文並茂嘅各款水煮系列，辣乾鍋， 銅盤烤魚，各種四川，涼拌小食，辣子雞。。。 辣癮又發作， 口水直流。。酸菜魚系列（江庫豚）$168大大盤，份量足夠三至四人享用。 冇加其他嘅輔菜，已經非常豐富。 份量極多嘅薯粉，牙菜，酸菜和蒟蒻塊。 酸菜魚湯底 咸度酸度調配得剛剛好， bb辣辣度 亦不至於太刺激， 反而嘗到酸菜味道。 魚肉嫩滑， 手工唔錯起肉之後冇細骨， 魚皮部分更有啲似白鱔， 咬落有魚油香， 比起桂花魚多一點肥美！孜然蔥爆蒙古羊肉甚有鑊氣， 大蔥和孜然粉令羊肉更香更惹味。 選了走辣是沒有錯， 蒙古羊肉帶點酥香， 風味十足！再來個白飯也要照顧一下唔太食辣嘅朋友， ［大刀牛肉小麵］ 幼身嘅麵條， 有口感唔會太淋。 湯底勁香麻油味， 用上牛展， 也有大量榨菜， 炸花生作配菜， 份量十足！這瓶辣椒粉在暗角處發現， 本人唔敢試 留待勇者挑戰！最後還送上桂花冰粉作甜品， 有濃郁嘅桂花味， 既冰涼又有解辣嘅

嗜辣的我們想試麻辣派對這間餐廳很久的了！終於這天下班到來銅鑼灣分店一試！店內裝修舒適，雖然有點昏暗，但坐得舒服！餐牌上有十分多不同的主菜可選，本身想吃酸菜魚，但看到鄰坐客人正在吃的雞鍋十分吸引，便決定要吃雞鍋，下次再來要試魚哦！店內除了不同的鍋類外，還有不同小菜類可選！我們同時選擇了黑醋伴秋葵及川北涼粉！這是我們的麻辣雞鍋（半隻），本身在下單時我們選中辣的，但服務員說他們家比較辣，怕我們吃不了會浪費，好細心哦！結果我們最終選擇了小辣，他們的辣道還好啦，因為我們都比較吃得辣的，我想下次我們還是要挑戰一下中辣😁。雞件味道剛好，肉身軟滑，醬汁香濃！嗜辣的我們還嘗試這魔鬼辣椒粉🤣不過我們也沒有下太多！添加了一點點換醒味覺😂黑醋伴秋葵-秋葵新鮮爽口，伴黑醋好開胃！第一次嘗這種吃法，好夾呀！川北涼粉，伴有麻辣汁，吸收醬汁精華的涼粉滑溜好吃！滿足了我們吃辣的一餐呀！

收左工好想食辣，就同朋友去左麻辣派對食晚飯，未到7:00，已經人頭湧湧，店內氣氛還不錯呢！ 銅盤烤桂花魚（$298） 選了麻辣味型，可以選擇辣度，我點了中辣，店員更窩心提醒辣度比其他店舖的辣。  桂花魚用銅盤呈上，還有爐子加熱，一邊滾住一邊食，好正！ 桂花魚先炸過，所以外層金黃香脆，肉質鮮嫩美味，吸收左麻辣汁味道，越滾越入味。最特別的是桂花魚久煮肉質也不會變老，可以慢慢享用。底下還有大豆芽、蒟蒻片、金菇、萵荀、豆腐蔥等配料，兩個人share吃剛剛好。 除了魚外，還可自由加配多款配料在銅盤鍋內，有超過30款配料自由加配。我和朋友加了水晶粉（$28），因為不想煮太久可以保持其煙韌度，所以將另上水晶粉另上，吸收了麻辣汁味道，非常好吃！ 吃辣當然要喝杯凍飲，凍檸檬茶（$18） 每位客人還送上桂花冰粉，冰涼解渴，清香美味！

午餐時間就係諗食咩嘅時候，同事話想食辣嘢，就試下呢間啦！我叫咗口水雞餐，碗薯粉好好味，麻辣嘅麻剛剛好，而且啲配料都好足，好大碗，食到後期都覺得好飽，但果種味會令人想繼續食落去，口水雞都好食，主要係個汁夠麻又夠香，午市套餐真係好抵，仲配上一杯大大杯嘅餐飲，好正！

呢排入秋開始轉涼最啱就係食返啲辣辣地嘅嘢暖下個身，所以喺銅鑼灣食飯就不自然咁揀咗呢間嚟食，因為之前都嚟食過而今次就想試吓其他菜式。水煮系列酸菜味烏魚，條魚本身應該都幾大條，因為魚肉都非常之多，適合三至四個人食，入面嘅酸菜個人就認為可以再滾耐少少因為有啲真係太酸係食唔到嗰種，不過咁樣就會令到個湯底更加酸味味唔會淡而無味所以都還好嘅，而入面仲有其他配料例如小小嘅花椒香菜同埋辣椒等等，所以食落都會算麻和辣集於一身嘅菜式，而且都幾入到味，食酸菜魚就一定要叫一碗返嚟食非常之送飯，臨走之前都忍唔住叫多咗一碗嚟食！土豆絲，唔好見佢入邊有好多辣椒以為好辣，其實佢嘅辣到只不過係非常之輕微，土豆炒得非常之軟身，不過又唔會碎晒熟度啱啱，好而且份量都幾多。味道方面就唔會話太濃郁太辣或者太鹹，適合中和返酸菜魚本身嘅味道。最後職員嘅服務態度都非常好，上茶乙嘅時間亦都唔會太耐。

麻辣派對收工想同朋友聚下，又唔想食來食去都係打邊爐、放題，想食麻辣野，但又唔想北上咁遠，麻辣派對係一個幾好嘅選擇。係港島收工，約朋友食飯出銅鑼灣食飯，大家都方便，誤打誤撞就搵到麻辣派對。見到餐牌都係食麻辣小食、酸菜魚、水果茶，價錢適中，賣相好吸引，同朋友兩個人，所以就入咗去食。酸菜味型江團酸菜魚嘅味道一流，就像在大陸吃的口味一樣，不過不失，唯一就係會有少少骨，如果不介意的話，絕對可以一試。黑醋伴秋葵秋葵小食，一向都係健康之選，咬落爽脆鮮甜，中間流出與黑醋絕配的秋葵汁液，口感一流，十分滿足，所以還多點了一次。千煸杭州花菜鹹肉花菜炒得好香口，鹹肉係五花腩，但係一啲都唔油膩，越食越上癮！戀味毛肚毛肚爽滑有口感，而且與麻辣汁配合得宜！而且份量一啲都唔細！性價比極高！凍蜜語水果茶好足料嘅水果茶，食住水果可以消除油膩感，感覺更清新！而且配有唔同種類嘅水果，味道更佳！

對於一個無辣不歡嘅人嚟講，每個星期點都要食一兩次辣架啦！今次就嚟呢間麻辣派對試一下，呢間店嘅菜可以揀辣度，都算幾貼心架，我就試咗一個魚香茄子，好香嘅鹹魚味，而且茄子煮得夠曬腍夠入味送飯一流，總體嚟講每一道菜都煮得好有水準，下次會再嚟試下其他！

今日去左銅鑼灣食lunch！星期日中午時間，銅鑼灣有好多餐廳都要排隊，我幫女朋友去sogo掃左一大堆衫褲，已經餓到求其搵間餐廳食飯啦！記得好耐之前去過麻辣派對食個晚餐，食物質素高，味道夠哂惹味！今日再去食個午餐。我叫左水煮江團魚套餐，配白飯和燉湯。燉湯先上枱，好足料好濃郁，湯面無咩油唔會膩。水煮江團魚，紅噹噹夠勁，麻辣味好濃好滋味，辣勁唔會太嗆口，後勁夠甘。魚肉好滑溜，肉質好新鮮。水煮魚配白飯超正！

好耐無食過探魚同飲水果茶 今晚有朋友推介呢間麻辣派對既酸菜魚一入到店內個種佈置同氣氛都好好個服務員係咁同我地傾計 好nice👍🏻酸菜魚好得 值得再黎水果茶就有點太淡 整體來說 很值得愛辣人士一試👍🏻👍🏻😍