麻辣派對 (金百利廣場) (已結業)

環境4分：正常樓上餐廳格局，派對主題四周圍七彩繽紛，中國菜嚟講環境都算前衛，有格調果種，氣氛都唔錯，枱同枱之間唔算太迫，可以畀四分。衛生4分：地方都好乾淨企理，枱面又冇黐立立，都係畀四分。服務 5分：服務員唔囉唆，夠爽手，態度好好，服務可以畀滿分。味道4分：1)      戀味毛肚雖然叫BB辣，但係越食越辣，非常惹味，送啤酒一流，一D部位爽，一D部位淋，非常得意。2)      七味雞脆骨，名正言順七味粉炸雞軟骨，脆卜卜，又一送酒好菜。3)      黑醋伴秋葵D秋葵好長，好脆，好新鮮，酸酸味味咁非常開胃。4)      大刀牛肉小麵份量非常之多，有牛展，酸菜，花生，肉碎，蔥，Ｄ麵食得出係手打，煙煙靭靭，吸曬湯，非常有味。5)      飯後送桂花啫喱甜品，又香又可以解辣。抵食5分：四十八蚊一碗麵係晚餐價位，絕對抵食，畀滿分。