麻辣派對 (金百利廣場) (已結業)

今天到銅鑼灣工作，同事們提議到麻辣派對吃午餐，說這裡不單款式多，份量超大，價錢亦經濟實惠。我們一行三人大約一時半到達，叫了三個午市套餐，分別是涼瓜炆排骨、酸菜江團魚，及家常豆腐。跟餐還有例湯/飲品、白飯及甜品。涼瓜炆排骨：入味非常，排骨肉稔，涼瓜味甘，伴飯一流。酸菜江團魚：是這裡的皇牌，魚肉細滑，夠厚身大塊，湯底非常地道，配料亦足，愛辣人士必要試試家常豆腐：豆腐是我的至愛，配了鮮菇、木耳及青椒一起煮，味道清淡，可推薦給素食者，也是非常健康之選。例湯：西洋菜湯火候十足，非常滋潤。白飯：是意想不到的大大碗。甜品：綠豆沙煮得很綿，入口清新。果然是非常滿意的一頓午飯，下次一定會再來。

朋友超愛辣，所以今日又約埋去食麻辣派對。叫得麻辣派對，當然有各式各樣麻辣菜式😄餐廳環境舒服，燈光較暗，頗有情調。濕紙巾玩味十足😳😆酸菜魚 江團 小辣份量夠，有薯粉，芽菜，蒟蒻，酸菜。。端上時熱辣辣，魚肉雪白，十分嫩滑。湯底夠酸，辣味和咸度剛好，超醒胃口水雞帶微辣，雞肉夠嫩滑，有大量花生碎，脆卜卜，很香口。蒜香牛油野菌什菜秋葵，萵荀，芥蘭，椰菜，爽脆清甜，滿滿牛油香，可以中和下帶辣的食材。桂花啫喱糖水，甜度剛好，清新又解辣😃服務員親切，餐廳經理亦樂於介紹不同菜式，解答問題，有很好的用餐體驗。

有足料燉湯 又有甜品送仲有埋飯 好抵食🍴～～～星期六瞓到黃朝百晏之後起身 個人都仲迷迷糊糊 所以就決定去麻辣派對到食返個水煮魚 諗住醒一醒神😆～～～嚟到之後已經成兩點幾 見到佢哋有啲午市下午茶特惠套餐 星期六都可以叫 幾抵食就叫返三個餐嚟同朋友share😋～～～我哋叫咗水煮江團魚套餐 酸菜江團魚套餐 香辣豬手套餐 每一個套餐都有配飲品 如果唔鍾意飲嘢嘅話可以免費轉燉湯 另外仲有跟埋白飯 仲送手工甜品 超多嘢食...我哋叫咗三個餐埋單都唔使250😨～～～🐟水煮江團魚 同酸菜江團魚 兩者嘅味道各有千秋而我個人就比較鍾意水煮 因為嗰個辣味更加香 同行嘅朋友就鍾意酸菜魚嗰種鹹鹹辣辣 魚塊方面 份量當然冇平時二百幾蚊一兜嗰啲魚咁多 但係整體份量都唔少 兩個人嗌兩款唔同嘅口味 share黎食 感覺特別開心 一次過試晒唔同嘅味道 ～～～🐷另外香辣豬手 我哋之前都冇食過 今次第一次食果然冇失望 難怪佢哋餐牌上面寫呢一個係佢哋嘅招牌之一 肥嫩嘅豬手 食落去滿滿是骨膠原嘅感覺 我哋叫咗BB辣 辣度啱啱好 好香口～～～🥄另外一個想推薦大家試嘅位 就係佢哋嘅燉湯 呢一個6小時燉湯 平時係要加$38先可以跟餐叫

一向都好鐘意黎麻辣派對食飯超多選擇 基本上前菜 主食都非常出色今日帶媽媽黎試下叫左黑醋伴秋葵好多芝麻好香酸酸辣辣好開胃秋葵好爽脆 很入味主菜叫左酸菜味型 佢地有唔同魚類任君選擇我地今次試中價剥皮魚仲可以自己簡唔同配料唔太肚餓 所以只加左田雞要先讚佢份量真係好多！！絕不馬虎我地兩個人食到好飽但仲有好多魚淨 食唔哂真係好抵食質素方面都係咁惹味我媽媽第一次食都讚酸菜魚個湯底魚內外脆內軟 好新鮮田雞都係好肥美 啖啖肉而且好軟好嫩 非常入味水果茶同送既紅豆沙都好味道非常滿足！

唔知大家身邊會唔會都有朋友好鍾意食辣，鍾意到個程度係食任何嘢都要有辣，所以今次就同一位辣妹嚟試吓呢一間川菜。以為食西餐廳先會咁有氣氛，原來連川菜餐廳都可以咁有格調，餐廳用花來做主題，成個裝修由天花板到到牆身都有花！啱晒港女打卡！雖然話係嚟食辣野，但係餐廳都有一啲唔辣嘅款式，不過圍繞嘅都係水煮鍋、香鍋、烤魚等。每款都好多份量，兩個人食真係可以好飽！話明同辣妹嚟食啦，當然要試吓水煮魚啦，小豬魚都有分好多款魚，今次揀咗呢款係叫黑魚。淨係睇個樣都覺得辣，由於係第一次試，所以今次點左中辣，感覺真係好正！每舊魚都非常厚身，都算係啖啖肉，雖然都有少少骨。而且魚都算係滑，食開川菜嘅朋友真係唔好錯過！食辣點可以唔飲嘢呢？點左呢一杯餐廳特飲，係有好多款水果夾雜而成，絕對開胃！最後，餐廳仲會為每個客人發房甜品福利，真心好sweet呀！

🇨🇳 麻辣派對 🇨🇳 | 嗜辣者的最愛香辣干鍋|整體評分: 👍🏼👍🏼👍🏼(5分為滿分)麻辣雞鍋 (半隻) $158⭐️⭐️💫可能點了中辣的關係 這個麻辣干鍋有點過辣 除了辣 不太能吃到雞件的原味🌶自選配菜款式很多 蓮藕和薯仔都很入味且辣得過癮酸辣土豆絲 $78⭐️⭐️⭐️土豆絲炒得很爽脆 配上酸辣口味十分開胃

呢間麻辣派對我都已經食過好幾次 雖然價錢唔平但係辣得過癮 兩個人食嘅份量真係叫一個煲就夠 呢度啲辣食完第二日係會爆菊花所以建議大家唔係好食得辣嘅話 就叫微辣好喇餐廳嘅燈光我個人覺得有啲暗 餐廳嘅座位都有少少逼 不過每次都好多人所以如果多人食我建議先book位 講吓啲嘢食先 我哋叫咗兩樣嘢 一個係自選魚 今次有少少失望係麻辣個味唔夠麻味好似得辣味咁 不過我嫌啲辣椒真係多過啲餸不過整體來講味道係唔錯

食物質素唔錯，正宗川渝麻辣口味。價錢同份量都相宜。平日午餐時段入座，並未有人排隊或滿座。食嘅途中放下筷子一分鐘即刻有店員想收走碗麵😅理解香港地大家趕時間，但希望下次可以先詢問客人意見。

都係想要一張紙巾啫，佢話要收我$3一盒⋯有收加一喎，大排檔都會借卷廁紙你搣兩格啦d筷子拎到來油笠笠，落單啲人惡死能登，猛咁問仲有冇野加，好似驚死我之後加單要佢做多啲嘢咁落單嗰張單，係張印刷精美嘅膠面紙，好唔環保啊

前日，同同事去銅鑼灣行街突然好肚餓，喺金百利商場附近。我一眼見到麻辣派對呢幾個大嘅招牌即刻就同同事上咗去嗰間餐廳。今日叫咗三份套餐。1、辣子雞，火辣辣香噴噴嘅辣粉，正宗川味。2、水煮魚，魚肉好滑，大大份，而且冇骨，配飯正，總有芽菜諗起流口水🤤。3、四季豆，好似食極都仲有，肉醬都好多。每份套餐都會包送一大碗白飯加一杯嘢飲，我叫左杯奶茶，等於平時個D三杯份，奶味好濃。或送湯（雞湯），呢個雞湯係老火湯，等於出邊$50嘅碗湯最後總送一份甜品，桂花紅豆沙濃烈嘅桂花味配粉粉嘅紅豆沙，食上隱....掛住個味。

想食麻辣野又點可以錯過麻辣派對呢一入內見到咁靚既裝修 真係有點驚喜而且menu上面有好多唔同既特式菜餚同自由選拼既鍋物飲品方面亦都有果茶等特飲提供可以話有一點花多眼亂 樣樣都想試今次點選左麻辣雞鍋 冬天絕對不能錯過啦！仲加配左肥腸 茄子同金菇 相當豐富其實仲有好多不同既配料 但真係多到食唔哂雞鍋辣極十足 食落好惹味雞件大大件 而且肉質非常嫩滑 又入味茄子同辣係天生一對 越食越上癮成個鍋份量相當十足 兩個人都已經好夠 真係好抵食當然唔夠的話都可以加配薯粉或者飯 任君選擇另外想讚一讚呢度既服務好細心 好有禮貌令人食得舒服開心 希望下次再黎試下其他菜式

今日試左呢間麻辣派對我揀左川香豬軟骨酸辣粉 $58 +$10 肥腸 連凍檸茶 先黎個前菜，好大兜涼拌雲耳湯底夠酸，有炸菜、肉碎、花生、蔥辣度可選bb/小/中/大，我揀左bb，完全無辣味水晶粉係淋身，唔係煙煙un un果款豬軟骨唔得，唔入味，每舊都唔淋，有d仲好爽口加餸$10，我加左大腸，有軟有Un，大約有10舊，舊舊都好肥大，但都係唔夠味飲品好大杯要收加一，埋單$74.8整體：份量好多，無論食品或飲品，所以適合同朋友吹水慢慢食慢慢飲，如果就咁食Lunch，我覺得一碗麵加飲品就夠晒，唔需要加餸

今日同同事一齊去銅鑼灣食飯😋大家一直都想食酸辣魚好耐 🐟之前食過麻辣派對嘅酸辣魚好出名好好味😋所以今次決定再幫襯午市仲有優惠套餐 比係夜晚食咁抵好多午市嘅酸辣魚份量都好多 酸辣魚超大條厚切！🤩🤩🤩魚肉口感爽口滑身✌🏻冇乜細過 啖啖肉 真係好味又高質！配料都有好多 芽菜、酸菜份量都好多！送飯一流超開胃☺️☺️蔬菜推介炒四季豆！好嘢惹味啊！🥰🥰👍🏻加入左肉碎同香料 夠鑊氣之餘好juicy!!唔會乾爭爭！必食另外叫咗牛油蒜蓉娃娃菜 份量好多感覺比較健康 雖然落咗牛油 但係食落去唔係好油膩！味道清甜、清新加咗鮑片 蔬菜冇咁單調👍🏻👍🏻午市套餐除咗包白飯之外仲有飲品 份量夠晒多 好抵食啊！

呢一間餐廳用其他訂座應用程式都係有半價優惠，雖然佢有每人最低消費$80，但菜單多到眼花撩亂，真係任嗌都唔貴！先講餐廳環境，好chill啊，除咗有花花燈之外，仲配埋花花碟！呢度嘅酸菜魚超大盤，都係80幾蚊（留意番，因為半價左），裏面嘅配料亦都好足夠，有寬粉，有蓮藕，有魔芋，仲有好多豆芽，全部都吸晒酸菜嘅味。講返重點喺條魚度，江團魚魚肉超滑，好大片仲要無骨無鱗。大讚！另外仲叫咗個雞煲，不過就比較油膩，同坊間嘅雞煲味道有啲落差。之後仲叫咗啲小食，涼拌秋葵好好味！大大條嘅秋葵配上蒜泥同陳醋，好正啊！椰菜花炒腩肉又係超級惹味，椰菜花炒完都好爽口，腩肉應該事前有醃製過。仲有個麻辣手拍青瓜，略嫌嗰啲辣粉會比較容易濁親！但都係10分滿意嘅一餐飯

嘩好彩係收緊堂食之前，同老友坐埋一齊聚一聚，就正因我和兩位朋友都是喜歡食辣的，先可以去這間稱之為「麻辣派對」的餐館，一出電梯便感到他的氣勢店內的裝修很雅致，分間一個個卡位，使客人很有空間的感覺有好多不同的食物，有辣有唔辣及選擇今次叫了好幾個不同的菜式當然也叫了受歡迎的食物，《鮮椒味型桂花魚》麻椒味煮得很香，至於桂花魚切片一起煮，每片都仍保持鮮嫩爽滑容易入口，亦不會太辣另一《香辣豬手+肥牛鍋》一上枱已聞到辣椒香味，豬手炆得很軟熟入口即溶，更加入了辣椒的嘢味，這個菜還加入了肥牛肉，肥牛很爽滲入了辣椒的香氣，食落更將肥牛的肉香滲出叫咁多肉，梗係要叫返個菜啦，豆豉鯪魚油麥菜咪以為好簡單，但味道唔能夠太鹹，因會蓋過豆豉的味道和菜太鹹，但這間的師傅煮得不錯另外還有一個前菜，辣椒小皮蛋，小小的麻辣味不會導致皮蛋失去味道，而每一粒皮蛋細細粒一啖一個十分之野味另外亦都有很多不同的果茶，實在太掛念他的食物，希望可以盡快可再享用這美味的食物