影片
更多
2021-03-20
155 瀏覽
有足料燉湯 又有甜品送仲有埋飯 好抵食🍴～～～星期六瞓到黃朝百晏之後起身 個人都仲迷迷糊糊 所以就決定去麻辣派對到食返個水煮魚 諗住醒一醒神😆～～～嚟到之後已經成兩點幾 見到佢哋有啲午市下午茶特惠套餐 星期六都可以叫 幾抵食就叫返三個餐嚟同朋友share😋～～～我哋叫咗水煮江團魚套餐 酸菜江團魚套餐 香辣豬手套餐 每一個套餐都有配飲品 如果唔鍾意飲嘢嘅話可以免費轉燉湯 另外仲有跟埋白飯 仲送手工甜品 超多嘢食...我哋叫咗三個餐埋單都唔使250😨～～～🐟水煮江團魚 同酸菜江團魚 兩者嘅味道各有千秋而我個人就比較鍾意水煮 因為嗰個辣味更加香 同行嘅朋友就鍾意酸菜魚嗰種鹹鹹辣辣 魚塊方面 份量當然冇平時二百幾蚊一兜嗰啲魚咁多 但係整體份量都唔少 兩個人嗌兩款唔同嘅口味 share黎食 感覺特別開心 一次過試晒唔同嘅味道 ～～～🐷另外香辣豬手 我哋之前都冇食過 今次第一次食果然冇失望 難怪佢哋餐牌上面寫呢一個係佢哋嘅招牌之一 肥嫩嘅豬手 食落去滿滿是骨膠原嘅感覺 我哋叫咗BB辣 辣度啱啱好 好香口～～～🥄另外一個想推薦大家試嘅位 就係佢哋嘅燉湯 呢一個6小時燉湯 平時係要加$38先可以跟餐叫
～～～
星期六瞓到黃朝百晏之後起身 個人都仲迷迷糊糊 所以就決定去麻辣派對到食返個水煮魚 諗住醒一醒神😆
～～～
嚟到之後已經成兩點幾 見到佢哋有啲午市下午茶特惠套餐 星期六都可以叫 幾抵食就叫返三個餐嚟同朋友share😋
～～～
我哋叫咗水煮江團魚套餐 酸菜江團魚套餐 香辣豬手套餐 每一個套餐都有配飲品 如果唔鍾意飲嘢嘅話可以免費轉燉湯 另外仲有跟埋白飯 仲送手工甜品 超多嘢食...我哋叫咗三個餐埋單都唔使250😨
～～～
🐟水煮江團魚 同酸菜江團魚 兩者嘅味道各有千秋而我個人就比較鍾意水煮 因為嗰個辣味更加香 同行嘅朋友就鍾意酸菜魚嗰種鹹鹹辣辣 魚塊方面 份量當然冇平時二百幾蚊一兜嗰啲魚咁多 但係整體份量都唔少 兩個人嗌兩款唔同嘅口味 share黎食 感覺特別開心 一次過試晒唔同嘅味道
～～～
🐷另外香辣豬手 我哋之前都冇食過 今次第一次食果然冇失望 難怪佢哋餐牌上面寫呢一個係佢哋嘅招牌之一 肥嫩嘅豬手 食落去滿滿是骨膠原嘅感覺 我哋叫咗BB辣 辣度啱啱好 好香口
～～～
🥄另外一個想推薦大家試嘅位 就係佢哋嘅燉湯 呢一個6小時燉湯 平時係要加$38先可以跟餐叫 而家做緊優惠 唔需要額外加錢 就可以叫 非常正 裏面好足料 有雞腳 龍眼肉 雞件等等 係高質嘅老火湯
～～～
而最後跟餐餸嘅手工甜品亦都唔錯 本來我哋想要紅糖桂花冰粉 點知已經賣晒 所以最後就要咗紅豆沙 好彩會紅豆沙質素都好好 唔會太甜 食落去有淡淡的桂花味 感覺好解辣
～～～
推薦度：🔥🔥🔥🔥🔥🔥🔥🔥
麻辣派對 (金百利廣場) (銅鑼灣)
銅鑼灣記利佐治街1號金百利廣場4樓R1號舖
張貼
