麻辣派對 (瑞生酒店) (已結業)

宜家多數都係屋企食或者買外賣番去食，果日屋企人話想食川菜，所以去呢度買幾樣野番屋企食～孜然蔥爆蒙古羊肉 $90一向好鍾意食大蔥🤤羊肉都ok，不過孜然味唔夠突出🙈紅燒牛腩炆津白 $80好入味🤤津白好食！牛腩都幾腍，唔錯呀！份量多👍🏻手撕包菜 $70炒得好好食🤤👍🏻好味到食唔停口🤣唔會覺得油👌🏻金牌酸辣水晶粉 $41好大碗酸辣粉！味道正常，我哋share食🤣涼拌黑木耳 $40揀咗小辣，辣度岩岩好，好惹味！

早幾日醫過辣癮，又係時候覆診，要搵啲辣野食吓，上次喺銅鑼灣分店食完，醫得我唔錯，今日嚟尖沙咀分店再覆診，但食其他嘢，之前試過酸菜江團魚，一於encore 挑戰特辣，其實有掙扎過水煮定酸菜江團魚，但呢排真係食得太多，係時候要減下肥，唔好食咁油，酸菜江團魚就啱哂，一條魚骨都無啖啖鮮嫩魚肉滑滑滑，用啲汁撈飯一流，酸菜唔會太咸或太生，酸度啱啱好，配埋特辣簡直開胃至極，尤其而家開始潮濕悶熱，去下濕氣感覺超爽，正

政府因肺炎疫情規定出街和食飯唔可以超過4個人，好多大型聚會都冇晒。又話最好唔好出街，攪到好多人都返屋企食飯，我家也不例外，放咗工重要買餸煮飯，又趕又攰，好在好多食店都推出外賣，連女兒喜歡去的麻辣派對都有做外賣，今日咁啱去尖沙咀做嘢，一於買返屋企大家食。餐牌上的食物都可以做外賣，選擇都不少。食物用食物盒盛載後，還用保鮮紙包住，防止倒瀉。水煮酸菜魚：大大盆酸菜魚分兩盒載，酸菜和薯粉份量不少。魚就選了江團魚，肉質嫩滑冇乜骨，辣道要小辣，外賣一樣足料夠味！川味麻婆豆腐：麻婆豆腐特色在於麻、辣、香、嫩、鮮。其入口細滑，香味濃郁，麻辣味十足，佐飯一流！古法咕嚕肉：咕噜肉肉質嫩而有口感，味道酸酸甜甜，添加左一些酸蕎頭很醒胃。雲南米線：材料有花生、榨菜、肉碎、葱花等，米線滑溜，掛上濃郁的湯底，非常惹味！

✿╮❤╭✿ ✿雜感女生   好味日記✿ ˚*•✰。麻辣派對．惹味開飯。✰•*˚ ✿✿小資女的Dolce Vita✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤❤天氣時熱時涼 疫情令人冇心機 於是大少奶指示要買開胃菜式回家開會後專門乘車去尖沙咀 幫襯麻辣派對此店味道正宗又有特色 裝修豪氣中顯雅致 最適合與家中長老開飯坐都舒服D今次外賣，即叫即做 效率亦很快 店員細心包起，外賣盒到屋企都乾淨企理口水雞 超香口的麻辣味 雞肉滑，芫茜香紅油正，味道一流乾煸四季豆 鹹香與辣香同在味道刺激，非常下飯回鍋肉 好香甜——講緊椰菜 配上半肥瘦回鍋肉 味道既辣且香 十分好味古法咕嚕肉 到家仍是脆口爽身 酸甜得宜 很是適合長老們的滋味要開飯，唔想煮菜 麻辣派對也是不錯的選擇

今晚突然好想食酸菜魚， 今時今日多咗留意喜愛的菜式外賣情況。 今无喺尖沙咀嗰邊放工， 順路可以去尖沙咀《麻辣派對》take away. 😋😋睇見餐牌都流曬口水🤤， 酸菜魚係屋企大人細路都喜歡。 由“走辣” “BB辣”到“大辣”都可自選。我哋惯常揀BB辣， 小朋友就將魚塊浸吓熱水都食到㗎。點了一份酸菜魚， 一款小菜和一款涼菜， 一袋裝好，都算穩陣， 膠盒還用上保鮮紙包著，以免倒瀉而且更保溫。👍酸菜魚(江團) 份量頗大，需要分開兩個大膠盒。大量酸菜， 酸度辣度啱啱好， 小米椒燈籠椒花椒～ ～ 無法抗拒嘅美味。酸菜可以切得細件一些， 有部分成棵菜咁粗壯。其他材料還有芽菜，粗薯粉，魔芋～～魚肉嫩滑，冇骨， 啖啖肉，煑至啱啱熟， 真冇得頂！加添了辅菜：黑木耳 。。竟然漏了？ 外賣自取嘅朋友要留意啲嘢齊唔齊呀！孜然蒙古蔥爆羊肉$88（走辣）大量嘅京蔥爆炒得羊肉又香又鮮， 下飯一流！派對口水雞 $68味道好豐富， 灑滿芝麻花生，又有麻醬嘅香，带少少甜， 麻辣適中，唔会得個辣字， 好入味👍👍。安坐家中吃了一頓酸菜魚， 非常滿足！

這陣子都因為疫情而需要留在家中，外出吃飯的時間少很多，就算想吃都寧願買回家吃，今天突然想吃水煮魚，之前已想試這家，買外賣回家試試水準，餐廳本身地方也很大，可以辦派對用！值得一提，員工會先量客人體溫，確保安全。外賣盒也用保鮮紙再包，保溫之餘也不會容易倒瀉。🤗🤗黑醋伴秋葵先來前菜，秋葵嫩滑，加上黑醋汁的酸和輕微的辣，開胃菜之選，外賣會更入味！🤤酸菜江團魚最招牌的菜色當然要點，用了兩大盒來裝，份量很多，每一舊魚塊都厚實，不會一夾便散，幾乎沒有骨，處理得挺乾淨，魚質偏爽滑，配上酸菜汁，非常過癮，辣度選了bb辣，味道剛好，不會被辣味蓋過魚的鮮香。😍😍孜然蔥爆蒙古羊肉羊肉很久沒吃，一點羊羶味都沒有，反而吃到羊肉的香味，肉質稔熟，配上京蔥和孜然調味，惹味非常！😜山城回鍋肉口味偏重的一道菜，回鍋肉炆得夠淋入味，每片都大大片，加上配菜，令人吃過不停。😎淨看菜單已花多眼亂，愛好吃辣的可自行挑選適辣度，下次如果堂食會想試海鮮類和其他魚的配搭，值得推介！🎈

麻辣派對 尖沙咀之前黎過麻辣派對幾時一直都好欣賞佢依到既菜式因為包羅萬有肉類 蔬菜同海鮮都有而且選擇好多真係食多幾次都未食哂餐牌上既菜式今日帶新朋友黎試麻辣派對佢未黎過 一黎到就好欣賞餐廳既裝潢因為暗暗的好有情調而且有好多花既吊飾同油畫好有心思店員細心咁安排我地坐卡位兩個人坐非常夠空間感我地今晚主要想食酸菜魚叫左比較貴價既桂花魚小辛辣配菜有好多選擇我地再加左肥牛肉田雞萵荀水魷樣樣材料份量都好多肥牛好鮮嫩 牛味香濃田雞 啖啖肉 肉質彈牙食物未黎前 我地叫左飲品先叫虹蜜語水果茶係依到必飲既足料水果 清新開胃佢本身就有水晶粉晶瑩剔透 而且吸收哂湯汁真係好惹味

友人為我慶生，喜歡食辣的我，今次選了麻辣派對，經OpenRice訂位，安排了我們3人坐近厠所的卡位，餐廳燈光偏暗，我們點了全是麻辣系列，有青瓜、生腸、鴨腎、炒菜、炒土豆絲、水煮魚再加很多配菜3人實在有點多，建議店員下次可提提客人份量過多會更好整體味道偏喊，辣味不足真心不會再有下次

而家呢段時間唔方便出街食飯所以最近都係食外賣多平時泥呢度都係堂食 呢段時間呢間餐廳做緊優惠買外賣好抵七折免收+1.水煮鮮牛肉套餐干扁肉鬆四季豆套餐歌樂山辣子雞套餐.每個餐都會有湯 主食同甜品七折後性價比相當之高外賣包得好乾淨企理🥰🥰🥰🥰🥰.水煮牛肉返到屋企擺咗好耐都仲係好熱辣辣相當惹味四季豆都好有火候而且辣到適中辣子雞就比較普通不過勝在好大份😂😂😂呢間係外賣好選擇👍🏻👍🏻👍🏻

大概2:00左右嚟到雖然過咗繁忙時間但係鋪頭都仲有不少食客比較鍾意晏晝嚟呢度因為呢度嘅set lunch好抵食.套餐會有主食 飲品同甜品而且好多款式之前食過一次已經覺得性價比好高.今日好肚餓所以我哋兩個人都嗌左三個餐分別點左酸菜江團魚干扁四季豆同水煮牛肉全部都幾好食好正宗😆😆😆😆辣度可以選擇BB或者大中小辣我哋全部都係點小辣😆呢度嘅份量都好大份而且座位坐得好舒適好好坐 一坐就坐左差不多兩個鐘呢間餐廳喺尖沙咀食lunch 算係一個好好嘅選擇👍🏻👍🏻

又一間位於尖沙咀樓上店舖！交通都好方便！至於店舖裝修都好有特式!感覺上好有fee1的感覺🤩🤩🤩！坐落唔會好迫夾都好舒服！至於食物方面叫咗個霹靂嬌娃鍋，賣相非常之唔錯，味道一流!又唔會好辣，有大、中、小辣選擇！田雞咬入口十分之嫩滑!咬入口好又口感！味道恰恰好又唔會好咸！鍋裹面仲有其它配菜，有魔竽、粉條食入口非常之煙靱，十分之唔錯，魔竽又滑又爽好好味！這個鍋都算唔錯之選！另外叫咗個黑醋伴秋葵，叫咗BB辣味道非常特別，好正咬落去好突別好爽口，又唔會好腍軟硬適中恰恰好。至於價錢方面中等，都唔算貴！因為位於尖沙咀，所以價錢都可以接受，因為這個菜式其它舖頭都係差唔多價錇，可以到來試吓。.

「麻辣派對」一向都係我食辣嘅飯堂之一，近排疫情肆虐，都想食返d辣野刺激下，一於再黎飯堂啦！之前黎親都係食干鍋同酸菜魚，今次決定試下第二d唔同嘅野，睇下有冇驚喜。歌樂山辣子雞 : 辣子系列有好多選擇，今次決定揀最普遍嘅辣子雞，另外可以加唔同配料，我地選擇左加茄子，辣度要中辣，辣子雞炸得香口，入口脆卜卜，茄子唔會炸得太乾，中辣辣得相當過癮，配飯食一流。家常豆腐 : 食落有d似紅燒豆腐，油豆腐入口香軟，配菜有雲耳、豆干及秀珍菇，雲耳令菜式多一份口感，而秀珍菇吸收晒醬汁後好好味，整體感覺好夾。金牌酸辣水晶粉:水晶粉一向係麻辣湯嘅最佳拍檔，入口煙煙韌韌，吸收晒中辣嘅湯汁，食落好刺激。配菜有花生及榨菜，撈埋水晶粉食一流。食完咁多辣野，食返杯餐廳送嘅桂花冰粉解解辣就最舒服不過啦。

香港是美食之都，川菜備受食客歡迎，這間食肆位於加連威老道，裝飾特别，色彩繽紛，間隔很舒適。椒鹽鴨舌鴨舌處理得很爽脆，肉質厚滑爽著椒鹽酥香，美味可口。戀味毛肚毛肚很爽脆，醬汁香辣惹味。手拍青瓜青瓜新鲜清脆，和麻辣汁互相配合，美味可口。干煽四季豆炒得很香口，四季豆鲜甜充滿醬汁肉香。古法咕嚕肉炸得香脆嘅肉伴著酸羌蕎頭和三色椒，美味可口，色香味俱全。黃燘豬手鍋熱辣辣原鍋上桌，豬手燘得很腍滑鬆化，醬汁美味入味，厚肉大大件，份量充足，回味無窮。出色菜餚配上香滑白飯，十份滿足!

上次食過銅鑼灣的”麻辣派對”，有點掛住江團的味道，今日相約朋友去尖沙嘴分店食。來到餐廳，十分喜歡餐廳的裝潢，甚有格調，牆上掛滿多幅藝術油畫，燈光環境很有氣氛。今日同朋友同樣想食魚，上次試過辣的，今次試不辣的蕃茄湯底，店員提示我們，如果餸菜組合五款就可以另開一鍋，又幾吸引，所以我們两人两大鍋，十分誇張哈哈。蕃茄味型 (江團)(走辣) $168份量十足，感覺四個人都夠食，看材料滿滿，十分吸引，先來幾啖蕃茄湯，入口鮮味、蕃茄味濃；江團份量多，肉質嫩滑鮮甜，配菜的款式也多，整體不錯。單點輔菜組合五款就可以另開一鍋，又不用加湯底錢，十分抵食，還有多款味道湯底選擇。我們選擇了酸菜味：蓮藕 $28、水晶粉 $28、黑木耳 $28、血旺豬紅 $38和高山娃娃菜 $28最後還貼心的送上紅豆沙，十分滿足。

已經有一陣子無和朋友gathering, 朋友提議吃麻辣菜刺激一下味蕾, 所以選了這間店.坐下時有店員幫忙雙手消毒, 而且有濕紙巾提供, 十分貼心.2個人點了3個菜, 份量都偏多, 吃不完口水雞 - 麻辣, 醋香開胃, 皮脆, 麻辣鮮香嫩爽, 吃了會麻到嘴巴癱瘓不由自主流口水酸菜魚 - 十分開胃, 裡面的酸菜超好吃, 湯底酸酸辣辣, 十分惹味, 魚肉亦十分嫩滑紅燒牛腩炆津白 - 微辣惹味，牛腩夠香，夠腍夠入味.最後店家還送上一杯很清新的甜品.食物不錯, 價格合理, 服務好