麻辣派對 (瑞生酒店) (已結業)

今個星期繼續食麻辣，是日係尖沙咀見openrice 好多好評所以一試餐廳裝修好靚，一坐底比包濕紙巾嚇親🤭朋友仔唔係好食得辣所有野都揀左bb辣🤦🏻‍♀️🤦🏻‍♀️我用錯左傷心酸辣粉既辣度去揀結果係一啲都唔辣！！重慶酸辣薯粉：必食，薯粉食極都有，炸菜好食...只係下次最少都要叫返中辣麻辣大腸加薯仔：我都係唔係咁like乾辣，大腸洗得好唔乾淨...好大舊脂肪係裡面...薯仔厚切好飽🤭🤭份量係好多但係愈食愈肥利🤢🤢乾扁四季豆：全晚最好食係佢！炒得剛剛好、唔會太咸/太油水果特飲：本第係打算解辣用...結果唔辣冇咩用、都幾好飲同抵飲、好似$38 only ,有西瓜🍉橙同奇亞籽，唔太甜都幾解渴總結：麻辣唔太出色，冇encore既衝動疫情緩和左....是日竟然full house 🤭

估唔到呢個時勢 Book咗位嘅餐廳 都仲要排隊入😂😂 好耐之前食過呢間餐廳(銅鑼灣分店) 印象係唔錯嘅 今次再泥試尖沙咀呢間 其實係因為我都唔知有啲咩好食嘅辣嘅餐廳 大家有冇好推薦🌚如圖所示 一份烤魚嘅份量真係好大 其實等於打邊爐咁樣 本身有幾樣輔菜 但係落order嘅時候 都仲可以再加 職員話 呢度既辣度比譚仔辣少少 最後我哋驚驚地就嗌左小辣 加咗牛柏葉 豬紅 肥牛🤡一上菜 張兩人檯枱已經差唔多滿左 基本上擺唔到其他野 呢個烤魚鍋入面既魚係桂魚 本來係揸咗之後先擺入鍋到 加醬汁咁樣 出奇地啲肉仲係好嫩滑既！🤩其實我覺得我哋應該係中辣 因為食到差唔多完嘅時候我哋先覺得有少少辣 可能係越煲越辣 但係一開始食 係完全食唔到譚仔嗰種小辣🌚 ..黑醋秋葵 sorry 完全咬唔斷😂吾知邊到種出泥😂定係唔啱季節🌚 最後職員幫我哋取消咗佢 但係個醬汁真係好正😍😍..涼拌生腸同肥姐生腸嗰度差唔多 好爽口 彈牙 冇腥味 乾淨既！不過呢度嘅辣係有少少鹹嘅辣 就好似豆瓣醬嗰種辣咁樣 我哋叫咗中辣 即係就係中鹹😂😂如果真係純酸辣就完美喇😭飯後

居家多天，有點想食水煮魚了，馬上想起「麻辣派對」，因疫情的關係想買外賣，來到餐廳，見餐廳探熱、分隔台等等措施做到到位，讓食客很安心，而餐廳正有位置，所以決定在餐廳用餐。看看餐牌，有出了新款式烤魚，但今天還是想食蕃茄水煮魚，烤魚留待下一次先。有檸檬水提供。《蕃茄味型 (江團) $168》+絲瓜 $38水煮魚是用一大鍋上的，十分誇張，份量十足，材料滿滿的，賣相十分吸引。先來幾啖蕃茄湯，入口鮮味、蕃茄味濃；江團份量多，肉質嫩滑鮮甜，配菜的款式也多，整體不錯。《乾煸四季豆 $68》炒得很夠火喉，四季豆份量足，肉碎很夠味道，四季豆鮮嫩沒有渣，配上香濃肉碎，下飯是不二選。《白飯 $12》《水果茶 $36》送甜品： 《桂花冰粉》 - 清凉冰爽，很爽喉又清味蕾，很滿足。

天氣轉得好快 又到左潮濕悶熱嘅春天食番餐辣 岀返身汗 確係爽今次叫左個麻辣雞鍋 仲加左肥腸 有機花菜同茄子有得自選加配配菜 非常方便彈性大食嘅朋友可以加多啲嘢 唔洗驚食唔飽麻辣雞鍋(半隻) $158雞鍋入面足料半隻 抵食叫左小辣 但辣得非常過癮花椒味好香 食到成個人流哂汗雞鍋本身配菜亦好多有莞茜 洋蔥 乾辣椒 指天椒 大蔥另外肥腸好肥有油香加左花菜同茄子 吸收左辣汁 惹味食辣野當然要叫杯凍檸茶解辣大大杯 非常抵飲食完仲有甜品紅豆沙 甜甜地解辣 正

Yeah 役情16日零確診，是時候外出用膳，刺激經濟😆😆最掛念川菜，嗜辣🌶️的朋友你懂的😎😎尖沙咀逛完，看到這家麻辣派對感覺很正宗，而且午餐選擇超多，有辣有不辣⋯⋯座位夠大，而且加上膠板相隔更安心♥️酸菜江團魚 套餐 $78 嘩！份量超多，好厚，而且完全沒骨，很多酸菜魚店都會選擇這種魚，而且可選擇 BB、小、中、大辣🤩🤩凍飲不用加$👍👍冰雪鮮檸C飲 跟歺加$10 ，爆檸呀，足足一個青檸，2片檸檬🍋，好fresh 😍乾扁花菜炒咸肉，鑊氣一流，鹹肉半煎炸，超香，花菜爽脆，真係做得不錯😍😍手撕包菜炒臘肉，臘肉很多，很下飯呢，小辣就差不多了😌😌很正宗的一間川菜館，內裏裝修很輕快，播著音樂，用餐就像去party一樣🤣🤣

鑑於目前香港情況,無論食肆或是顧客,都為了自身的衛生環境而提高意識,就大大興起了外賣;對我來說,飯總是要食,朋友總是要見,除了在家自煮外,一些較難自製或是較需時烹煮且繁複的菜式--例如麻辣的川菜,就是來個外賣更為方便!由於這天打算到朋友家中吃個悠閒的晚飯,再喝一點酒,加上大家都偏好川菜,於是我就在眾多我有好感的川菜餐廳中選定了麻辣派對;而尖沙咀店相對更方便,可在附近的商鋪買些美酒來相佐佳餚;之前打了電話到食肆詢問了自取外賣的細節,所以一去到就可以立刻點菜;餐牌依然是那麼多選擇,而餐廳的氣氛仍是那麽色彩繽紛;我從中選定了最愛的鮮花椒菜式--鮮椒味型江團魚,涼菜是,再加另一個主菜--孜然蔥爆蒙古羊肉,三樣食物的辣度全選了中辣;點好了菜就索性埋了單,然後坐在餐廳裡等著;一直播放著音樂,襯上這個充滿色彩感的用餐環境,其實頗會令人快樂的;順道用手機上網再看看附近賣酒的商戶,不用多久也有了定案;此時,侍應生已拿著一袋食物,只見分裝成四盒,且每盒圍上了緊緊的保鮮紙,估計應該是防止醬汁外流,還真是細心!從外觀上略略看到江團魚有兩盒,牛肉與羊肉各裝一盒,且每盒食物上手時還是相當熱燙的!幸好拿上手這四盒食

今日屋企人home office，我就要返工，放工又唔想他出街食飯，所以就買外賣返屋企一齊食。好耐冇食川菜，所以就黎到呢間我很喜歡食的川菜餐廳買外賣，估唔到份量都幾大份!口水雞，這裡的口水雞一向好食，雞肉份量跟堂食的一樣，雞肉嫩滑，因為點了BB辣，所以味道不會太麻太辣。川北涼粉，這款涼粉算是我第一次食，口感有點像薯粉，但較薯粉冧身，容易滑入喉嚨。這款是拌麵來的，醬汁酸酸辣辣，十分開胃，而且這個熱辣辣的天氣下食一碗涼麵，能夠透心涼!香鍋辣子系列自選組合，每次在麻辣派對堂食都會點這款干鍋。這次選了蓮藕、土豆、生腸、香乾豆腐和鮮牛肉，沒有想過份量超多，整體味道麻麻辣辣，蓮藕和土豆爽脆，香乾豆腐吸收了香鍋的味道，十分美味!而生腸雖然熟了之後不是很大粒，但份量都幾多，腸的中間有醬汁的味道，非但刺激味蕾!而鮮牛肉不會很韌，口感嫩滑，十分惹味!白飯，雖然忘記了影相，但食香鍋怎可能不吃白飯!沒有想過外賣的份量都這麼多，在疫情期間能夠在家中吃到美味的川菜，實在太興奮了!

尖沙咀跳舞堂完成，天氣涷想食酸菜魚，openrice搵咗幾間都見好貴，最終揀咗一間有set lunch既經濟川菜「麻辣派對」上到去餐廳見到個格局真係好派對感，就好似深圳啲商場主題餐廳設計，其實就是《野狼Disco》feel原本打算食酸菜魚，但唔少心瞄到隔離枱碟咕嚕肉好大碟又好鬼香，即刻轉點咕嚕肉，果然無嗌錯，有我勁勁勁愛既果醋香氣，入口就感覺到咕嚕肉新鮮炸起再落酸汁炒，$68蚊包燉湯+咕嚕肉+白飯一碗，完全係唔敢要求，估佢唔到仲好味過大排檔小炒，實在出奇地令人滿足，我一定會再幫襯的

同朋友都鐘意食川菜，而依間又未試過就試下。我有帶蛋糕上去，但因為未夠鐘，所以打算擺係餐廳先，我上到餐廳打算同職員講我所留既名，但職員只強調我只需留電話號碼便可，態度亦不友善。而我放下了蛋糕便在附近逛一逛。到了時間，我再上餐廳，餐廳有三個侍應，三個都好似好忙咁，我係門口等左幾分鐘先有人黎帶位。當我坐下後，都感覺侍應對客人的態度都不太友善。當朋友到來後，我們點了涼拌牛肚及水煮魚。牛肚還不錯的，但水煮魚感覺有點腥，而且我在再加點了涼粉，但涼粉都是很易斷，有點難夾，整體有說都只一般。

疫情下無阻心情要食辣一併外賣回家慢慢嘆，點了最愛的辣子雞，還有口水雞、雞腎和青瓜，肉類全都是中辣，只有青瓜選了小辣。外賣份量也不少！辣子雞多肉，大部份也有點骨連在～味道超正口水雞也是啖啖肉～吃得辣的中辣也是必選！雞腎和青瓜也不錯歌樂山辣子雞 (中辣) $158紅油火雞腎 (中辣) $58口水雞(中辣) $68手拍青瓜 (小辣) $38 每個外賣盒需加$2～～外賣回家食另一番風味～可以慢慢食，食唔晒都唔洗迫自己食晒，留第二日烤一烤都好好味唯一可能與堂食不同的是外賣比較多油，真的要吸一吸先

熟悉HappySharE 嘅都會知無辣不歡🤪，但近呢幾個月胃唔多好收斂左好多，加上無左啲辣辣 buddy所以食少左辣⋯難得有朋友叫到，緊係lur 飯應啦🥴！個menu 其實好吸引🤩⋯不過對於選擇困難症嘅人黎講係大忌⋯淨係酸菜魚鍋，乾鍋，辣子幾樣野已經揀到頭大，而且仲有自選配菜，可以自己配搭任何想食嘅配料，絕對係十萬種變化⋯最尾揀咗麻辣乾鍋，餸有大腸、茄子、花菜、蝦🦐🍆🥦～大腸超級肥美！入口即溶咁！好犀利！🐖🐖🐖而且成盤超級大份，兩個人都食唔晒！望到就開心～海蝦都新鮮，隻數都唔少，算抵食，花菜同埋茄子令到成盤野畫龍點睛，好惹味😋！除此仲有勁正勁大碗嘅麻辣牛肉麵同重慶酸辣粉，揀左中小辣雖然自覺可以再辣啲🌶，但味道調得好好，酸度同辣度比例perfect Match 而且超中意佢啲脆花生🥜！食到最尾仲有糖水送，係綠豆海帶糖水，夠晒清熱解毒，食完辣野再食佢就完全唔怕熱氣啦😌！好味指數😋：8/10翻啅指數🙆🏻：7.5/10 人均消費💰：201-400服務態度👨🏼‍🍳：7.5/10 乾淨指數🌝：7.5/10

真係差到離晒大譜！今日經過見到想試吓佢個川菜好唔好食，走埋去問係樓下reception講廣東話唔正嘅姐姐冇訂枱仲可唔可以用openrice discount佢話冇問題叫我哋上去，一去到態度好差，問佢會唔會有紙巾或者裝口罩嘅嘢跟住有個大陸肥婆態度勁差喺度話$3一包紙巾喎，我想講衛生亦都唔係太好囉張枱唔係好乾淨，食物質素亦都麻麻地！食到一半都冇已經唔想再食！真係好後悔早知唔去試呢間野冇去十二味！我就係因為系openrice見到啲人評價覺得OK我先去點知原來全部都係打手好過份！同埋啲人話平我真係完全唔明白囉佢完全一啲都唔平佢唔係貴嘅但係一定唔係平！同埋叫咗白飯佢自己一直冇黎買單嗰時叫佢取消！最後$600買單！之後個短頭髮戴眼鏡老女人經理不停強調我哋冇訂枱唔可以有九折，但係我哋同佢講係樓下嗰位reception同我哋講話可以嘅之後佢叫reception上黎同我哋講應該係大家溝通上出咗問題係佢嘅錯不過都係唔可以比九折！真係佢哋玩晒唔係講笑全部廣東話都未講得正仲要喺度玩嘢！咁我哋就諗住買單走啦係咁問我哋要唔要買糖水我哋話唔使講真點會要都唔知會唔會加料仲要問咁多次！一定唔會再有下次真係好垃圾！依家香

屋企人話近排食得太清淡，想食返一餐濃味嘅野食，所以今日放工去咗尖沙咀麻辣派對，買返餐豐富晚餐。個餐牌好多選擇，連水煮魚都可以叫外賣，而且啱哂鍾意食辣，食重口味嘅朋友，就算唔食辣，都可以走辣，或者揀唔同辣嘅程度。我地無揀水煮魚，揀咗四樣小菜：古法咕嚕肉 （$78）酸酸甜甜好開胃紅燒牛腩炆津白 （$78）牛腩炆得入味，個汁餸飯一流👍👍回鍋肉 （$78）回鍋肉肥瘦適中😋口水雞 （$68）成隻雞髀，辣味好香👍下次會試下叫水煮魚

自從肺炎疫情之後日日在家工作，連食飯都日日在家已經很久沒有出外用餐，日子過得非常苦悶，今日因為公司有事要辦非回公司不可，在回家途中看見「麻辣派對」外賣自取免+1再七折十分吸引，今天又是星期五，一於加入麻辣派對外賣回家麻辣一番刺激一下。香辣豬手鍋香辣豬手鍋，雖然係外賣但係質量依然，數一數豬手起碼有十幾件，入口麻麻辣辣花椒味濃郁，而且豬手煮得非常軟腍外表處理得非常乾淨，一啲豬毛也沒有食得非常放心。紅燒牛腩炆津白紅燒牛腩炆津白，用來送飯一流，牛腩肥瘦適中牛味濃郁，加上津白把麻辣汁完全吸收入口刺激過癮。乾煸四季豆乾煸四季豆，這個四季豆煮得非常出色，回家還是翠綠色，鹹辣味道控制得平衡，越食越想食。川北涼粉川北涼粉，材料豐富肉碎、花生、芝麻、蔥粒、芫荽加上辣油調味，食的時候記得撈勻雪白的涼粉沾滿醬汁非常開胃。肥牛肉雲南酸辣水晶粉肥牛肉雲南酸辣水晶粉，最鍾意食水晶粉，入口煙煙韌韌加上大量榨菜和花生粒，再加上肥牛的牛脂香味，酸酸辣辣食到口水鼻涕都流晒出嚟，真係好過癮。

覓食就覓得多了，但係第一次寫食評……因為比較懶，同埋掛住食😆😆終於係香港搵到間認真好味的食魚食肆😌😌酸菜魚，青椒魚，口水雞……全部都好啱口味😋😋😋餐廳本身環境就唔錯，係香港來講算舒適疫情下，餐廳都可做到進入餐廳前，量體溫兩間分店都可以做到。銅鑼灣分店服務態度好好👍🏻👍🏻👍🏻尖沙咀相反落單時，個吖姐就麻麻地總得來講，會再去😋😋清光光了，光盤行動🍽🍽