麻辣派對 (瑞生酒店) (已結業)

The food here is some of the best spicy food in TST. The dry pots are great, and it has to be some if the best crispy chicken in Hong Kong. Typhoon Shelter style crab is delicious too. We especially like you can pat corkage and bring a bottle of wine. Service is also great so overall we love this place. This is a great place and good value.

今天天氣都不錯，於是和老公到了尖沙咀的九龍公園走走。到了午餐時間，想起附近的麻辣派對，有老公喜愛的水煮江團魚吃，一於便往加連威老道進發。坐下來，便開始看看餐牌，我們叫了兩個午市套餐，一個是水煮江團魚，及古法咕嚕肉，跟餐有燉湯、白碗，還有甜品。飲品方面，老公叫了啤酒，我就叫了水果茶。水煮江團魚：味道非常地道，食材充足，魚片亦新鮮。而單看整個碟面已經知道，辣味甚高。古法咕嚕肉：做法很有特色，食材加了酸薑、喬頭，更提升了咕嚕肉的酸味，最適合夏天食用。燉湯：火侯十足，用料豐富，入口清純。水果茶：水果共有五款之多，分別是橙、檸檬、西瓜、青檸及火龍果，非常鮮味，配合水煮魚一起吃，簡直是絕配！整體來說，這裡的午市套餐性價比非常高，價錢是$78，水準非常高，用料豐富，招呼好，坐得舒服，值得推介再來。

我都幾喜歡吃酸辣麻辣味既，但自問吃不得太辣，所以有時都會對主打吃辣的餐廳卻步。 今次來到了麻辣派對，又竟然有驚喜。 餐廳大部分都是較重口味的食物。要了份酸菜魚，魚類要了江團魚。有bb辣揀，毫不猶豫地揀選了。另外加了䈑筍、水晶粉。 然後糾結雞鍋還是回鍋肉，結果由回鍋肉勝出。小食就要了麻辣牛展。兩者都揀了bb辣。 酸菜魚好大份，絕對夠二人吃。首先，魚肉無骨可以放心吃，江團魚油脂感較重因此也頗滑身。選得沒錯🤭~ bb辣對於我來說非常適合，有點辣味但又不會愈吃愈辣，開心完成整份酸菜魚。水晶粉也好多，同樣不覺得辣。 回鍋肉超出我期望，有香辣感。豬肉帶有少少脂肪，炒得香，微脆。同樣地，bb辣好溫和。 麻辣牛展都正，紅油貌似好辣但原來都不會。 餐廳服務正常，味道不知是否正宗但肯定正常有餘，值得一吃。👍👍

疫情開始放緩！我們一行四人在尖沙咀揾嘢食，朋友見到間叫麻辣派對，話好想食！咁就二話不說就上去食啦！餐廳設計都幾美觀，坐位尚算舒適寬敞，枱面放有支水加上檸檬及薄荷葉任飲，配合食辣嘢都幾細心！餐廳食物分大、中、小及BB辣，我哋二人食得辣，另二人就一般，咁就決定食小辣。先叫招牌菜酸菜魚片，有分多種魚類，我自私推介覺得桂花魚係最好味，点知餐廳話賣晒，要改食整條老檀酸菜魚，味道有少少辣，加入咸酸菜非常入味，桂花魚嫩滑鮮甜，仲加上好多配菜，例如金菇，萵筍，魔芋，豆腐及芽菜，我哋仲加埋豬紅，成窩口感好豐富，非常好食。辣子雞就唔少得，麻辣味十足，雞肉嫩滑有雞味，唔錯。跟住點咗幾個小食，七味雞脆骨，自己加上七味粉，香脆惹味。鮮椒爽脆生腸係我至愛，爽口彈牙又唔會有壓味。戀味毛肚即係麻辣牛柏葉，真心覺得餐廳小食都整得好好味。朋友覺得好似撑少少，我哋就叫多碗酸辣水晶粉。食埋就差不多啦！最後餐廳還送上桂花冰粉糖水真窩心！這餐飯每人都係用咗二百多元！有超值的感覺；值得下次約朋友來再食！

終於齊人食過晚飯啦 對上個次已經幾個月前既然約得成 緊係要搵間坐得舒服嘅餐廳啦朋友介紹呢間 麻辣派對 聽個名就知辣野上到去 哇 好大間喎 而且裝修都有啲心思架喎先黎餐前小食 七味雞脆骨 即叫即炸香脆之餘唔會太油膩 估唔到炸物都咁出色係幾款烤魚之中 我地㨂左原條桂花酸菜味加血旺勁大鍋 重有勁多配菜跟埋 金菇 木耳 萵荀 少不了有埋台灣魔芋同大豆芽 酸酸辣辣好惹味跟住加左麻辣雞煲 小辣已經辣到我不停飲水個醬汁的確好惹味 加上雞肉嫩滑 根本食唔停口啲辣椒多到再叫多碟小食 戀味毛肚 估唔到份量都幾多入口爽口彈牙 好抵食最後當然要叫杯特飲降降火 青檸茶 好fresh餐廳臨尾重送左甜品俾我地

識我嘅朋友都知我愛食辣及勁愛食四川菜，酸菜魚直頭係賣飛佛，去親四川菜餐廳🍴必叫的，今日朋友帶我去尖沙咀「麻辣派對」食四川菜。酸菜味型江團我地就算左江團魚，勁like 佢啲魚肉係冇晒啲魚骨， 再加上勁多配料，有蒟蒻、水晶米粉，酸菜等等，搞到我同朋友食極都食唔完，味道少少🤏辣同麻，但好香。魚香茄子🍆呢個魚香茄子🍆好好👍🏻送飯，而只有少少微辣，啱晒想唔係好食得辣嘅朋友。紅油火雞🦃️腎呢個前菜好好味😋，火雞腎夠爽脆，加埋啲青瓜絲索左火雞🦃️腎汁勁入味。最後重有送埋果甜品比我哋，就係桂花糕

😍麻辣派對都唔係第一次食！無論銅鑼灣分店定係尖沙咀分店我都食過，兩間分店質素都唔錯，不過講到就我方便梗係尖沙咀啦，尖沙咀總共分咗兩層！裝修格調又浪漫又有情調，就算食麻辣川菜都可以打個靚卡，今次呢主要就食佢啲小菜，同朋友一齊食，就可以叫多幾款試吓啦～食物質素都唔錯㗎，而且價錢都好抵食😍‼而且仲送埋飯後甜品添‼️一定會再encore☺️..▫️ 【 山城回鍋肉】$88😍其實我本身都幾鍾意食回鍋肉，又有肉又有菜，叫呢個餸送飯就真係一流！山城回鍋肉味道都幾香口😍五花腩肉煎香過，所以你會食到有啲脆邊，焦焦地，份外好食，而且椰菜都好香甜，保持爽口😋而且竟然落咗雞蛋碎一齊炒，有幾盞鬼喎！我個人推薦中辣比較好食啲～味道更加搶🥰👏🏻👏🏻..▫️ 【紅燒牛腩炆津白 】$88紅燒牛腩就真係食得多，但係落埋津白一齊炆煮就真係第一次食，估唔到都幾夾！😍津白索晒啲醬汁味道，令到你會想食多幾條菜🤣🤣至於牛腩分量方面都幾多，只係切得比較細粒少少，味道雖然冇驚喜嘅感覺，但係整體嘅味道係唔錯，分量絕對對得住價錢！..▫️ 【乾煸四季豆 】$78呢一款菜式同朋友一致好評😍味道非常之濃郁，又惹味😍😍四季豆走過油，但係食落冇肥膩嘅口感但

同朋友喺尖沙咀覓食～朋友話想食麻辣！記得之前有食過銅鑼灣嘅麻辣派對，味道都唔錯！見尖沙咀都開咗間就去試下先。口水雞米線(小辣)因為我同朋友都唔係太食得辣，所以雞同米線都係叫咗小辣，雞肉肉質結實，夠麻夠辣！配埋香口嘅花生同芝麻，令整個口水雞味道更加出色～酸菜魚(小辣)午餐可以食酸菜魚真係超級滿足！魚肉鮮甜嫩滑，完全無碎骨。魚肉分量都好足！配料有酸菜、芽菜、魔芋、薯粉等等，而酸、辣味道剛剛好～朋友讚不絕口！

經過朋友強烈介紹呢間餐廳的酸菜魚好好食，今次就嚟試下係唔係真係咁好食啦😆一入門口環境已經好吸引我的眼睛，花花草草嘅牆身，裝修到好派對風格，影相打卡一流😎進入主題，一坐低就叫咗份酸菜魚因為本人唔係好食得辣，所以叫咗個BB 辣，但味道方面我同朋友都覺得酸菜魚裏面的酸菜不夠酸，魚方面無骨就幾方便進食，但都是不過不失的味道之後仲叫左份川味涼粉嚟食，涼粉的味道仲勁過嗰個酸菜魚😅 還不錯啦最後叫咗杯水果茶飲😋🍎🍊🍋🍉味道：2.5/5環境：4/5服務：4/5衛生：4/5抵食：3.5/5

又嚟到我哋飯堂之一麻辣派對食辣嘢啦 今次叫咗個辣子蝦配椰菜花 另外本身想叫炸鴨舌 但可惜當日冇曬 所以叫咗炸雞軟骨 同時亦叫咗個前菜口水雞口水雞份量唔算大 但係啲汁都幾惹味 雞肉亦嫩滑唔會太un辣子蝦配椰菜花基本上次次呢都會嗌 啲蝦食得出係新鮮 因為廚師除咗炸到啲蝦外殼脆卜卜之外但又同時可以保留到蝦肉彈牙嘅肉質 而且咬落去蝦頭啲蝦膏會滿瀉爆出嚟 非常鮮味 至於辣子味非常惹味 送飯一流炸雞軟骨份量超大 我哋兩個人基本上食到最後係食唔曬 雞軟骨新鮮炸起 每粒份量都好大粒 外皮亦唔算厚 都幾好味 配杯啤酒更加好埋單會有糖水送 當日係綠豆沙 可以為你一餐作為完美Ending

今日朋友生日，知道佢鐘意食辣，特登帶左佢去尖沙咀的麻辣派對食辣野慶祝一下。我地兩個人叫左一個鍋、一個小菜同兩個麵。酸辣豬手鍋另加五花肉花膠 - 份量好足，夠晒幾個人share食。小辣辣度啱啱好，而且酸菜都好香口。豬手經煮熟後，軟爛滑溜唔油膩，配埋花膠，真係骨膠原十足。鮮椒爽脆生腸 - 口感鮮嫩爽脆，味道帶濃烈香味之餘，辣勁十足。大刀牛肉小麵 - 麵量好多，麵條香軟爽口。金牌酸辣水晶粉 -配料有花生、炸菜及芫荽，水晶粉爽口入味，酸酸辣辣好開胃。餐廳仲免費送左兩碗糖水比我地解辣，好貼心。

最近很想念吃酸菜魚這類的菜式，終於放工之後即衝去尖沙咀來一餐麻辣派對！我和朋友都不太食得辣，最後決定食bb 辣程度的水煮酸菜味，而魚方面因為問左店員江團和桂花魚都較少骨，而江團會更肥美，所以選了江團。配菜就當然要必點水晶粉啦！還有水魷魚，萵筍，肥牛。小食再加個紅油火雞腎。酸菜魚煲一捧上來，驚呆了超大份量！！魚絕對真材實料，食極都有，而且啖啖肉，無乜骨，魚味鮮甜，同湯底超夾，十分好食！雖然是配菜，但是萵筍同水晶粉吸收充滿酸菜湯底，惹味到停唔到口！而個小食對比起魚煲較為平凡，但是都十分惹味，都會忍不住一塊一塊就食清光了。呢間餐廳外面表面較平凡，但是食物完全乎合我口味，必會再安歌！

這間麻辣派對位於尖沙咀加連威老道29A號，店舖環境都唔錯🤔幾特別，係一間川菜嘅店舖，而去嘅每一度菜色都好有水準!.酸菜江團魚套餐(配白飯)去嘅酸菜魚好有川菜嘅風味🤔😋，賣相都幾好色香味俱全😙😋，同樣都係有不同辣到，酸嘅味道恰恰好😋，而去嘅江團魚肉質色澤都唔錯，口感都好嫩滑完全食唔到有骨，都算好有水準👍!.古法咕嚕肉套餐(配白飯)咕嚕肉十分之夠哂穫氣😙，而去嘅色澤夠哂吸引😍，真係睇得吓，酸嘅情度恰恰好😋，外脆內軟食入口都好有口感🤔!.黑醋伴秋葵套餐(配水晶粉)呢款秋葵食入口都好爽口口感都算幾好🤔，而去嘅黑醋汁酸酸甜甜帶小小辣😋，食咗感覺都好醒胃，配埋D水晶粉相當之配，食入口口感好烟韌，而去嘅湯底夠哂濃郁味道都唔錯😋!.凍檸茶大大杯檸茶茶味都香😙夠哂濃郁😋，飲入口完全唔覺得有澀味😙，甜嘅味道恰恰好😋!.*價格一般，食物質素都幾好*

之前吃過銅鑼灣店對麻辣派對的味道和服務印象都很好，所以這次再和朋友光顧尖沙咀店。🔸江圍酸菜魚(+蓮藕)當然要點我們都讚口不絕的酸菜魚，辣度我們問過店員除了大中小辣外，也可以要求死辣，這可以在和不吃辣的家人來時也不用怕他們不合口味。江圍魚的肉質嫩滑，而且魚骨甚麼的也已經幫我們除掉了，吃的時候真的滿口都是肉，非常過癮。魚肉的份量也很多，加上還有很多配菜如芽菜、蒟蒻等，全部吸收左湯的精華，特別是芽菜更加爽脆。我們還加了蓮藕，這裡的吃起來很特別，不會過份粉嫩，也不會過份爽脆，剛剛好的適中，而且帶點甜，個人覺得很好食，覺得是必加的配菜之一。🔸麻辣肥腸鍋朋友想再叫一份比較辣的小菜，最後我們選了肥腸鍋。上菜後店員還會使用小火爐，讓小菜可以保持加熱，所以吃到最後還是熱辣辣。肥腸的份量多，肥美有彈性，吃起來有嚼勁，中間帶點脂肪，所以吃起來有點糯糯的口感，而且有腥臭味，洗得也乾淨。重口的小菜，又辣又好下飯，令人不自覺多吃了幾口白飯。地方寬敞舒適，而且裝修特別，真的好像去了party一般，店員的服務也不錯，反應和上菜速度也快。

唔好見我平時好似好少食辣🌶只係因為身邊朋友唔食得辣咋!🙄其實我骨子裡絕對係一個辣寶寶(無得食真係難為了寶寶)😚 諗起嗰種麻麻辣辣真係好過癮!!好開心終於搵到個嗜辣既朋友仔啦😻 以後可以盡情無辣不歡啦✌·🌶水煮味型桂花魚  HKD$298 (另加$38 血旺)第一次小試牛刀叫左少辣🌶真係俾我講中可以再食辣啲!😏 全個盤都滿怖辣椒真係好令人興奮🤩開頭唔會覺得好辣，之後會feel到愈食愈辣，個咀會有微微發麻😌 好正呀！桂花魚🐟口感滑嘟嘟，一片片吸收哂麻辣汁既精華😋 仲加左血旺，另外本身裡面有埋魔芋、黃豆芽、水晶粉，好豐富🤗·🌶鮮椒爽脆生腸  HKD$78生腸口感有於其名好爽脆😚 雖然唔算好大粒，但勝在夠肥美☺ 下次可以叫中辣更惹味。·🌶川北涼粉  HKD$58酸辣度參半，味道啱啱好🤤 撈勻後每條涼粉都索哂啲汁🤩 好食! 涼粉夠冰涼，而且條條分明唔會碎濕濕，仲有少少花生碎豐富口感，要encore😋·🍹冰雪鮮檸C飲  HKD$38好大杯都飲唔哂，🍋檸檬&青檸特飲，少甜夠酸我鍾意，解辣解渴👍