麻辣派對 (瑞生酒店) (已結業)

三五知己，一共四人，叫了-水煮魚，辣子田雞，薑蔥炒蟹，小龍蝦，花膠燉湯水煮魚好夠味，辣味味道也好好，能多些荳芽更好😅炒蟹唔夠香一般般，辣子田雞很好味，是我很喜歡的一道菜，不過那天田雞很少，差不多全是背骨，沒有脾，不過味道好好，不過有點失望🥺因每次去也每次點，希望田雞可以平均一些分配😊，免得全是田雞骨背，又少田雞脾！燉湯有點鹹，沒有喝完整體職員也有禮貌，環境是朋友聚會的地方！下次也會再去，都仍然會點水煮魚和辣子田雞😂

成日經過尖沙咀麻辣派對個招牌，當我真係入去食過一次，今次終於嚟食到，首先入面嘅裝修幾特別，我都唔知係屬於咩風格，有少少似大陸嘅餐廳個黎裝修風格😂😂😂當日去到都好多人好full，好彩早幾個鐘打過去前話有位啫，不過好似八點後定九點後幾openrice訂位有折，因為食食下隔離枱話係openrice位身為水煮狂迷嘅我，梗係叫水煮魚啦，呢度嘅水煮魚係有得畀你揀埋配菜嘅，我係揀咗黃花魚鮑魚魔芋菜同菜，味道黎講都算係幾好，不過有啲後悔叫得唔夠辣😂總括嚟講都唔想再嚟多次是水煮魚以外嘅野～～

我想講我朋友唔食得辣 我哋叫咗BB辣 係BB辣但係大家有目共睹！你睇吓碟野 啲辣椒目測都有五十幾隻 點BB法仲要係三碟都咁辣 本人食譚仔食到特辣 都覺得好辣有圖有真相啊🙂跟住我投訴佢 淨係送咗兩杯桂花膏比我我唔係第一次食佢㗎啦 不過次次食都銅鑼灣 今次第一次喺尖沙咀食🤢我有影埋張單 係冇落錯單嘅 係有打BB辣嘅 辣到冇味架 辣到食唔落口我朋友食咗幾粒 完全冇食過俾咗錢好似食風咁 以後唔會再嚟員工嘅態度唔差 但我覺得經理處理手法有啲問題囉 你換個碟俾我都好丫！

是日路經尖沙咀買野，酸菜魚癮發作，順道食埋晚餐先歸家，來到了麻辣派對。之前一真聽人講這裏的裝修好有party room feel，果然非虛，走暗黑復古路線，墻上是復古花花和掛畫，幾特别！因為目標明確，所以入座即點了一個酸菜魚，但其實餐牌選擇好多好豐富。主角未來先點了蜜語水果茶和椰青水，隔左一陣，魚都到了。份量比想像中大盤，二個人食，好足夠！酸菜魚我們選了小辣，辣度對我地黎講剛好，入口有種帶麻感，酸凍飲剛好消解。魚我們選了江團，魚質嫩滑而且骨都清得好乾淨。除了魚，原來湯入面的料都好多，薯粉、粉絲、金針菇、酸菜、芽菜等，所以一大盤，以為唔夠飽，但原來好足夠！因為小辣都幾辣，所以飲冰凍的水果茶酸酸甜甜最好，而且水果好多，好足料。食食下仲有杯桂花果凍送俾我地解辣，幾貼心。最後仲食埋自家出品的麻辣雪糕，小小一杯奶味香濃之餘，又食到麻辣的味道，好過癮，好鍾意！決定一於黎試埋其他特色食物，相信味道都會令人驚喜！

時不時就想食下酸菜魚，因為想念果種酸酸辣辣的味道，真係會令人上癮。餐廳臨近地鉄，交通方便，附近有泊車錶位或停車場。一出lift發現室內裝橫新穎出色，充份利用五光十色，令氣氛浪漫。有令人眼前一亮嘅感覺。天花有花球裝飾，打造出獨有的特色，吸引眼球。落單在餐牌紙上自助型式，方便快捷。紅油火雞腎＄58有大中小辣可以挑選，口感爽嫩，有嚼口，紅油加上芝麻帶出脆香嘅味道，令食物層次和口感都更加豐富。酸菜魚（江團）$188酸菜魚可以選擇唔同魚類，江團和桂花食落會無咁多骨，肉質嫩滑，如果怕魚骨的朋交可以考慮選擇這類。黑魚肉質較厚實，會有一點直骨，可能就要小心啲食。酸菜魚份量十足，胃口細的女仕，可供2人食量。酸菜魚還伴有細薯粉，滑溜口感，配合酸菜和酸菜魚，特別開胃，飲埋酸菜魚湯都好醒神開胃。冰雪鮮檸C飲＄38一杯充滿維他命C的飲品，由青檸，鮮橙及茶調備而成，非常解渴，味道清新自然，甜度適中，感覺非常健康。吃飽飲足之後，餐廳免費贈上一碗甜品，係自家制造，而且晚晚不同，今晚正是滋潤清涼嘅綠豆沙，綠豆煮至綿密又不失爽口，這碗中式甜品作為完美句號最好不過了。

雖然話夏日炎炎🌞🌞，但係總有股想食麻辣嘅衝動！朋友帶我食尖沙咀的「麻辣派對」，來個味覺衝突！🔥🔥餐廳風格真係似開派對咁🎊！我地下午茶時間去，所以可以叫「午市．下午茶特惠套餐」。選擇好多，而價錢亦好相宜～巴蜀風味套餐 水煮江團魚 $78見到呢個係「派對招牌」就揀咗佢。上一枱見到好大鍋，入面魚肉份量非常多，除咗有大量辣椒之外，仲加咗香蒜。成鍋都好香好惹味，魚肉好滑嫩厚肉，無咩骨。我叫咗bb辣，但食完舌頭都有d麻。套餐包咗飲品/中湯。湯品超足料，甜甜地，正！川北涼菜套餐 戀味毛肚配水晶粉 $78一碗毛肚再加一大碗水晶粉，份量好多。毛肚會痴住好多辣醬，所以好辣好惹味。水晶粉入口彈牙。食完好飽好滿足～仲有糖水紅豆沙送💯📌麻辣派對 尖沙咀加連威老道29A號瑞生酒店1樓

又到左食辣時間, 真係有鋪癮. 今次試下去尖沙咀堂食, 以我經驗, 堂食通常都比外賣辣既, 果然不失所望.尖沙咀店無銅鑼灣店咁暗, 反而色彩繽粉, 都有好幾部電視賣廣告, 但環境唔算嘈吵, 傾計都係一流既.又係我主打至愛既酸菜魚, 例牌湯汁都係用黎撈飯食, 魚肉既滑又入味, 酸菜都好足夠, 重點係奉送冷熱飲品, 可以清清口再食過.另外叫左水煮牛, 堂食既中辣, 辣過外賣好多, 鋪滿左辣椒同花椒, 簡直睇唔倒下面既牛肉, 水煮牛必須要做到嫩口先有回頭客, 哩樣麻辣派對絕對做倒.第1次叫既川香豬軟骨炆津白, 只能說津白索晒D辣油, 感覺就係太油了.因為上次食過歌樂山辣子雞, 係好多乾辣椒, 相比雞粒真係較少, 同埋炸得好乾身, 所以今次叫左泡椒家常雞, 醬汁包滿左雞件, 雖然唔算好嫩滑, 但唔會覺得鞋口既, 仲越食越辣添.

今日約了朋友去食川菜，我們去到時剛好有位可以入座。我們叫了一個麻辣雞煲，一個牛油雜菜，一個涼拌黑木耳和一杯水果茶。雞煲同黑木耳全部的辣度是bb辣。首先上的是水果茶，水果茶我們叫了熱飲。份量方面比較大杯，入面有不同的生果。而生果的味道是甜的，沒有酸味。而飲品味道不會太甜。再上的是炒雜菜，它入面有加入炒蒜茸和牛油，入口香味十足。而且味道不會太咸。接住的是雞煲，雞煲是半隻雞，而鍋入面是滿滿的辣椒，洋蔥，蒜頭等調味料。它有火在下面燒，一開始食不會太辣，但到後面可能是加熱關係，所以會再辣些。最後上的是黑木耳，它辣中帶麻，香辣味比較多，而辣度就偏淺。整體來講，辣味比較偏向香辣，味道不會太辣，最後還有甜品送。

成日心思思想食酸菜魚，唔知點解真係好有心癮，每個月都總會有幾日好想食，今晚又心癮發作，放工即刻衝去搵地方滿足一下肚皮。最方便真的算是尖沙咀，餐廳多不勝數，但真的情有獨中這兒，食物選擇多，而且位置方便。冰蜜語水果茶水果份量十足，有西瓜、香橙、柚子等等，而且還加上奇亞籽呢個super food ，健康又美味，入口清甜解渴，果然是消暑良品。冰雪鮮檸C飲一杯有齊青檸、檸檬等等，入口酸咪咪，味道清新，充滿維他命C的健康飲品。酸菜魚今次揀了江團魚，肉質鮮嫩滑溜，完全沒有骨，而且份量非常之多，鍋底材料豐富，有大豆芽、蒟蒻、酸菜，薯粉，我們還加了萵筍，先試一啖湯底，酸度恰到好處，濃淡適中，萵筍清甜爽嫩，薯粉口感煙靭彈牙，每次吃都感到非常滿意。黃燜雞鍋（半）店家用上爐火加熱，令到雞件不會冷掉，主要用上黃豆醬、甜麵醬，豆瓣醬等等再燜煮而成，雞肉鮮嫩入味，黃燜醬甜甜的，非常開胃，加上秀珍菇、大蔥、辣椒等配料，整體惹味十足，香辣可口。

之前試過麻辣派對，一直對她麻辣平衡得宜的四川美食念念不忘，今晚跟同事再去光顧，當自己去了一趟四川旅行！由於今晚只得我跟同事兩人，就點了水煮魚以及口水雞，另外飲品就試新推出的水果茶以及加多寶涼茶，為高溫麻辣降降溫。水煮魚選了江團，另外加金針菇及水晶粉。魚片數量多，切得厚薄適中，無骨，有口感，而且十分滑口，絕對能媲美大陸餐廳，幾正宗！至於水晶粉及金針菇索湯力一流，雖然水煮魚只選了BB辣，但當兩款配料索滿湯汁，越食越過癮。而且辣味有層次，初初吃只吃到辣椒的辣，但當中的麻味慢慢滲出，而且越食越強，到最後麻辣兩者平衡得宜，十分好食。至於口水雞選了例牌份量，雞肉嫩滑有雞味，而且雞皮Q彈滑口，即是雞胸位置肉質亦同樣嫩口，質素不錯！至於凍蜜語水果茶有驚喜，內裏水果豐富，絕不偷工減料，大大杯紅茶內配有火龍果、西瓜、橙肉等，為充滿麻辣味的口腔帶來一鼓清涼感覺，頓時降溫了！頗為欣賞麻辣派對質素仍然能保持水準，而且價錢合理，食物質素不錯，味道正宗，下次會再光顧！

今日出左尖沙咀，想起好耐無去的麻辣派對，特意去光顧。尖沙咀依間有兩層，環境依舊是較暗沉。行去我的座位時，沿途見到大部人分食客的桌上都有一大煲魚/雞，急不及待點餐。點了一個餐前小吃，鮮椒爽脆生腸及涼伴黑木耳，生腸爽脆亦帶有鮮味，涼伴黑木耳酸酸的，開胃一流而且份量不少，吃到停唔到口。主菜叫了黃燜雞鍋。雞件亦夠淋身，非常入味。加上量多配菜，兩個人食份量啱啱好。最後叫了兩杯特飲，為星期日的晚餐畫上句號，準備明天上班了。

同辣腳朋友去搵食, 就梗係要搵麻辣啦,  係尖沙咀搵食時就見到呢間野, 之前行過都好多人排隊等位, 呢晚見唔係太多人就試下, 好彩都只係等左 10分鐘左右就有位, 第一次來, 上到去就感覺係一間吧, 唔似係餐廳, 可能前身係酒吧第一要讚係呢度既 service 係超好, 完全唔會無人理你, 而且態度好好, 又會介紹下邊樣岩食, 可以食到幾辣 ! 最後揀左個辣子雞 + 牛肉, 另外要多客麻辣花膠, 兩者我比較喜歡麻辣花膠, 主要係花膠超大隻之餘仲要係入哂味, 又夠咬口, 好爽, 而且有成 5-6 隻, 非常夠喉, 都只係 $80 ! 只係個特飲就普普通通, 但都叫做食完辣野, 有野沖下辣

天氣熱，口淡淡，想食d開胃刺激既野衝擊一下味蕾！於是今晚我地就選擇了尖沙咀呢間吃麻辣好出名既「麻辣派對」雖然只是食麻辣，但裝修及氣氛比西餐廳更浪漫有情調，食辣一樣可以食得很優雅很浪漫餐牌選擇豐富，由鍋類、魚、海鮮，到小菜、小食、米線都一應俱全而且每款食物均可自選辣度，甚至唔辣都得，十分貼心枱面有檸檬水提供七味雞脆骨（$78）新鮮香脆，份量很多，配上七味辣粉份外惹味燒椒小皮蛋（$68）這個選了唔辣，怕辣味搶了皮蛋既味！雖然唔辣，但個味一d都唔輸蝕紅油火雞腎（$58）口感爽，味道夠麻夠辣，非常開胃醒神兩碗米線，一碗肥牛辣米線（$48），一碗走辣排骨小麵（$48），米線爽滑，大大碗，辣的那碗固然惹味，卻估唔到走辣果碗也毫不遜色，湯底濃郁鮮甜食飽飽後店員重好主動送上湯水

唔係想像中咁好食第一次試食下酸菜魚唔夠熱（涼涼地）豬手可以龍蝦仔一般般菜太多油總是味中不足現場環境不錯嘅不過坐位就比較迫價錢4位食都是差不多啦！服務是可以的。下次要試試銅鑼灣這店

現今川菜的方向,依然繼承前人之匠心,尤其紅遍大江南北;來到嶺南一帶(包括香江在內)之後,漸漸由甚為講究的三大流派(上河,下河,內河),演變成精緻的官家派(大多為私房菜形式),以及常人接觸得多而較粗獷的江湖派;由於疫情原因,已很久沒北上吃川菜,而這晚與好友相約到尖沙咀的麻辣派對來個晚餐,就是因其風格有足夠的江湖風味,濃郁厚重!刻下,傍晚的尖沙咀恢愎人流,從尖沙咀地鐵站出來,步程大概六至七分鐘左右就到達麻辣派對;相約一齊晚餐的好友也接踵而至;因之前已訂位,在地下入口處掃出行碼量體溫後就搭電梯直上一樓;以紫色及黑色為底色的裝潢,配上色彩繽紛的彩燈及花球,以及醒目的大油畫,光影交錯,每次踏足都覺得甚為美觀又耐看!甫一坐低,侍應生先遞上整枝漂亮的檸檬薄荷水;隨後經理又遞來了兩大杯適合夏天飲用的凍蜜語水果茶;餐牌琳琅滿目,無論是此店招牌水煮或乾鍋的食物一應俱備,各式其色;其後留意到餐牌上有一套餐,由燉湯到小食到主菜連甜品,一應俱全,而且價錢相宜,與好友都一致贊成點這個套餐;先來個以小燉盅盛載的熱辣辣的燉湯;內裡材料豐富,尤其有黏口膠質又爽滑的花膠,淮山杞子雞腳的底味襯托起來,此湯入口醇厚滋潤,回味