麻辣派對 (瑞生酒店) (已結業)

今日呢因為間餐廳係有麻辣兩個字就跑過去體驗一下，咁如果你以前有返去深圳食啲四川菜呢，我諗依間都會令你有啲失望。今日就叫咗三個餸，麻婆豆腐、回鍋肉同埋水煮魚。今日麻婆豆腐有少少老同埋一D花椒嘅麻味都冇，應該冇點落到。炒回鍋肉一般應該係會有啲辣椒或者蒜苗去炒，咁依度啲回鍋肉呢就似乎偏向上海嗰隻菜式，係用啲包菜去炒，同埋呢回鍋肉片都切得比較細同埋呢煮得比較老同硬。水煮魚嘅味道其實OK嘅，但係呢佢裏面嗰啲辣椒我就略嫌佢好似煮得太老，一般嗰啲水煮魚嘅辣椒應該係鋪面跟住讚油出香味，加埋啲辣椒應該冇咁爛，佢呢度啲辣椒煮到好爛，好似你打火鍋咁爛，同埋啲魚今日我哋點咗黑魚，但係有好多腹部位，好多骨同魚鱗，唔係我嘅期望，所以食過一次就算啦。最後講多句，我係喺OpenRice訂位，有個九折優惠，但係買單嗰時，店家都冇主動俾返九折優惠，咁我自己都冇為意啦，如果有人係去食嘅話，可能就要睇清楚啲單。

想在香港找一家好吃的酸菜魚不太容易，湯底和魚都要好吃不容易找，但麻辣派對就做到魚又新鮮湯底又好吃。最重要的是他讓你可以選擇魚的質素，而且可以加很多不同的配菜，豐儉由人。這次我們選擇了第三貴價的魚，桂花魚，300多，另外再加了很多配菜，點了椰菜花，萵筍，水晶粉，金針菇。整盤一上來我和朋友都非常覺得震驚因為真的有很多魚！非常抵食。兩人食一盤足夠有餘。桂花魚非常厚身，又夠滑。另外點了一盤四季豆炒得非常香口乾身。點了一盤炸雞粒，配上辣椒粉很惹味。另外和朋友覺點了水果茶和冰雪鮮檸C飲～很大杯配著吃吃酸辣麻辣嘢食剛剛好～～清涼解渴！整個環境很多乾花裝飾，燈飾也很靚很適合女生去打卡～～～

麻辣派對🌶呢間以前食過午餐覺得幾抵，今日突然想食酸菜魚，所以試試佢😆餐廳裝修好特別，有啲似舞廳🙈幾有feel!冰雪鮮檸C飲｜好大杯，唔會過甜，仲有啲奇亞籽喺底，成杯野好清新，岩哂一路食酸菜魚一路飲👍🏻酸菜魚｜呢款係江團魚，肉質厚實，完全無骨架，仲有好多塊！另外加左水晶粉，索哂啲汁🤤水晶粉又係食極都食唔完😂我地揀左bb辣，都覺得夠辣，唔食得辣既真係叫bb辣好喇！涼拌青瓜｜青瓜雪得夠哂凍，醬汁酸酸辣辣，超開胃😋見倒仲有好多唔同款既辣野，有下次有下次🤣

你冇睇錯我又返嚟食麻辣派對啦 香港好多食辣嘅餐廳 但係質素參差不齊 而麻辣派對就係數一數二質素穩定得來又好食嘅餐廳今次就唔食水煮魚酸菜魚 左一份招牌酸辣粉一上菜嘅時候已經聞到好大浸酸味 啱晒我呢啲咁鍾意食酸野嘅人小食就叫咗一份香脆雞翼尖 雞翼尖每一隻都好多肉 想重口味少少嘅可以點佢嘅辣粉 但係我覺得就咁食都已經好好味手撕包菜好爽脆得來又有應有嘅酸辣 就咁食呢一個餸已經可以食一碗飯最後當然唔少得就係京蔥孜然炒羊肉 孜然粉同羊肉真係好夾 配埋京蔥 呢個組合就已經值得我再返嚟食啦

我就不嬲唔食得太辣又好愛食辣既食到出曬汗都要照食🤣😍呢一間係尖沙咀太方便我大大舊肥腸 唔好睇好似好油膩炸完香脆可口大大舊再加碗白飯配其實就咁算都唔覺好膩另外點碗白飯就再中和多少少食多左幾舊既油膩感大大碟 每樣份量超級民水果茶係我最推介水果大大粒成杯野飲唔會有好重好假甜糖漿味仲點多份炸子雞😳😍😍😍😍麻辣剛剛好 黎呢間真係好滿足到麻辣控既心癮🤣🤣🤣同口癮快啲搵埋三五知己黎開個麻辣party

今晚放工來到尖沙咀逛街，晚餐突然想食四川麻辣菜，在openrice app一掃之下找到這家「麻辣派對」。「麻辣派對」位於尖沙咀的加連威老道，而在尖沙咀地鐵站b出口走來都只是5分鐘路程。這裡除了酸菜魚外，麻辣雞鍋、各樣水煮系列，香鍋辣子系列等等，都應有盡有。酸菜魚既然來到這裏， 當然要吃一吃招牌的酸菜魚，我和朋友都點同意點了小辣，酸酸辣辣味道就剛好，不會搶掉其他食材的味道。酸菜魚份量十足，足夠二至三人食用。而魚我們選了最少骨和最便宜的黑魚，性價比最高。而黑魚都是去了骨的，所以很放心食用。魚片呈雪白色，魚肉嫩滑新鮮，賣相和味道都很吸引。湯料也很多，薯粉、酸菜、芽菜等，值得一讚是湯底，有濃郁的酸菜香，唔會死鹹。麻辣肥腸鍋麻辣鍋底有明火一直加熱，不會怕餸菜放涼。麻辣香料與豬腸混和，配上辣辣的泡椒及剁椒，味道層次更加豐富，令人不禁食完一口又一口。而且每件豬腸索盡麻辣汁，又熱又辣。而各種食材都好入味，香得來辛，越食越滋味，辣得好痛快。凍蜜語水果茶 和 冰雪鮮檸C飲 都是夏天解暑的佳品，酸酸甜甜，也是解辣的良品。 麻辣派對比我想像中出色，酸菜魚和麻辣肥腸鍋的味道更令人津津樂道，而且價錢也算實惠，值得

✅麻辣派對好鐘意食川菜既我最鐘意發掘新餐廳😈今次就同朋友就黎左麻辣派對係尖沙咀既分店好有酒吧既風格入到去既裝修都好特別 成個感覺氣氛都好正👍🏻🔆水煮桂花魚 $298桂花魚幾滑 不過就有少許細骨食既時候要格外小心👍🏻小辣都唔會太辣 只係有少少麻反而係好多辣椒同花椒 比較難去夾餸食😂配菜方面本身就會有雲耳同芽菜仲可以加薯粉同萵荀落去吸味😆🔆泡椒雞煲(半隻) $158個人比較鐘意呢道菜因為佢個泡椒啱我口味😆酸酸辣辣咁 仲帶少許麻辣雞件嫩滑👍🏻每件都入味🔆鮮椒爽脆生腸 $78佢既生腸真係平時小食店個啲滷水生腸咁🤣佢個汁食落咸咸地 有少少麻👍🏻🔆麻辣牛𦟌肉 $78花椒味重 而且牛𦟌肉都幾多又唔韌底下仲有大量青瓜絲係底 可以索哂啲味😆🔆紅油火雞腎 $68火雞腎既味道同牛𦟌肉差唔多都係麻辣汁 咸咸辣辣咁但火雞腎相對比較硬 較難咬🤔冇牛𦟌咁易入口👍🏻味道: 3.8/5賣相: 3.5/5地址: 尖沙咀加連威老道29A號瑞生酒店1樓

太久沒有吃酸菜魚，又是時候大吃一頓，這家裝修以party room為主，燈光較暗，有情調蜜語水果茶－大量不同生果，不太甜可解辣，更有西瓜可消暑七味鷄脆骨－炸到脆口，夠熱，點七味粉辣得有道理，送酒一流，分量又多，爽口酸菜魚江團－我們叫了小辣，不會過辣，有麻，酸味適中，第一次吃江團，也不錯，沒有骨，方便吃，裏面有大豆牙，水晶粉，水晶粉很滑，彈牙，湯亦不錯可以送飯甜品今日送冰粉同紅豆沙，但其實是桂花糕跟綠豆沙

呢幾日都食左好多清淡野，都想食返D辣野刺激下身體🤣🤣。之前都有人介紹過呢間麻辣派對， 咁啱今日經過， 原來呢度有午餐既， 睇完餐牌見到都好抵食😎。 即刻入嚟試下， 估唔到咁有氣氛， 成間舖都黑蚊蚊😂😂。花多眼亂樣樣嘢都想食，不過呢度好奇怪，個侍應不停吹我嗌嘢食，因為個餐牌好多選擇，我都未睇得切有咩😅，侍應已經埋嚟問咗我幾次， 我唔好意思諗咁耐🤣🤣，求其叫咗個酸辣粉， 之後見到仲有好多酸菜魚丫， 辣子雞丫，都好似好好味，唯有下次再試😅。豬軟骨酸辣粉 $58估唔到求其叫反而有驚喜，個薯粉比一般既扁身，但又幾煙韌，吸收埋酸酸辣辣既湯，食得好過癮😋😋😋。豬軟骨都好多， 雖然唔係話太淋，但我覺得有趙口，好食😍。午餐咁抵，加埋一都係 $63 ，下次再試其他野先得😊。

喜歡麻辣既朋友，一定食過這間餐廳，尤其記得幾年前新開張，店名名字夠新派，吸引很多年青人食川菜，帶起川菜新潮流用得上"麻辣派對"這個名字，店內裝修當然夠派對氣氛，天花板鋪滿七彩球，加上不同顏色燈光，令整間餐廳很有派對氣氛， 切合店名主題以紫色做主題，射燈，牆紙甚至乎餐牌，都用上我喜歡既紫色食辣當然要飲冰凍飲品，點了兩杯水果茶食一口辣再飲一口冰凍水果茶，透心涼手撕包菜是我必點的菜式，因為只有川菜餐廳才有這道菜，要用麻辣醬油炒的椰菜是特別入味，香口泡椒雞鍋雞很嫩滑新鮮，用上青椒做主打，帶點胡椒麻辣味道，不是紅椒的辣味，愛吃辣的人一定會分別到青椒，紅椒的味道

我朋友要求食麻辣，第一時間諗起呢間麻辣派對尖沙咀成日經過但就未有機會試，兩個人點咗個水煮魚&一碟生腸。 水煮魚上枱一陣油香味，魚好滑身，我地加咗豬紅、栢業同埋薯粉做配菜，全部都好食。生腸口感爽，有帶蒜味。叫最尾甜品送咗個桂花啫喱都唔錯。

我真係好鍾意食酸菜魚，加入左網上嘅群組，見到呢間餐廳，所以一試。如果想食魚，要先揀湯底，揀魚同埋再加餸。加唔加餸都得，悉隨尊便。我就叫左酸菜魚味桂花魚加肥牛同鴨血。酸菜魚一大煲咁上台，面頭有少少菊花令到佢睇落色彩繽紛，我都心情大好。湯底酸辣層次分明，湯底鮮甜亦唔會太酸，好味。桂花魚大嚿啖啖肉又冇骨，食得我好爽皮。牛肉同鴨血加落去酸菜魚係一個全新嘗試組合，個人認為配麻辣更適合。唔通朋友話要加唔俾佢加咩😂。呢個組合都幾特別，我會用清新來形容因為冇咗食麻辣嗰陣重口味。小食叫咗中辣滕椒花雕白貝，白貝粒粒肥美無沙，辣味帶出白貝肉嘅鮮，食主菜之前用嚟醒胃唔錯。埋單之後仲送你桂花啫喱甜品解辣，其實我真係好想食佢個麻辣雪糕，不過真係太飽搞唔掂🤣

位於尖沙咀鬧市呢間麻辣嘢裝修以時尚感，派對feel，有別於一般以傳統中式為主題嘅川菜餐廳！呢度仲提供唔同嘅酒精，見到附近都好多人飲啤酒🍻啱晒約返班鍾意食川菜嘅朋友啤啤佢🥳 呢度除咗一般川菜亦都有水煮魚、酸菜魚、雞煲、海鮮、干鍋，有好多唔同嘅選擇水煮味江團魚我哋叫咗小辣，睇個樣好似好辣，食落好惹味，辣度啱啱好！江團魚冇乜骨，煮得入味，鍋底同埋水晶粉吸晒水煮湯🤩 仲可以另外加配料，我哋都加咗肥牛、萵筍，兩個女仔食夠晒！泡椒炒蟶子呢度仲有好多唔同嘅海鮮例如蟹、蝦、蟶子，本身係海鮮愛好者😛再配埋辣既方式煮更加吸引！蟶子爽口新鮮，切開左幾舊，泡椒醬汁炒到掛晒係蟶子到，辣得刺激

週末有空又同朋友嚟食麻辣派對啦😍👍🏻，呢度食物同環境都唔錯🙌🏻，好適合同朋友一齊嚟呢度開個麻辣派對🌶🎉🥳（順帶一提，呢度都有好多唔辣嘅菜式大家可以試吓）📌紅燒排骨小面🍖🍜$58呢度嘅午市麵食係包左迷你涼菜、手工甜品和飲品，相當抵食❣️ 紅燒排骨小面，棉質彈牙可口，湯底濃郁，紅燒排骨好夠入味🍖😍👍🏻📌+$10牛𦟌肉（加送）出奇地高質，牛𦟌肉夠香夠軟腍，分量超多特色小菜，配送白飯和飲品：📌家常豆腐🥠$68炸豆腐外皮煙韌，內裏細滑，醬汁調配濃郁，配合了炸豆腐、豆乾、菇菌類，黑木耳和燈籠椒等，相當健康好吃😋👍🏻可以選擇辣度，我揀咗小辣，夠香，微辣帶起食慾，嗜辣的朋友可以揀大辣挑戰下🌶🌶😋😋📌酸菜煮鮮牛肉🌶🐮$78酸菜魚就食得多，呢度仲有酸菜牛肉，好啱鍾意肉類嘅朋友‼️‼️👍🏻👍🏻黃金湯底相當香，酸菜香味濃郁，酸菜鍋裏有芽菜和金菇，跟主菜牛肉一起，吸入湯汁，相當開胃，配飯一流😋👍🏻‼️飲品：📌凍檸茶📌熱奶茶推薦他們的熱奶茶，相當香滑，高質！最後奉送甜品，今次係紅豆沙，質素唔錯！

餐廳位於樓上但位置非常易搵加上有大大個投射燈遠遠都望到一上到去門口已經好吸引，好有心意既佈置，其實真係有啲估吾到係食中菜午餐時間比較多人，好彩等左一陣就有位環境係好有藝術氣息，牆上掛左好多裝飾打開餐牌真係樣樣都好吸引好想試最後我地俾隔離台既酸菜魚吸引左酸菜魚（江團魚）$188佢有幾隻辣度可以選擇，我地簡左小辣一上台就已經好香，賣相都好靚當然要即係飲啖湯試下味啦酸度岩岩好，小辣就吾太夠辣，下次應該要叫中辣魚肉好滑，魚既份量都吾小而且個底有薯粉配料其實都幾飽肚口水雞$52口水汁可以再辣多啲，雞肉吾錯，而且吾係用大肥雞