麻痺英

營業中

休息中

做咗成日嘢收工同同事食埋晚餐先返屋企😃喺大埔做咁耐今日先知原來有間叫麻痹英嘅任食火鍋。我哋六點就去到，客人唔多我哋就嗱嗱聲落單先🤭🤭過咗15分鐘人流真係湧現，去到我哋食完走嗰陣，啲食客坐到出門口，原來呢間任食火鍋喺區內咁受歡迎😎❁ 煲底 有個比較特別嘅海鮮雞煲$198/位，平時出面都冇見過，唔知海鮮溝雞煲會係點😇有得自選辣度，揀左小辣，雞肉嫩而且好入味，雞煲入邊仲有唔少椒、芫荽等等嘅配料。特別在於入邊有生蠔、青口、魷魚，全部都大大件。感覺都唔錯，完全唔覺得奇怪。❁ 肉類配料美國肥牛、牛柏葉、新鮮滑牛、五花腩肉片、豬潤、黑椒猪頸肉、魚腩。基本上常見嘅配料都有齊晒，種類都幾豐富😀自己比較鍾意新鮮滑牛，切得都OK薄，肉質軟身易入口。另外推介草鯇魚腩，有少少脂肪黐住，所以食落去香口~~❁ 蔬菜 火鍋配料比足，唔會偷偷地比少啲😃蔬菜方面我覺得係非常出色，佢哋嘅生菜洗得好乾淨之餘，顏色靚，非常之翠綠，可以放心食用❁丸類基本上嘅腸仔、包心芝士丸、牛丸等等都有齊，整體都乾淨企理，飲品方面，有無糖有低糖，種類選擇多。整體感覺呢個價錢真係好抵食

今日黎左大埔呢邊搵朋友，佢帶我黎左呢間食雞煲嘅火鍋店，話呢度好抵食。我地叫左麻痺雞－正宗重慶雞煲（＄178），任食兩小時都真係非常抵食，我地叫左少辣，雞煲都好多料，有洋蔥，薯仔，蒜頭，瓜，仲有好多芫荽！雞肉份量都多，而且吸曬啲汁，好惹味，雞肉亦都嫩滑。因為個火鍋都幾抵食，所以我地額外加左個手切牛頸脊（＄108），雖然係例牌，不過份量都好多，三個人食我諗都好足夠，牛頸脊個樣好靚，而且牛味都幾香，口感亦柔軟。草鯇魚腩：鯇魚腩好滑身，魚味好鮮甜，魚油亦都好香，出邊啲火鍋店比較少食呢款，所以我地都有番叫多次。自家製餃子：餃子皮薄，讚！餡料係豬肉韭菜，豬肉鮮甜，呢個餃子都好出色。唐生菜，油麥菜，鮮淮山片，雞脾菇都好新鮮。芝心獅子狗：呢個亦都係平時火鍋比較少有嘅菜式，芝士味好香濃，好好食。花腩肉片：肥膏位都幾香，又唔會過肥。牛栢葉：好爽口，打邊爐一流。講一講飲品，選擇都幾多，最驚喜既係有meko紙包蜜桃茶，我本身好鍾意飲呢款,但好少見出邊餐廳有得揀。我地6點幾入黎，過左一陣都已經坐滿哂客人，依間餐廳都幾抵食，唔怪得咁多人。

11月尾嘅星期五，同朋友去咗麻痹英食雞煲，位置比較遠，由太和站行過去都要三個字，感恩有朋友願意同我去食。我哋要咗滋補豬肚雞煲。其他選擇有重慶雞煲，香辣海鮮雞煲，酸菜魚鍋，羊腩煲等等⋯。雞煲內大約半隻雞，應該係冰鮮雞冇乜雞味，不過都滑同冇雪味。豬肚份量都多，新鮮乾淨。飲品任飲，有汽水，紙包果汁，茶係雪櫃自己拎。唔夠湯可以自己去茶水部自己拎。二小時任食，任食火鍋料同其他任食火鍋店差唔多，比較出色嘅係提供涼拌菜任食，例如涼拌海哲，黃金皮蛋，木耳，青瓜，蔬菜類都好多選擇，不過牛肉就太肥。待應有禮貌，反應都快，地方就比較細。7:45去到差唔多滿，好彩有book 枱。希望下次去試理魚鍋。

今次嚟到太和站附近試咗滋補豬肚雞煲，每位$178任食任飲好多選擇，配料選擇種類多仲唔收加一，好抵食😋佢哋嘅肉類選擇豐富，有豬頸肉、五花腩片、滑牛等而且牛肉嘅質地唔錯，脂肪分布均勻，適合鍾意食肉嘅朋友一試。呢度仲有涼拌小食可以揀，唔使等邊爐滾熟咗先食，可以醫下肚，涼拌黃金皮蛋都幾重口味㗎🤓，唔單止辣味十足，而且都幾開胃同飽肚～我哋仲額外加咗即炸響鈴($58)同埋一例手切安格斯肥牛($88)，師傅見我得兩個人就問響鈴會唔會食唔晒🤣最尾我怕浪費淨係叫咗兩件，新鮮即炸好大份，手切肥牛都好有口感🐮

住了大埔多年，現在才發現原來大埔有隱世火鍋店，深得大埔街坊喜愛，一定要一試。原來是任食的，$218包一個湯底就可以任食，飲品無酒精類可以任飲，細支裝啤酒每人加$15湯底選擇不少，有十幾款；今次叫了藥膳麻醉雞（少辣），湯底真材實料，重藥材味，紅棗杞子補血，蟲草花可以滋潤喉嚨，提升免疫力，溫和而不燥; 雞充滿了湯的雞華，湯底適合冬天進補。任食材料有幾種，包括肉類/海產/餃子/丸/腸/面點/豆類/涼拌系列/蔬菜/菇類。蔬菜很新鮮，嫩葉翠綠，特別喜愛萵筍娃娃菜白菜,嫩口，所以我點了兩轉；丸類也不錯;鮮牛肉新鮮,但肥牛一般; 冷盤麻辣夠入味，而且酸酸地很開胃這個火鍋很有住家的感覺，是大埔有人情味的火鍋店

大埔出名食雞煲，其中仁興街呢間性價比非常高，任食雞煲每位只係$168。7 點左右到達，已經坐滿了人，如果唔想等位最好六點多到。呢度除咗食麻辣雞煲外，其實仲有其他選擇，沙嗲雞煲，海鮮雞煲亦非常吸引。另外仲有羊腩煲，酸菜魚等等。如果唔食得辣嘅可以試吓蔥香雞煲。食完雞煲，仲有任食火鍋，食物選擇都有很多。我哋今次就試咗招牌麻辣雞煲，叫左少辣，雞煲上枱前已經炒香到半熟，配上大量洋蔥和芫荽，非常香口，上枱時再炒多陣就可以食。雞件炒得非常入味，辣辣地好惹味，有唔少雞髀位，又滑又多肉。食完雞煲後就食火鍋，我哋加左個例牌安格斯牛$88，牛肉味非常香濃，加上半肥瘦脂肪，味道和質感都相當唔錯。另外點了響鈴$58，新鮮炸起嘅響鈴熱辣辣，既鬆脆又香口，燙2-3秒，可以保留脆口，再配上甜酸醬食超好食。另外仲有任點任食炸魚皮，又係炸得又香又脆！蔬菜豆腐亦非常新鮮，仲有最愛嘅厚切午餐肉，流心芝士丸都正！多款飲品亦係任飲，味道和質素都唔錯，總括性價比非常高。

趁天氣凍凍地，看到這裏有枝竹羊腩煲，當然要暖一暖肚。小小的店舖但坐得舒適，而且很有打邊爐的氣氛。枝竹羊腩煲 $228一位，其他超過70款美食兩小時內落單可任點任食，飲品除了酒精類，也可自取任飲。羊肉鮮嫩好味，沒有羊膻味生菜🥬放入煲淥，完全吸收了煲內的精華，非常好味😋清甜蘿蔔真的非常清甜，是火鍋的好配搭其他蔬菜類選擇也很多，我們還點了白菜仔、冬瓜片、黑木耳、鮮淮山片、粟米🌽、鮮蕃茄🍅、魔芋絲菇類有雞髀菇、金針菇、鮮冬菇豆腐也試了多款，蜂巢豆腐、鮮豆腐、豆卜，蜂巢豆腐也是吸收了湯底的精華😋丸類及餃類則吃了龍蝦丸、牛筋丸、自家製餃子🥟，皇庭貢丸為必點之選，味道非常香濃惹味肉類沒有點太多，因鍋內的羊肉已足夠，不想浪費，只吃了牛柏葉、爽脆豬皮、爽脆豬潤這裏不論是兩人撐枱腳或一大班朋友歡聚也非常適合。

這天跟朋友開車到大埔附近找吃, 林村河附近的這家店算是較僻靜的小店. 橫街窄巷找位泊車不算太困難. 天氣有點轉涼, 看著餐牌是以雞煲為主, 還是自助任食, 價錢又不貴, 即管一試. 入內的店面不算很大, 座位有十幾個, 幸好這天還找到座位. 這裡的飲品可以無限自取, 除了我不愛喝的可樂外, 幸好還有檸蜜,菊花蜜,綠茶等. 朋友不太能吃辣, 我的腸胃今天又剛好不是太好. 點了不辣的蔥香雞煲. 簡單的小吃皮蛋, 質素想像不到不俗. 炸魚皮脆身, 合格. 第一轉先點美國肥牛, 花腩肉片. 以這個價格來說肥牛算是不錯. 花腩肉片爽口好吃. 另外點的雞子沒甚腥味, 算是不錯. 餃子的水準也OK. 蜂巢豆腐若大件些會較好. 丸類我喜歡牛筋丸及潮州白魚蛋, 滑雞片的質素很好. 魚皮餃是標準的貨式, 不是便宜又口感不好帶腥的魚皮餃. 翻點的款式是我跟朋友都覺得不錯的雞子, 魚皮餃, 滑雞片, 蜂巢豆腐. 紅薯粉不常有選擇, 纖維較烏冬公仔麵等都豐富, 煙韌有彈性吸湯. 最後簡單吃個唐生菜作結尾. 價錢以$168一位晚餐來說, 還是自助任飲任食, 抵吃的程度滿分. 縱然食物質素只是比水平高一點, 但仍然

天氣凍左咁多, 第一件事就緊係想食雞煲打邊爐啦。朋友住大埔， 就介紹我去呢間任食雞煲試下喇。呢間小店不單只有重慶雞煲，而且仲有藥膳醉雞🐔、🐷豬肚雞煲、🐟酸菜魚、🐮水煮牛肉、支竹羊腩、喇沙海鮮鍋等等。不過，實再太耐冇食雞煲喇， 都係食返原味啦。價錢就更加抵食，$168 一位，任飲任食，不過飲啤酒就要加錢。佢Ｄ飲品都幾多選擇，有紙包飲品、汽水、又有涼茶， 一Ｄ都唔hea 你。講下個原味重慶雞煲先，我同朋友叫左中辣，真係好刺激（其實我唔係好食得辣，叫中辣都係大挑戰）。雞煲內有不少配料，有薑、蒜頭、薯仔、翠玉瓜、洋蔥，每件雞都炆到入晒味，雞煲醬香濃，真係yummy yummy。火鍋配料都係正常既, 最特別係佢可以叫涼拌小菜, 以呢個價錢黎講, 真係好少有。我叫左海蜇同皮蛋，都好出色呀。$168, 任飲任食2個鐘， 抵食呀!

聽朋友介紹大埔哩間麻痺英好好食心諗雞煲咪又係咁，點知食完真係有驚喜！入到去坐低，睇到個火鍋菜單有好多款式，更加有涼伴既食物，酸酸辣辣非常開胃之後我同朋友叫左個麻痺雞煲，有唔同辣度揀，我地就揀左bb辣，佢會有d芫荽放係雞煲上面，唔食既朋友記得同侍應講啦！食完雞煲之後就當然係打邊爐，我地叫左哩度好出名既即炸響鈴卷，可以即刻點雞醬食又可以浸落湯度之後先食！兩種食法都食到佢地即響鈴富有豆香！而且58蚊黎講，份量非常多！之後就叫一d火鍋配料食，鋪頭既用料都唔馬虎，望落亦非常乾淨飲品方面種類都可以符合唔同客人既要求，應有盡有舖頭睇落亦有唔少熟客！絕對值得再三幫襯！

平日放工去都滿晒坐，食開雞煲今次天氣一轉涼，食食羊腩煲暖暖身。每人先$228加可以任叫以下全部丸，麵，肉同菜。飲品都包含埋，啤酒就另計羊腩煲一上，湯底中濃厚的顏色，其實我地係叫左少辣，分量非常足夠，少辣之外仲香味濃，羊腩帶皮肥瘦相間，口感一點也不膩，肉香濃郁幾乎食不到羊羶味，西芹味都比較重些。食晒啲羊就繼續加湯底去食其他，有大大粒雞子，魚片，芝士獅子狗，萵筍，老闆擺得幾靚。女老闆仲要好好服務，會幫忙加湯，仲要一聽到di 一聲，會即刻走黎幫我哋換gas

朋友住大埔，請食晚飯，帶我去吃雞煲打邊爐。佢同我講雖然舖頭細细，但每晚都坐滿人，唔預早啲或者留訂位都食唔倒。果然，我地6點去到，開始都已經有兩枱人，6點30分左右差不多已經坐滿哂。 點解咁多人？因為呢度好抵食，除咗雞煲之外，仲有酸菜魚、水煮魚、支竹羊腩煲等等，十幾款煲俾你選擇，二人計最抵每人168蚊起，食完之後仲有得打邊爐，汽水飲品任飲，除左啤酒要加錢之外。 光是雞煲都有幾款唔同口味，最後叫左招牌麻痺雞，可選擇辣度，我地要咗BB辣。 嘩! Gas  打邊爐，夠曬風味，雞煲上面鋪滿左滿滿嘅芫茜，正! 裡邊每件雞都好大件好多肉，雞煲酱十份惹味，而且BB辣一啲都唔辣。而且每件雞肉真係入曬味，可見之前準備功夫都不少，煲內亦有其他配料如洋蔥、書仔、翠玉瓜等等。兩個人的份量大概有十幾件雞，食完之後就可以加水打邊爐。 打邊爐嘅配料都有幾十款之多，亦有海蝦、花甲、生蠔等等，不過就要加錢呀。除左火鍋配料，亦有幾款涼拌小菜，叫左一份涼拌皮蛋同埋海蜇，唔使等即刻有得食兩樣凉拌小菜都不算太辣，而且亦都好入味，皮蛋金金黃黃的，有蒜容嘅香味，軟綿綿很好吃。

很久沒有來麻痺雞（麻痺英）， 最近天氣涼了，想打邊爐又想食雞煲， 就想起這間價錢親民的。💰店面的麻痺英木招牌，店內的木枱木櫈很有精武門的風味。🥋煲底又很多選擇， 但我都是點招牌的麻痺雞， 因為我喜歡重慶麻辣。辣度選了中辣， 如果你在譚仔是食開中辣， 這個辣度應該會令你開心、滿足。🌶🌶這個價錢先不談火鍋配料如何， 提供到好味的雞煲已經不錯， 煲裡除了雞還有洋蔥、薯仔、翠玉瓜，這些吸收了煲裡的精華， 十分過癮。😍飲品方面， 無酒精飲品是任飲的。火鍋必食的肥牛， 質素一般， 但這個價錢提供到的質素是預料之內吧。其他配料都不錯， 生菜、窩荀都很新鮮爽脆， 炸魚皮薄脆， 午餐肉厚切。🥬🥩🧃🥢$168 / 2小時的任飲任食， 不設加一。非常抵食。🉐

呢間麻痺英前身叫麻痺雞，以前成日同朋友係附近打完波都會過黎食飯，但自從搬走左之後就好少過黎食，今次都係黎到之後先知原來轉左名做麻痺英。呢度嘅任食雞煲的確係好抵，只要百零蚊就可以任飲任食，岩晒一大班朋友過黎聚舊。今次叫左蔥油雞煲做底，雞肉同醬汁份量都幾多，食完雞煲之後就可以叫店員加湯打邊爐，雖然店員人數少，但估唔到服務幾好。即炸響鈴脆卜卜，可以點泰式辣汁即食又可以落去滾兩滾先食，而且份量都幾大。半打海蝦好新鮮，雖然唔大但肉質好彈牙。而其他配料都不過不失，係任食打邊爐嘅質素，整體黎講係性價比高嘅。

天氣又有d轉涼，最適合就係食雞煲呢日黎左麻痺英，距離太和站都係5分鐘左右既路程，非常方便。任食雞煲每位$168，好抵食一上枱已經香噴噴，可以即刻食我地叫左微辣，雞件腍滑，份量都唔少夠晒惹味，而且店員都好細心，見到我地食到差唔多，都主動幫我地加湯即炸脆響鈴($58)，果然係脆卜卜！而且呢份響鈴係可以就咁即食，鬆脆香口，放落湯底亦得，完全吸收晒湯底，兩種方式都咁高質手切安格斯肥牛($88)，每塊都厚身，表面既紋路好吸引粉嫩細滑，肉香，牛味突出各款丸類都大大粒，多汁，午餐肉同樣係厚切炸魚皮亦夠晒大塊脆身，水魷魚爽滑彈牙，土豆片同金針菇新鮮整體非常豐富抵食，仲有好多款食物都因為太飽試唔到下次再黎試一試