麻痺英

營業中

休息中

秋風起 邊爐癮出哂黎收工同男朋友去食雞煲 估唔到平日夜晚八點去到唔單止入面坐滿連出面都擺左幾張枱——————————————————-坐低嗌左個小辣麻痺雞 （$168/位）雞件飽滿得黎嫩滑入味配料種類極多 大量洋蔥芫荽芹菜薯仔紅椒等等令雞煲醬汁更香更惹味手切安格斯肥牛 例牌（$88）油脂分布均勻 有厚度肉味濃 軟熟得黎有咬口其他任食材料選擇都算多同新鮮上碟既時候排到靚靚仔仔咁多樣入面最鐘意都係紅薯粉煙煙韌韌煮完之後入哂味 好食—————————————————-伙計服務態度好無漏單又會主動問你加唔加水收碟上菜既速度又快以哩個價錢黎計 咁既質素唔使加一有得任飲任食如果一班人食飯想飲埋酒吹下水只係加$15仲可以青島任飲其實真係好抵怪唔知咁多街坊幫襯

有日老公突然話想食雞煲，立即上網搵搵附近有冇正雞煲，結果搵到 麻痺英。呢度可以任飲任食兩小時，而家煲底都幾多選擇，我唔食得太辣，所以就選了 濃香沙嗲雞煲，2個人食會上細煲，但細煲目測係中煲，所以食完我已經半飽。濃香沙嗲雞煲味道幾濃，好香沙嗲味，雞都幾厚肉，而且入味！然後再試試小食 - 涼拌海哲，辣辣地幾惹味，配啤酒🍻不錯。之後就開始食火鍋🍲，點咗肥牛、花腩肉片，之後就係大量菜類，因為煲底好香濃，所以唔洗再醮豉油食都夠味，最鍾意粉絲同生菜，吸收哂煲底嘅精華，真係好香好惹味！店員說其實辣度可以選擇，下次再來可以試試麻辣口味，他們可以做小辣版的😊。

麻痹英 呢間舖仔位於大埔，火車站行一日過去幾分鐘姐，去到就咁睇都知佢有D歷史，雖然係咁但入面非常乾淨，一D都冇油淋淋既感覺。木枱木凳簡單俾人感覺簡樸務實，加上店員服務有禮，比起好多其他連鎖食店有過之而無不及。 雞煲我揀左香辣海鮮雞煲，個煲黎到已經嗅到香噴噴好惹味，個煲好大，雞同海鮮既分量十分足料。雞肉嫩滑，雞煲醬好香好好味。而海鮮亦非常出色，尤其係魷魚，Q彈Q彈既口感真係令我食唔停口。 另外，配料方面亦非常有驚喜，打邊爐食慣既配料佢都有齊，而且非常新鮮，只要你試過佢D蔬菜你就知道佢同出面其他舖頭既分別。我因為食完雞煲已經飽左大半，所以叫得唔多，大胃王可以黎挑戰下，佢哋既配料係任叫任食，一個價錢，其實性價比好高。 值得一提係佢有供應小食，雖然款式唔多但味道好好，海哲、皮蛋、黑木耳、青瓜都十分出色，只係怨自己太細食，咁快就飽，如果唔係一定要再落order黎多round。 總括而言，值得推薦，可以返食。

朋友推介大埔出名的任食打邊爐，不只是一般普通的湯底，而是有12款煲底選擇，有多款不同口味雞煲，烤魚，水煮牛肉，豬軟骨鍋，就連羊腩煲都有，種類好多，好適合我鐘意打邊爐而又可以試不同煲底😋😋晚市時段，好多人食，好彩本身有book枱😆很快入坐煲底今次選擇左烤魚，係香港好少有間好好食的烤魚，所以叫左麻痺魚(麻辣鍋烤魚)，選擇左中辣，湯底夠香夠麻🤩🤩魚有煎過，好香口，魚肉嫩滑，條魚勁大條，配搭麻辣鍋味道好夾，仼食黎講好高質涼拌系列，海哲絲，份量多，夠爽脆入味😍😍即炸響鈴，好薄，配搭泰式醬汁正另外叫左其他火鍋配料，海鮮有魷魚，墨魚仔，魚腩，都好新鮮，不用配搭火鍋醬料都好正，湯底濃郁，好好食👍🏻👍🏻😋肉類有牛柏葉，美國肥牛，鮮牛肉，黑椒豬頸肉😋 另外薯粉、娃娃菜都係必點之選，夠吸味😍👍🏻👍🏻👍🏻正體都好滿意👍🏻

同朋友去佢大學時期食過嘅雞煲，落咗巴士行5分鐘就到，位置都幾方便❤️我哋差不多七點就到了，店員非常熱情🙆🏻‍♀️咁招呼我哋坐低，眼見都仲有三四張空枱，不過坐多一陣都已經full晒啦😂我同朋友都唔食得辣，所以我哋嗌左🥢蔥油雞煲，店員好好服侍，成日都過嚟睇我哋會唔會煮得太熟雞件全部都好新鮮，而且好入味， 份量嚟講都算多，我哋食完都已經飽咗一半好欣賞雞煲裏面嘅洋蔥同埋⭐️薯仔，洋蔥好香，薯仔煮得好夠腍同入味👍🏻👍🏻👍🏻🤩朋友推薦⭐️即炸響鈴，店員好好，知道我哋唔係食到好多嘢，主動俾半份響鈴，仲推介我哋一舊可以即食，令一舊就可以打邊爐浸落湯底食，就可以食到兩種風味。超級香口🤩另外我哋嗌咗小份的🥢手切安格斯牛，比較有牛味👍🏻👍🏻，而且厚啲，其實佢本身任食嘅肥牛都唔錯，只係會比較薄同埋冇咁有牛味👌🏻👌🏻另外我哋都試咗佢哋嘅🥢自家製餃子，好可惜我哋真係太飽，所以只係試咗一隻，但係都好好味超級滿足，因為佢竟然有🥢紅薯粉可以揀，我同朋友都食咗兩大碗整體環境夠冷氣，唔會趕你走，而且價錢好抵，火鍋料同嘢飲都任食，佢都有幾多火鍋配料可以提供，性價比好高都睇得出應該幾爆，因為夏天咁熱，都仲有人肯坐喺出面食雞煲😂

今日放工專燈約朋友去大埔食飯.由於我屬於大食既人, 而朋友又想係大埔食雞煲.我相信呢間"麻痺英" 絕對係唔會令大家失望.任食任飲!!價錢絕對唔貴!係真係超值!煲底有好多選擇!!我七點半去到已經見到半個場爆灑!! 八點半已經爆場(閒日)有人食烤魚,有人食雞煲,價錢唔會相差太遠,好多選擇.一般既火鍋配料都好足,而且仲好多元化.飲品種類一定夠. +15蚊可以任飲啤酒, 呢個真係好好吸引.一坐低,員工已經好主動問我地想要咩煲咩辣.根住好快上鍋,員工更會有建議時間,煮多幾耐會更好味更入味.呢下加左分,貼心.雞入味，有胸有脾. 薯仔吸灑D味,味道拍得住D雞.而且佢仲有D額外收費既配料. 作為牛肉狂既我決定加$88 叫個牛試試,分量超大,絕對夠3人食 . 質量明顯有保證,好靚既鮮肥牛. 加埋麻辣味,絕對幫個牛加分,正.其他配料上, 我朋友好中意麻辣加素齋,結果絕對唔失望,吸灑D味,又香又麻,正呀.我仲發現佢既肥牛同花腩,係高質,半肥半瘦,丸既種類真係多不勝數.咩都有.食得太多油膩食物.大家絕對可以叫下呢個砂糖蕃茄,甜味加蕃薯酸.呢個組合冇得彈.涼拌青瓜再次刺激大家既食慾.加埋芝麻,更香口.員工同衛生

行完街肚子非常餓，就去搜尋餐廳尋覓食物，記得之前在社交平台見到朋友大讚既麻痺英，呢間既邊爐同雞煲非常之出名，我就拿拿聲叫埋兩個朋友一齊去食晚餐～～～去到餐廳門口，已經有很多人排隊到訪。餐牌上多款食物選擇，而且更有食物圖片供參考，望到食物圖片都非常吸引！飲品大多係任飲～～～先叫咗一個濃香蒽香雞煲，秘製既雞煲，件件雞都係啖啖肉，非常之有雞味，香得緊要!!!雞肉非常嫩口, 而且個汁好好味啊!!!煲內有很多配料, 辣得黎唔嗆口, 愈食愈停不了!!吃完加一些濃湯，再用來打邊爐。這樣的雞煲吃法，証明了香港人創意多多。另外仲叫咗香腸，肥牛，午餐肉，鯇魚片同埋魚蛋，仲有叫咗炸魚皮，樣樣材料樣子十分新鮮，價錢公道！！我諗晚晚嚟食都唔會厭～～

放幾日假，到大埔搵個frd食個飯先。今晚好想食雞煲，個frd 就建議黎呢間麻痺英，好抵食。我喺太和行過黎都唔遠，5分鐘就到，都幾方便。入到去有個小suprise，店員唔係亞洲人，佢非常醒目。而且呢度任飲任食，飲品係自助拎，仲有調味料都係，好似去左韓國食店咁，有一種異國風情嘅感覺，旅行mode又撻著啦🤣去開呢d雞煲店都預左衛生爭d，但同其他比較黎講，麻痺英都幾乾淨，碗筷同枱面係乾爽，入去冇乜味道。我有少少怕坐角落頭，由其見到有個兜裝住d藥水棉花用黎殺蚊滋，真係毛管動。但喺度就完全冇呢個感覺，唔錯喔~我地叫左個藥膳醉雞煲，材料幾足，有薑片、川芎、北芪、黨參、杞子、紅棗同蟲草花。滾起後我地試左舊雞，冇乜味道但幾嫰滑。後來放d菜同菇再煲下，非常嘅清甜，一黎個菜新鮮，二黎個煲愈滾愈出味，開始食到藥材味道，但又唔會太勁，喜歡佢嘅薑片味，輕微嘅辣味令人更加開胃。配料選擇好多，最喜歡涼拌黃金皮蛋、手拍青瓜、涼拌木耳。皮蛋冇腥澀味，好香蒜、尖椒、醋等味道但又唔會搶左皮蛋本身嘅香味；而青瓜同木耳嘅調味比例分配適中，encore左2次，好岩我地一邊傾計，一邊密密食。其他火鍋配料仲order左肥牛、滑牛、豬頸

想係大埔食烤魚可以黎呢間…當日我同家姐兩個人一心黎食雞煲，不過黎到見到見到除咗雞煲仲有好多不同烤魚選擇🤩餐廳細細地但好企理！我地心大心細唔知揀邊隻烤魚好，因為唔係幾食得辣，最後揀咗酸菜烤魚，個侍應姐姐主動話唔食得好辣就比好少好少辣啦🤗等緊烤魚期間叫埋火鍋食材選擇種類好多 任叫🤗🤗叫咗鮮蠔（洗得好乾淨又好有鮮味）條魚一上枱 好大條呀😍😍（後悔叫得太多火鍋食材）因為無諗過咁大條😜😜少酸少辣好好味😋仲有好多芫茜舖滿飲品：酒精同埋非酒精類都有 任飲😍好正！夏天食涼伴好開胃！

好彩有訂台（因為已爆滿了）🤣😂🤣🤣 這間小小的火鍋店以放題形式雞煲主菜🥰 由於近日比較熱氣，今日揀左個藥膳湯底😋「藥膳醉雞煲」雞件大大滑溜🥰，藥膳香濃酒香👍🏻👍🏻另收費「廣島生蠔」大大隻，熟後帳卜卜，可見新鮮👍🏻👍🏻另收費「即炸脆響鈴」好正正正😍😍 即炸！ 配上雞醬即食 yummy😍😍 忘記了浸下的食法😄「配料」好多款式，而且新鮮，鮮尤大大條，粟米又甜😋😋備註：🔺任食2小時 （包括：任食煲底，配料）🔺包埋飲品 （當然啤酒另計）🔺抵食，免加一👍🏻👍🏻

大埔街坊無人不曉的麻痺英，主打平價雞煲任食，一個價錢雞煲配料任叫！而且服務態度好好！是日假日位置全滿，不想等位可以先打電話留位。今日點的是麻痺雞海鮮煲，$188一位，任點任飲。飲品選擇頗多，醬料同樣自取！雞煲點了中辣，個人認為比較惹味，雞件好大件，啖啖肉。麻痺雞最出色就是個醬汁！海鮮無揸流攤，有廣島蠔、大魷魚圈、青口非常大隻！剩食完雞煲已經飽了6成任叫配料方面，有手拍青瓜、涼拌皮蛋等，味道都好不錯！食完雞煲同請店員加湯，我中意先落少少湯，保持雞煲醬汁濃一點。餐單上有自費配料，安格斯肥牛例牌都好大碟，夠2,3個人食，海蝦半打$58，肉質彈牙，質素都唔錯。其他配料方面都算多選擇，例如鯇魚腩都有得選擇，而且好新鮮！$188任食真的無得輸。其他火鍋配料質素都好ok，蔬菜方面都新鮮，但任食的肥牛略嫌肥膏太多，喜愛吃牛的朋友反而可一試安格斯肥牛

去左大埔搵食,見到麻痺英評價唔錯就去左,店鋪招牌被簷蓬遮住,差d望唔到,枱櫈都係木造,好like因為未食過怕太辣,我同阿媽叫左香辣海鮮雞煲(小辣),廚師即叫即煮,店員上菜時提示約7成熟,煮多陣先食,接近唔辣但非常惹味!份量非常足,青口,蠔,魷魚,阿媽話咁厚身既魷魚自己買好貴,蠔係煮熟後都唔算細隻食完雞煲可以準備打邊爐,包任食火鍋!食物選擇唔少,亦有頭盤可以揀,我地要左涼拌海蜇絲好爽口,另外涼拌黃金皮蛋,第一次食,原來個蛋黃係偏硬魚皮係我打邊爐既至愛,非常脆新鮮滑牛牛味重,略嫌切得太碎草鯇魚腩非常厚身!淥熟後唔會碎開,芝士獅子狗正常,我自己好鍾意牛筋丸,彈牙有牛味,牛栢葉亦切得厚身,爽口除左火煱任食,仲有汽水任飲離開時已經坐滿,店舖外亦坐左三枱客雞煲+任食火煱黎講價錢唔貴,值得再黎!

今日到大埔探朋友順便同朋友食雞煲同打邊爐，朋友介紹屋企附近有一間小店嘅雞煲同打邊爐，所以就去試下，餐廳門面比較細小，但餐廳內外都坐滿客人，我哋等左一陣就可以入座，店員都比較忙，只有兩位店員，但都好落力介紹他們的招牌雞煲，我同朋友就決定點左店員推介嘅招牌雞煲，原來餐廳都仲包左任食火鍋配料同任飲無酒精飲品。好快雞煲就送上，店員叫我哋等大家3-5分鐘，一打開好香，我哋都急不及待開始進食，我地叫左小辣，岩岩合適平時唔係食得太辣既我，而且雞肉好嫩滑亦都醃得十分入味，一口咬落去都十分彈牙。好快我哋已經將整個雞煲食哂，之後我地就點左一D火鍋配料，有魷魚筒，肥牛，五花腩肉，粟米等…其實仲有好多選擇，實在不能盡錄，其他火鍋配料都好新鮮，一個價錢已經可以食雞煲同打邊爐真係好超值。而且店舖雖然十分忙碌，但店員依然十分落招呼，認真抵讚，所以都希望大家多多支持呢種小店。

突發其想今晚想食雞煲，見到大埔麻痺英好似好唔錯甘，一於同朋友去試下。餐牌原來淨係雞煲都有唔少選擇，我地決定試下麻痹雞。雞煲即叫即炒，非常之香噴噴，我地叫左小辣，味道剛好迎合我地，雞件食落又香又麻，肉質嫩滑好惹味。除左雞肉仲有芫荽、芹菜、紫洋蔥、蒜頭、炸薯仔、翠玉瓜，食落都好入味。食完雞煲就可以轉火鍋，任飲任食2小時，原本配料都已經非常豐富，另外可加錢選擇某些食材。我地加錢叫左海蝦同廣島蠔，食落非常鮮甜。然後我地叫左海哲、美國肥牛、炸魚皮、生菜、牛柏葉、雞脾菇等等，雖然係任飲任食，但我們已經食到好飽同滿足。下次可以試埋更多配菜。飲品係自取有汽水、果汁、茶類等，如果想飲啤酒加$15就可以。呢度價錢好平民化，而且好味，大埔街坊/去開新界既朋友仔都可以試下。

今日入大埔郊遊完，同朋友搵到平靚正雞煲任飲任食，地方近廣凍橋，$168一位任飲任食即叫即煮正宗重慶麻辣雞煲，又香又麻又辣，汁香、配料又多，食完麻辣雞煲可以叫職員加湯轉打邊爐，肥牛、牛栢葉、牛肚、各種丸類、蔬菜任你叫，汽水及紙包飲品任飲，啤酒任飲要加$15，我自己加左兩份收費食物，一個手切安格斯肥牛，一份廣島生蠔6隻，肥牛牛味濃郁，直得推薦，另外廣島生蠔都幾正，滾完唔縮水，大大隻，任食2個鐘，同朋友聚餐好地方