麺屋こころ

營業中

休息中

晏晝4點36去，同老公2個人去點左一個雞白湯拉麵一個全料東京撈麵同一個丼。我碗拉麵食完，味道一般，麵硬。老公果碗撈麵無影，隔離檯遲過我地黎果碗全料東京撈麵都食緊，侍應阿姐淨係話黎緊，漏單就漏單又唔出聲。成間餐廳得4個客人，唔計廚房樓面侍應都有幾個，唔知點樣可以漏到單咁犀利，真係r曬頭。最後等到5點鬆頂唔順cancel先攞碗傳說中既撈麵出黎，個丼d米可能仲種緊。仲邊有心情食你碗嘢，埋單走人，真心後悔入去呢間餐廳，難得同老公有機會可以撐檯腳，咁就ruined左，真係好難忘！永遠black list。

一直都想試麵屋こころ，但灣仔及沙田的位置都不太便利，所以一直擱置σ(･ ･`*)由圍版開始引頸以待，終於等到荃灣海之戀分店新開張，便立即相約同事Lunch試試看🤗🍜正宗全料東京撈麵 $109根據指示，先篤穿漲卜卜的蛋黃，然後將配料撈勻便可😏碗邊有三塊香脆紫菜；彈牙的小麥粗麵入口保持微溫，掛汁力強，每一啖都沾滿了鹹鹹甜甜的秘製醬油；微辣的免治豬肉碎更添惹味；大量的蔥花為麵條帶來青蔥的氣息，清香有層次ჱ̒⸝⸝•̀֊•́⸝⸝)厚切豬腩肉叉燒有炙燒香，肉質軟腍，脂肪香腴；半隻糖心蛋，不會過生，半流心的且帶醬油香，好味👍🏻吃到三分二建議加入黑胡椒，個人覺得分別不明顯；再吃剩三分一建議加醋，味道變得酸酸的更開胃，個人覺得可以早啲落添啊！吃完拉麵還有些空虛的感覺，原來可以❗️免費追加❗️一小碟白飯，利用拉麵剩下的醬撈勻，絕對是白飯神偷，讓人不禁眨眼就吃完了(*/ω＼*)/☕️冷萃咖啡 $28另外，飲品有8折優惠，所以叫了冷萃咖啡，味道甘苦，可惜提神力弱，回到公司已經飯氣攻心了💤lol/同事們一致讚好，還說明太子款色也很好吃！希望下次有機會坐海景位啦🤭

見海之戀開左新鋪就一於黎試下✨餐牌：我覺得可以選擇既種類唔多，特別係小食同其他分店既相比較少選擇，而飲品種類都吾算太吸引，所以都無叫黎試拉麵方面就叫左兩款：叉燒撈麵（圖2、3）+黑松露鴨胸醬油拉麵（圖4）侍應會附上撈拉麵教學圖😂最後成果如下（已食部分）叉燒撈麵有驚喜，味道濃，但油感較重，而叉燒半肥瘦有咬口，整體黎講係吾錯，但份量較少，最後有得叫侍應俾白飯撈埋最後既汁，女仔食應該會飽，男仔可能建議加底比較好😗我個人就更鐘意利款，黑松露湯底香而清，吾會好重口味，會令人想飲曬啲湯既衝動，麵係細麵，鴨胸肉就還好，正常發揮既味道，整體黎講我會鍾意利碗多過撈麵😜但麵份量都係偏少（可能我太大食🫠）價錢同食物質素都成正比，可惜份量就吾係，環境都坐得舒服，但可惜我地坐既位吾係卡位，無位放袋，需要抱住袋進食，而服務態度都係正正常常，大家可以一試。

從前係朋友介紹下黎試過呢間拉麵店，今次終於有時間帶老公一起來品嚐，享受一下悠閒的午餐時光🫰🏻店員的服務真心不錯，很有禮貌且體貼，絕對是個來一次會再來的好去處！我們選了以下的招牌菜式試一試☺️首先就是「叉燒撈麵」了。💭麵的口感適中，叉燒肉質鬆軟，滿滿的肉香，很有嚼勁。💭每一口都有滿滿的肉香和麵的口感，真的很過癮！拉麵店雖然小，但精緻的食物和親切的服務都讓人感到很滿足，相比較在荃灣區裏的其他店鋪實在是物有所值🤩‼️內裝風格簡單而溫馨，給人一種家的感覺🌹 店內不僅環境舒適，座位安排也恰到好處，空間感也很好。不論是和家人或朋友聚餐，都很適合。

🍜全部都係日式拉麵！餐廳嘅簡約風格真係好有feel，一來到門口就吸引到忍唔住影咗好多相！📸1️⃣ 日本烏龍茶。 食拉麵點可以唔飲烏龍茶呢，呢個烏龍茶係清新 嘅感覺，烏龍茶吸引嘅氣味☺️！ 完全解放咗我嘅味蕾2️⃣鹽味撈麵。必試之選。鹽味撈麵口感獨特！ 唔係淨係落鹽嘅，入面嘅配料非常之豐富，我好鍾意食生蒜同埋魚粉嘅味道，加埋本身淡淡香味嘅蕎麥麵一齊食，真係絕配，當然呢一度嘅豬腩都係好出色啦，肥瘦均勻，肥豬肉嘅部份少少，咁先至啱㗎嘛!!!3️⃣ 朋友就叫咗一杯日本麥茶。 佢都話係超推介💖， 好清新嘅感覺，淡淡麥嘅香味4️⃣叉燒撈麵。 重點，呢一度嘅叉燒超級好食，都係大大塊嘅豬腩，重點係呢一度加埋生蛋黃，如果鍾意食生蛋黃嘅人一定要食呢一類嘅撈麵，配合埋其他配料一齊食，再加埋叉燒本身嘅豬肉汁，非常之邪惡，但係好好食，真心推介!!!🍜 個Menu仲有好多其他嘢食，留返下一次再同朋友嚟先哈哈哈💟💟！"

今日嚟到荃灣嘅一間日式料理店 @kokorohkg ，小編發現佢近排越開越多，好積極擴張，除咗荃灣，元朗新開嘅YohoMix都有一間分店。呢間餐廳主打嘅係日式撈麵，強調自己同湯麵沾麵都有所唔同。咁小編今日就嚟試吓佢有幾特別啦。➡️全部のせまぜそば正宗全料東京勞麵 $109 （＋$20 大盛）呢個算係佢哋嘅招牌，有好多唔同嘅配料，包括紫菜、叉燒、鰹魚粉、獨門秘方調製肉燥等等。食用方法係將中間嘅生蛋黃篤穿，再利用佢同唔同嘅配料乳化成醬汁，然後撈埋。佢嘅醬汁非常之濃稠，每條邊都沾到，唔會有唔平均問題。至於味道上係以蛋香味為主，再有少少嘅堅魚粉同秘製肉燥嘅辣味。不過味道上會比較容易覺得膩，所以過程中都可以加黑椒同埋醋令佢嘅層次豐富啲。而小編都幾推介，可以試吓加醋，整體感覺會平衡返啲。佢嘅麵條係每日新鮮製造，係小編鍾意食嘅粗麵，而且煙韌彈牙，口感非常唔錯。比較失望嘅係叉燒肉質唔算好腍，同時叉燒炙燒香味唔夠突出。另外小編加咗大盛，覺得份量對男仔應該啱啱好，如果正常size應該細咗啲。不過撈麵食完可以免費要碗白飯，撈埋啲汁佢，如果會咁食嘅朋友正常size應該都ok。（小編冇咁做）味道：7.5/10➡️ト

星期六返荃灣西興趣班，之後一家人去咗新開既面屋ころろ，等位等咗5分鐘，有窗口🪟卡位，人手點餐，叫咗明太子🤴忌廉撈面加溫泉蛋 🥚 （$114），明太子🤴有實體又喺撈面有明太子🤴cream，皓惹味，但辣🌶️，冇寫明，陳皮妹食唔到，有張卡建議撈醋同黑胡椒食，但兩樣我都dislike，臨尾可以😌叫職員🧑‍💼上啖飯撈埋一齊食。叫咗季節限定黑松露鴨胸醬油拉麵🍜（$109），見唔到實體黑松露，但有黑松露香，可能🤔用咗黑松露油，鴨胸嫩滑，面🍜硬身有咬口。反而叫咗抺茶拿鉄（$36）同明太子🤴雞翼（$36）就遲遲未嚟，要催先有，似侍應未熟，同埋冇幫咗嘢飲🧃8折，皓彩有另一個侍應幫我減返。抺茶拿鉄味道ok,但細樽。明太子🤴雞翼比較辣 🌶️

估唔到荃灣西有間新店經過咁就入去試一試室內嘅環境裝修有格調可以從店舖裏面見到海邊感覺幾舒服咁叫咗碗撈麵有三個食法第一個係原味第二個係加啲胡椒第三個係加醋去開日本就好少食到撈麵呢個品牌好似喺日本過嚟個撈麵好好食本身唔係太飽加埋個飯仔撈埋啲汁完美！價錢方面屬於中上還可以接受

第一次食日本版撈麵，十分適合濃郁口味人士！！！店鋪主打自家做麵，可見從麵底開始已經講究起來。而食起黎的確係有特別彈牙之口感，好味好味。我今次簡左叉燒撈麵，睇圖都見到配料超足，好豐富。食法係先把所有野撈勻，品嚐一下蛋黃同麵條融合之口感，繼而可以加少少黑椒，成個麵就會多左份香氣😌，第三步就係加入昆布醋，呢個醋真心不得了，加左後超好味，我落左勁多😝，佢酸得黎唔會攻鼻，反而有種淡淡香氣！Very Good!❤️❤️❤️ 同埋要講講佢地個秘製肉燥，辣辣地好香口，跟埋蒜、日本蔥同勁香口叉燒，成碗野好香濃好好食。最後最後，一定要點店員拎少少白飯，呢個飯仔少少，覺得唔夠係可以再問店員要架👍✨！原來呢個係日本撈麵食法，到最後比少少飯你enjoy埋D汁汁，咁樣就有肉燥飯食喇！好得意而且真係大滿足！我自己好推薦，一定會回頭呀！🥰本餐美味指數：🌟🌟🌟🌟🌟🌟🌟🌟/10

每次經過都見到好多人排隊!!咁啱今日見到唔使等位就入去食個lunch！食物嘅選擇唔多。我叫咗雞白湯拉麵同埋明太子雞翼。雞白湯拉麵，湯底好一般，唔夠濃，亦都唔夠creamy。麵嘅份量亦都非常之少。肉就得一塊大，一塊細，味道正常。糖心蛋亦都係正常一般發揮。以$99一碗嚟講，有啲貴了。反而明太子雞翼非常出色👍🏻去咗雞骨之後包住滿滿嘅明太子，燒得唔錯，唔會好乾，可能因為即叫即整，所以送到上嚟熱辣辣好正！外皮脆卜卜，咬落去仲好Juicy。餐廳環境唔錯呀，地方整潔光猛。店員都好有禮貌。雖然雞白湯拉麵讓我有啲失望，但係留多次機會下次食撈麵先！

一直對麺屋こころ呢間拉麵店 都好期待，見到啲相覺得好吸引，今次終於有機會嚟到荃灣享受午茶啦！🔔🤝🤝🤝正宗全料東京撈麵🤝🤝🤝   正宗全料東京撈麵一看就超吸引‼️‼️ 超級豐富嘅配料，大大塊嘅豬腩喺我面前， 忍唔住即刻擺咗落口，真係超滿足，唔知大家有冇好似我咁，大大啖肉一齊食，而且呢個豬腩肥瘦適中，真係好正，再加上面條紮實彈牙，豐富的配料，味道醇厚， 每一啖都充滿咗滿足感🔅😽😽😽雞白湯拉麵😽😽😽雞白湯拉麵真的讓人驚艷，湯底濃郁，麵條口感絕佳！入口即化的雞肉， 再加埋叉燒片，令到整個拉麵嘅口感味道層次都提升咗，仲有我最愛嘅糖心蛋，真係一絕!!😺😸絕對係拉麵愛好者必訪嘅地方，吃過一次就深深愛上呢度嘅拉麵。"

本身非常期待，食後發覺，面條偏淋，而且非常碎，用筷子難以夾起，失去了食面的風味。味道方面非常普通，吃落口只食到一大堆味精味道，沒有面條本身的香氣，也沒有甚麼特別出眾的味道，跟好多即食面或杯而的味道差不多，甚至有點像在川味食店的味道，令人太失望。义燒方面只是一塊很肥很肥很肥的肥豬肉，沒有任何瘦肉成份，以為會入口即溶，可惜原來好靭，最後忍不住吐了出來，皆因又油又靭，也沒有义燒應有的香氣，雖然表面像是有燒過，但對味道無補於事。這個味道及質素來說，價錢十分昂貴，而且需要加一。

一個人去荃灣行街嘅時候，見到呢間日本拉麵【麺屋こころ】。我本身好鍾意食日式料理，所以見到環境同餐牌嘅時候，就打算喺呢度食午餐。先同大家講吓呢度嘅環境，裝潢好日式，配搭橙色燈光唔會搞到成間餐廳好光，而係會呈現比較暗淡嘅光，就好舒服，唔會覺得太繃緊。入面仲擺咗幾件有和風特色嘅擺設，令人感覺自己就身處日本。我自己個人好鍾意呢度嘅環境。我今次試咗佢哋嘅冷麵，就係【柚子鹽味撈麵】，只係$89，而且加$20，就可以叫到大碗。我自己食唔到咁多所以就冇加大。【柚子鹽味撈麵】賣相好吸引，配料畀得好足。附帶嘅雞肉片好嫩，口感一點都唔會柴唔會乾，蔥花水菜同竹筍都為呢碗麵增添咗啲蔬菜嘅新鮮味道。麵都好有咬口。夏天食一碗呢個麵，簡直清涼解暑，好爽。我自己好享受喺呢度用餐，喺呢度推介大家嚟試吓佢哋嘅拉麵！

最近落雨C濕多咗行商場今日喺荃灣西行完Donki Donki 一出嚟就見到一間好搶眼嘅餐廳門口用咗黑金色設計滿滿型格大門仲擺咗個開張花籃添見佢係新嘢個裝修有咁靚仔決定入去試試店員話佢哋係賣日本撈麵嘅而且啲麵係自己做聽落去都幾特別喺店員友好親切嘅介紹下我叫咗一碗叉燒撈麵首先講吓賣相呢碗嘢好得好靚仔個蛋黃亦都相當吸引一定要讚一讚個叉燒因為真係好香喺門口已經聞到陣香味佢仲跟咗一張食飯卡教你點樣跟住個Step食幾有趣成個流程就係撈勻成碗麵食幾啖之後再加啲黑胡椒再食幾啖最後加埋佢哋嘅昆布醋撈埋剩低嘅麵初頭覺得都幾無聊但後尾跟住個流程食果然真係有個非常唔錯嘅體驗同埋個肉燥有少少嘅香辣口感好惹味食到最尾剩返好多汁跟住個指示可以同店員攞白飯撈埋佢呢個玩法真係第一次聽同埋如果白飯唔夠店員係會再俾你㗎！性價比非常高大滿足又麵又飯保證你飽想沖淡吓個味蕾可以叫埋佢哋嘅日本茶飲今次我就試咗日本麥茶味道甘甜幾好飲同埋個樽好靚飲唔晒仲可以拎走添小食方面我叫咗明太子雞翼等咗有少少耐因為店員話即叫即整味道都唔錯絕對值得一試今次真係打開眼界第一次試日本撈麵都幾過癮幾滿足真心要講返句多謝款待啊！

知道咗麵屋kokoro 開咗新分店喺荃灣海之戀今日路過見到個裝修好靚同之前嘅分店完全唔同風格黑色金色嘅門面非常有型遠遠已經見到佢閃閃發光嘅招牌之前已經試過佢哋分店嘅招牌撈麵今次就揀咗雞白湯拉麵試試當日去到超額滿座中午十二點已全場爆滿真係好犀利講吓個雞白湯拉麵先首先個湯打得非常綿滑食落去個都好香濃郁而且有忌廉嘅感覺非常美味😋雞片好滑溜豚肉片亦都相當唔錯最後我成個湯飲晒仲有拉麵都係佢哋新鮮手製嘅食落去好順滑而且掛汁力亦都好強好彈牙令人好enjoy同時非常欣賞佢個環境本身海之戀商場內嘅餐廳好多都有景大部份都向海佢哋呢間分店外邊又有海又有樹好舒適好寫意仲要咁啱撞正好天氣藍天白雲非常完美🩵🩵🩵下次必定會再黎！💟