麺屋こころ (軒尼詩道)

營業中

休息中

琴日係老公生日，所以我決定帶佢去灣仔嘅麵屋食個生日晚餐。聽講呢間餐廳係從日本紅到香港嘅，梗係要試吓啦！餐廳有日本特色，坐喺度好似已經穿越到日本咁，嚟食晚餐。一坐低，服務員就攞Menu畀我哋。我哋兩個都有選擇困難症，個個拉麵睇落去都好好食，都想試吓呀！【正宗全料東京拉麵】呢個係呢間餐廳嘅招牌拉麵，拉麵係用全麥手製嘅kokoro撈麵，麵條好Q彈，配埋獨門醬汁，真係令人食唔停口。食之前先撩穿蛋黃，再攪勻埋入面嘅配料食，麵條滑溜溜同有嚼勁，老公大讚仲可以再點多一份！【叉燒拉麵】我本身就係一個叉燒控，所以點咗呢份拉麵試吓。份量好大，真係好抵食！豬腩肉香味撲鼻，食落去一啲都唔油膩。推薦大家有空可以嚟試吓，價格合理，服務周到，最緊要係可以食到好好味嘅拉麵！

冒住酷暑排隊打卡嘅日式撈麵，真係值得一試！之前就聽朋友講過呢間日本拉麵幾特別，係主打乾撈麵嘅，完全冇湯底，令我好有興趣😻😻今日經過灣仔呢間拉麵店，條隊唔算好長，就快啲排隊嚟試吓！鹽味撈麵 🍜🍜今日想食清淡啲就叫咗呢款撈麵，滿滿嘅配料全部蓋住咗小麥麵條！我好鍾意佢哋嘅豬腩肉，一點腥味都冇，肥瘦均勻嘅厚片咬落去仲有微微嘅煙熏味，好好味🤤 麵條都係我鍾意嘅硬度，口感煙韌彈牙，仲好掛汁添～最特別就係佢哋仲有畀一小撮魚粉畀客人撈住食，味道更加豐富！雖然呢款有小小清淡但係口感同味道一點都唔單調，推介畀唔鍾意重口味嘅朋友～抹茶拿鐵 🥤🥤呢杯抹茶味道超級濃郁！有抹茶苦味但係牛奶又好好咁中和咗抹茶嘅苦澀，口感超絲滑！

每次經過都見到呢間裝修好新穎，一直都好想知係咩cafe嚟，直至朋友同我講，我先知呢間係一間日式拉麵店！琴日我就特登嚟試吓，雖然話係晚餐時間，但係人潮都唔算太多，排咗陣隊就到我喇。Menu好多選擇，撈麵就有超過5款，仲有小食同埋飯都可以食到。我就揀咗【明太子忌廉撈麵】，喺我食之前店員仲好貼心咁俾我睇佢哋嘅撈麵食法四部曲！佢話唔同嘅食法有唔同嘅風味喔～其實到第二步我就好鍾意喇，加咗少少黑胡椒，成條麵好濃郁，仲帶住黑胡椒微微辛辣嘅味道，好好味！👍👍呢款撈麵嘅料都好多，有豬腩肉、生蛋黃、蔥花、紫菜碎等等，最主要梗係明太子啦！明太子本身嘅鹹鮮味融入晒落啲麵度，再加埋忌廉同埋生蛋黃，成個口感好creamy！不過食耐咗會有一啲滯，但係加咗黑胡椒成個味道就唔同晒！黑胡椒平衡咗啲麵嘅奶香味，我依家諗起都流口水！🤤🤤

帶住朋友嚟到我鍾意嘅餐廳，主要係想佢平時唔多出門嘅嘗試同體驗下除咗家常菜之外嘅食物。舒適乾淨嘅環境絕對係潔癖嘅佢第一要求。揀咗個角落位，介紹菜單同時又同佢講解點樣正確咁食撈麵先至可以食到當中嘅精華。我朋友嘛本身就原本對生蛋黃有一定抗拒嘅佢，在我極力推薦之下點咗較簡單嘅🧂鹽味撈麵，入面都有佢比較熟悉嘅配料，小麥麵配住豬腩、蔥花、紫菜碎、水菜、竹筍、唐辛子絲、生蒜同魚粉調味。我自己嚟過咗兩次，所以今日我就試咗清香帶點微甜口味嘅🍃柚子鹽味冷撈麵，係小麥麵配上雞肉片、生蛋黃、蔥花、紫菜碎、水菜同竹筍嘅。朋友先後加咗適量胡椒粉同白醋之後開始攪拌，食上第一啖仲係小心咁體驗嗰種感覺，睇佢表情應該仲可以？好快就開始大口食麵，睇情況好似十分鐘內就食曬咗，之後又叫服務員送上白飯，畀四步驟畫上一個完美句號。我嘅冷麵體驗都唔錯，柚子睇嚟真係一個可以令到一道美食更好嘅食材。隨後叫店員捧出我提早買畀我朋友嘅小蛋糕，呢個中午過得真係幾幸福嘅。

咖哩炸雞撈麵真係一道幾得意嘅組合，係一次成功嘅創新。呢碗麵佢將傳統嘅日式咖哩炸雞同撈麵嘅概念結合埋一齊，整咗一道好獨特嘅美食出嚟，雖然對於唔慣食咖哩嘅人嚟講可能需要啲時間適應，但係對於鍾意試新口味嘅人嚟講，呢一道絕對係必食之選。日式咖哩係呢碗麵嘅靈魂。佢嘅味道溫和唔刺激，帶住一種獨特嘅甘甜感。咖哩汁均勻噉掛喺啲麵條上面，令成道菜嘅味道更加統一。啲麥麵保持住適中嘅硬度，食落口既唔會太腍又唔會太硬。炸雞係另一個亮點。外皮酥脆，入面嘅雞肉就保持住多汁。炸雞嘅熱辣辣嘅香味令人食慾大開。當你撈啲麵條嘅時候，啲蛋黃會同咖哩汁撈埋一齊，形成一種獨特嘅濃稠質地。天婦羅碎係一個驚喜，佢畀成碗麵加咗額外嘅脆感，喺口感度形成咗有趣嘅層次。魚粉巧妙噉提升咗成碗麵嘅鮮味，但係唔會搶走咖哩嘅主角地位。佢嘅存在令到成碗麵嘅味道更加圓潤。

一早已經聽過呢度有間超好食嘅日式拉麵店，主打特色撈麵都好出色，今次一於走過來試吓，果然聞名不如見面，超高質!!首選一碗香濃的「原味東京撈麵」💭麵條滑溜有咬口，生蛋黃、辣肉碎、蔥花、韭菜、紫菜碎、生蒜、魚粉同小麥麵嘅組合真係無敵！每一啖都充滿濃郁嘅味道，成個撈麵嘅香氣真係齒頰留香。接著來一碟特別的「明太子忌廉撈麵」😍💭豬腩、明太子、生蛋黃、蔥花、紫菜碎、水菜、唐辛子絲、生蒜、魚粉同小麥麵嘅配搭，口感豐富又有層次。明太子嘅鹹香同忌廉嘅滑溜，真係一試難忘。飲品方面，我哋揀咗「烏龍茶」同「培茶拿鐵」💭烏龍茶清新解膩，非常適合配搭濃味嘅撈麵。培茶拿鐵香濃滑溜，培茶嘅獨特香氣同奶香融合得恰到好處，飲完真係好滿足。在灣仔區內「麺屋こころ」無論菜式多樣還是服務態度都是極佳，再加上食物味道出色，絕對值得一試🤩‼️

之前路過呢間店，就對佢非常好奇，入面裝飾擺設都幾特別，然後好似賣日本撈麵，唔知食起上嚟味道點。今次安排咗一個星期六晚上，帶屋企人離試下呢度嘅撈麵，期待可以度過一個快樂滿足嘅晚餐。屋企人好鍾意食日本拉麵，每次去日本旅遊一定要食一碗到地嘅拉麵，所以唔知呢間【麺屋こころ】可唔可以討到屋企人嘅歡心。上菜了，見到兩碗麵嘅賣相非常好，料俾得好多，跟住貼士步驟撈，香氣慢慢從碗入面飄出嚟。.👁‍🗨 正宗全料東京撈麵.➰ 配料從菜單上睇係最多嘅，口味非常豐富，屋企人食得非常開心。.👁‍🗨 鹽味撈麵.➰ 配料比較少，但係分量唔減，亦係一樣大碗，食住都好過癮。.最後我哋兩個都食得好飽，然後屋企人話非常好食，下次一定會再嚟！！.🔛 整體評分（7.5/10）

完四點日場☀️☀️華晨宇演唱會後行去灣仔食咗dinner再行返返去又係費腳骨力的一天🥸睇下加呢個小飯仔😁😆免費小飯😶配醋有另一番滋味（都係睇返每一個面的專門食用方法）一入門口就見到超大五隻字，但係唔知點解日本舖頭 會又繁又簡體：仁義禮智信 Xd有禮貌 好笑容嘅店員！會成日講：多謝曬~ ☀️👍🏽😝可惜嗰日嘅抹茶蛋糕售罄🥴🥴🥴🥴🥴🥴🥴🥴🥴🥴但又好少可 會入去前 咁樣問定 。。。預咗佢有㗎嘛..不過服務態度好，同有禮貌攞返分✓*§請標記返售罄，畀人清清楚楚唔會失望§*其實因為門口呢個吸引，係人哋食嘅好大原因唔清清楚楚標明售罄，惹來失望只係專為想食招牌，喺度期待甜品出場你話冇，可能走咗啲客人但係令人大失所望，可能亦會迎來差評*§請標記返售罄，畀人清清楚楚唔會失望§*

之前睇過好多review話Kokoro麵館真係好好食，唔會令你失望。晏晝時段都仲有幾枱客喺度食，成個環境都畀人好relax嘅感覺，唔會有壓迫感。因為係第一次嚟，見到枱面有教學指南，就跟著介紹嘅食。聽專家嘅果然唔會錯！【正宗全料東京撈麵】問咗店員原味東京撈麵同全料東京撈麵有咩分別，一個係簡化版，一個係爆晒所有料都有嘅，第一次嚟佢特別推薦正宗全料嘅。其實我都冇諗過會畀咗兩種唔同嘅蛋，但撈勻咗之後配埋一齊，蛋味唔係特別重。紫菜都畀咗兩種，紫菜碎同紫菜片。人哋碗入面有嘅，我全部都有！【明太子忌廉撈麵】朋友本身係明太子醬嘅fans，特別難忘嘅係竟然畀咗滿滿嘅蟹籽😍一點都唔吝嗇！撈埋個麵，滿滿嘅明太子鹹鹹辣辣嘅美味仲有蟹籽嘅一粒粒爆喺嘴入面。我睇我平時食嘢食得好慢嘅朋友，都比我早食完咗。整體嚟講麵條好容易掛到湯汁，真係好正嗦麵。味道都唔會過淡，又唔會太濃郁，啱啱好。先食一啖原味，再加唔同嘅配料撈埋一齊，好似食緊好多唔同口味嘅麵😆其實我哋原本打算再要個小米飯嚟食，因為份量睇落唔大，但食完真係好飽，一點都食唔落。真係好可惜😭個飯撈埋淨返嘅醬汁一定好好味。唯有下次肚特別餓嘅時候再嚟過喇

試完灣仔嘅麺屋こころ之後，我真心推薦呢間餐廳。新鮮嘅食材，搭配巧妙嘅烹調方式，呢間日式拉麵店提供嘅唔單止係美食，而且更係一種饗宴！🍜柚子鹽味撈麵（冷）🍜首先要推薦嘅就係佢哋嘅柚子鹽味撈麵。冷冷嘅麵條配上清新嘅柚子鹽味，再加埋雞肉片、生蛋黃、蔥花、紫菜碎、水菜、竹筍同小麥麵，真係一啖清爽，一啖滿足。🍜正宗全料東京撈麵🍜另一款必試嘅係正宗全料東京撈麵。豬腩、生蛋黃、辣肉碎、溏心蛋、紫菜、蔥花、韭菜、竹筍、紫菜碎、生蒜、魚粉同小麥麵，每一口都係滿滿嘅日式風味，真係叫人食過返尋味。麺屋こころ就鎮守喺繁華的灣仔，備受當地居民和遠來的食客喜愛。喜歡日式拉麵嘅朋友，一定要試試！

難得放假，平時都食快餐嘅我哋，今日帶細佬嚟試新嘢。一直都好想食日本餐，今日我哋就揀咗麵屋こころ灣仔分店。店入面嘅裝飾好整齊，仲掛住大招牌，令我哋眼前一亮。店員都好友善，我哋好快就揀咗我哋嘅午餐。我食咗正宗全料東京撈麵，一碗有好多配料嘅麵，有豬腩肉、肉碎、生蛋黃、溏心蛋，仲有好多蔬菜，全部攪拌埋一齊，細細嚐一口。麵條好有彈性，綜合晒所有配料嘅味道令我難以忘懷，好好味。細佬叫咗明太子忌廉撈麵。配料其實都唔少過我嘅，仲多咗明太子。蔬菜同其他配料份量都好大，攪拌均勻之後，不同嘅味道喺口中穿插，明太子嘅味道都相當新鮮。飲品我哋叫咗抹茶玄米茶，茶香味好濃，飲落去好清爽提神。食完之後發現撈麵食法四部曲，我同細佬決定下次再嚟試。

老媽子老是擔心我午餐時間冇食好飲好，點知我每次都會跑到呢度嚟食撈麵，食得特別享受😎為咗唔想佢擔心，我就拍咗相發畀佢，結果佢竟然叫我下班時間幫佢打包😂我今日點咗柚子鹽味撈麵、抹茶玄米茶同埋軟雞骨餃子。先嚟講呢份柚子鹽味撈麵，份量足夠，我一個人食得特別爽快！小麥麵帶有微微嘅柚子香氣，配上雞肉片嘅鮮甜味，口感極佳！抹茶玄米茶係我最鍾意嘅飲品，玄米帶有淡淡嘅堅果味配上濃郁嘅抹茶香，特別清新解渴，與撈麵係完美搭檔🌟🌟仲有小食—軟雞骨餃子🥟，雞骨燉得特別軟，與餃子酥脆嘅外皮相得益彰，口感特別豐富多層次，簡直滿足咗我味蕾嘅需求😘每次嚟食午餐都令我食得津津有味，同時老媽子亦唔需要擔心我食得唔好。下次一定要帶家人一齊嚟，體驗更多美食😆

這只是一間小店，食咗兩個唔同款嘅面，兩個都好好食！明太治忌廉撈面- $99 味道有層次，麵質夠煙靭，豬片香而不肥，太好味啦，有驚喜！雞湯麵 - $99 店裏唯一湯麵，湯底有鰹魚味，好鮮甜，麵質夠煙靭，叉燒片、雞片好嫩滑，好似去咗日本食一樣！十分滿意！兩個麵都值得一試！我會再返轉頭！

他們的拌麵份量對一個女生來說不算很多的，甚至覺得偏少，不過再多一點可能會太飽，而且吃起來太膩。吃完麵再點飯時，當初以為更大一碗才是😆麵和飯的質量沒有特別，就是一般的拉麵和珍珠米拌麵本身沒有特別驚喜，肉碎有點台式的感覺，是有點失望，反而是跟指引加了點香醋才有了另一層次味道，我和朋友都同感。餐廳整體乾淨，服務正常，點菜速度也正常，我們去的時候人不太多，不會太吵或太擠，整體算是合格但沒有重複光顧的衝動，附近工作或為填飽肚子的是可以一嚐

呢間主打撈麵既拉麵店，鐘意撈麵既我，當然唔會錯過啦！個人唔係特別鐘意拉麵，但呢間餐廳將拉麵整成撈麵，個人又覺得好唔錯！1. 明太子忌廉撈麵 $99呢個忌廉汁...有成湯匙明太子係度可以撈落個汁度，真係份量十足，而且忌廉汁同明太子勁夾，唔會太咸，但又有明太子既咸香味，拉麵唔算索汁，不過加上蛋液既黏度，令拉麵超掛汁！而且仲有好多紫菜，成個撈麵味覺上功豐富！唯一缺點係得兩塊腩肉，係餸方面就比較少！2. 柚子鹽味撈麵 $89呢個係冷麵呀！個柚子鹽汁勁fresh，加上鹽味更提升左柚子既味道，柚子味好出，酸酸地，勁開胃！香港撈麵好多，但撈拉麵真係第一次聽，感覺好新鮮，而且味道都唔錯，值得一試！