麵館皇

營業中

休息中

美食臨立嘅登籠街中有唔少傳統麵店，無論係港中日式麵店一應俱全，呢次特登試下中國北方傳統嘅刀削麵店。麵館皇嘅餐牌主打藥膳罐湯，結合杞子、玉竹、當歸、沙參、龍眼等藥材煮成，亦強調水餃雲吞及麵條等全手工自家製，相當有噱頭！砂鍋罐湯水餃（10隻）水餃係淨豬肉餃，賣相感覺一般未有太大驚喜，而上碟時都輕輕可以聞到藥材味道。整體藥材湯底未有餐牌中嘅描述咁突出，反而豬肉水餃味道係出色的，不過餃皮比較厚，令到整體口感有點失色。上海獅子頭罐湯手擀麵講到中國北方美食，又點少得上海獅子頭，獅子頭入口幾香口，但可能有少少過鹹，如果味道再淡少少其實十分唔錯的。反而手擀麵就無太大特別，可能呢種北方麵條都係要食拌麵先會比較出色。整體評價中規中矩，如果以同區美食比較的確較一般，但佢嘅菜式較獨特亦係其中一個站得住腳嘅原因，經過登籠街嘅朋友一試亦無妨。味道 ⭐️⭐️⭐️服務 ⭐️⭐️⭐️環境 ⭐️⭐️⭐️性價比 ⭐️⭐️⭐️

呢間係銅鑼灣鬧市既麵店食左好多次佢最最出名嘅係藥膳湯底真係充滿藥膳味每次質素都係咁好每次必定會飲哂佢啲湯而且佢既餸都係大大碟 十分足料必食推介係佢既口水雞成大半隻雞咁多 同朋友share都仲得至於湯底方面有拉麵、米線、刀削麵、淮山麵我每次都會點刀削麵，好彈牙是日食左豬軟骨刀削麵加左豬軟骨既湯底更濃味 正

銅鑼灣好多名店林立，睇嚟食嘢好似都唔平，但係係條小巷到都可以搵到好嘢食喎！同男朋友仔拍拖日日出街食已經食到山窮水盡，所以貼心嘅女朋友一定會同佢食啲平少少既餐廳。呢日就去咗食呢間刀削麵啦！我就叫咗呢碗豬軟骨手幹麵，佢豬軟骨真係好好味，啲骨煮到好冧又入味，食晒啲骨膠原入肚，好味而男朋友比較健康，所以佢就叫咗碗韭菜餃刀削麵，個餃子無咩特別。值得一提嘅係佢兩款麵，手幹麵同刀削麵，原本以為刀削麵會好食啲，但刀削麵唔係好煙韌，反而手幹麵更有嚼勁，所以我下次再去食嘅都一定會再叫手幹麵。總括嚟講，雖然間店比較細，但豬軟骨有驚喜，想平平地食返餐，除咗去food court都可以去呢間店試吓呀！

每次途經麵店都會被吸引入內光顧，因套歺款式真有很多不同選擇及配搭，一定有一款啱你口味😁😁食物除咗帶給我們味覺的享受，不妨了解一下牠們的由來都有另一種樂趣！刀削麵因來<蒙古入侵中原，建立王朝之後，特別怕漢人造反起義。於是將家家戶戶金屬刀具全部沒收，包括菜刀！並且頒布法令:每十戶只能用一把刀，切菜做飯輪流使用，用完後再交由官府保管。​一天中午，一位老婆婆活好了面，讓老伴去取刀。結果不巧，刀被別人取走了，老漢只能回家。走在路上，老漢的腳被一塊薄鐵片劃了一下，他順手把鐵片揣在懷裡。回到家，見老伴沒有取來刀，老婆婆開始絮叨。老漢很生氣，就把薄鐵片拿出來說:「就用這個切吧！」老婆婆一看，抱怨到:「這東西能切面？」「切不動就削！」老漢氣憤的說到。沒辦法，老婆婆只好把麵糰端起，用鐵片開始削麵。結果出人意料，這樣做出來的麵條口感筋道，全家人都愛吃！>$65(連歺飲）招牌麻辣口水雞灌湯刀削麵🍝刀削麵放在熱騰騰瓦罐內，香味撲鼻藥膳湯底，麵條煙韌，簡簡單單已經好好味，不過再配上麻辣醬汁的口水雞，雞肉嫩滑，令味道更上一層👍👍👍

銅鑼灣呢間麵舖經過好多次都無機會入去試一次。今日一於鼓起勇氣去試下。🍜炸雞扒藥膳拉麵+豆漿$73落咗單一陣個麵好快就送到啦！新鮮滾熱辣，蒸氣騰騰咁。咦，但個雞扒唔見咗蹤影。唯有等多陣，點知隔成5分鐘，等到個湯煙都無哂，個炸雞扒先上黎。好彩個湯飲落去仲係熱嘅，亦都飲飲到淡淡藥膳味，唔會好濃好咸都幾啱唔想食咁重口味嘅朋友。至於個拉麵似食緊粗麵但食落係正常，但個人比較喜歡食米線，所以對呢個拉麵唔太喜好。重點個雞扒就出出地事，份量睇落好多，但炸得太乾之餘，個皮仲比較硬，有啲刮口要好小心食。浸一陣湯可能會好啩，但唔知要浸幾耐。😕豆漿就唔講啦，飲到尾有啲凝固物。完

Was in the area for some cooking class and wanted a cheap fast meal.. Discovered this place by accident and was pleasently surprised!! Chinese mecidine soup base noodle and spicy chicken. Both of my favorite dishes served together, what a dream come true! Although the medicine base is quite faint, there is still a nice aroma and you can justtt taste it. The portion of spicy chicken is generous and tastes super tasty. Furthermore, the noodles are decently priced ($60) in the heart of cwb.. super

昨天在時代廣場附近返工，lunch time去咗食麵皇舘，今次係第二次去食，上一次已經係好耐之前，佢係登龍街差不多歷史最悠久的其中一間食肆，（附近已經有好多新開嘅餐廳開完一間執一間）🙈🙈叫咗個口水雞藥膳湯刀削麵，凍豆漿，刀削麵用一個剛燒熱的窩，熱辣辣出晒煙咁上枱，見到都流晒口水🤤藥膳湯底味道香甜，刀削麵口感夠彈牙，味道好match 。佢嘅口水雞分量中相當多！唔似一般口水雞嘅味道，上面有炸蒜辣椒等，有少少麻辣，雖然自己唔係好食得辣但因為真係好香，所以都忍唔住食晒🤣

同事推薦這間餐廳給我，因為我喜歡吃口水雞🤤，又說這裡的藥膳湯底很好喝，所以今日lunch就去試了這間餐廳。一進到餐廳就聞到好香的藥膳湯味，所以對餐廳的第一印象不錯。不過坐了一會兒就覺得餐廳太細，每個客人都坐得好逼。最嚴重的是在餐枱上竟然有一隻黑色的昆蟲爬來爬去🤢🤢🤢，頓時喪失了所有食慾....招牌麻辣口水雞罐湯拉麵 + 凍豆漿 ($59)說實在這個藥膳湯底一般，雖然聞起來很香，但吃起來則偏淡。比較有特色的是在湯底送上枱的時候，你會見到湯的熱騰騰的，這是在其他餐廳中較少見到的。至於口水雞的部分，我覺得份量挺多的，是抵食的。但我個人覺得這口水雞一般，算不上很好食。而且醬汁偏辣，不夠麻，亦不夠香，所以有一點失望。

🤤🤤🤤番工攰攰地每日最期待就係lunch! 我地直接去左附近食個刀削麵，叫左醉雞同埋口水雞。雞同麵分開上就唔會沖啖左雞既味道👍🏼呢個底讚。口水雞滑溜，最中意佢個麻味，非常開胃之餘仲要大大舊，麻辣住咁一舊接一舊🤙🏽🤙🏽🤙🏽不過醉雞就還好喇真係，酒味唔濃令到雞既味道稍為普通左少少，無麥感覺😛所以都係會選擇番我既口水雞！到個藥膳刀削麵，個湯中藥味唔夠濃，但個麵每條都好彈牙，而且算係大鍋，真係一下子就食飽左。下午食到一個咁有質素既雞麵，心滿意足😙😙不過記得早點去拎位，如果唔係要等好耐🤭

幾個月冇黎，食物同服務質素由人間直插地獄！叫左2個醉雞藥罐麵：個湯好淡，冇味一個係刀削麵，入面有粒細烏蠅，都算另一碗拉麵未熟，係硬嘅，差雞胸肉好鞋，差x2另一碟雞脾，得肥膏，有肉嘅只得2舊，差x3服務差至係焦點阿姐距離2張檯外，飛本menu落檯上菜仲大大力掉係你面前最癲係成班操半鹹淡廣東話嘅樓面同廚房，隔籬檯圍住開榴槤碗麵食左一半，急急腳走人今時今日咁嘅服務質素，即使米芝連級數都仲要考慮，加上難食如此，呢間麵館皇，絕對唔會再黎食！

冬天成日來食 因為個湯真係好熱好熱次次來都係食口水雞今次就走辣 因為真係食唔到但好香走左辣 都好好食呀 ！重點係佢d鼓油真係好好食 送菜飯或者點麵 真係一流！見到個湯送來仲係好滾 文落好香藥材味 但係食落 今日真係淡左d麵要點鼓油食

對麵館皇一試難忘，對上一次食完之後一直麵想搵機會再一試，見呢日7點收工就同朋友約左去食。-大約8點到餐廳等左5分鐘左右就有位，與朋友分別點左個醉雞刀削麵同麻辣口水雞拉麵。雞同麵既份量依舊好足夠，口水雞辣味十足非常野味😋 刀削麵口感有咬口而且藥膳湯底本戈十分喜愛，將湯底都飲光光。-雖然份量好多但由於太好味所以依哂之後好飽好滿足🤡🤡 價錢試亦十分親民每日埋單大約60-70$，下次會再想試下其他如糖醋魚😋

行過登龍街，經過麵館皇，見舖面好似幾靚，打算同女朋友入去食晚餐。我就叫左碟皇牌咖喱豬扒飯，好普通，無咩特別唔詳細講。我女朋友嗌左一碗酸辣湯雲吞米線，酸辣湯正正常常冇乜野。諗住試粒雲吞，一咬落去覺得生生地同有啲臭，感覺到唔對路，一望，入邊啲肉全部都係粉紅色既。碗野有三粒雲吞，有兩粒都係咁。之後叫個職員換左啲雲吞，點知換左三粒，三粒雲吞既豬肉，直情係生到隔住啲雲吞皮都見到係粉紅色！極之失望！不會再來，一定不會，再三強調，不會來！完！

So weird that the temperature suddenly dropped to around twenty degree recently, it’s so abnormal for May😱 It’s a good idea to have some hot noodle in such a cool day 今日嚟到呢一間餐廳，食咗麻辣牛展拉麵，同埋口水雞刀削麵。入到呢一間餐廳，侍應熱情招待。服務態度不錯。落單速度亦都算快，可惜其中一個麵嚟錯咗變咗手幹麵唔係刀削麵。有關食物質素方面，兩個餸都非常之好。口水雞唔太辣，非常之容易入口。至於牛𦟌，對我個人來講就有啲辣。雖然辣左d，但係都幾好食㗎。有關個拉麵同埋嗰個錯咗嘅刀削麵，刀削麵口感唔錯。但係拉麵個口感就偏硬，但係唔難食嘅。個湯底有藥膳味係唔錯嘅味道。

今日 4月19日復活節假期第一天，同個女去銅鑼灣登龍街試下新嘢，行行食食， 由街頭行到街尾 睇下想食乜 終於揀咗呢間麵皇館食個晏晝。呢間舖地方唔大 有成十張枱， 六人四人二人枱都有， 尚算ok，入去時都多人，但都有臺， 呢間嘢個賣點就係藥膳湯底，所以我先入嚟試下， 每逢食刀削麵，我都會叫麻辣豬肚刀削麵，呢個係我喜好， 而我囡囡，就叫咗個韭菜雲吞刀削麵。 原來佢有午餐供應， 好多款都係59蚊*（只係拉麵）包一杯熱飲, 另外都有飯餐嘅午餐。**麻辣豬肚刀削麵*加$3,再加熱咖啡 $62每個藥膳湯底嘅麵 都係用砂鍋 滾熱辣咁拎出嚟，令人好期待， 但一試之下 藥膳湯底 唔夠藥膳，但係有味道嘅， 點解我咁講呢 因為早幾年 我已經試過呢一種砂鍋藥膳湯底，嗰一間嘅藥膳湯底，非常正斗， 係好有藥材味，一定有當歸味道， 但呢間完全無當歸味，藥材味都唔足夠， 當一個普通湯底佢係夠曬濃湯，可以的。 至於麻辣豬肚絲比起之前我試過啲店舖，就一樣比下去，豬肚絲比較少，有一半係用青瓜絲做底，而且麻辣料唔夠，但麻辣味尚可以，但同出面比較，呢一間就落咗豉油做汁料， 我都唔係太喜歡，同埋豬肚絲比較韌， 尚算一般， 而刀削