影片
營業時間
今日營業
11:30 - 23:00
星期一至五
11:30 - 23:00
星期六至日
12:00 - 23:00
公眾假期
11:30 - 23:00
公眾假期前夕
11:30 - 23:00
以上資料只供參考, 請與餐廳確認詳情
呢排心血來潮去咗麵館皇試吓佢嘅刀削麵，一入到去已經聞到陣陣藥膳香，真係好開胃！首先講講佢嘅皇牌「成年人不作選擇刀削麵」，個名都幾搞笑，不過食落真係幾過癮！個藥膳湯底熬得好有深度，唔會死鹹，有陣陣當歸同杞子嘅香，好香醇。個湯飲落去暖笠笠，啲配料都係重量級，三款肉類全部都煮到入味，尤其係個豬軟骨，質地爛溶溶又唔會太面，咬落去仲有膠質，好正！至於隻雞肉同牛肩脊都係火候適中，軟嫩多汁。最重要係個刀削麵，啲麵條厚薄啱啱好，韌度十足，好有嚼勁。另外仲試咗個麻辣牛展芫荽刀削麵，辣度適中，麻香味夠晒，配埋啲牛展同芫荽，香辣味層次豐富。牛展片薄身嫩滑，唔會太韌，好易食。啲麵條吸晒啲湯汁，食落去層次感好豐富。最後講吓佢嘅宮廷煎韭菜雲吞，真係一絕！外皮煎到金黃香脆，裡面嘅餡料係韭菜同豬肉，味道層次豐富，肉嫩多汁，韭菜清香夠晒味，仲要唔會太韌。個煎法好專業，外脆內軟，蘸埋啲特製豉油麵館皇啲嘢食份量十足，價錢合理，最重要係啲嘢食夠水準，個個都係有誠意之作，絕對值得再去！
繼續閱讀
今日黎到銅鑼灣 去咗登龍街搵嘢食 見到呢間 麵館皇 門口睇到餐牌見到口水雞好吸引🤩 即刻決定要入去食～ 入去坐低睇睇餐牌 見到有期間限定嘅夏日之拌麵 即刻要捉緊夏天嘅尾巴😗 決定叫一個嚟試吓😬 四大名醋之鎮江骨鎮江骨勁香醋味 啲肉煮得好腍 勁易起骨😍 酸酸甜甜勁開胃👍🏻 藤椒麻醬拌麵主角黎啦😍 一上枱時超香藤椒同埋麻醬味！麵底揀咗拉麵 煮得啱啱好 煙靭有咬口 醬料勁足夠 撈晒成個麵 好夾好好食 大推👍🏻 溫馨提示：辣度好足夠🌶️ 怕辣可以試小辣先🤣 秘製麻辣口水雞 口水雞勁大份 仲要係雞髀位 超吸引😍 味道好足 雞肉滑 必點！揀左手擀麵 條條形狀都唔同 薄薄一片 吸埋啲湯汁 仲要用砂鍋上 食到最後啲湯仲係熱辣辣😋 香酥炸小雲吞跟餐加咗個小食～ 超迷你嘅雲吞仔😬 食落香脆唔油膩 不錯😌 蔥油餅大推！呢個蔥油餅勁出色🤤 建議一定要加雞蛋！煎得金黃香脆 加埋蛋香 一定要襯熱食！ 整體嚟講 呢間 麵館皇 食物質素不錯 店員服務態度好 一定會再嚟食佢嘅蔥油餅同埋拌麵😋
繼續閱讀
登龍街呢間刀削麵已經喺度多年，都屹立不倒！以前喺銅鑼灣返工嘅時候好鍾意黎呢度食嘢，不過已經好耐冇嚟過，但係食物嘅水準依然高質，而且價錢好實惠咖喱豬扒肉線刀削麵 $67咖喱豬扒嘅味道頭刀削麵嘅味道一樣都好濃，所以佢分開咗上藥膳刀削麵嘅味道好濃，而且石鍋上，冬天真係好需要食番煲暖粒粒嘅野！ 豬扒嘅份量都幾多，而且肉質彈牙！特級手切牛頸脊太子湯拉麵 $76太子湯有少少似麻辣湯底，而且帶有少少蒜香同好輕微嘅藥材味，鍾意食麻辣又有少少怕藥膳嗰種味道嘅朋友可以試吓呢個湯底！牛頸脊片嘅數量都幾多，有少少打邊爐嘅感覺但係牛味好濃，雖然太子湯底嘅味道都濃，但係又唔會蓋過咗牛嘅味道太子雞翼五隻 $36一開頭我以為太子雞極都會係麻辣味道嘅，但係佢唔係嘅，佢係外皮超脆嘅炸雞翼。雞翼好入味，而且咬落仲有好多雞汁流出嚟！另外仲叫咗嘢飲，個豆漿幾特別，比平時出邊飲到嗰啲傑身少少，而且仲好濃豆味！
繼續閱讀
有人要ot，等到我都好肚餓，就係附近搵野食，最緊要快靚正，見到呢度食刀削麵唔錯喎！好，坐低睇下有咩好食先。秘製麻辣口水雞，刀削麵，藥膳湯底，雖然個湯底無色清澈，但飲落好有藥膳味，麵條又吸湯，正！口水雞夠辣，雞件係脾位，好滑好嫩。四大名醋之鎮江骨，太子湯中辣，鎮江骨好入味，微酸剛剛好又有肉。手擀麵比起刀削麵薄一點，質地似雲吞皮，食落軟身比較滑。酸辣湯，好耐冇飲酸辣湯，呢個湯好足料，又酸又稠，雲耳爽口，豆腐香口。豆漿好濃郁，有豆味，熱仲好飲啲，豆味更突出。
繼續閱讀
夜晚嚟到銅鑼灣想食餐budget dinner朋友帶我去呢間上海嘢味道出乎意料地OK！呢個價錢有咁嘅質素抵到爛仲要係位於美食雲集嘅登龍街 超級方便💖秘製麻辣口水雞飯定食 加$3轉菜飯 $65結合多層次既味道、香料既刺激性同滑嫩既口感我食到一口接一口，欲罷不能雞肉超滑仲要係雞髀位😍帶著皮既部分帶有一點膠質感配上鮮香麻辣濃郁既調味入口滑嫩且回味無窮🤭係口水雞面頭既芝麻和碎花生增添左濃郁的堅果香提供了脆脆的口感同滑嫩既雞肉形成鮮明對比成道菜更有層次🆙菜飯非常有咬口有好多小棠飯有油香！仲要係用珍珠米，非常特別呢個係合格好食嘅菜飯🤭麻辣豬肚飯定食 加$3轉菜飯 $63呢個又係辣得好過癮🔥又香又麻豬肚厚薄適中 洗得好乾淨冇異味每一舊都爽脆彈牙 唔會咬到口軟 吸汁一流 配埋麻香嘅麻辣汁+菜飯係送飯神器香酥炸豬扒（例牌）$65呢個小食大份得來價錢相宜最正塊豬扒厚切，啖啖肉炸粉非常薄炸到好香脆 但又唔會好油膩減緊肥既我唔小心食食吓食左一半💀
繼續閱讀