麵館皇

營業中

休息中

🤤🤤🤤番工攰攰地每日最期待就係lunch! 我地直接去左附近食個刀削麵，叫左醉雞同埋口水雞。雞同麵分開上就唔會沖啖左雞既味道👍🏼呢個底讚。口水雞滑溜，最中意佢個麻味，非常開胃之餘仲要大大舊，麻辣住咁一舊接一舊🤙🏽🤙🏽🤙🏽不過醉雞就還好喇真係，酒味唔濃令到雞既味道稍為普通左少少，無麥感覺😛所以都係會選擇番我既口水雞！到個藥膳刀削麵，個湯中藥味唔夠濃，但個麵每條都好彈牙，而且算係大鍋，真係一下子就食飽左。下午食到一個咁有質素既雞麵，心滿意足😙😙不過記得早點去拎位，如果唔係要等好耐🤭

係時代呢頭食野真心有點貴😢不過今日食呢間就覺得值既～見到有刀削麵食就被吸引了😍午市有套餐優惠，有多款選擇，有飯有麵食，大約$50-70左右。咁我今日叫左麻辣口水雞刀削麵$58+$3轉刀削麵，配埋豆漿。口水雞份量都幾多，多肉又夠淋，唔會得d骨。底下墊左d青瓜好爽甜😌個汁都好味，上面個d辣椒脆的，辣度適中香辣。刀削麵一來到仲出緊好大煙，店員有提示個盤熱，小心辣親手。有d椰菜同木耳絲伴菜咁，見佢個湯咁清咁，第一時間飲返啖先😌藥膳好清香又甜，唔似味精湯，好飲。我飲左半碗～刀削麵就一般啦，有部分有點淋，但不太影響味道，整體係幾ok既。

行完街響登龍街搵食，男朋友一心想食拉麵，但我嫌太油膩，想食清少少，佢唯有遷就我。行前幾步隨便就入左哩間麵館皇。店內只係一般米線舖果類型格局，打開餐牌原來佢主打藥膳見佢舖面口水雞圖片無所不在， 鐘意食雞嘅我二話不說就揀口水雞個醬汁濃味帶辣，十分惹味❗️ 完全啱我胃口，雖然個味唔屬於正宗四川果種麻辣味，但鐘意食雞嘅人必試男友點了鎮江骨， 肉質夠腍，汁也淆得不錯相比之下，主打藥膳其實藥材味都聞到，但湯底偏油膩，飲落唔夠濃；加上刀削麵煮太耐，已經唔夠彈，麵質淋晒粉粉地，略失色

一向都鍾意藥膳湯底 今次無意中入左去試哩間餐廳 一入鋪已經聞到淡淡既藥膳味 好香 叫左麻辣口水雞藥膳罐湯拉麵同麻醬雞絲冷麵 麻辣口水雞藥膳罐湯拉麵 HKD54上餐速度好快 口水雞份量都多 但唔會好辣 都好夠味 而個拉麵係用砂鍋裝住 所以拎出黎時仲好熱辣辣 藥膳湯底好好味 有啲甜同埋好鮮味 最後都忍唔住飲哂啲湯 太好味！麻醬雞絲冷麵HKD45見到餐牌都有推介哩款 可以揀花生醬定沙嗲醬 揀左花生醬 哩個冷麵係我係香港食過最岩味既冷麵 醬既比例落得好好 完全每一啖都食到麻醬既香味 同埋份量都多既！意外入左哩間餐廳 但食完好滿足 價錢合理 高水準既麵館 下次會再食 值得推介！

無意間行過銅鑼灣，見到麵館皇門口啲餐牌寫住有藥膳湯面試下就貪得意入佐去。我叫佐個口水雞手檊面，一黎到啲湯滾到出煙，勁香。個湯藥材味好重不過好易入口勁好飲，個手檊面勁彈牙加埋啲湯一齊食真係勁好食。個口水雞唔算太辣，不過都勁好味。至於個酸辣湯 酸酸辣辣勁開冐，又足料。一定會再带朋友去食