麵館皇

營業中

休息中

👤人數：2💰埋單：around $211睇完電影肚餓，加上天氣有一點點轉涼，想食一點熱辣辣嘅嘢，呢間店開門一刻有猶豫要唔要入去，但最後都係安慰自己，應該面好熱好辣所以要開好大冷氣。入門見到好多學生，都有情侶，應該都係行完街或者睇完電影，價錢不高，要求不太高食下幾ok。🥢麻辣口水雞芫茜刀削麵 $68+6⭐️⭐️⭐️加錢可以轉芫茜刀削麵，面質嚟講算不錯，至少不會煮到好懶，也有些嚼勁，雖然不太能吃得出有芫茜的味道。麻辣口水雞，雞肉都算可以，過得去，有70分，但真的有一點點辣，平時吃四川菜都只能叫BB辣的朋友要慎重。🥢金牌咖喱牛腩罐湯手擀面 $70⭐️⭐️⭐️湯底清清淡淡還可以，藥膳味不是很重，手擀面有一點點薄，所以很考驗火候，但這家煮得稍微有一點點久，導致粉有點軟了。咖喱味道還是不錯的，不辣，牛腩稍微有一點點肥肉，咬下去都幾香口，而且大大舊，啖啖肉。🥢糖醋魚 $58⭐️⭐️⭐️炸過的魚柳再附上酸甜汁其實都幾好味，雖然炸皮厚了一點點，但整體ok, 58蚊有4-5舊，兩個人食剛剛好。🥢豆漿 $7⭐⭐⭐喝得出係沖粉嘅豆漿雖然一定要糖分，但味道我覺得都幾好味，間中飲下都好方便

經過登龍街見到呢間餐廳都幾多選擇 於是試一試佢 🤔🤔🤔叫咗個藥膳豬扒湯麵 (手擀麵) 個湯麵係用砂鍋上 應該係鋪頭一大特色？個湯黎到既時候係真係好夠熱 好滾 🍜到差唔多食完既時候麵仲好keep到個溫度 冬天黎食應該幾正 暖粒粒個湯底都幾香藥材味既~ 好在佢又未去到勁濃，算係幾恰到好處👍🏻👍🏻啲麵條就無想像中咁有口感 有少少失望😣 不過值得一提既係麵質真心幾滑 豬扒方面就真係麻麻 唔建議叫 炸到好乾好柴 👎🏻👎🏻

我嗌咗麻辣口水雞配藥膳刀削麵。又要養生，又要麻辣，感覺好矛盾，又無咁有罪惡感😁。刀削麵好煙靭，口感幾好。鍾意食煙靭麵體嘅朋友應該會喜歡，而且份量都幾足夠。湯底係淡淡嘅藥膳味。用砂鍋裝真係食到尾都熱辣辣。整體來講味道偏溫和清淡，配一啲重口味嘅餸就好適合啦。口水雞味道中上，幾好食。除咗蒜頭、辣椒粒同花生粒，仲有啲豆豉喺上面。我覺得係加分同惹味咗嘅。口水雞底下就係個汁同紅油，再墊咗層青瓜。食到咁上下可以整啖青瓜清清口，幫條脷降下溫。雞肉都唔會嚡口，不過都幾多骨下。個人覺得調味可以再鹹啲同辣啲，啲雞都可以再凍啲，咁就會更加好食。另外兩位朋友就揀咗豬軟骨同滑雞。豬軟骨其實都幾好食，不過對我來講就唔夠味去搭配較清淡嘅藥膳麵，滑雞更加係太溫和啦。🤣唔食得辣嘅可以試下，但食得辣嘅會推薦食口水雞先。👍

銅鑼灣登龍街除了有不少拉麵店外，也有吃藥膳湯麵的店！麵館皇便是一間養生藥膳湯的上海麵館。當然不喜歡藥膳湯也有酸辣湯，不吃麵也有菜飯！🍜寧波醉雞罐湯拉麵 ($68) -+$4 可以轉成口感帶嚼勁的刀削麵。份量都幾多，不怕吃麵會不夠飽。湯聞起來和以前一樣那麼香，不過偏清淡了。醉雞的酒味濃郁但不嗆鼻，而且還是嫩滑的雞髀！🍜麻辣口水雞罐湯拉麵 ($68) -一堆的炸蒜辣椒在口水雞上，很辣帶少許麻。但給的是雞胸肉+雞翼，就沒有雞髀那麼嫩口囉湯麵單點不包括飲品，但可用優惠價點飲品。豆漿 (+$7) 都幾大杯的喔！

久唔久都會同朋友仔過尼食下刀削麵咁岩見到佢新出左芫荽刀削麵二話不說就試下好香芫荽味！試過之後每次去都想食…結果都食唔到…🥲希望店家可以做多D另外佢既口水雞都整得好好食👍🏻值得試😋

呢間刀削麵一直都定期會食，今日佢哋推介新出芫荽刀削麵，本來以為係加蔥咁加芫荽啦，點知原來係搓埋入麵粉到，出來碗麵係綠色，驟眼睇似波菜麵。味道有濃郁既芫荽味，芫荽愛好者值得一試

行入舖頭已經覺得有啲焗，佢雖然出名口水雞，但今日唔食辣，費事食到標哂汗😅叫左鎮江骨刀削麵，份量好足，湯底有微微藥材味，唔算濃郁，恰到好處，手工刀削麵有咬口，鎮江骨稍微唔夠淋，有2舊淨肉好鞋無食，但味道ok，跟餐豆漿濃郁，有誠意最後唔食辣一樣食到標汗😅拿拿林走人等佢冷氣正常番，下次試口水雞

多年前內地既朋友帶我尼呢度食刀削麵..店面唔係太大..坐得都唔係特別舒服..但你絕對會比佢地既食物迷住…口水雞刀削麵一定係必點既..禁晚市堂食..夾唔到時間..唯有買走…外賣返尼重係熱辣辣..當然一定唔及堂食有個鍋熱住食..但仍然係非常美味..加點左杯豆漿..份量相當充足..2個女仔食一份都會足夠…最鍾意佢配菜有埋青瓜..個口水雞唔會太油膩..之前去見過佢地刀削麵係即時削既..絕對推薦大家一定要試！我比錢食架！唔係廣告..😅😅😅

依間麵館其實都隔咗幾年無食過，嗰日突然醒返起，就嚟尋找下回憶嘅味道😂🧡滑雞罐湯拉麵 （轉刀削麵）🧡💵$59+4個刀削麵上到枱嘅時候係用煲仔裝住，啲湯仲滾下滾下咁，天氣凍食應該會好暖笠笠☺️刀削麵其實幾好食，好有咬口😍湯底偏向清淡，不過就完全唔會食到有任何藥膳嘅感覺🙈如果係好期待補身效果嘅就要諗清楚喇🤫醉雞好滑身，仲要係俾雞脾位你，其實都唔錯～不過酒味唔算好重，但係整體調味都ok~💜金牌咖喱雞扒罐湯拉麵💜💵$59拉麵比較起刀削麵就無咁好咬口，個人都係鍾意刀削麵嘅口感多啲～湯底嗰啲都係一樣～咖喱雞扒意外地幾好食😍炸得好金黃香脆，切晒一條條方便食，仲要啖啖肉，好juicy😋咖喱汁係偏向似茶記咖喱嗰種，有少少香料，唔辣嘅～都幾惹味🥰💕overall💕想食真係好熱辣辣嘅湯麵嘅時候嘅一個唔錯嘅選擇🥰

天氣凍左，想食d熱熱地又唔太貴嘅野。黎左呢間細細地嘅麵店，好多人放lunch來幫襯。入面嘅待應多大陸呀姨。見到佢有口水雞刀削麵，菜飯好吸引，就入左黎。入面好多人有d迫，我坐左係一人枱。個袋都係放係大腿下。叫左寧波醉雞菜飯（$56），好快（應該唔使5分鐘）就上碟，重黎埋檸水，快得好驚人。但待應態度幾差，好就手咁「飛」個兩碟餸上來，可能因為太多人，或者因為我得一個人幫襯。雞肉偏腍，比較凍，入面咬落好多醉骨，食起來不太方便，要少少咁吐返出來。底下係青瓜同紹興酒。菜飯有少少麻油香，唔太熱，暖致凍中間。因為想食熱野，所以食左好多飯。餐廳好多人，衛生欠佳，連d醋都唔係好敢用。食到抺緊嘴個待應已經好快幫我收起d野，話唔好意思因為出面好多人。用後感受：好似等你快d食完趕你走咁。Anyway，佢上餐快，價格親民，適合上班一族，但食物質素同服務而言就無下次。

一於過黎試下刀削麵館招牌口水雞刀削麵 雞同麵分開上菜 刀削麵連湯用鍋上 食到尾都係滾同熱,飲落有少少藥材味湯底不太濃,清湯 配埋麻辣既口水雞就係最岩最夾底下醬油青瓜墊底 麵份量亦非常多,食完好有滿足感好飽麺身偏厚煙韌彈牙 雞肉好滑好軟淋 上面個麻辣汁唔會太辣只係做配角令味道更豐富凍檸茶幾好飲夠濃評分8/10消費$80G/F., 32 Tang Lung St, Causeway Bay

登龍街以前係拉麵街,其實呢間仲耐歷史,係食刀削麵同粉麵既站得住腳証明有實力留低 鮮雞刀削麵 雞件厚肉 麵條都係人手做,每日新鮮製作食落煙韌彈牙口感滑溜 湯係雞湯幾好飲既水餃刀削麵,水餃皮都係用相同麵團做既,特別有有彈性有韌性 餃餡係鮮肉蔥花另一碗係滷肉刀削麵 湯底都係清甜既 配料唔同,但最好食都係刀削麵條夠彈牙韌性湯又甜另外仲有小食 麻辣雞 切雞件再淋特製麻辣醬汁,香又辣之餘雞又滑,呢度做麵一流做雞都唔錯評分8/10消費$200銅鑼灣登龍街32號地下G/F., 32 Tang Lung St, Causeway Bay

食麵多過食飯既我，今日又揾一間好啱我口味既麵店😋😋。以前食刀削麵好鍾意去荃灣食，因為好多選擇同埋好抵食😂。估唔到登龍街都有間細細間既刀削麵，門口太唔起睇，行過左都唔知😆。選擇都好似幾多，呢度既主打應該係藥膳湯底，仲要用煲上，熱辣辣咁。今次order左麻辣豬耳藥膳刀削麵 $69依家飲凍飲已經唔只加$2, $3🤣🤣，係加$7 😅。我覺得豬耳幾好食，夠爽身，雖然麻辣係一個醬放喺面，黎到自己撈埋，豬耳入唔到個辣味，但其實個味係幾好食，少少麻香😋。如果可以豬耳醃製耐D，再入味D就更好😍。而個麵好彈性，咁啱俾我喺個傳菜口度，見到師傅真係喺度削緊刀削麵😃，D麵真係好新鮮，唔怪之得咁有咬口，又可以吸收埋湯汁，個湯都有藥材既味道，但唔係太濃烈，不過都唔差既☺️。總括好啱我既口味，一定會經常幫襯😎

我朋友話去過依間係銅鑼灣登龍街麵店，佢地啲刀削麵好好食，介紹我去一齊試。我哋未入門口，店內的確籠罩着很大嘅藥膳味，聞起來像不錯。我跟朋友點了一碗砂鍋藥膳灌湯雲吞，一碗砂鍋藥膳灌湯韭菜雲吞刀削麵。一上檯砂鍋熱騰騰，還是熱滾著的。可惜飲完咗啖湯，發覺完全冇藥膳味🥴🥴🥴，成舊菜切都唔切下，成舊煮。雲吞煮到皮肉分離🤢🤢🤢，唔知點食，勁難食。傳說中好好食嘅刀削麵，完全唔彈口，冇口感，質地好粉，完全唔好食。😑😑😑跟住小編追蹤返openrice, 店舖招牌都換咗，跟本就轉左手，唔怪之得可以咁伏啦！ 仲要$66碗，絕對絕對冇下次🙄

今日一食完已經覺得要即刻分享無他，因為好耐無食過咁後悔咁難食嘅餐廳🤢🤢🤢一入去個下見到無咩人，同埋一個大陸女人（應該係店員/老闆娘）同d男人好大聲傾計，店面感覺好污糟，簡體字叫人掃碼已經感覺好差。食完之後更加係覺得唔試好啲口水雞好肥，個味道都算OK，係食完頸渴左一晚。刀削麵有啲有口感嘅，有啲淋到爛爛地......重點係完全冇味道。$69 完全唔值得比佢賺。聽人講呢間店面上一手做得好好，估計係轉咗人經營，大家見到唔好試🤢