麵館皇

營業中

休息中

今日出銅鑼灣買野, 朋友話想食上海野, 咁岩經過登龍街, 所以就揀左佢食 招牌麻辣口水雞飯 $53係呢間店嘅招牌菜之一, 口水雞份量都幾多! 口水雞上面仲有一堆炸蒜辣椒, 勁香口! 但呢碟口水雞真心都幾辣下..又夠麻! 啱晒鍾意食麻辣嘅朋友! 味道十分好味!! 雞件又滑, 忍唔住好快食晒!! 而底層仲有爽口嘅青瓜做分隔, 再多一層口感! 菜飯係要另外加錢, 但一上枱有少少失望, 係好少菜嘅菜飯, 而且米飯煮到好乾, 麻麻地酸辣湯水餃麵 $58好大一碗! 揀左拉麵, 麵質偏腍, 水餃都好大隻, 入面好多料!! 好飽肚.. 酸辣湯湯底較為杰身, 好濃味, 口感不錯! 酸酸地咁食好開胃午市套餐仲會包一杯豆漿下次有機會嘅話想再試佢嘅藥膳湯拉麵～

📍滋潤養生藥膳湯麵‼️ · 啖啖肉醉雞 -- 麵館皇🍜🤤==============================⭐️醉雞罐湯拉麵 $65 (7.5/10)湯麵係用石鍋裝住，一上檯仲係沸騰緊嘅狀態🤣罐湯湯底係呢到招牌嘅養生藥膳湯底，用上杞子、當歸、玉竹、沙參等材料熬製而成，聞落好有藥材嘅香味🥰飲落甘甘哋好潤，而且唔會苦😂呢到嘅拉麵都係人手拉製，食落煙韌彈牙🤩口感滑溜～～醉雞份量十足，舊舊都幾厚肉，口感軟諗😆惟酒味就唔太突出🙈但整體而言唔錯，值得一試，下次有機會再嚟試下佢哋嘅刀削麵！🤤👍------------------------------賣相：7.5/10味道：7.5/10性價比：7.7/10回頭度：7/10------------------------------店舖資料名稱：麵館皇地址：銅鑼灣登龍街32號地下前往方法：銅鑼灣站B出口

近來胃口不太好，謝絕重口味餐點，想食一些濕濕地的食物，環顧登龍街，車仔麵已經食左好多次，發現呢間稍為特別的餐廳，就試下。menu 主食都係雞，牛，豬，最特別的還是個湯底雞藥膳刀削麵雞係普通的白切雞，放藥膳湯後吸收左藥膳味道，即時鮮味大增。紅棗杞子湯底，最fit 女士進補！牛肉年糕好有台灣風味，湯底濃郁，yummy 牛肉非常軟

經朋友介紹，嚟到呢間麵館皇試下佢主打嘅藥膳灌湯拉麵- - - - - -<寧波醉雞灌湯拉麵>拉麵係用砂鍋上，黎到嘅時候啲湯仲好滾，食到尾都仲可以keep住熱辣辣。拉麵軟硬適中，可惜主打嘅藥膳湯底比想像中淡。至於醉雞嘅份量都幾大，肉量嫩滑，而且好入味

每次黎到銅鑼灣想簡單食啲野麵館皇都會選擇之一☺️➨麻辣口水雞藥膳罐湯拉麵 $66 (推薦)鋪頭menu除佐雞麵其他飯麵從來未試過🤣每次都係要食呢個，瓦煲仔熱辣辣咁上👍🏻口水雞上面會鋪佐炸蒜辣椒好香～不過食親都覺得幾辣下，一定要飲豆漿➨滑雞藥膳罐湯米線 $66唔想食辣可以嗌返個清啲既雞雖然好熱浸住，但依然滑嘟嘟❤️不過佢地個藥膳湯就美中不足有點求其覺得可以再濃啲/加返小小杞子雲耳..食個陣都冇特別會想飲個湯小食炸雲吞都好香口 點醋食🥰

去铜锣湾逛到了登龙街探店。晚上想吃汤汤水水的食物，看到这家，进来试试。我点了份素什锦药膳汤面，拉面+3转刀削面，胃口小要了少面。感觉惊艳。准备以后常来。1，药膳汤用枸杞玉竹沙参等熬煮，面汤香气四溢，是我喜欢的气味。2，不知道店家什么秘方把汤熬得很鲜，是我喜欢的清淡鲜香。3，用石锅盛汤面，持续保持比较高的温度对面汤保持清淡鲜香很有好处。4，最开心的是刀削面地道！厚度和嚼劲都正宗。 一碗汤面吃得开开心心。好在住得近，这家店已被我添进了午餐清单里。下次带同事来撑店家。店家也要一直开下去哦

糧尾想食返個平少少嘅lunch，朋友介紹嚟咗呢度，話呢度嘅藥膳湯刀削麵好好味，而家天寒地凍我聽到都覺得吸引。朋友話呢度嘅刀削麵同麻辣口水雞係最正，我見到餐牌上亦都寫住呢個係招牌，咁嚟得呢度梗係要試吓招牌啦！先上咗個麻辣口水雞，一大碟同個刀削麵分開上，睇到口水雞已經嚇親我，咁大份嘅！完全唔係一碗麵上面比幾塊仔嘅份量咁少，而係齋食都已經飽到唔知食唔食得落刀削麵蘸蘸辣油，放入口中，已經覺得印象唔錯，因為食得出個辣油係自家調製有經過心思嘅，有浸麻香味，唔似普通嘅包裝辣油，應該係店家自己炮製嘅招牌醬料，令到口水雞嘅層次完全唔同咗。午餐呢度嘅上菜速度都好快，試咗一兩啖口水雞藥膳灌湯刀削麵就上來了，只見一個煲仔咁嘅容器裝住滿滿一碗湯面，真係覺得誠意滿分，唔小心揩到個罐，隻手都燙左下，令我發現呢個灌湯真係絕不欺場，唔係就咁攞個鍋嚟裝咁簡單，係用呢個鍋嚟煲，好有風味。老實講五六十蚊食到足料又香口嘅口水雞、砂鍋裝住滿滿一大碗嘅藥膳湯底同埋刀削麵，再加埋一杯嘢飲，真係夫復何求啦！個湯底都幾清香，食得出冇味精因為唔會好口渴，而且清清地唔會油膩，冇負擔，有健康感絕對適合冬天暖肚！麵條亦都好Q彈，雖然本來我已經食

是日Lunch去到登龍街，又唔係好想食日本拉麵，所以去咗食藥膳麵嘅鋪頭，都唔算特別多人排，等咗幾分鐘就入得。入邊都比較逼，好多位都用一塊板隔開。  坐低叫咗辣口水雞罐湯拉麵，好快就上菜，係熱到出哂煙！麵同餸係分開上。 「麻辣口水雞罐湯拉麵」 米白色半透明湯底貌似淡而無味，聞落好重藥膳味，而且食落都有，不過比想像中淡。雞肉嫩滑，皮下脂肪少。雖然就話麻辣（隻辣汁真心覺幾辣），但辣唔辣係有得揀，因為有爽口嘅青瓜做分隔，麻辣汁喺最底，所以唔掂到啲辣汁，你就可以食到唔辣嘅雞。  總結，手工拉麵幾好，唔洗轉其他麵都可以。 尤其係冬天，食吓啲藥膳嘢都係唔錯嘅選擇。

記得從前lunch依間餐廳好多人排隊，特別天氣咁凍，上菜既時候，見到佢碗湯麵出哂煙咁送過黎，未食都覺得吸引，不過依家其他餐廳都排哂隊，反而依間就冇咩人排隊，入到去坐底，所謂既限聚 只係一塊板隔住，同隔離唔識既人都好近既距離，食到尷尷尬尬咁，超快食完即走餃子皮較厚，但餡料係好食既噴哂煙，最岩喺依個時候食，食完暖粒粒，麵條係比較粗，好有咬口，不過宜家既藥膳湯底似乎淡左好多，要好認真咁食先食到個藥膳味，好可惜已經不是從前

話說在港島上班，午飯時間就是我覓食的好機會了。😋近日天氣轉涼🌬，確是需要一碗熱辣辣的麵來暖胃。🍜近日就到了登龍街的一間主打藥膳湯的小店，環境方面，因為是小店的關係，午飯時間都會逼滿打工仔，而且也有點逼。😣跟住，我叫了一個Lunch Set。就是醉雞罐湯刀削麵+豆漿。(刀削麵要加3元)大約數分鐘之後，熱辣辣滾起的罐湯刀削麵已送到我面前，一望已經覺得相當暖胃。刀削麵真的是出色🤩，麵條恰到好處，不會太厚和薄，而湯底方面，也有清淡的藥材味，感覺很補身。😝至於醉雞方面，吃下去有冷凍感，而且亦有酒味。唯美中不足的是，雞件斬得不夠乾淨俐落，變相雞與雞之間連在一起。🤨而豆漿方面是偏甜，由於我很喜歡甜豆漿，所以我覺得蠻好飲的。埋單62元，整體來說，我覺得這是暖胃的不錯的選擇。🤪

餐廳主打藥膳罐湯拉麵仲要係石鍋上！望到都覺得暖！寧波醉雞罐湯拉麵 $65，醉雞份量幾多，肉質嫩滑夠入味，正！不過個湯就唔重藥膳味，偏淡。而拉麵口感唔錯，有少少咬口，軟硬適中。上海獅子頭罐湯拉麵 $65，三球大大粒獅子頭，味道口感不錯但唔算特別優秀。

麵館皇主打藥膳湯鍋，見天氣轉冷最岩就係飲下湯暖身同事們之前叫過刀削麵話好爽口，今次就轉試拉麵，我自己就叫左個口水雞菜飯感覺菜飯無咩味，而口水雞亦都因為太辣所以食到無乜感覺反而同事個醉雞同拉麵就幾好，好入味，等我下次再試下先

平時午餐多吃日本野，今日決定改吃其他麵食。麵館皇位於登龍街，相比起其他日本餐廳，麵館皇門外的裝潢顯得不起眼，但在門外看到餐牌上寫着「藥膳湯底」，便吸引我一試。雲吞罐湯拉麵，配凍咖啡，套餐$62碗麵熱騰騰上枱，來到時湯底仍然好「滾」，加上一碗麵有5隻雲吞，第一印象還不錯。但當嘗完一啖湯後便有些失望，因為湯底藥膳味偏淡。若一心想試吃濃味的藥膳湯麵的人會感失望。至於雲吞，皮雖薄，但可能煮了太長時間，餡料都凸了出來，味道則一般。麵底是拉麵底，軟度適中，沒有特別口感。凍咖啡稍為多冰，味道還可以。整體來說份量是足夠的，價錢比附近舖頭便宜，可間中一吃。

美食臨立嘅登籠街中有唔少傳統麵店，無論係港中日式麵店一應俱全，呢次特登試下中國北方傳統嘅刀削麵店。麵館皇嘅餐牌主打藥膳罐湯，結合杞子、玉竹、當歸、沙參、龍眼等藥材煮成，亦強調水餃雲吞及麵條等全手工自家製，相當有噱頭！砂鍋罐湯水餃（10隻）水餃係淨豬肉餃，賣相感覺一般未有太大驚喜，而上碟時都輕輕可以聞到藥材味道。整體藥材湯底未有餐牌中嘅描述咁突出，反而豬肉水餃味道係出色的，不過餃皮比較厚，令到整體口感有點失色。上海獅子頭罐湯手擀麵講到中國北方美食，又點少得上海獅子頭，獅子頭入口幾香口，但可能有少少過鹹，如果味道再淡少少其實十分唔錯的。反而手擀麵就無太大特別，可能呢種北方麵條都係要食拌麵先會比較出色。整體評價中規中矩，如果以同區美食比較的確較一般，但佢嘅菜式較獨特亦係其中一個站得住腳嘅原因，經過登籠街嘅朋友一試亦無妨。味道 ⭐️⭐️⭐️服務 ⭐️⭐️⭐️環境 ⭐️⭐️⭐️性價比 ⭐️⭐️⭐️

呢間係銅鑼灣鬧市既麵店食左好多次佢最最出名嘅係藥膳湯底真係充滿藥膳味每次質素都係咁好每次必定會飲哂佢啲湯而且佢既餸都係大大碟 十分足料必食推介係佢既口水雞成大半隻雞咁多 同朋友share都仲得至於湯底方面有拉麵、米線、刀削麵、淮山麵我每次都會點刀削麵，好彈牙是日食左豬軟骨刀削麵加左豬軟骨既湯底更濃味 正