麵賜園 (已結業)

❣️喺旺角食麵 都係d坐得唔舒服嘅雲吞麵牛腩麵店通菜街發掘到一間好味又坐得舒服嘅餐廳 主打港式冇味精麵食 優質咖啡 特色小食 係一間好有誠意又有創意嘅小店新開張小店仍然係繼續不斷研製新產品同素食 當日贈送左拔絲鮮奶 同新豬肉豆腐丸 俾我哋試試 超滿足🫶🐮牛隊長湯麵 $88配料相當豐富 滿足到食肉獸 牛肋條 和牛封門柳 牛肚 牛筋蘿白 全部都好入味又夠淋 用牛骨經6小時以上熬製既秘製牛骨濃湯鮮甜 食完一啲都唔口渴 麵條軟硬適中 彈牙煙韌有咬口❣️🥬買一碗蝕一碗湯麵$78呢款係素食者啱食 湯底係以日本昆布同埋赤味噌熬製而成 配料有日本舞茸 雞髀菇 蘆筍及蟲草花 真係一碗健康醒神嘅湯麵相比起牛隊長口味較清淡 如果再濃郁少少會更好🍗話梅浸單骨雞翼$28 （加購價）啱晒我食嘅懶人料理 冷盤小食話梅雞翼超開胃☕️紅豆冰啡 $40（加購價）微苦嘅expresso加上底層軟綿紅豆蓉 有層次感又唔單調🍻啤啤夫$35（加購價）就係玉泉忌廉加咖啡 估唔到忌廉同濃縮咖啡搭一齊又幾好飲 醇香咖啡加上忌廉嘅清爽 出奇地夾牛油果蝦多士 $40（加購價）多士上加上牛油果泥 有創意嘅菜式麵賜園 📍旺角通菜街36號地舖人均

📍麵賜園 @noodlesdimension味道：⭐️⭐️⭐️⭐️⭐️❶好鬼補雞湯麵 $88湯底既雞味超濃郁🥣配料當然唔少得雞件 雞件唔會好鞋口🐣仲有花膠、冬菇、魚肚 選材料好滋補👍🏻❷牛隊長湯麵 $88湯底係用上大量牛骨煲成非常鮮甜🐂牛肉同蘿蔔都炆得好入味😍最常值得一讚既係 主食選擇性好高✨面嘅質地軟硬, 面嘅份量,芫荽嘅多少 都可以自由決定🤔❸牛油蝦多士 （套餐+40）呢度既蝦多士都幾有驚喜 🥪多士上面有原隻蝦🦐入口熱辣辣又脆卜卜🔥❹黃金單骨雞翼 （套餐+25）外層沾滿鹹蛋黃 充滿鹹香🥚加上雞翼切成單骨 食落更加入味⏲ ❺迷你金銀蛋白菜 （套餐+38）其實份量一啲都唔紬你兩個人share就啱啱好🌱❻烘焙泡泡 （套餐+35）❼搖呀搖烘焙 （套餐+40）呢度既咖啡都好高質☕️佢地用既咖啡豆全部都係本地烘焙🇭🇰兩杯嘅飲品都充滿咖啡豆嘅烘焙香🧑🏼‍🍳前者泡沫綿密幼滑 飲落好順口😋後者有薄薄既焦糖加岩鹽鋪面 味道層次感好豐富😈

型格水泥工業風格，用QR code落單。Fusion港式麵食，主打湯麵同籠仔荷葉飯，健康配搭，仲有多款特色小食同本地烘培咖啡！------------------------------🐟◖補一補海鮮湯麵◗ $98呢個鮮魚骨湯底每日老火熬製，湯底鮮但嫌偏淡！呢個個底揀咗湯飯，加埋好多高級配料：花膠、魚肚、蟹柳、青口同蘆筍，配料都喺外面湯麵比較少見，食落都幾滿足！ ⛄️◖熱薑糖寶寶◗ +$30超濃薑味，飲到少少薑絲，加上面層脆卜卜嘅焦糖同岩鹽，所以飲落唔會得薑嘅辣味咁單調，甜甜地真係飲得嘅薑糖，飲完暖笠笠！ 🦪◖黃金炸生蠔◗ 跟餐+$45有四隻炸蠔，外皮夠脆，但味道偏淡，嫌鮮味不足。🦐◖鐵三角蠔蝦蟹海鮮湯麵◗ $118湯底同樣係鮮魚骨湯底，大大碗麵，拉麵份量唔少，有好多海鮮配料：海蝦、松葉蟹棒、元貝、日本生蠔同青口，好豐富，味道就正正常常。 ☕️◖熱搖呀搖烘培◗ 跟餐+$40採用本地烘焙嘅咖啡豆，奶泡打得好厚，舖面有一層薄脆嘅焦糖同鹽，係海鹽焦糖味嘅咖啡！整體香濃，層次好豐富！ 🥚◖素蘇格蘭炸蛋◗ 跟餐+$45炸蛋好特別，外層嘅植物肉炸得好脆，食落同真肉口感差唔多，配埋流心蛋，咬落去

旺角真係好多美食，特別係通菜街就已經好多選擇，今次黎到一間新派港式麵店，佢集合左傳統粉麵同cafe嘅概念，成為有特色玩fusion嘅餐廳。首先喺門口就俾佢個紫色霓虹燈吸引住，店內裝修簡單，很有空間感，座位都不少，落單採用QR code，方便快捷。1️⃣ 好鬼補雞湯麵🍜 $88每款麵都可以揀軟硬度，仲有拉麵、扁拉麵、米粉、湯飯揀，呢個雞湯好鮮甜，去骨雞件非常嫩滑，而且仲有花膠、冬菇、魚肚，果然係好滋補😋2️⃣ 牛隊長湯麵 $88牛隊長配料有🐂牛肋條、澳洲和牛封門柳、牛筋、牛肚、蘿蔔，整體牛肉都炆得夠身，特別係牛筋，湯底係濃郁嘅牛骨湯，份量好足。3️⃣ 黃金炸生蠔🦪 +$38有4隻，賣相不太吸引，size都偏細，味道都正常。4️⃣ 蟲草花浸白菜仔 +$38飲食營養要均衡係好重要架，所以叫返個菜食先，蟲草花都有不少，清清地，啱哂愛健康嘅人士👍🏻5️⃣ 搖呀搖烘焙咖啡☕️ +40估唔到呢度會有烘焙咖啡飲，而且仲好靚，好有心思，配埋岩石塊做杯墊，仲有隻靚靚嘅貓爪匙羹😻，溫度較得啱啱好，味道好香濃順滑，飲落去一啲都唔苦，有驚喜😄6️⃣ 咸檸梳打 +15咸零梳打相較之下就比較普通，咸檸嘅酸度適中，加上氣泡，都係不錯嘅選擇。總

其實我係個湯怪🤭 都幾鍾意飲湯~ 見到用濃湯黎便湯底, 即刻心心眼 😍 💬 好鬼補雞湯麵 - $88餸菜有花膠 魚肚 冬菇片 去骨雞件, 加入濃而不膩既雞湯💞, 雞湯有陣陣冬菇香味, 花膠好滑❤️ 魚肚有兩大片, 冬菇雖然話係片 但我覺得唔係片 係冬菇件, 非常厚身🙈 會唔會太抵食! 麵款可選拉麵/扁拉麵/米粉/湯飯 或者可以加錢轉烏冬, 而我揀選扁拉麵, 😋 仲可以選擇麵既唔同硬度, 依個位置加分👍👍 回頭食: ⓨⓔⓢ💬 黑椒牛隊長炒飯(加黑松露 $10) - $88(+$10)黑松露好足料, 每一啖都濃濃黑松露香, 淡淡既黑椒加上牛柳粒好惹味, 不過我叫咗少蔥 都係幾多蔥 同黑松露一樣咁足料, 鍾意食蔥既朋友仔會好開心!😂回頭食: ⓨⓔⓢ💬 日本舞茸炒雜菌 - $48十分之多唔同種類既菇 用較中式加埋韭黃既方法去炒香 😍😍 有秀珍菇 雞脾菇 金菇 蟲草花等等 最正係舞茸 唔係度度有得食 食落好香菌類味 😋 表示喜歡 !回頭食: ⓨⓔⓢ💬 黃金炸生蠔 - $48我超喜歡生蠔 🙈 又鍾意食炸嘢! 咸蛋黃外皮好惹味😽 炸到香脆 外脆內滑 回頭食: ⓨⓔⓢ💬素蘇格蘭炸蛋@1隻 - $5

💖 麵賜園 (旺角)✨旺角通菜街36號地舖〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️🎼麵麵麵麵 請你食麵粗麵幼麵撈麵拉麵定係手打麵？ 呢間麵店，有少少懷舊港式風❣️我見到餐牌寫住呢度仲有得學沖咖啡都幾特別喎☕️-牛隊長湯麵🐃 $88有濃郁嘅牛骨湯底炮製而成，有秘製牛肋條、澳洲和牛封門柳、牛肚、牛筋同蘿白。牛肚好腍勁入味，唔會話好難咬開👍🏻封門柳肉嫩重牛味，牛腩同牛筯唔使講啦真係好入味勁好食😍-話梅浸單骨雞翼🦴 ＄38本身正在糾結到底要食黃金雞翼好呀定係呢個話梅雞翼好，最後選擇左呢個嘅原因係因為好少會見到話梅配雞翼🤭果然真係冇令我失望🤩呢個單骨雞翼有少少似花雕酒雞翼，話梅初頭我以為會好酸，點不知食落甜甜地😍好食嘅冷盤👍🏻超推介大家一定要叫呢個試吓😚-蟲草花浸娃娃菜🥬 $48娃娃菜煮得剛好，加埋蟲草花簡直係錦上添花😝清清地😋-搖呀搖烘焙☕️ $55超好味呀，上面嘅焦糖有少少鹽，真係幾特別㗎！嗰陣奶泡配埋下面嘅咖啡簡直就係絕配😘-黑豬小姐🍫 $40杯身嘅設計非常之好唔會話因為太重所以辣到手👍🏻最面嗰層有有少少燒朱古力醬，成杯攪勻後就變成一杯唔會好甜嘅朱古力奶，很不錯🤩想繼續睇我分享唔同嘅嘢就𝓯𝓸𝓵

麵賜園裝修環境設計好靚 用左好多霓虹燈去做同埋好有懷舊既感覺🤍好適合打卡而且餐牌既食物名都好盞鬼🤭好鬼補雞湯麵🍜入面材料有花膠、魚肚、滑雞、冬菇片 每樣餸都係大大件！啲雞都幾滑 不過個面比較林 可能係我冇揀到麵身軟硬程度 而湯底比較清淡 食完都唔會覺得好口渴☺️補一補海鮮湯飯🍚入面材料有花膠、魚肚、蟹柳、青口、蘆筍🤤青口有兩隻 都幾鮮甜！不過最欣賞係湯底 唔會有腥味 浸泡住每一粒既飯粒 好滋味！不過題外話 隻匙羹實在太大隻🫢素蘇格蘭炸蛋🥚都好少接觸素食既我 覺得植物肉完全同平時豬肉冇乜大分別 而且肉質都非常彈牙 炸得岩岩好 加埋我至愛既流心蛋 十個讚🤩牛油果蝦多士🥪配搭牛油果既蝦多士都幾match 隻蝦真係原隻上😍而多士炸得脆卜卜 唔會好厚好乾身 份量都幾大件甜酸骨🍗味道好惹味酸甜度適中 而且三舊都啖啖肉 好滿足金黃單骨雞翼🦴炸得好香脆 同埋外皮有鹹蛋黃 不過都唔會話好鹹 出街食單骨雞翼就最方便 🫶🏻黑豬小姐🍫濃郁既朱古力味 杯邊既朱古力漿先係精華😆

麵賜園🍾用餐體驗及環境麵當然係呢間餐廳嘅招牌，餐牌上面有各色麵食可以選擇，食得出真係落足心機，另外餐廳都有駐場嘅咖啡烘焙師好用心為客人調製咖啡，我哋喺餐廳用餐嘅時候都會特登出嚟同客人交流吓，啱晒對麵食同咖啡有興趣嘅人🥰🥰主食：🤍鐵三角蠔蝦蟹海鮮湯麵 $118呢個湯麵有滿滿嘅海鮮，海中蝦、蟹柳、青口同日本生蠔，鮮甜好味，配埋味道濃郁嘅鮮魚骨湯底，大滿足🥰🥰🤍牛隊長湯麵 $88至於呢碗湯麵都好正，湯底唔少得係用濃牛骨去熬製，又有牛肋條、澳洲和牛封門柳、牛肚、牛筋同蘿白，集合晒牛嘅精華喺度，食落去每一啖都充滿牛味🤤😋小食：🤍牛油果蝦多士 $48多士嘅底層麵包炸到黃金色脆卜卜咁，中間嗰層牛油果可以中和返炸嘢嘅油膩感，最上面就有大大粒蝦，食落口感好豐富，好欣賞呢個小食🦐🤍黃金炸生蠔 $48生蠔都整得好好味，外層薄薄嘅炸粉炸到脆卜卜咁，入面嘅生蠔又保留到鮮甜嘅味道👍🏻🤍素蘇格蘭炸蛋 $58呢個小食之前從來都未食過，係用素雞肉包住一粒溏心蛋再用油炸，外層嘅素雞肉會炸到脆卜卜，而入面嘅蛋又有流心嘅口感，都幾特別🤩飲料：☕️凍鮮奶烘焙 $45餐廳硬件上都落足心思，咖啡會配埋岩石塊做杯墊，又有隻細細隻嘅靚靚

平時想飲杯咖啡，有時Cafe嘅食物又貴又唔飽🦦，難得見到呢間新派嘅麵店🍜竟然又有得食麵，又有得飲咖啡，都幾創新特別🤓🌊喜歡就記得Share/Bookmark🔖#小胖遊旺角🐠 —————————————————🔹牛隊長湯麵 $88🐮牛魔王一定會中意! 有齊晒秘製牛肋條、澳洲和牛封門柳、牛肚、牛筋🐄牛骨湯牛味真係好濃郁，而且無乜油脂👍🏽 (有時牛骨湯/煲過牛肋條好易會有層油浮係面，但呢個湯完全唔肥)牛肋條、牛筋豐富質感唔痴牙，和牛封門柳好鮮甜又軟嫩，蘿白好腍🍜扁拉麵其實似上海麵同烏冬嘅混合體，我個人幾中意，麵軟硬度適中，好索湯，令人一口接一口🤤🔹鐵三角蠔蝦蟹海鮮湯麵 $118 ＋$8可轉日本稻庭烏冬材料都好多，海中蝦🦐、蟹柳、青口、日本生蠔🦪每樣都有2件，最正嘅係海鮮湯底鮮甜🤤，完全掛到去烏冬上，同時烏冬好滑又彈牙，唔會輕易因為浸湯耐咗而變淋，配合各種海鮮，就好似係大海暢泳一樣，不停享受大海嘅盛宴🌊💡可選🍜拉麵、扁拉麵、米粉、湯飯、日本稻庭烏冬🔹牛油果蝦多士（兩件）跟餐價$40 (原價$48)多士炸得好香脆，🦐蝦大隻、爽口，不過牛油果味🥑就唔算好突出，但牛油果creamy嘅質感，令多士食落

未開始食嘅時候你會覺得呢度係一間cafe, 睇埋menu先發現原來係食麵嘅😮室內樓底高行工業風, 水泥牆做基調, 牆上面掛住唔同嘅特式霓虹燈, 其中個”麵”字突顯返呢度嘅招牌麵食🍜 💛好鬼補雞湯麵揀咗幼麵, 個雞湯味道比較清同唔會好油, 可以飲多幾啖✔️雞肉, 花膠, 魚肚同冬菇份量都多✔️💛鐵三角蠔蝦蟹海鮮湯麵呢個麵個湯用新鮮魚骨同蝦頭蝦殼熬製, 濃過個雞湯, 入面有香燒日本生蠔, 青口, 成隻蝦同埋蟹棒, 個麵吸哂啲湯, 食食吓成個湯飲哂😂💛素蘇格蘭炸蛋呢個特別, 少少流心嘅蛋出面包左新豬肉(素肉)同炸粉嚟炸, 點泰式辣醬幾夾, 口感似泰式蝦餅✔️💛牛油果蝦多士第一次食有牛油果蓉嘅蝦多士. 多士鬆化又油油哋咁本身已經邪惡, 加埋牛油果真係不得了🥪💛黑豬小姐其實係熱朱古力嚟, 杯嘅側面好多朱古力, 飲之前要先搞匀🥄甜度適中, 唔飲咖啡可以飲佢💛搖呀搖烘焙面頭有烤過嘅焦糖加岩鹽嘅一層奶泡, 下面係用咗尼加拉瓜咖啡豆嘅烘焙咖啡, 甜甜地酸酸地咸咸哋咁, 都ok好飲返食指數: 🥑🥑🥑🥑 (5🥑滿分)#好鬼補雞湯麵 ($88)#鐵三角蠔蝦蟹海鮮湯 ($118)#素蘇格蘭炸蛋 ($58 跟餐$45)

食麵畀人印象就係唔夠潮，但麵賜園就係想打破這想法，以「Noodle + Cafe + Fusion」為理念，打做一間新派特色玩fusion創意嘅麵店。餐廳喺旺角通菜街，行過一定被店外紫色霓紅燈吸引到，店內空間算寬躺，裝修簡單精緻，燈光偏暗有氣氛，小編就勁喜歡，因為食麵都要講氣氛喔！餐廳除咗有各類麵食，仲有多款特色小食，更有咖啡同烘焙茶，選擇非常豐富。📌牛隊長湯麵這個小編覺得係必叫，香濃嘅牛骨湯底，加上非常豐富嘅配料，有牛肚、牛筋、牛肋條同封門柳，全部都燜得好軟腍又入味，味道超正，就算唔起眼嘅蘿蔔都特別清甜，加上芫荽，濃濃牛香撲鼻，$88價錢絕對超值👍。📌好鬼補雞湯麵這個真係名附其實好鬼補，食材好豐富，花膠、魚肚、冬菇片，當然少不了雞件，咁嘅食材配上清甜好味嘅雞湯，小編以為飲緊雞湯忘記原來係食緊麵😋。📌牛油果蝦多士蝦多士配牛油果，好明顯係中西fusion，小編又覺得fusion得唔錯，口感味道更豐富更到位，抵讚👍📌素蘇格蘭炸蛋這個小食好特別，用素雞肉包住蛋，用油炸令外層香脆而內層變流心蛋，食落口感又脆又滑又香，正👍📌甜酸骨咁簡單嘅甜酸骨他們一樣做得出色，肉質嫩滑，並且有一種特別烤香味，超

【傳統粉麵x西式創意料理小店🤫】/////香港人越嚟越有創意 保留傳統港式粉麵再crossover特色小食同飲品✨餐廳自家出品湯麵湯底無添加味精 用長時間去熬製 係滿滿嘅精華〰️食湯麵仲可以叫杯本地烘焙嘅咖啡嘆一嘆 選擇非常大眾同多元化😝.👉🏻好鬼補雞湯麵 ($88)湯底比想像中清 冇咩雞油浮面👏🏻扁拉麵軟硬度適中 連埋雞湯精華好鮮甜 配料有偏軟身嘅冬菇 貴價花膠 魚肚同生菜 份量多又足料🤭.👉🏻素蘇格蘭炸蛋 (素) (+$45)外表簡單但口感豐富嘅小食🤩素肉沾上麵包糠然後包住半熟蛋 以油炸方式令到外皮酥脆 蛋有流心效果ʕ •ᴥ•ʔ記得配甜酸醬 可以增加肉同蛋嘅調味!!.👉🏻蟲草花浸娃娃菜 (+$38)清甜湯底浸住娃娃菜 娃娃菜都依然保持爽口 而蟲草花做配料味道就一般 調味偏淡同硬身.👉🏻紅豆泡沫🫘 (+$25)有個小插曲 小編對咖啡因有過敏嘅情况 都有同店員反映 但一開始上枱個杯係紅豆咖啡 店員之後及時發現都有幫我換過呢杯冇咖啡因嘅紅豆泡沫 要讚下店員好誠實有作出改善🙌🏻第一啖品嚐到綿密嘅奶泡 混合牛奶同紅豆後變得口感好順滑 整體唔會太甜 層次豐富💗————📍麵賜園 (旺角)旺角通菜街

最近都見到唔少foodie去食呢間因為d嘢都幾對我口味所以都bookmark左而且地理位置都非常之近！同朋友咁啱去旺角就順便試下🥺門口都幾亮眼因為有螢光入到去座位都算幾多而落單就全程用電子QR Code落kk而且出菜時間都幾合理💕
٩(´ε｀ ٩
～～～～～～～～～～～～～～～～～～♪ 好鬼補雞湯麵 $88 (9/10) 呢個雞湯麵真係好正呀🥺❤️首先佢用料非常足啦雞肉都非常嫩滑而且有花膠魚肚鮮菇有齊曬我最鍾意既野食💕🥹麵既份量都非常足夠！我係食唔曬🫠不過d湯真係不禁令人一啖又一啖♪ 鐵三角蠔蝦蟹海鮮湯麵 $118 (9/10) 朋友就叫左呢個佢都認為呢個好好味同好濃湯底用料方面絕對冇輸蝕因為食到好底都仲有好多海鮮😆有蝦、蟹柳、青口、連生蠔bb都有佢加埋麻辣醬（+$8）將麵變粘麵食都係一個新既配搭呀～♪ 牛油果蝦多士 $40 (9.5/10) *推薦！呢個蝦多士真係其貌不揚因為真係好好味😋！食落有牛油果既口感同炸過的多士超級的鬆脆同埋Rich😆呢舊野真係非常邪惡唔可以食太多🥲（雖然真係非常非常地好味♪ 黃金單骨雞翼 +$25 (9/10) 黃金單骨其實就係鹹蛋黃炸得好鬆脆而且食落好邪惡不

而家周圍都係cafe，但專賣麵嘅cafe就冇見過喺熙來攘往嘅旺角，呢間嘅霓虹燈門面更令人難忘呢間唔係一般嘅米線舖，而係有唔同麵揀嘅麵店，同日式拉麵一樣有得揀份量同硬度，當中最推介係扁拉麵，好索汁鐵三角好啱海鮮控食，有大大隻蝦、青口、蟹柳同蠔但湯底唔會好鹹，反而係一種清甜嘅鮮味胃民就想進補，揀咗好鬼補嘅麵，有幾補？未放入口，已經聞到湯底勁香菇味原來裡面有大大片冬菇，仲有雞肉、魚肚同花膠，真係物超所值跟餐嗌小食會平啲，炸蛋大胃想食好耐，仲要係素肉嘅，真係要試吓！可能因為係素肉，食落冇咁膩，同流心蛋更加夾黃金蠔都好得，外皮炸得好爽脆，完全冇濕嗒嗒，而且好有鹹蛋香，裡面嘅蠔肉依然鮮嫩呢間cafe主打高海拔咖啡豆，就算夜一夜都想試吓。仲諗住黑糖泡泡一定會好甜，但出奇地幽幽的甜，黑糖同咖啡仍然好match搖呀搖烘焙都好特別，厚奶泡上滲上些少岩鹽，要燒一燒，更能吊出咖啡香

↟ 黑豬小姐 $40黑豬小姐其實係用可可粉調製既朱古力漿做掛邊 配上入口順滑既鮮奶🥛 整體味道都算唔錯🤎Miss Chocolate was composed of cocoa power and milk🍫 It’s rich, milky and smooth, nice😆評分: 7.5/10🌟↟ 森林之吻 $40帶層次感既森林之吻其實係熱既抹茶鮮奶🍃 而且茶味濃郁偏苦澀仲帶回甘 濃茶控會喜歡💚 飲唔慣太濃既朋友都唔洗擔心 因為下面既鮮奶同奶泡會平衡返個苦味 令到成杯飲品更容易接受😎Different layers of forest kiss provided a excellent flavour with the sweet aftertaste from the matcha🍵 The richness and smoothness of the milk foam enlightened the whole taste🤍評分: 9/10🌟↟ 牛隊長湯麵 $88一黎到已經聞到好吸引既牛肉香味😻 濃牛骨湯底配秘製牛肋條真係令人食指大動🤞🏻 配埋澳洲和牛封門柳、牛肚、牛筋