麵賜園

營業中

休息中

見到網上有好多人推介呢間特色嘅粉麵餐廳 完全冇諗到呢度竟然會有咖啡飲呀😺 所以行經旺角就嚟試一試佢牛隊長湯麵果然冇介紹錯啊🫡 呢個湯麵嘅湯底係濃牛骨湯底 每一啖都好濃郁 好香牛味🐮 配料方面都好多元化 有秘製牛肋條 澳洲和牛封門柳 牛肚 牛筋同埋蘿蔔🥕 牛肋條炆得好軟身 牛筋就入口即溶☺️ 估唔到蘿蔔咁有驚喜 咬落口好甜 麵底加咗8蚊要讚岐烏冬 果然好好食 烏冬煮得偏軟身 但都唔會完全冇口感好鬼補雞湯麵淨係個名已經好吸引我 因為平日返工咁攰都要搵啲好嘢食補補佢🥰 呢個湯底雞香味都好重 但係就偏淡味少少 配料有花膠 魚肚 新鮮雞件 冬菇片 雞件好滑 而且冇骨🐥 冬菇好厚身 睇得出係用料靚嘅冬菇 呢碗配咗扁拉麵🍜 不過唔知係咪影得太耐相嘅關係 個麵就腍咗少少🤏 其實餐廳好貼心可以揀麵嘅軟硬程度 兩款我都揀咗適中 但係下次可能我會揀硬身少少迷你金銀蛋娃娃菜加$38就有個菜食下 都市人出街食飯通常都唔會嗌 但係我覺得平平哋咪嗌嚟試吓囉🥬 雖然個名有迷你兩個字 但係份量絕對唔少㗎 再配上面頭嘅金銀蛋 更加能夠帶出娃娃菜嘅鮮甜牛油果蝦多士（兩件）本身都好鍾意食蝦多士 所以一見到就即刻點咗嚟試 一咬落

Ooo新派Fusion港式粉麵Cafe 店😍ooO創意小店有足料中式粉麵order 又有本地烘焙咖啡☕️虹吸咖啡等特色飲品👍🏻Noodle+Cafe+Fusion一次過滿足晒幾個願望😊店內湯底均以新鮮材料，每天新鮮餚制❗️牛骨湯底更每天經過6小時以上熬製而成，誠意十足😍😍另一推介大補雞湯😍每日以最新鮮幾十斤雞殼，再加上適量药材經五小時以上餚制，雞味特濃一試難忘。OooooO牛隊長湯麵 $88濃牛骨湯底每天經6小時以上熬制，湯底真係正，秘製牛肋條入晒味😋又腍，配料豐富有澳洲和牛封門柳、牛肚、牛筋、蘿白😋仲突破傳統可自由配搭麵種，我就選左讚岐烏冬！ OooooO好鬼補雞湯麵 $88濃雞湯底每日以最新鮮幾十斤雞殼😍再加上適量药材經五小時以上餚制！配料十足👉🏻有花膠、魚肚、新鮮雞件、冬菇加埋啲麵底都好滑，果然係店內熱賣之一！OooooO日本舞茸炒雜菌 $38話梅浸單骨雞翼 $25跟餐優惠價點了兩款小食，炒雜菌味道比較濃，配清雞麵岩岩好！而雞翼味道就比較淡，我喜歡濃味所以覺得淡少少😊OooooO搖呀搖烘焙 $40（跟餐價）好開心可以食中式麵都有烘培咖啡飲☕️面層既焦糖脆脆加鹽幾特別😋底層係奶味較重既咖

好鬼補雞湯飯 ($88)我地揀左轉湯飯 都幾足料架🤭 雞湯清清地但幾香 食完都唔會好漏~ 而且啲雞都好滑 仲有冬菇 魚肚等等嘅配料都幾豐富🤤🤤鐵三角蠔蝦蟹海鮮湯 ($118)我地揀左扁拉麵 呢個有齊蠔蝦蟹😍 湯底都幾香濃 幾好食 蝦都幾大隻架😙 牛油果蝦多士 (+$40)蝦多士好脆😍😍 中間仲有牛油果蓉同蝦都幾大隻 配搭幾新鮮🤩 黃金單骨雞翼 ($25)蛋黃味都幾香濃 單骨食落都幾方便 仲炸得幾香🥰迷你金銀蛋白菜 (+$38)迷你都唔細份架 仲有好多金銀蛋 ~紅綠燈 (+$30)紅豆咖啡 (+$40)冇諗過飲品有驚喜😙 飲品好靚 有心型杯架😍 飲落好香而且都幾甜 啱哂唔係好鍾意重咖啡味嘅朋友😌而且入面啲紅豆都幾足料架👍🏼

🥵 又嚟到天氣熱，唔想煮又冇乜胃口嘅時候，放工去旺角買開嘢，順便食埋晚飯先返，依次去食麵賜園。☺️［ 亂闖試食 ］🍽 賣一碗蝕一碗湯麵 (昆布豆腐湯底、日本舞茸、雞髀菇片、蘆荀 & 蟲草花) 扁拉麵 😋😋😋😋😋打開份menu，十五十六咗好耐，樣樣睇落都好唔錯，最後決定試下佢哋嘅素食麵。🍜 碗麵一到，先試啖湯，清清地嘅昆布豆腐湯散發住淡淡嘅藥材蟲草味，飲完絕對唔會口渴。舞茸、雞髀菇片、蘆荀同莞茜都有唔少，扁拉麵嘅麵身軟硬度適中，同個湯都好夾。👏🏻晚餐 💵💵 約港幣$90/人💁🏻‍♀️ 留意返：晚市要另加一，夜晚7點打後有唔少食客嚟幫襯，素質唔錯，係值得大家過去一試。😉🙆🏻‍♀️ 最後，喜歡嘅話，歡迎follow ！

好鬼補雞湯麵🍜呢碗麵好豐富又滋補，花膠、魚肚、雞件、厚切冬菇，雞肉好嫩滑仲無骨，我選咗幼麵，可以選擇麵嘅軟硬度，我揀左適中既硬度，湯底好鮮甜，而且好似住家湯，無味精牛隊長湯飯🍲因為唔想浪費個牛骨湯，所以呢款叫咗湯飯，米飯吸晒湯汁，個湯完全唔油膩，啱哂重口味人士，呢碗好多牛既食材，有牛筋、牛肋肉、和牛封門柳、崩沙腩同蘿蔔，牛肉牛味重，牛筋又好淋好入味，配埋青蔥同芫荽更加香黃金單骨雞翼🍗脆卜卜嘅外層被鹹蛋黃醬包住，個人覺得鹹蛋味可以再重d，如果加埋新鮮嘅鹹蛋碎一定更正🤩流心蛋🥚流心蛋相當出色，雞蛋黃完全係流動嘅狀態，而且蛋白醃漬過，味道好，最後再encore多隻😆日本舞茸炒雜菌🍄鍾意食菇嘅朋友一定要試吓，因為佢呢個炒雜菇有好多唔同種類嘅菇，用芡汁就有啲漏，簡單炒就已經好好味啦沖繩黑糖泡泡☕️店舖寫着使用本地烘焙高海拔咖啡豆，而且無公害，最欣賞佢嘅咖啡係唔加冰，直接用冰咖啡可以維持咖啡嘅完味道，八角形嘅杯裝住層次分明嘅咖啡，除咗好飲之外仲係視覺嘅享受愛•明禎咖啡💓見到愛•明禎咖啡唔使諗即刻叫🤣其實佢就係朱古力咖啡，咖啡配埋朱古力醬甜甜地好易入口，而且好滑，真係撘得杯落

我又在㕵角亂入餐廳試食😆 想不到很有驚喜～見到還有午餐套餐選擇，就選了午餐，因為看到鋪頭是新的，我又未吃過，就選了比較保險的牛肉麵，看到可以加蔥，要加分😍上枱見到，真係好多蔥😍😍正不過當然係試啖湯先，很好🤤湯很濃味，而且有牛味加持👍🏻牛肚唔韌同夠入味，牛肉片就還好，不過整體都好食，可以再黎😆

旺角通菜街一帶開滿左形形色色既餐飲店，位於鬧市中心既呢間特色餐廳——麵賜園，融合左港式粉麵、咖啡店於一身，呈現出一間與別不同既新派Fusion餐廳🍴店內牆上面掛滿左大字霓虹燈，整體以灰tone為主色，環境乾淨企理，而且餐廳使用左沙發櫈，令食客坐得更舒適🛋 食物方面，餐廳係粉麵中加入左養生元素，例如好鬼補雞湯麵；材料有爽滑花膠、爽口魚肚、嫩滑雞肉，再配上特濃既雞湯，滋補養生～ 而牛隊長湯麵同樣令人喜出望外；澳洲和牛封門柳、秘製牛肋條等，每款都牛味濃厚又軟腍！餐牌上可以見到多款特色咖啡食品，外形可以比美一般咖啡專門店，而且味道唔錯～ 總結係一間好值得一試再試既小店💛

而家啲Cafe開到成行成市，要突圍而出好多時要有特別主題同埋有質素嘅食物🫢 呢一間Cafe就以麵食做主打，個人覺得算係幾新鮮，價錢其實同出面嘅拉麵舖差唔多，但係竟然仲有高質素嘅咖啡☕️唔怪得知之前咁多人食🤪今次到訪自己就嗌左一個鐵三角蠔蝦蟹海鮮湯麵 ($118) 🦀一上枱嘅時候湯底嘅香味撲鼻而來🤤飲落去湯底嘅蝦味好鮮甜，仲有日本蠔、大大粒青口、蟹柳、蝦🦐配料非常豐富😌特別鍾意呢度麵底可以揀扁拉麵或者幼麵，仲可以揀泡飯，麵條仲可以揀軟硬度，唔講以為自己食緊拉麵🍜朋友就嗌咗個牛隊長湯麵 ($88)🐮湯底係勁濃郁嘅牛骨味，配料有封門柳、秘製牛肋條、牛肚同牛筋，款款牛味濃厚又軟腍，蘿蔔都鮮甜無渣，最正係朔晒湯底嘅所有精華🤍見到隔離枱都嗌咗唔少小食，我哋都嗌咗啲🤣素蘇格蘭炸蛋 (+$45) 外皮炸得好香脆，炸皮嘅厚薄亦都啱啱好，入面係一隻流心蛋，食落去口感好豐富🥳金銀蛋浸娃娃菜 (+$38)就係鹹蛋皮蛋同埋娃娃菜，湯底偏濃味，所以食落去唔會好寡👍🏻話明係Cafe，佢哋啲嘢飲都非常唔錯🫶🏻手搖冰啡(+$40) 飲落去比較fruity，鍾意飲black嘅可以一試～烘焙鐵觀音(+$10) 解膩一流，而且

有日誤打誤撞經過通菜街，見到呢間麵店門面裝修幾靚， menu易吸引。。之前好想試好湯X麵但一直食唔到，呢間都係主打湯底 所以二話不說就入咗去！！叫咗補一補海鮮湯麵，聲稱係用鮮魚骨淆製湯底唔算太濃清清地，飲落都算鮮甜但又唔係有咩藥材味，唔知點補法😅😅😂，但竟然隱約有好大陣芫茜味。。對於唔食西嘅朋友嚟講都算幾大衝擊🤐🤐🤐🤐 配料方面最好當然係有塊花膠其，其他嘢都比較下欄。。好似蟹柳青口同魚肚🤡小食方面叫咗炸金沙蠔，蠔都算新鮮金沙味道亦正常 ，但炸出嚟非常唔乾身啲水仲滴下滴下。。炸物嚟講完全唔合格😥 另外, 叫咗金銀蛋浸白菜，都幾足料唔錯！最驚喜既竟然係咖啡☕ 佢哋嘅本地烘焙個味偏 Fruity , 飲同聞都好香亦好有層次， 一定要試整體嚟講，地方算係幾好坐，但食物質素一般，價錢偏貴，亦要收加一服務費 最值得試反而係咖啡！

湯底有色無味淡如水，成碗最多就係米粉，但勁碎身，臨收工比哂啲米粉我但我唔會多謝你囉～雞得三件，冬菇都多有四件，雞鞋口無味。旺角仲有好多好食既餐廳，呢間真心唔好揀，仲要唔平，宣傳影到啲相幾靚都無用。

雖然呢到係一間麵店～但吸引到我嘅除左湯麵🍜係佢地個牛油果蝦多士🍤🥑炸到金黃酥脆嘅蝦多士🍞入面除左有爽口嘅蝦膠🦐仲加入左軟滑清新嘅牛油果💕中和到個油膩感之外 仲令成個多士嘅口感豐富左！！

旺角通菜街不嬲多野食，見到呢間餐廳霓虹燈招牌🔅好出位，原來係食新派港式麵，嘢食嘅combination 同名都好過癮👻咩話！？食麵無靚啡嘆？你錯喇，呢到真係有🐮牛隊長湯麵 $88有牛肋條、牛肚、牛筋、澳洲和牛封門柳、蘿蔔🥕要左扁拉麵，湯底係牛骨湯，碗麵好多料，牛肉夠入味🍴扁拉麵口感唔錯，唔淋幾爽口👍🏻🦐鐵三角蠔蝦蟹海鮮湯麵 $118有蠔🦪、蝦、蟹柳、青口，要左扁拉麵，湯底係鮮魚骨湯底🐟湯底ok，海鮮如果可以新鮮爽口彈牙d就好了，我地一致都比較中意食牛隊長😂🥪牛油果蝦多士 $40(套餐價)有2件，食落牛油果味唔係好出🧐另外見到有個小食係素蘇格蘭炸蛋🥚好似幾特別咁🍗黃金單骨雞翼 $25(套餐價)有4件單骨雞翼，雞翼炸得香脆，亦有蛋黃香，邪惡之選😈🍵凍紅綠燈$30/凍沖繩黑糖泡泡$40(套餐價)紅綠燈係抹茶牛奶加紅豆蓉，最特別係個杯仲要係心形❤️咖啡方面，好多泡泡啱打咭，而且飲落甜甜哋，怕苦嘅朋友仔啱晒👻Overall好少見到食麵既餐廳，會有咁多種類咖啡揀☕中意飲咖啡既朋友岩哂🙆🏻‍♂️，建議大家食主打既牛隊長湯麵同雞湯麵🍜另外見佢地仲有蒸飯、麵可以轉湯飯等，食素既朋友亦好多選擇P.S. ope

🐭 米奇老豬Vol. 232 🐷［麵賜園］老豬不嬲都係鍾意食粉面多過飯 🍜今次收到主打港式特色湯麵麵賜園嘅邀請仲見到有老豬最愛嘅海鮮 🤩所以就即刻去左試食啦 😋.🐖🐖《好鬼補雞湯麵》🐖🐖 🛑 7.8/10 🛑 💰$88💰湯底清淡得來都算鮮甜 🐔 完全唔會有油膩感 不過就唔係好啱重口味人士啦～有花膠、魚肚、新鮮雞件、冬菇最鍾意個冬菇夠曬索湯 而且雞肉好嫩滑不過花膠同魚肚就唔算入味 🫣呢碗我地揀左「適中」硬度嘅扁拉麵不過食落都係偏稔 可能要揀高硬度會好d～.🐖🐖《鐵三角蠔蝦蟹海鮮湯麵》🐖🐖 🛑 8/10 🛑 💰118（+$8 轉日本稻庭烏冬）呢個鮮魚骨湯嘅鹹香幾出色 好重🦐味係濃得來又唔洗狂飲水果d味精湯😂雖然海蝦就食落有dd梅🙈 肉質唔彈牙好彩青口、蟹柳、日本生蠔各兩件都唔錯搭救返👍🏻呢碗我地揀左「適中」硬度嘅烏冬食落好煙韌 🦷 老豬好鍾意 😍.🐖🐖《流心蛋》🐖🐖 🛑 8.5/10 🛑 💰$8💰呢個係出乎意料地最得我歡心🤩（而我竟然無幫佢影獨照🥹）本身個流心蛋係雪凍左嘅𢳂一啖湯咁浸住隻蛋2秒然後成啖食嘅果份喜悅係難以言喻嘅 😇呢個🥚我覺得要每人兩隻😂😂.🐖🐖《牛油果蝦多士》🐖🐖 🛑 7.

由細到大都總有好多機會食麵條，無論拌麵或湯麵都離不開加上勁多配料一齊食，但往往就忘記原來仲有一個靈魂人物阿，“就係湯底啦”🍜無左湯底既襯托，麵條可能會淡而沒味，而配料只會帶有原材料既味道，但當三者可以結合一齊既時候，就自然提升到另一個層次🤘🏻今次帶大家黎到呢間匿藏係旺角既用心小店，只係湯底以及咖啡就已經深深俘虜左小編既心啦😍🍽麵賜園🐤 好鬼補雞湯麵($88)雞湯麵既湯底同配料都絕不馬虎，用左雞殼雞骨熬製湯底，湯底清甜，而配料分別有花膠魚肚、雞件及冬菇，份量十足之餘，魚肚夠腍滑而花膠又可以補充骨膠原蛋白，真係夠哂滋補養顏，同個名真係好襯!😉🐮 牛隊長湯麵($96)睇到個名就知又係牛魔王粉絲出動既時候啦🐄不得不提牛骨湯底夠哂濃郁，用左大量既牛骨以及牛肋條經過長時間及心機熬製而成既濃湯果然係真材實料，無論心思及用料上已經💯！配料分別有封門柳、牛肋條、牛肚、牛筋同蘿蔔，而且樣樣都炆得夠淋夠入味，小編提提大家麵底加$8仲可以轉為日本稻庭烏冬阿。係牛魔王既你就唔可以錯過呢個機會，快D約埋朋友一齊去試啦!😋💡小知識：坊間出現了方便快捷濃縮湯包，除了能夠節省時間仲可以簡單製作。但往往就埋好容易埋沒及忘

旺角通菜街一向多食肆小店，甚麼口味的菜色都有，要突圍就要靠創意跟食物質素！其中就有一間揉合現代港式風味的新派麵檔，主打港式麵食跟西式咖啡，這個看似風馬牛不相及的組合原來又會產生不一樣的火花啊牛隊長湯麵 $88　店家的signature food實在不得不試！一碗有齊秘製牛肋條、澳洲和牛封門柳、牛肚、牛筋跟蘿蔔，用料豐富份量又多～ 全部都煮得非常入味，牛肚爽口牛筋軟腍充滿膠質，而牛肋條跟和牛封門柳更是出色，肉嫩又帶油脂香！蘿蔔大大件，鮮甜無渣又吸收了湯汁非常好吃～牛骨湯底每日以最新鮮的牛骨，配以適量腩肉跟藥材等經過6小時以上熬製以成，湯頭清徹不油膩，味道濃郁又鮮味，牛味非常重！嗜牛的朋友絕對不能錯過！雖然這裡說是一碗湯麵，不過店家提供的麵食種類非常多：扁拉麵、烏冬、米粉等，同時可以選擇麵的軟硬度～ 這次選了口感像上海麵跟烏冬的混合體：扁拉麵，彈牙煙韌有咬口而且掛湯力十足，配湯頭跟食材吃會覺得很配合沒半點違和感！同樣地，麵的份量、蔥跟芫荽也是可以自行調節，彈性非常多，絕對可以找到屬於自己鐘愛的組合～籠仔海鮮蒸飯 $88雖然店家以麵食為主，不過飯類也不能錯過～ 一客籠仔海鮮蒸飯同樣自主度高，