麵尊

營業中

休息中

返工太忙，忙到連夠鐘食lunch都唔為意.... 好彩有個好好人既同事忙我買埋外賣。我揀左麵尊既三個餸車仔麵，呢間既車仔麵唔算平，最平都要十蚊一個餸，麵底都係十蚊款，但係食過之後，你會發現佢其實一啲都唔算貴，因為佢真係好好味。今次我叫左豆卜，酸齋，炸魚皮酸腩汁米粉。外賣唔洗特登要求都會幫你分埋湯。豆卜本身係我至愛所以唔可以唔食😂，最值得推介嘅係酸齋，出面唔係好多車仔麵檔有酸齋食，味道酸酸甜甜，吸晒d湯一啖放入口超好味。另外，佢既炸魚皮大大塊唔會太咸，米粉都係非常之有口感。食過返尋味，會再幫襯！

Absolutely love the noodles here, the soup base was delicious, the spicy paste very aromatic, and all the toppings delicious on their own and together.Pig’s blood is firm and tasty, the turnips are very will seasoned, as are the mushrooms. Basically can’t go wrong with any of these toppings here, and it doesn’t cost a lot either!

第二次光顧了，原因是價錢公道、份量足。今次叫了個四餸油麵，有必吃的豬大腸，味道依然入味，還有第一次點的鴨紅和豬頸肉，喜出望外，鴨血軟滑，好味，豬頸肉爽脆，讚！但牛腩坦白說，除了份量多外，味道一般，不入味，口感不太似牛腩，不可以說好食，但也不算難食，但不會是必點的選擇。湯底仍然濃郁，油麵也可以，但下次會試伊麵。雖然環境和服務態度一般，但食物質素來說不錯，午市頗多客人，要留意。

等左25分鐘，終於有得食。我冇叫到大尊小尊，單點左牛腩，豬紅，翼尖，幼麵加咖哩辣。坦白講，餸幾出色。豬紅入味又爽滑，沒有絲毫豬燥味。牛腩一片片似牛肉片，但食落鬆化入味。翼尖正常，但榮記始終略勝一籌。份量都足料。咖哩辣好香濃，無投訴。問題出在個麵上。幼麵太幼身同腍，好大綑😣，同湯的比例唔平衡。好的車仔麵，是要料，麵同湯份量恰到好處，不是足料大份就一定好，最理想是每一啖麵都有一啖餸，不會是但一方搶風頭，食到尾麵唔會泡到軟晒，湯不會吸晒，湯仲係冒煙的。今次餸多，麵太多，湯唔太夠，熱度保持唔到，有點令人失望。希望麵尊回歸本尊，搞好車仔麵的基本功。

麵尊車仔麵是否是麵中至尊呢？！常經過卻一直沒進去吃，這次剛好煩惱不知道吃什麼，特別嘗鮮一次菜單選擇非常簡單，一樣10元，自己畫單沒有的項目他幫你已經刪除了低消38塊也就是起碼要畫4樣簡單易懂這就蠻像台灣自助點餐的習慣這次點了魚皮餃、雞翼跟麻辣魷魚雙汁腩汁跟麻辣汁嗯，果然夠麻辣，對不起，我下次不衝動了辣的我嘴巴爽歪歪口味還不錯，有經過的打工仔可以考慮做午餐還有麵尊套餐，這次沒點，也許下次可以試試趕快去覓食吧，打工仔們

𠵱家車仔麵店買少見少，整得好食嘅就更加難求。午市1230左右嚟到，門口已經有十幾個人等緊位，好彩我孤獨精好快就有位，入場前喺門口點咗腩汁米粉、大腸、雞翼、牛腩。注意有40蚊最低消費。碗麵連埋餸份量都好足，湯底深色、濃得嚟帶甜，大腸雞翼滷得非常入味又夠腍，但喺牛腩偏爽唔多啱我口味。整體嚟講絕對可以再戰。店內非常擠迫，環境同服務就唔好諗太多喇，食得車仔麵都唔係為呢啲，爽手食完嗱嗱臨撇啦。辣汁好似幾好評，下次會試。

之前係銅鑼灣食過幾次，最近搬左黎上環見到有就試下呢間鋪頭地方唔大，可能上環太多商業大廈，好多打工仔，呢間就食過2-3次，愈等愈耐，等入坐都要35-40分鐘。1:15分到，等到1:45，等到無時間，門口叔叔就話轉外賣會即刻俾你，其實都係呃人，同普通排隊係無分別，排隊入去等，坐到入去都要等，最尾迫自己5分鐘食完碗熱面就走。建議食飯時間得一個鐘既朋友真係唔洗考慮呢間，好失望，可惜上環好少少既車仔面鋪真係唔多，唯有以後放假先出銅鑼灣食。

哩間店超多人，還要排隊，不過好食既野緊係多人去食啦！呢一間連發哥都成日去食！食面最緊要就系個湯底啦，滴湯味道好正，好濃郁，配搭埋滴牛腩汁味道就更加好！味道濃郁既牛腩味 個湯都好飲 仲叫左滴雞翅，豬大腸好入味啊，吸收埋滴湯底，一級棒！！！

難得來到上環，便四圍看看有什麼排隊店，加上我自己又十分喜歡吃車仔麵所以就選了這間。我故意1.45pm才去想避開午餐的人潮，不過都有10多人在門外等候，到我入坐是大約2pm。食物很快就到，想不到是這麼大碗，我點了粗麵，感覺上這有2至3個面餅，質地不錯，軟硬適中。湯底是甜甜的，我加了腩汁和少咖喱汁，不會太辣，味道剛好。牛腩很入味也淋, 豬紅入口即溶，紅腸是沒特別，但比外面吃的多一片。吃了很滿足，不過未至於想一吃再吃。

每次放lunch想食車仔麵就一定嚟呢間，不過呢間車仔麵鋪人氣非常高，經常大排長龍。就以今日為例，我哋搭一去到，都要搭七先有得入座。不過喺鋪出邊等緊位嘅時候，就可以先決定想食咩，咁一入去坐低冇耐車仔麵就會煮好。今次試左大尊（豬紅、豬皮、蘿蔔、紅腸、菜同魚蛋），跟油麵加麻辣汁，再加凍檸檬茶。麻辣其實都好辣，如果想食辣又唔太受得的話可以試吓咖喱辣。所有嘢都好好味，而且份量好多。叫咗咁多餸都只不過係$42，凍檸茶$10。繁忙時間碗麵都可以排得幾靚，好佩服。

利申我覺得無年幾前第一次食既時候咁正，不過都依然係一個好食既車仔麵。佢既餸係好普通既，無咩特色野sell。我要左個三餸幼麵加生菜，六十蚊。豬紅份量多，而且係大大舊好味豬紅。豬頸肉相反地少少鞋口，同偏細片。鴨腎唔係間間有，係低卡好選擇，味道都ok。唔知係咪今日唔太餓既關係，覺得個麵份量好大，我食淨左好多麵。麵尊既重點係要叫咖喱辣。我係食得辣既，覺得係輕微既辣口，夏天黎講已經夠哂過口癮，正！朋友係覺得好辣，流哂汗咁架。生菜要左腩汁，正常既菜一個，而且份量略嫌有啲少，只夠一個人食。服務就唔好諗太多喇。十二點幾爆哂，外面又多人等。姐姐們好服務極有個譜。

今日簡簡單單食車仔麵蘿蔔冬菇牛柏葉河蘿蔔入口甜、煮得淋、無渣。冬菇用蠔油炆得好入味，雖然細細粒，但菇味好重，好香好好味。牛柏葉不錯，而且份量都幾多，洗得乾淨，唔會有怪味，吸晒車仔麵嘅辣醬味，正😋大腸朱紅魷魚粗麵豬大腸好肥美，食落好有罪惡感添😅不過煮得好香、好好味，所以都係食完先算😂朱紅味道不過不失。魷魚爽口彈牙，而且無梘水味等異味👍🏻👍🏻雞翼尖$18碟，份數算正常，但味道確實唔錯，而且煮得勁入味☺️鮮豆漿不錯，大大杯，幾好味又唔會好甜凍檸茶同樣大大杯，茶底唔算濃，但茶味香

• 麵尊車仔麵🍜 •💵Price: $40 (三餸一麵)🍴Food: 3/5❣️-早排係銅鑼灣登龍街開左分店既麵尊，係上環總店基本上每個lunch都係排滿人龍，不過係岀面填定食乜，入到去其實都一坐低就有得食既。食車仔麵我主要都係睇個湯正唔正，我就覺得佢個麻辣係不錯既，不過都要溝埋腩汁先好食！😗

Lunch time一去到就拎number先，再拎紙畫自己想食既野，我就唔係好食得辣，但佢d咖哩真係好好食，同埋個湯底好夠濃！價錢中上環黎講都算ok!最緊要係好食丫嘛！😋

成日聽人講話呢間位於蘇杭街嘅車仔麵好好吃，條隊長期好多人，今次終於試到佢啦！連發哥都來食架🙆🏻‍♀️中上環嘅OL有口福啦！我有少少選擇困難，所以就叫佢配好左嘅細尊👻其實加多$2就有大尊，不過食飯之前食咗芝士夾心餅🤭所以就收斂下🤧🍜細尊(豬紅，白蘿蔔，咖哩魚蛋，紅腸同埋豬皮) $38 +熱飲☕️=$45 🥣湯底我就選擇咗咖哩辣🥘，因為呢隻汁好似正d，同埋比較特別一d，而且更加帶出到材料的味道，所以就冇試到麻辣啦🌶麵就揀咗幼麵🍜，車仔麵就一般都係揀油麵，粗或幼麵為多！我自己一向就鐘意食幼麵多過粗麵，呢到有個值得👍🏻嘅地方係佢d麵冇簡水味🤤所以食得特別開心😃，可以大啖大啖咁食😭1️⃣豬紅 唔會話有腥味，而且好彈牙🦷2️⃣白蘿蔔 好甜好大舊，而且冇筋3️⃣咖哩魚蛋🍢 有咖哩醬係魚蛋果面度，同埋可能因為叫𠰋咖哩辣湯底，令咖哩味更濃郁🥘魚蛋好彈牙，而且唔會話好粉4️⃣紅腸 我自己就一般啦，而且佢嘅味道唔突出5️⃣豬皮 其實我就比較少食呢啲心肝脾肺腎，不過皮都接受到嘅，而且佢係有厚度又幾有咬口👍🏻☕️就叫咗熱奶茶，奶好香滑🍼，茶味就唔算好濃郁🍵💡食個快LUNCH，呢到就最適合不過啦！最適合忙碌的中上環人👻服務就......不