麵尊

營業中

休息中

利申我覺得無年幾前第一次食既時候咁正，不過都依然係一個好食既車仔麵。佢既餸係好普通既，無咩特色野sell。我要左個三餸幼麵加生菜，六十蚊。豬紅份量多，而且係大大舊好味豬紅。豬頸肉相反地少少鞋口，同偏細片。鴨腎唔係間間有，係低卡好選擇，味道都ok。唔知係咪今日唔太餓既關係，覺得個麵份量好大，我食淨左好多麵。麵尊既重點係要叫咖喱辣。我係食得辣既，覺得係輕微既辣口，夏天黎講已經夠哂過口癮，正！朋友係覺得好辣，流哂汗咁架。生菜要左腩汁，正常既菜一個，而且份量略嫌有啲少，只夠一個人食。服務就唔好諗太多喇。十二點幾爆哂，外面又多人等。姐姐們好服務極有個譜。