麵家山下 (已搬遷) 新店位置

天寒地凍, 眼見門口得2個人等位, 我地就排啦, 點知....入面得5個位, 有2組客, 有一組由我地排隊到走時都仲係霸住3個位(好冇公德)另外一組都坐左起碼45分鐘。點解我知？因為我係個條有垃圾味既後巷等足９個字佢D麵分量少, 女仔OK, 但女仔肚餓的話都唔飽, 男仔一定要加底, 我地冇後加, 因為唔想再等完又等, 我地5分鐘食晒我地要左叉燒拉麺加蛋 X 2等呀等, 又3-4個字, 但係成個廚房得一個人, 人多時出菜奇慢,同理都會有人黎買外賣, 所以, 又要等.....( 前後一個鐘有多T.T) 湯好味, 麺唔錯(真係好少...), 蛋係流心但只不過係未熟既黃, 冇特別味道, 不是煙燻那種半凝結質地, 冇下次不過成碗麺未至於好好味, 如果拉麺連鎖店似日本本地食到76成既話, 佢似7成啦睇黎佢地真係只可以應付到最多5個客, 如果成個鐘, 我情原去排豚乜個D. 等唔係大問題因豚X個D我約莫估到要等幾耐, 呢度真係冇, 睇你好唔好彩。有邊個會諗到上水既巷仔索價$70, 又得2個人等位既要罰企成粒鐘 都可以再食, 但係一定唔洗等位先會去

聽聞上水開左間日本人主理的拉麵店, 好感動 想食拉麵唔洗出到老遠. 馬上同朋友一齊試下. 店舖面積不太大, 小店兩夫婦默默經營. 個個都好忙, 但有一種幸福的感覺.等位大約15分鐘, 因為好肚餓就選擇左最大的 DX特盛拉麵同餃子. 餐牌有中文手指指點餐就可以, (當然講日文會好玩d 我個人覺得. 老闆娘服務很好. 湯底濃郁真材實料 冇味精,叉燒有很香的燒物味, 蛋都有流心麵底方面可以選擇軟硬, 可能因為我沒有選到 感覺同其他大店有點距離 但我也明白小店默默經營, 冇可能同出面連鎖店舖相比,何況小弟對拉麵認識唔係好多,另外餃子不是豬肉涵的, 而是小蝦混合的 幾特別總結都唔錯, 我會再光顧

因為要去上水辦事，所以事先上openrice看看這一區有甚麼較受歡迎的食店，赫然發現這小麵店的好評百分比是100% (共16好評) 因而去這店一試！到達後，店內4座位、店外橫檯4座位和方檯4座位已滿！幸好剛有人結帳，才得以只需等待5分鐘，坐店外。因看過食評，知道除了該對日籍夫婦，並沒有其他店員，也見到那女士很忙碌地打點一切，因此我也自行走進店內取餐牌。餐牌上，每種食物只有很少款式選擇，先生點叉燒拉麵DX ($70)，而我，看到餐牌右下角有手寫的字，有一款我估是Calpis ($10) 及有一款是三個日文再加個"麵"字的 ($65)，我並不知是甚麼，但我膽粗粗咁叫了。先來飲品，看到杯上有霧氣，都知十分冰凍，喝下去，是葡萄味的Calpis，而且十分濃味，唔係溝到勁淡嗰啲，正！然後是拉麵DX，有蔥、紫菜、幾片叉燒、兩隻蛋.....蛋白全熟，但蛋黃竟然係流心的，好好味呀。至於我那碗不知甚麼來頭的麵，我講來都覺得尷尬，話說嗰位女士開頭只奉上一碟滿滿的淨麵，面頭舖滿芽菜，然後走開了，不懂就裡的我心想，$65 一碟冷麵？但甚麼湯汁也沒有？！我便夾了一兩口吃，冰凍的麵，很寡啊？！這時那女士捧住一小碗濃

真係估唔到上水都會搵到咁日本既日本風味 !講講佢 LOCATION 先 , 如果唔熟上水既朋友, 真係會搵唔到架 , 佢係新康街既巷仔入面 , 海禧對面 環境方面門面鋪仔細細 , 入面得一張 BAR 枱坐到4個人,好在出面開左兩台 , 如果唔係真係要等位 入面裝修我覺得幾 WARM MENU 上食物唔多, 都係拉麵拉麵同拉麵,入去坐先會發現有多一兩款拉麵。整體上都幾乾淨 , 但如果坐出面既話 ...因為隔離係豬肉檔 , 就感覺上無咁乾淨 服務方面得一個日本姐姐落單 , 仲要湊住小朋友 ,好有禮貌架 小朋友仲識揮手 XD 去到好似好左日本咁, 有禮貌既招呼, 落完單都會講聲請你稍等 (當然用日文講啦) 講講湯底先拉麵既精華 , 絕對係個湯底 !!試過味噌同醬油 , 兩個都好好味, 唔會太咸 , 真係要成碗乾左佢 !另外我聞到隔離枱黑蒜湯都好香, 下次真係要試試 ~~~ 拉麵方面麵質真係日本咁架 !!! 點解咁講 ?如果去過日本既朋友就會知道 : 日本食拉麵既麵質係會比較硬 .中意食軟d 既朋友可以order 時講聲 .但我就好中意食硬身d拉麵喇 咪睇佢好似碗仔細細湯又少咁.

不太像商業味,麺家山下的菜色...正如曰本媽媽弄出來 醬油拉麵, 湯底極好, 顏色不太深色, 有點芽菜, 猪肉so soft, 冇牙都食到, 不過冇旦, 飲完湯, 個咀膠膠地, 正宗豬骨湯是也, 超like , 下次去食加隻旦都好.餃子, 唔錯, 內有半隻基圍蝦左右size 及小量肉, 如果再煎香脆一點, 就重好味喲.以上2樣, 實在好飽,還包飲品.我會再去, 老闆及老闆娘好nice 時間: Mon to Thu, 12:00 - 16:00 pm, 18:00 to 21:00 pm Fri, Sat, Sun, 12:00 to 21:30 pm

麵家山下, 一間日本人開的拉面店, 我與朋友之前去過,想試一試, 可惜找不到!!今天決定與老公再找一次, 最後找到了!!其實是新康街63號, 當見到A, B 的時候走入條橫巷, 再轉右, 便是另一條大冷巷, 大冷巷的左手邊頭就是麵家山下一間很細很細的店舖, 入到去,我估只可容納6個人企響度, 有個BAR 枱坐4個人, 門外有2個固定位, 再可開一張4人摺枱...我見到入面有兩個座位, 問了問想坐, 點知有個約30歲的女人叫我地等一等,佢係日本人, 仲背住個細佬, 佢好忙, 廚房有個年青師傅, 我估佢地是夫婦, 跟住個女人好有禮物地執拾好請我地坐!!!一間很有日本FEEL 的拉面店, 但冷氣不夠, 可能連廚房一起,有點熱..簡單的MENU , 中日對照..老公食叉燒拉面, $60 要了黑蒜湯底, 少濃, 拉面彈牙,食落真的有日本FEEL..叉燒簡直有點溶口, 美味!!我要左個拉面DX $70, 有流心蛋, 有兩隻的,,嘩, 好正呀, 我要左醬油湯底, 湯底好濃, 似是煲了很久我地本身想叫一份芝士餅, 個日本女人用盡所有英文同我講今天是FREE 的, 不用俾錢, 我覺得佢好叻,又好禮貌,

從openrice久仰麫屋山下嘅, 今日乘機同哈日嘅老豆去試下麫店好細, 好似日劇入面啲居酒屋咁, 室內得4個面壁位老闆是日本人, 中文都算識聽, 講到簡單嘅廣東話 (我諗佢嘅廣東話程度, 同我嘅日文差唔多)番正題先, 我地叫左3個拉麪, 一碟餃子, 一隻溫泉蛋3個拉麫都是不同湯底個人覺得好味程度如下: 醬油>味增>黑蒜麪身我地冇特別要求, 但軟硬度非常不錯剛剛來到有點硬, 放一陣就剛剛好~可能你會覺得$20碟餃子(5小隻)有D貴, 但我話你聽佢抵係邊啦!平日餃子都係豬肉餡佢用嘅係蝦! 仲要係有甜味嘅鮮蝦!!!而且非常皮薄, 1D都唔膩~讚!另外不得不提的, 就係叉燒佢唔係厚切果隻, 薄薄一片, 入口即融 反而大家最推薦嘅溫泉蛋個人就麻麻地喜歡啦蛋黃未夠糖心一個麪成$50-60, 抵唔抵食就見人見智啦但肯定日本味道為食物增左值老闆服務很殷勤, 笑容可掬bb女又好可愛 在店內聽到老闆娘用日文向大廚老公落單加上迫迫夾夾嘅座位輕輕的日文歌, 又唔趕人走嘅閒情的確有種日本小鎮食店的風情

拉麵店店子小小, 由日本夫婦經營, 身體語言夠用ga la! 比出面好多排幾個鐘先食得十分鐘既拉麵鋪親切好多... 叫左個辛辣硬身拉麵, 餃子賣埋.. 叫左個炸蝦.. 見網友極讚佢個湯底, 一飲.. 真係真才實料, 好濃好香, 飲完無口喝! 再食個麵, 係我like 既硬度.... 上水拉麵黎講, 係貴d, 不過, 真係好味喎! 炸蝦都ok, 不過我like 拉麵多d!

從朋友口中得知上水舊墟開咗間由一對日藉夫婦打理的日本拉面店, 所以特別搵日去試下食晚餐, 叫咗1碗义燒拉面(黑蒜湯底)$60,1碗义燒DX拉面(辛辣湯底)$70,1碟自製餃子$201碟炸蝦$20加1杯青汁$8, 總數$178。(沒有加一服務費)整間鋪得6個座位(室內4個，室外2個)，丈夫負責廚房，妻子負責樓面及收錢，見到她好似阿信咁要揹住個bb囡做野，雖然她只是識講日文、英文和少少中文， 但一直都好有笑容和好有禮貌對客人，收錢後還會90度鞠躬。(香港服務從業員真係要學下佢啦!咁好服務態度仲要唔收加一)湯底是用豬骨熬足10小時，所以好清，一飲就知無味精，食完都唔會覺得口渴﹔面質是偏硬(日本人口味)可以揀軟的﹔個溫泉蛋黃好滑﹔义燒好薄，所以入口即溶﹔自製餃子是蝦肉做饀，好新鮮﹔炸蝦粉漿好薄，蝦肉好爽﹔唯獨係杯青汁有綠茶味加少少草青味，覺得有點怪怪地，因為本人不喜歡飲凍綠茶的，但整體來說是好味的;-)

聽我好友講, 話上水有間偏入少少o既地方,搵到有o係日本咁好食o既溫泉蛋+拉麵, 話好好味,攪到我成日都想去試下!今日終於同好友去試,個舖位係橫街入面, 都幾僻,如果唔係朋友帶嚟 一定唔會識搵,我地好好彩, 一嚟到就有位, 舖入面得四個位咋...一見個餐牌, 嘩! 第一個反應係, 呢d 地方竟然咁貴,一碗拉麵最平都要六十蚊仲要唔包飲品,最後揀咗碗七十蚊o既, 因為佢包2 只溫泉蛋, 選擇咗黑蒜湯底,碗面一嚟, 一食咗蛋, 係流心黃嚟, 好好味, d 叉燒係好鬆化, 唔似其他舖的叉燒會 "un"個湯底唔會好味精, 整體都覺得好好食!如果$70 包埋飲品會吸引好多~~!!!仲有, 呢到個老闆娘係日本人嚟架, 講日文,好好禮貌架呢!!!一定會推介比朋友嚟試~~

話說今天又心血來潮想吃拉麵,看到這家新開的日式拉麵清一式好評,決定來試試找了很久也沒見到,原來地址在海禧華庭2座對面不是在新康街而是在旁邊的橫街...而且行進去這條街也不會見到招牌...食評:先來前菜的竹荀, 味道有點酸, 不太適合香港人口味, 好處是較開胃主菜沒有太多選擇,我覺得小店可創新點加多幾款不同的餸及湯底,2人點了一個拉麵及拉麵DX, 拉麵DX有幾塊很薄的叉燒,入口即溶, 味道很好, 但太少, 不太夠皮~XD可以ORDER燒過的, 應該會較好吃麵質頗硬, 如果是一般香港人應該會喜歡稔身的, 亦要特別ORDER有2隻溏心蛋, 不像外面的拉麵店只有一隻, 而且因為沒有切過, 裡面亦可更生, 更流質湯底是豬骨湯, 不像一般日式拉麵, 反而有點像中式湯, 是遷就香港人口味吧?拉麵只是少餸版, 沒什麼特別最後的布丁沒有特色, 只是有些芝麻粉令味道較出, 不過"敵視你"公仔頭巧克力就有點畫蛇添足了

出差去到上水，晏就唔知有咩好食，睇下openrice，見到呢間只有笑笑沒有喊喊0既拉麵店，就試下佢啦。間鋪隱藏於橫街之中，如果沒有openrice，外來人都幾難搵到呢間小店。一間小店，室內只有4個坐位，因為早去到，店內只見師傅一人，坐低即刻送上清水一杯。拉麵款式唔多，但係價錢合理，麵身可以要硬要淋或者正常。叫0左個x燒拉麵($60) + 隻蛋($8)，lunch時間送野飲，叫可樂都唔駛加錢。個湯好清，唔似出面0的拉麵成碗都係油，飲完都唔口乾。x燒幾好食，但係略為小0左0的0的。隻蛋是凍的，但係都係流心。埋單$68冇加一，呢個價錢呢個質素算係幾好。

上水呢一間拉麵間是由一對日藉夫婦打理的.客人只可用英文.日文溝通,這一點比起環境似日本更地道.亦吸引我光顧的其中一個原因.地點只是在一條小巷.若大家知行樂軒.華潤的位置.就知呢間店的位置,呢間店是在行樂軒背後的橫街.並不難找,入內面積很小.有一個開放式廚房,只有4個位的堂食枱,和二張坐外面的枱.雖則環境小,但衛生,還有放袋的位置.服務:日本人當然有禮貌,老閭娘全程都有笑容.找錢會行出來.雙手奉上,客人離開時日藉夫婦會90度鞠躬講多謝.這樣一來種禮貌.我本人也要努力學習.禮貌可令人舒服.是應該做的.介紹完店員.店的位罝.服務開始介紹食物.拉麵有5款選擇由50元至100元不等,有4款味道可選擇.亦有數款小食.有汽水.供應,配料可加蛋同义燒.星期一至六12:00至3:30汽水是送的.义燒拉麵60元:拉麵首先說湯底,店方用豬骨同豬筒骨煲10個鍾.一行入店已聞到香味,但湯什稀,入口味道清甜,味道不濃.我的感覺竟然覺得似中式湯.但好飲..什至麵上的蔥都是中式.义燒:味道不俗,肉香味重,亦帶點甘香.相當鬆化.因為無一塊完整的.夾起就爛,呢點要批評.麵:像油麵.偏硬身.入口有彈力,掛湯力不俗,至於蛋加

上水好似冇咩野食咁,忽然上網見到呢間新拉面店好評之下, 就去一試店內果然得4個位~!!!!由於門口和廚房開放,冷氣不夠見到菜牌有拉面和,叉燒拉面,相差10蚊,咁我就叫左拉面+叉燒+8蚊另外碗就叫左拉面+蛋~!!!點知......+叉燒原來係+一片...=-=BUT D叉燒又真係幾諗既,口感幾好~!!!隻蛋入面係流心,好似DD溫泉蛋咁~!!!又叫左客餃子~!!!!點知.....入面有蝦~!!!!仲係咬落爽口,新鮮的那種~!!!呢個要讚~!!!有配料比客人自己+, 如竹筍, 唔知咩咩油, 白糊椒粉最重要都係個湯底, 用豬骨煲10小時唔算太濃, 但足夠面掛湯~!!係咁耐以來第一次會飲哂D湯的!!飲完都唔覺口渴~!!果然食物有質素, 只可惜冷氣真的不夠有下次!!

在網絡上看到這間小店, 難得在上水有一間 "正宗日式拉麵", 所以今天星期六專程一試. 原來這小店只有四個室內座位, 我又不想坐在外面, 所以要等一下. 都係基本款式. 我選了义燒拉麵和自家製餃子.黑蒜味义燒拉麵的义燒不是很大塊, 不過很鬆軟入味. 選了硬麵, 沒有一般麵店的軟淋淋感覺. 可惜要加錢才有玉子. 自家製餃子沒有其他店舖那種死咸的味道, 不過它們黏在一起了... 麥青汁 - 說是有乳酸菌, 不過我只喝到綠茶味, 幸好不是太甜. 吃得出湯底沒有味精, 因為我只要吃少少味精便會頭痛.順帶一提, 水是檸檬水, 不是 tap water. 讚!