麵家山下 (已搬遷) 新店位置

入到去見到個咩住bb嘅日本人waiter，一開始唔知拉麵DX係咩，用日語問個waiter之後waiter細心咁解說比我聽， 之後陸續都有人入嚟， 雖然只有6-7個位，但係都唔會太逼，waiter亦都識講同聽廣東話，雖然只是會點菜。不久拉麵就黎喇， 係札幌果邊果d拉麵，唔係直既，可能有人會覺得無豚皇同一風堂果d好食，但係我就好鍾意，至於豬骨湯底鮮甜入味，好正。而且其實也不貴，最平$50有交易， 飲料雖然只有可樂芬達同青汁（蔬菜汁）但係$8都ok，總括黎講呢間野係上水石湖墟領到呢間餐廳覺得更加地道，好似入左日本d小鎮嘅巷仔嘅鋪頭咁，想食d唔同d嘅野又唔想出九龍黎呢度就係一個幾好嘅選擇喇～

一入到去, 有一個講英文+日文的女侍應熱情的招呼。全店只見有4個座位。叫了若葉汁($8), 好好飲, 無咩甜味但有冰涼清新的感覺, 呢次係我人生第一次飲, 亦都會係我將會必叫的餐飲。义燒拉麵($60), 麵質一般, 但個湯底舖頭寫明係用豬骨煮十多小時製成, 一入口, 嘩正呀! 好似去左日本食D拉麵咁。D义燒好林, 部位又正, 好好味呀, 仲有個糖心蛋($8), 超好味。還有order左餃子($20), 好好味, 裡面有菜同少許肉, 煮得剛剛好, 外脆內軟, 正呀! 上水區又多一個好選擇了。

地產霸權關係，明白上水租金上升，老闆只能在巷尾開設這家庭式小店。全店只有四個位，接待是背著小寶貝的日本老闆娘，坦白說，有點迫及熱，正因如此，帶來了日本拉麵店的情懷。先說湯底，店主每日熬十小時的豬骨湯，怎會不好飲呢??今次選上黑蒜味，實在太好的配合，最終一滴都冇剩。另外叉燒可說一絕，入口即溶，肥瘦大小適中，甚至認為比本港不少拉麵名店更好。雖然選擇款式不多，但心機搭夠，為上水能有如此心機的小店喝采，十卜十卜。

是日早收工,記得上個某論壇講上水有間日本人開既拉麵店,專登開車去試一試,位置彼難搵,位於石湖墟馬仔記正後方既卷仔,都搵左一陣間先搵到一入到去就見到一個講流利日本既女仔(原來係老闆娘黎)講左句 234 ,當堂好似去左日本咁,坐低睇餐牌,發覺只有5款拉麵, 就叫左個最普通既日本拉麵加底,麵仲可以選擇硬身或軟身,據餐牌講日本人一般食硬D,香港人軟D, 咁食日本拉麵緊係叫個硬試下先,之後仲有得揀湯底...見到有個寫住"黑"就問個女仔哩個咩黎?點知佢真係唔識講中文..同我講英文話我知係 "黑蒜"咁就叫黑蒜試下,等左5分鐘唔洗麵到左,好多配料,有芽棻,粟米,紙棻等等....食拉麵緊係飲啖湯先..好味到不得了 之後先睇到原來寫住每日用十小時煲,果然好味...叉燒唔似你去普通拉麵店食果D 好味好多,佢係大塊D 好有口感,最最最驚喜係隻溫泉蛋, 外暖內流..不得了,完全食返我係九洲食既口味,係香港食過咁多間唯獨是哩間食得到,一定要試。最後埋單60元正一個唔算貴既價錢可以食到真正既日本風真係不枉此行。