鷹巢

營業中

休息中

之前已經來過多次, 包括飲茶和晚飯; 不過前幾日又有大型公開活動在這裏舉行, 所以也寫一篇吧這裏是希爾頓酒店內的一間中餐廳, 裝修一流, 算是在旺角區比較罕見的.食物質素算是上乘, 之前來過多次也沒有令人失望. 他們這裏的蜜汁叉燒堪稱一絕. 肉質鬆化, 多汁, 味香. 個人認為這裏的叉燒在香港是數一數二的這裏的點心或小菜也很有特色, 每次經理亦會介紹他們新的菜式給食客. 在這個環境下, 帶客戶過來也完全沒有問題地點方面比較是遠離旺角中心點, 從地鐵站行過來也需要8至10分鐘, 當然揸車就絕對冇問題啦酒店的附屬中餐廳, 質素始終有保證

今日同同事去附近嘅中菜廳鷹巢飲茶🫖，就嚟農曆新年，好想食吓啲糕點之類，就叫咗個香煎三色糕，養顏新疆棗皇糕嚟試吓。 幾好味喎，佢個三色糕有蘿蔔糕，芋頭糕同埋年糕，蘿蔔糕同芋頭糕都好足料啊，啲蘿蔔同芋頭一粒粒， 好有層次，啲瑤柱臘味嘅鹹香味都好出色，我嘅至愛係年糕，煎得好香脆，好有椰香味，裏邊煙煙韌韌，唔會過腍，好好味呀。 到棗皇糕了， 啲紅棗同薑味都好配合，好清新，又唔會太甜，真係健康之選。 見到張枱有份宣傳單張，原來佢哋賀年糕點做緊七折，好抵喎，我都忍唔住手訂咗幾底糕返屋企食

話說啱啱秋風起，想帶屋企人食啲嘢暖身，咁啱發現呢間中菜廳有齊羊腩煲同蛇羹食，即刻就book枱帶屋企人嚟食今次係我第一次嚟呢間中菜廳，有幾樣嘢都好值得贊服務超好，員工好好，動作好快，加茶丶叫野食同執枱都快靚正。環境好舒服，間中菜廳喺酒店入面，坐位幾寬敞，全個場都有落地玻璃窗，可以望到出面環境。今次我哋order咗個4人餐「滋補蛇羹羊腩煲套餐」，重頭戲緊係羊腩煲同蛇羹啦，佢哋個蛇羹叫花膠五蛇羹，又真係冇呃人，真係食到花膠，啖啖滿足，好足料，食完成個人都發熱，口感都啱啱好，唔會覺得稀。仲有另上配料可以自己加落去食。唔係講笑，嗰日食完全日都覺得個人好暖羊腩煲比我想像嘅大煲，配料好豐富，有冬菇，枝竹，荀，馬蹄⋯ 重點係一啲都唔臊！呢個真係好驚喜，羊腩都好軟，好好食

依間食肆位於酒店內，位置比較偏僻，但我覺得都唔算難搵嘅，本身在OpenRice book依個時段單點有九折，但去到問一問，會員依家做緊八五折，不用入會費，填返簡單資料就ok，而且可以即時用依個優惠，所以決定申請，叫咗比較多人推薦嘅叉燒$218，有八件，肉質偏肥大大件，淋身，伴碟的秘製蜜餞豆幾好味，蒜片鹿兒島和牛粒$488，入口即化，不過好似煮得比較燶，而且比較肥，多食偏膩，海鮮琵琶豆腐$208，海鮮比例成份比較少，斑球魚稻庭麵$268，斑球又滑又好味，稻庭麵夠滑口，但略嫌煮得過軟身，整體味道都不錯，服務也不錯，但價錢比較貴.#酒店#hotel#ホテル#中菜#叉燒#チャーシュー#豬肉#pork#和牛#Wagyu#dinner#豆腐#魚

聽講鷹巢前身係中環希爾頓酒店頂樓, 然後到旺角重開, 主打新派及傳統粵菜, 好似好駕勢咁旺角向渡船街方向行到盡, 酒店搭𨋢上二樓, 地點尚算方便懶惰又想試多幾款就叫咗"鷹巢精選嚐味二人套餐", 不過7款有2款都冇臨時換其他頂上 金牌叉燒皇拼冰燒三層肉 - 每人每樣2件, 叉燒軟稔尚可, 燒腩仔冇豬羶味芝士焗鮮蟹蓋 - 細蟹蓋, 見到蟹肉絲, 但cream同芝士味就蓋過咗鮮味 原個椰皇花膠燉雞湯 - Signature萬壽果燉海中寶係冇, 換椰皇燉湯其實係downgrade咗, 味道合乎預期清甜, 花膠唔腥香茅三蔥爆西班牙黑毛豬 - 我眼中係雞肋菜式, 濃油重醬炒都唔好食就真係好難交代方魚炒芥蘭 - 4條重油同生粉水炒過嘅青菜漁港風味籠仔蒸飯 - 入面嘅飯細過拳頭, 豬肉、蝦乾、石班好似分開煮咁, 最面層飯都冇乜以上材料味道 桑寄生蓮子蛋茶拼杏香荔蓉綠豆酥 - 冇綠豆酥就轉茶粿蛋白杏仁茶 - 另一個直接轉杏仁茶, 除咗比較稀之外, 隻匙羹仲有不明黑點同綠點整體感覺似高級酒樓多於酒店中菜廳, 味道不過不失宴會酒樓水平, 亦冇乜服務可言, 檯唔算密但室內設計唔夠吸音變得好嘈好應聲, 不推薦

為方便住喺附近嘅朋友，所以揀呢間。選了鷹巢精選二人餐($688) + 錦鹵雲吞材料豐富，有叉燒、蝦、魷魚、肉片等；醬汁偏淡，酸甜味唔夠；雲吞皮大塊但好實。套餐上枱時已經分開兩份。叉燒、燒腩仔都係一般。焗蟹蓋算是好食，有好多蟹肉，唔會焗得好乾。醬爆和牛粒用咕嚕肉做法，先炸牛肉粒，再炒。可惜和牛粒係淋晒，醬汁唔惹味，賣相又唔靚，失敗。酥皮海鮮羹西式酥皮包住中式湯羹，唔覺得有創意。方魚薑汁芥蘭芥蘭好嫩，有薑味，方魚粒唔硬，份量太少呢！和牛粒蛋白炒飯炒完個飯，先加牛肉粒。因為係和牛，就算煮得過火，都係咁淋，炒飯就一般。桑寄生蛋茶食後飲唔錯，清清哋，熱啲更好！甜品 - 杏片脆芋蓉口感似芋角，杏仁片同脆漿係甜，芋蓉係咸，幾特別。每人得一件，鍾意食就唔夠喉當晚人客唔多，諗住可以靜靜地傾吓偈，但環境問題令啲聲音困住，變得好嘈！每人$500真係唔值

跟屋企人周末飲茶，因為疫情關係，想搵個人少安靜啲嘅地方，就找到了這里，離屋企人住嘅地區不太遠，走路就可以過去，很方便！我哋到得早，係第一枱，不過之後陸續到客人很快也就差唔多滿了，見大部份都應該係熟客。整體來說，佢哋啲點心做得唔錯，保留傳統嘅味道，唯一就係選擇沒有太多，不過想食嘅都可以搵到，算唔錯😜 棉花雞啲棉花（魚肚）大大件好食，燒賣同叉燒腸粉都係我至愛👍 價錢方面相比一般嘅酒樓係稍稍貴咗啲，但始終佢係响酒店里面，比對酒店內嘅中菜廳價錢就感覺會合理啲😊 周末唔想同人迫又想有個比較靜焗嘅環境飲茶，都不失為一個好地方。

假期要同屋企人去飲茶🫖太耐無去😚心思思❤️梗係要搵間四星級酒店既中菜試下先✦∗⁑鷹巢 (旺角)∗✦係立於希爾頓花園酒店2樓中菜廳入面～環境適服乾淨，仲有得坐海景位❇️員工十分有善，上菜時間都好快😎🔸南瓜金魚餃🔹黑松露素菜餃🔸蜜汁叉燒包🔹金牌叉燒王配秘製蜜餞豆🔸滿園花菊脆春卷🔹迷你燕窩蛋撻所有點心都係呢度嘅師傅自己親手製作，絕對係自家製品😎師傅整得好精緻，又靚又可愛，小朋友非常鍾意食呀！味道方面亦都好好味😋尤其是係叉燒，好Juicy, 肉質鮮嫩，好大嚿好有咬感♣️黑松露素菜餃味道都好特出，個皮夠薄，入面嘅素食再加入黑松露，令到成個味道完全唔會口寡寡😛而家星期一至四都有七五折㗎～大家唔好錯過啦

一直都知道呢間Hilton有中菜廳， 雖然離家是walkable distance, 但到今日才第一次來。餐廳其實不太長長的大廳分了兩邊，今日未能坐在窗邊位置，如果可以感觀應該會再提升。這裡的點心選擇不多，價錢偏貴。不過點心的賣相很好，幾骨緻。服務不錯。煎腐皮卷跟腸粉是必點項目。什菌生煎包也不錯。家姐就最愛綿花雞，這裡做得好味。來這裡除了離家近之外，亦因為人流不算多，坐得較舒適，可以慢慢一邊聊天一邊吃點心。家庭日就是這樣吧。

🌹今年父親節本來是吃西餐，但細女兒想吃中菜，為達她所想，在收藏食店找找，發現一個不起眼名叫《鷹巢》中菜館，上網搜尋資料，來頭不簡單，令我有興趣去探店。「鷹巢餐廳曾是中環希爾頓酒店頂樓的夜總會，有不少名人食家如趙世曾、何鴻燊等光顧，2016年於旺角重開，主打新派及傳統粵菜，由經驗豐富的廚師主理。」🌹餐廳位於旺角區，在希爾頓花園酒店內，酒店不是五星級數，但人流都不少。準時11:30到達餐廳，訂位同時預訂窗邊位置， 起初服務員給我們的位置不是全景景觀，在我們要求下，給我們另一檯，值得一讚。食店裝修普通，但擺設整齊，檯與檯之間有距離，多幅落地大玻璃窗圍繞食店，感覺開揚，採光度足，坐得舒服。當天酒店有套餐提供，我們選了四人父親節套餐。鷹巢三小碟雀巢叉燒王⭐️⭐️⭐️⭐️⭐️軟硬適中，肥瘦剛好，美味脆拍小黃瓜⭐️⭐️⭐️冰燒三層肉⭐️⭐️⭐️⭐️肥瘦均勻，皮脆香口八寶芝士焗釀日本元貝⭐️⭐️⭐️⭐️⭐️芝士香口，配料豐富鷓鴣花膠羹⭐️⭐️⭐️⭐️⭐️足料美味碧綠炒龍躉班球⭐️⭐️⭐️⭐️⭐️魚肉新鮮瑤柱金菇扒時疏⭐️⭐️⭐️⭐️⭐️大大碟，蔬菜新鮮當紅炸子雞⭐️⭐️⭐️外脆皮，但略咸蘆筍日本和牛蛋白炒飯⭐️⭐️⭐️⭐️⭐️粒粒分明米飯，配上蘆筍蛋白+和牛，飽都要吃一碗甜品二重

平時去酒店多數食buffet，好少食中餐，呢日去咗Hilton Garden酒店食中餐，整體質素比想像好呢間酒店係四星級，service同環境都幾好，晚市有2個dinner set揀，或者散叫都可以- 鷹巢精選嚐味二人套餐 -🥢金牌叉燒皇 拼 冰燒三層肉叉燒燒肉都燒得好靚，都好好食，燒肉脆卜卜🥢芝士焗鮮蟹蓋呢間係我唯一食蟹蓋係覺得好味嘅，有蟹肉、洋蔥、巴馬臣芝士，好香芝士味，好多蟹肉口感好好🥢萬壽果燉海中寳呢個完全係out of expectation，湯好甜好好飲，無味精無額外加糖，木瓜超甜，湯料有帶子、蝦，新鮮爽口，好飲到想飲多碗🥢香茅三蔥爆西班牙黑毛豬有鑊氣夠惹味，黑毛豬好腍，仲有菇菌，好好食🥢方魚炒芥蘭炒得夠鑊氣🥢漁港風味籠仔蒸飯用細籠仔蒸飯感覺精緻，有一片豬肉、一件蝦，份量適中，因為食咗咁多道菜已經好飽🥢桑奇生蓮子蛋茶 拼 杏香荔蓉綠豆酥桑寄生茶性平溫和，我間中都有自己煲嚟飲，雞蛋入味；綠豆酥比想像好食，外層酥脆，仲有杏仁片增加口感，入面嘅荔蓉綠豆軟身綿密，食埋甜點非常滿足📆期間限定 截至30/6💰$788/鷹巢精選嚐味二人套餐(2位用)，另有$1288/吉品乾鮑燕窩尊貴套餐

旺角人多車多，想搵個好地方同朋友、家人舒適寧靜嘅雅致環境「嘆茶」，極推介去鷹巢，包保大家齒頰留香😋！二人行共點咗5樣點心，一個字「正」👏🏻～🍴「啤梨鹹水角」以玫瑰小啤梨🍐造型上碟，別緻可愛亦穩陣之選，與坊間所食嘅鹹水角不同，金黃香脆，完全不油膩。外層用酥皮包裹着餡料，外脆內軟，相當有驚喜👍🏻。🍴「和牛千絲酥」炸得金黃均勻，造型似手提盒🧳，一咬入口內餡啖啖肉，皮薄汁多，口感豐富，高汁點心絕對值回票價🤩！🍴「南瓜金魚餃」上桌時熱氣沸騰，無論外型定擺盤都滿分🐠，皮薄餡靚，把餃裏的精華鎖住，而南瓜甜味亦保留在裏面，鮮甜彈牙，極度惹味🥳！另外一提，服務員整體態度有禮，亦滿面笑容；環境優雅別緻，朗豪坊一出行5-6分鐘就到，地方方便亦寧靜！😁👍🏻各式點心 $48 - $78______📍 鷹巢 (旺角)旺角豉油街2號希爾頓花園酒店2樓

在OpenRice訂枱食飯，主餐牌有八折。地點有少少吊腳，離地鐵站較遠，餐廳環境OK，地方整潔，枱與枱之間有相當距離。當晚叫了片皮鴨兩食，芋蓉帶子，杏汁花膠白肺湯，金牌叉燒蠔油豆和漁港風味籠仔飯。片皮鴨和炒鴨餸美味，但薄餅皮有啲硬，朋友放棄薄餅皮， 單吃鴨片。芋蓉帶子賣相美麗，味道可以。花膠白肺湯足料，超過六碗。金牌叉燒好味道，有八片厚切，建議可以切薄一點。漁港風味籠仔飯味道一般，賣相跟照片好大分別。食物OK😊但係服務一般。

本來係酒店舉辦婚宴後非常滿意仲成為了VIP會員，所以當家人生日時就打算去Eagle Garden食晚飯但係晚飯的服務態度同食物都令人失望首先當晚都女侍應全程得語氣態度非常差本來落單叫了炸子雞，但是女侍應同我地講無曬（其實已經好幾樣食物話無）所以我地就轉左醉雞（因為其他家禽類都話要前一天預定，但醉雞並沒有）點知等左差唔多個半小時都未上，中間已經問過幾次，但都係話製作中（其實都感到奇怪，正常醉雞應該是前一天整定？）中途見到比我地遲到遲落單嘅熟客都同樣叫左醉雞，但一早就上菜到左我地個碟，一上菜已經見到同熟客上菜個一碟唔同樣一食落去，完全無味，甚至鹽味都無正常醉雞都係凍，但佢居然係半凍半熱之後問經理話到底味餸係咪真係咁樣佢同我講話最好要一天前預訂就會安全D （首先個餐牌無註明依個餸要預訂，第二如果唔預訂就會求其煮D野比客人食？）之後佢就話咁直接Cancel就算Cancel其實都浪費客人等嘅時間，食唔飽但一肚氣永不錄用

客人經VIP group 訂座, 職員未有於入座或結賬時說明需即場出示VIP咭才享有折扣, 因為趕返工未有仔細chk單, 當發現計了正價後通知職員, 職員只怪責顧客未有覆單便結賬, 不願意作出任何補償, 生意手法其差...👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻…食物質素也下降不少, 最出名嘅叉燒𥚃面係生, 而且用了非常多筋的部份, 性價比極低…👎🏻👎🏻👎🏻👎🏻👎🏻👎🏻👎🏻👎🏻👎🏻👎🏻…