鷹巢

營業中

休息中

位於旺角希爾頓酒店嘅鷹巢中菜廳雖然酒店位置有點偏遠但餐廳內環境舒適，座位闊落而且食物質素有保證算係旺角鬧市中一個唔錯嘅選擇 🥢金牌叉燒皇係值得推介嘅菜色之一叉燒厚切大舊肥肉比例好少肉質鮮嫩彈牙好Juice唔會因為厚切而令到肉質變鞋反而入口有融化感而且味道調配得恰到好處雖然係厚切但都醃得非常入味每一淡都食到滿滿嘅蜜汁味道可以話係必食推介亦係我每次必食之選 🥢另一個值得推介就係杏汁花膠菜膽白肺湯湯料同湯會分開上足料花膠已夠吸精其餘豐盛嘅湯料會裝成滿滿嘅一碟餸菜杏汁湯帶幾分稠潤香味自然又唔會苦豬肺煲完後仲保持到腍綿且彈牙而且毫無異味簡直令人回味無窮 🥢鷹巢食物精緻而且環境寧靜舒適值得一去再去

長假期開始，旺角街上人頭湧湧，無論行街睇好戲或者係食飯都要同一堆人逼，而同屋企人飲茶更係1大挑戰，最後選擇左去鷹巢飲茶，12點幾去到差不多座滿，好在佢地有開埋另外一邊，所以都唔使等位，座位同座位之間好闊落，唔使驚同人撞，落地大玻璃窗，光線充足，而且樓底好高，令人感覺好舒適，唔似一般酒樓間格令人感到好侷促(特別係假期果d時間)，幾個人點左1個炒飯，擔擔麵，幾個點心就好滿足。特別一提佢個擔擔面同酥脆蘿蔔絲腸粉及蛋黃千層糕令我印象深刻。擔擔麵既面條夠曬細滑，而且辣味偏南方人口味，唔係好食辣既人都食到，而且湯底好香花生味。個腸粉就外軟內脆，口感好特別，蛋黃千層糕就層次分明，好香蛋黃同椰子，回想起童年時的感覺。

因工作關係幾乎不會有機會跟老婆在禮拜日一起休息，因一個偶然的機會，等候超過一年的禮拜日共同休假終於來臨。二話不說立刻安排禮拜日必備行程：飲茶，至從上個月和兩老到訪後一直沒有機會再來，今天機會來了，一醒來立馬開車往鷹巢中菜廳！因最近晚餐的選擇多是中菜小炒，故這次全部選擇點心，由老婆挑選了水晶鮮蝦餃，黃橋燒餅，XO醬炒蘿蔔糕和欖仁豆沙茶粿。當中不得不激賞XO醬炒蘿蔔糕，不像一般茶樓隨便把蘿蔔糕和ＸＯ醬炒一炒就上碟，這裡的蘿蔔糕鬆脆外層與蘿蔔糕本體形成對比之外，因外層脆皮稍有厚度，細嚼時會發現有一層輕輕的煙韌口感，增添第三重滋味！老婆非常滿意食物水準，但立刻拷問為何這次是我的第三次到訪，已經下了命令要盡快安排再來！

酒店服務中菜廳，叉燒真的很好食，一行6人叫左7樣野食，每位只是2xx元，最重要酒店不多人，可以食耐點傾下計，又可以靚d唔係酒樓咁！味道全部都好好，但下次去一定要先訂左菜式先，我八點入座已經少左幾款招牌菜

鷹巢位於尖沙咀希爾頓花園酒店二樓內的中菜廳蜜汁燒脆鱔 $198燒至酥脆而肉質鮮嫩爽滑, 薄薄一層的蜜汁帶出肉香, 很滋味的一道菜漁港風味籠仔蒸飯 $188蒸飯裡配材有魚肉.豬肉.蝦乾. 啖啖肉飯帶有微微荷葉香日本南瓜賽螃蟹 $198南瓜迷表示相當高興蛋白很滑溜, 清淡的口味更能反映食材的鮮味鷹巢蒜片鹿兒島和牛粒 $368只有油味, 沒有牛香, 非常失望 乾蔥蒜子豆豉雞煲 $198就是蒜+豆豉醬 但並沒有很惹味燒汁牛肋條 $308這道菜質軟綿腍滑 但我比較喜歡帶點嚼勁北京填鴨 一食$428經過上三道菜太洩氣! 幸好鴨外烤至略算皮脆而內裡軟滑, 不然會一肚氣. 配料有青瓜. 京醬. 京蔥. 是最基本的味道價格值不值得是見人見智, 個人認為性價比相當低！好像只有蜜汁燒脆鱔外, 其他菜式味道都非常一般 2-4人比較好點菜 只要精明點菜, 便有個愉快的晚餐

weekend 冇乜野做，約朋友去飲茶，旺角鬧市中不用同人逼既地方最好都係去番鷹巢，餐廳環境舒適，座位闊落，而且係落地大玻璃窗，光線充足，兩個人坐低叫左幾個點心，招牌叉燒，一個炒飯同埋一個菜已經好滿足。出品保持以往一貫水準，叉燒厚切大舊，入口鬆軟，大澳牛崧炒飯炒到粒粒分明、香口，搭配埋叉燒一齊食十分夾。而白玉藏珍清甜，香味撲鼻。幾個點心即叫即蒸，上到台啱啱好。而餐廳服務員十分熱情，笑容好好，餐飯令人感覺好開心。

飲茶多，第二次晚飯。食物水準不錯、服務態度極差！1. 包走吃剩食物，可以，再要包走一條牛肋骨被拒，原因説廚房説不可以，因為有用😱唔通循環再用？我們即時胃口全失，對其食物衛生存疑！2. 再要求另一侍應解釋拒絕原因，那位男侍應氣冲冲，極度不耐煩說不可以就不可以！嘩！語氣態度勁不滿！3. 10:00左右pm已埋單，我們只是多傾一陣，10:15pm, 可能趕收工（當時仲有兩本枱客人），經理同侍應開始拖行鐵腳嘅枱，發出極吵耳聲音，我們沒辦法繼續，只有趕法離開。如果接近打烊，可以善意提醒客人，唔需要用如此粗鄙低劣手法！處理食物安全手法存有極大疑問！加上態度惡劣，再出名再好食也不會再幫襯！

有個朋友剛由外國返來, 話好耐無食過本地中菜,想起前一排, 去旺角希爾頓酒店果間鷹巢中菜廳食完, 都幾好, 於是同朋友一齊去試下,order了香菇蒸燒賣, 黑松露素菜餃, 布拉叉燒腸粉, 白灼時蔬同埋出名寄叉燒王,朋友食完都話好好味, 特別是叉燒和黑松露素菜餃, 特別好味, 地方都好乾淨好大.可以比個Like佢.

在Openrice訂位有八折以外，仲送壽桃，感覺已經很好。雖然酒店位置有點偏遠，外面有點黑，但進入裝修雅致，燈光明亮的酒店後，剛好是一個很大的對比，更顯得酒店高雅。餐廳擺放餐桌不會很密，整體環境不會很嘈吵。由於訂位後已上網下載menu，一早已經訂定八寶鴨。但其實餐廳還有很多特別菜色可以選擇，見旁邊有人食糯米燒豬同類似乞丐雞都好似好好食。除了八寶鴨，我地仲點左燒汁牛肋骨，紅燒肉等菜色，全部都好美味。埋單唔駛$300/位，我覺得值得推介！

有台灣朋友來港，便帶他食地道粵菜揀了這間環境優美，舒適服務亦是酒店級食物亦好味，不過偏貴但位置有點難搵，假如夜少少，人流不多，一個女仔不宜去食，最好三五成群會好點

昨天在網路上看到編輯食評｜難得安靜 旺角抵食酒店中菜廳(鷹巢Eagle’s Garden) 立即經網絡訂了下午茶時間去試試，14:20到了旺角希爾頓花園酒店，餐廳位處二樓，一打開lift門木口木面Reception就安排一張中間近厨房出入位置給我們，當時看到有幾張近窗邊位置都set好，雖然窗外景色一般為什麼不安排我座呢？ （*心中盤算一定有問題，欲知後事如何請閱下去⋯⋯）最後我還是要求轉換！但並不是轉去已經Set好的二人枱，竟然是要我等等.....安排一張近窗邊未清理好的四人枱。終於可以放鬆心情安坐了，翻開餐牌，具特色的菜色不少，但部份須要預訂，還有有多款點心及鷹巢下午茶套餐十分抵食；前菜可選一- 足料老火湯 / 一口厚叉燒/ 蒜泥小黃瓜 / 香蔥海蜇頭點心可選三- 黑松露素菜餃 / 水晶鮮蝦餃 / 香菇蒸燒賣 / 蜜汁叉燒包 / 蝦子腐皮卷 / 什菌香煎包飯、麵五選一- 高湯雲吞麵 / 砂鍋乾炒牛河 / 味菜豬頸肉炆米 / 瑤柱蛋白炒飯 /大澳牛崧炒飯當下單後經理來說叉燒沽清！一間酒店中餐廳14:30叉燒沽清，仲諗住嚟試主廚名菜叉燒，真係唔講得笑唔通真係咁巴閉！帶點失望惟有轉其他菜色

週六約了朋友兩人在旺角飲茶, 他帶我去了旺角希爾頓花園酒店的中餐廳 鷹巢 一聚, 試試新場。酒店位处一個旺中帶靜的位置, 整體裝修是清雅時尚那種, 幸兒早到, 入座不久後也爆滿了。侍應安排了一個靠落地玻璃的小圓枱, 坐得舒服、看得醒目, 唔錯。兩個人祗叫了幾個点心, 初次啼聲,當然要試試蝦餃及蟹肉餃, 蟹肉餃賣相高擋, 看似即叫即蒸, 味道清甜；蝦餃皮厚薄適中, 蝦有蝦味, 對於對食物有要求的我,合格!但最令我有驚喜的是青椒釀鯪魚肉, 青椒熱魚肉煎得香脆, 上枱還是燙口的, 就像地道旺角街頭小吃, 有在身旁煎好入口的感覺, 最後加上叉燒包,成了。用餐期間見幾枱客人也有叫大大舊叉燒, 好奇的我找部長來一問, 原來這是他們的著名出品, 慢煮厚切叉燒, 可惜為時已晚, 兩個人已经吃不下,留待下回分解。

自從上次年初三一個人嘗鮮，未食完就已經打算下次同屋企人再黎，今日終於有機會了。日上三竿先訓醒，慢慢嘆杯咖啡後，接埋兩老出發飲茶。話明飲茶就梗係主打試點心，一口氣叫左四款點心，有芋頭蒸排骨，鮮蝦腐皮卷，燒賣，同兩個灌湯餃，全部非常有質素。食完點心就再叫飽肚嘅菜色，最後選擇試下個鴛鴦米海鮮泡飯，非常有驚喜！個湯非常鮮味，有好多海鮮粒，另外額外奉上一小碟脆米，加落泡飯增添一重口感！兩老非常滿意，一致認同可以再黎！

星期日午餐，是日被安排坐function room 位置。落地玻璃窗，樓底高，空間感極meau點心不算多！食物方面，招牌义燒比個近鏡大家睇下！肉質又冧又軟！上枱時熱熱地，味道不錯！灌湯餃料足!魚肉尖椒很－般！綠豆酥很脆囗！總括: 食物都有水準嘅！所以有水準及在酒店價錢不會經濟！改善之處:1)點心可以２件起，比客人試多幾款！2) 洗手間是黑色，太喑了！Thanks for reading.

新春前後飯局特別多，剛剛上星期同舊同學團拜飲茶；今天又到同我的美女同事們食「新春開年飯」有同事提議這間位於油麻地新開的「希爾頓花園酒店」2F 的中菜「鷹巢」～～～因為其家人食完評語不錯聽個名多麼有氣勢，所以刻意中午飯食少一點，留肚品嘗～～～＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋＋來到「希爾頓花園酒店」，乘升降機按2字樓，一出𨋢就到達「鷹巢」鷹巢環境尚算寬敞，燈光明亮（影相都不用打燈）在Facebook 讚 Hilton Garden Hotel 專頁，可享晚餐九折及送糖水由於上「鷹巢EAGLE'S GARDEN]的網頁可看到菜單(鷹巢網頁：http://gardeninn.hilton.com.cn/zh-hk/hotel/hongkong/gardeninn-hongkong-hkgmsgi/dining2810.html)我們早要預訂了部分菜餚第一味先來個signature 「金牌叉燒皇」例牌有8大件～～～真係大大件雖然咁大件，而且肥肉比例很少，但想不到一點都不「鞋」，肉質鮮嫩彈牙；味道調得非常好，咁厚肉但醃料都可浸入肉中心，每一淡都食到叉燒的味道，必食推介！！