鳳鳴居

營業中

休息中

今日食左鳳鳴居個醉雞湯打邊爐，個湯底非常好食，好夠味，又夠甜，追住黎食，D間暫時係我食過最好食既藥膳湯底，同埋配個豉油好正，應該係自家制的，但D度冇咩服務的，班後生仔侍應當左返工係遊樂場咁玩，比客人還要嘈

次次經過呢間都勁多人排隊，作為米線控好好奇係咪真係咁好食呢！🤣Staff好有禮貌，而且上菜速度快~不過有啲款式已經賣晒啦，所以要留意時間嚟啦！總括嚟講，我覺得呢間米線店真係值得一試👍🏻👍🏻😋😋1️⃣ 蟲草花雞湯米線 $61雞湯味好濃郁同鮮甜，可以飲哂成碗🤤🤤🤤米線同蟲草花份量多，米線口感彈牙，雞肉嫩滑，分量都多👍🏻👍🏻好滿足😌👉🏻 𝑹𝒂𝒕𝒊𝒏𝒈 : 𝟳.𝟱/𝟏𝟎抵食指數: 𝟳/𝟏𝟎環境: 𝟲.𝟱/𝟏𝟎𝑹𝒆𝒗𝒊𝒔𝒊𝒕: 𝗬𝗲𝘀!😋

開心番哂嚟，做嘢到上水，今次特登行去馬會道，就係想念醉雞麵。預咗排隊，但都可以十五分鐘就入到去，企理不變，整潔不變，哥哥姐姐仲係親切有禮溫馨提示，醉雞要等，會搭枱呀！真心欣賞，有禮就無敵。係時候講番愛茜的我，食咩有得加都加茜及辣，麵一上枱，滿滿的芫茜舖滿，加上醉雞的香味，就係一絕。熱湯中慢慢攪拌讓芫茜釋放出誘人又獨特的香氣。加上濃郁的醉雞湯，今次甜度較高，酒香較淡，希望下次對調就好，話哂酒鬼嚟呀。雞肉大件又嫩口，咬香有香味，肉質結實，正。仲叫杯洛神花嚟解解暑氣，要再試食其他。

今日踩完單車後黎到鳳鳴君食野，叫左一份醉雞米線及一個炸墨魚丸。米線既湯幾濃，雞亦有胸有髀既位，十分惹味。炸墨魚丸配泰式辣醬亦冇得輸。兩份$88都算抵食，值得再去。

依家食店坐落去一條好多餐廳嘅街，當身邊嘅舖頭逐一消失，轉來轉去，呢幾年都見佢尚在人間。首先，佢嘅價錢唔算好貴，真係街坊價，疫情呢幾年亦都冇大幅加價。終於試咗佢嘅招牌醉雞，我覺得個精粹一定係配豉油，酒香加埋豉油提升鮮味，算係幾吸引，當然你唔好如期啲雞件非常亂畫，但係都係食湯底為主另外一個係喇沙，特登加多啲芫荽，濃味， 60幾蚊，已經覺得非常合理，唔可以太高要求，因為真係街坊小店好希望以佢嘅小店，都唔會隨時間消失啦

週日下午三點左右黎到，唔使排隊，入面大約七成滿。店舖座位似茶記格局，內裏偏暗。早前食過旺角分店覺得少失望，今次黎總店試吓有冇分別。醉雞米線 $52正常味道，同旺角店差唔多，湯底都係偏甜果種，不過雞件稍為滑啲。自選湯麵 （喇沙米線）$24 +$9 手撕雞 +$8 秘製腩肉呢個反而有驚喜，起初食落湯底係偏咸同辣，後來愈食愈惹味。米線麵質剛好，而且掛湯。至於手撕雞就普通，腩肉則唔錯，唔肥之餘亦都唔鞋，算係最出色一項item👍🏻

鳳鳴居我一直都係一個米線控有一間次次都見好多人但唔知有咩特色，都唔會突登去排隊咁啱友人的妻子在上水收工就同友人去排一排隊睇下有咩特別🔸醉香雞湯米線原來呢間舖主打係雞！唔怪個名有個鳳字！雞，係我鍾意既走胸因為我好怕鞋湯汁充滿花雕酒既香味我唔覺唔覺飲左半碗真係好唔錯呢！🔸蜂巢春卷網狀既外圍+啱啱炸岀黎咬落去脆得黎唔會散哂因為內餡用左芋頭？所以點樣食都唔會散口感仲好好呢唔錯唔錯我係真心推薦因為我仲有幾款想試人地食唔係自己食我都聞倒好香😂推薦指數⭐️⭐️⭐️⭐️/⭐️⭐️⭐️⭐️⭐️抵食指數⭐️⭐️⭐️/⭐️⭐️⭐️⭐️⭐️🏡 鳳鳴居 (上水)上水馬會道154號地下

醉香雞湯米線一上碗就聞到好香酒味 藥材味飲落反而冇咁濃 清香啲 唔錯大大件雞上碗 肉質大部分都嫩間中有1 2嚿煮得過咗龍份量都比岀面多少少 店員會跟住佢哋播嘅歌一齊唱個氣氛都幾好🤭keep住有人嚟食

鮮雞加用藥材熬既雞湯，可以河粉、米線，飯就變湯飯！雞嫩滑夠新鮮，濃郁藥材味嘅醉雞湯底個個月都食幾次，又好味又健康，好過食茶記。最中意食姬松茸湯河。食咁多年到無失水準，而且非常適合一兩個人去食，屋企唔煮飯個d人，又有啖湯飲吓，非常舒服既一餐！

長期多人嘅餐廳，但係流轉率都快，等候時間唔算好長～特別鍾意呢度成日播廣東歌，一路食嘅時候都成日想跟着唱，playlist好適合我🤭 一🐾 姬松茸雞湯米線｜$60除咗濃郁嘅雞湯香味外湯底都充滿姬松茸嘅菇香味道雞肉嘅份量，依舊滿滿的再配埋辣椒豉油但係私心都比較鍾意醉雞米線多啲～一🐾 蜂巢春卷｜$31蜂巢嘅外皮令到佢層次感大增熱辣辣炸出嚟入邊就充滿芋頭兩個口感衝突夾埋上嚟有驚喜🤩一 🚏 鳳鳴居 (上水)上水馬會道154號地下一

#20230407 💛📍 鳳鳴居 @fengminghouse 上水馬會道154號地下 🍽️旺角西洋菜南街138號地下2號舖➖➖➖➖➖➖➖➖➖➖➖➖➖➖➖➖➖➖#醉香雞湯麵 #米粉 #走蔥 $52💭 呢間舖既招牌菜，🐷每次食完都話下次要試其他，結果再尼都係忍唔住叫返呢個😂湯底好甜好香酒味，🐷呢個酒量奇差既飲完個湯會面紅😅唯獨醉雞麵既雞係無得揀部位，但佢係生焗雞🐔就算係雞胸位都唔會好鞋，食到辣的話點埋佢跟既辣豉油食好正👍🏼不過大家要預時間等，因為佢比起其他野食需要多啲時間製作⏳.#姬松茸雞湯麵 #河粉 $60💭 個湯比🐷想像中有驚喜，本身以為佢係清雞湯面頭加啲菇咁，不過佢唔係，佢個湯都有陣姬松茸味，應該係煲果陣已經落左啲菇一齊煮，所以啲菇食落都好甜入晒味，🐷最後連湯都飲晒😋就算唔係生焗雞都唔會鞋而又有味，唔會好似其他打住雞米旗號但俾白切雞咁😎.#瑞士雞翼 #4隻 $22💭 雞翼應該煮左好耐，淋到好似滷水雞翼咁唔使點咬就散開左，瑞士汁好夠味，甜甜地咁，入晒味落雞翼度，兩個人4隻真係唔夠分🤪.#炸細三兄弟 $33 🫧 #爆丸 #墨丸 #魚片💭 呢個唔算好特別，爆丸都唔係一咬爆汁既feel😅但當

#chuchu食在上水📍 鳳鳴居 Bookmark左好耐，摸左兩次門釘終於食到！都真係抵咁多人嚟食！💡🐷試過8點幾到，已經賣晒截左單，所以記住早啲去—————————————————————❣️ 醉香雞湯麵 $52醉雞真係好醉，好香酒味，啲雞又滑又嫩，米線軟硬適中！.❣️ 芫荽雞湯麵 $57 爆茜，正，芫荽控要去！要揭開先搵到啲雞！雖然係普通清雞湯，不過都夠味！雞就同上面入面，好滑好嫩的！不過🐷真係唔鐘意黃色皮嘅雞😂—————————————————————不專業評分👅好味指數: 8/10 💰性價比: 7/10👍🏻推薦: 7/10 —————————————————————🏡地址: 鳳鳴居 (上水)上水馬會道154號地下👉🏻旺角都有分店🕑營業時間: 12:00-22:30—————————————————————#chuchu食港式———————————————————Follow🐷 @chuchu_hkfoodietag埋你啲朋友仔like下我啲po♥️需要你的支持喔🥺🙆🏻‍♀🐷💬每一篇食評都好認真打架#香港美食 #hkfood #852food #相機食先 #香港好去處 #hkfoodi

北區著名米線店，長期人山人海，原因好明顯:經濟實惠、食物有水準及服務態度好醉香雞湯米線同一般店鋪一樣，個麵底除左米線外，更可以油麵、米粉、河粉，其他特別啲的就要額外加錢睇相就知道，真係好足料。 雞鎚雞肉唔少得，唔係餸頭餸尾，個湯底勁香酒味濃郁，食到最後其實個湯都飲得7788...自選湯麵組合 - 紫菜蒜蓉辣辣雞翼尖墨魚丸米如果PRESET唔鍾意，都可以自己combine個雞翼尖好入味，嗜辣必點墨魚丸入口彈牙，凍菠蘿青檸蜜老老豆豆，其實飲湯底都足夠。不過好多時出邊都會落重味精而令到客人食完碗米，就會口乾。重申返，呢到係的湯底無令我口乾，證明真係真材實料 講返杯野飲，少少酸少少甜，十分開胃及提神，very good!

因有事要到上水處理，又正好接近中午食飯時間，所以心思思又去食這個「鳳鳴居」的醉香雞湯麵。今次好好彩，剛剛是1:00pm 可能未到放飯時間，一去到就有位直入去，唔使等位有驚喜！今次又再encore 我最愛的「醉香雞湯米線」、再試了另一個「蔥油雞飯」。醉香雞湯味香、今次的酒味好像濃了少許，不過加上雞湯味仍是我的最愛，雞肉今次就比較冇咁嫩滑好味道！不過這個雞肉只是配角，湯才是主角！葱油雞飯就比下去了，葱油香，雞肉就一般。

米線周圍都係🍜但係要搵到一間超級好食嘅米線都唔容易，鳳鳴居呢一間嘅米線配料簡單，但是味道香濃，絕對是一道好味嘅美食醉香雞湯米線🐔美味指數：👅👅👅👅/👅 (4.5)醉雞米線真係好好食，味道出色😋 叫佢嘅時候可要求小酒，即使你唔係飲酒嘅人都會鍾意呢個味道！啲雞滑滑嫩嫩，米線軟硬適中，我成日都會去食，因為實在係太好味啦，而且價錢都唔貴，好抵食❣️麻辣雞湯米粉🌶️美味指數：👅👅👅👅/👅 (4.5)醉雞的肉質非常嫩滑，且醉雞的味道非常香濃，再加上特製的麻辣醬汁，味道更加豐富👍🏻