鳳鳴居

營業中

休息中

開心番哂嚟，做嘢到上水，今次特登行去馬會道，就係想念醉雞麵。預咗排隊，但都可以十五分鐘就入到去，企理不變，整潔不變，哥哥姐姐仲係親切有禮溫馨提示，醉雞要等，會搭枱呀！真心欣賞，有禮就無敵。係時候講番愛茜的我，食咩有得加都加茜及辣，麵一上枱，滿滿的芫茜舖滿，加上醉雞的香味，就係一絕。熱湯中慢慢攪拌讓芫茜釋放出誘人又獨特的香氣。加上濃郁的醉雞湯，今次甜度較高，酒香較淡，希望下次對調就好，話哂酒鬼嚟呀。雞肉大件又嫩口，咬香有香味，肉質結實，正。仲叫杯洛神花嚟解解暑氣，要再試食其他。