鳳雛燉雞

營業中

休息中

今晚約咗Friend喺旺角食飯， 我哋兩個傻更更咁上咗去彌敦道726號食晚飯。咁我地見到Openrice有介紹呢間韓食，咁就試下啦!鳳雛燉雞（小辣）是一道韓國料理，以燉煮的方式製作。主要材料是雞肉，配料有薯仔、蘿蔔、青瓜和薯粉。這道菜口感鮮嫩多汁，湯汁辣味十足，搭配薯粉和蔬菜，叫咗小辣味道都OK。我地加咗魚蛋&魚糕，所以夠二人食。Anyway如果大家鍾意食韓國嘢嘅話，大家可以試下呢間餐廳，因為我覺得佢個場地都可以，同埋食物質素都ok， 大家得閒可以試下。

由韓國人主理嘅鳳雛燉雞夠哂正宗，還原韓國嘅味道😆韓國野基本都有前菜，喱到就有醃青瓜、大豆芽同泡菜~夠哂開胃~叫左個燉雞都夠哂兩個人食😎唔食得太辣叫少辣岩岩好！又鹹又甜嘅醬料，送飯一流。入面除左雞肉之外仲有好多其他配料，有蘿蔔、薯仔、洋蔥同寛粉等，啲餸浸滿醬料好惹味~ 寬粉煙煙韌韌好好咬口，份量都好夠，夠哂兩個人食👍🏻雞肉都燉到好夠嫩滑，食落一啲都唔嚡口，入口多汁，仲要全部已經去哂骨，件件都啖啖肉❣️

好耐冇去旺角啦今日約咗喺旺角做嘢嘅大學同學食晏就係旺角彌敦道搵嘢食朋友介紹去全棟都係餐廳的大廈搵食被韓式「鳳雛燉雞」呢個店名吸引大家知唔知著名歷史人物龐統又叫「鳳雛」呢？俗語有云：「臥龍（諸葛亮）、鳳雛（龐統），二者得一，可安天下。」今日就決定食「鳳雛燉雞」旺角這間「鳳雛燉雞」原來來自韓國明洞此店由韓國人主理我哋第一次食「鳳雛燉雞」都感到驚喜可選大中小辣，亦可以加芝士。今次我哋食原味的「鳳雛燉雞」「鳳雛燉雞」望落有啲似部隊鍋，話明燉雞，主打當然係雞，仲要係冇骨嘅雞，啱晒我哋呢啲懶人😂。除咗雞仲有薯仔、紅蘿蔔、冬粉，見到冬粉又諗起重慶四川菜，是非常特別的配搭。燉雞非常嫩滑，除了雞其他配料亦很入味，醬汁濃而不膩，我和朋友食到舔舔脷。餐廳中午時分亦提供韓式午餐，價錢由$60至$80不等，價格相宜，屬於性價比之選。推介大家吃紫菜牛肉卷😀😀。鳳雛燉雞 (旺角)旺角彌敦道726號10樓

太子旺角附近有唔少韓國菜，食厭左炸雞可以試下鳳雛燉雞，之前喺韓國食過一次，竟然旺角都有！原來係由韓國人主理，覺得食物應該很正宗！前菜有青瓜、大豆芽及泡菜，食完好開胃🤤🐥鳳雛燉雞二人吃一盆已經夠飽，甜甜入味的醬料，點左少辣，蘿蔔、薯仔同冬粉都吸了醬料及雞肉的精華超好味！雞肉夠嫩滑，有很多件絕對夠吃🤪芝士泡菜煎餅煎餅口感外脆內軟，唔會好油，配上魚露作調味，減低油膩感☺️煎餅蛋味都好重好香口🍳鳳雛燉雞📍旺角彌敦道726號10樓

旺角美食多就人人都知，但係正宗韓國菜就唔算好多🤔大多數人諗起韓國都係食炸雞，但如果唔想咁熱氣⋯仲有另外一個選擇😎😍今日試左Bongchu Jjimdak鳳雛燉雞,之前去韓國食過一次，已經一試難忘，估唔到喺香港可以再食返。當然要試下食唔食得返韓國個種正宗味道。今日人少少，所以淨係叫左最想食個個招牌菜，同一杯米酒，當然有奉送的韓國頭盤3小碟，泡菜，青瓜，芽菜，最緊要係仲可以添食，好窩心！😂😂鳳雛燉雞 （無骨） $248，有辣有唔辣任君選擇，雞件多配料足（薯仔，蘿白，冬粉），兩個大男人都夠食。果然果然果然無令我失望，個個汁真係好正，甜甜地，配料都澱粉都索晒個汁，燉到淋晒，雞肉嫩口就基本架啦！真係食完之後個個汁，如果唔係怕肥，肯定加碗白飯清埋佢😜士多啤梨米酒 $58濃厚米酒，加上士多啤梨，唔甜得黎易入口，士多啤梨果肉夠晒多！男女都啱飲。。可以飲多兩杯！

韓式料理平時都食得多 不過韓式燉雞聽就聽得多 食就真係未食過🥘 今晚就拉左男朋友黎左呢間係旺角由韓國人親自主理嘅餐廳 味道夠曬正宗夠曬保證😆試下係咪好似啲人講得咁正😛未食之前就先黎左啲傳統韓式前菜🐣鳳雛燉雞 (無骨) $248omg! 燉雞好入味好嫩滑 雞肉十分juicy多汁加上因為係無骨 所以不單止好方便食 仲真係可以啖啖肉😋 懶人之選🤭而且燉雞份量都好夠好豐富🍲佢本身已經配做一人份量嘅冬粉！如果唔夠喉 仲可以加埋唔同嘅配料😍

鳳雛燉雞 Bongchu Jjimdak好耐無去韓國 日日都心心念念想食韓國野今日就襯收工同同事食吓呢間燉雞🥹🥹🥹🥢我地叫咗芝士燉雞 $278如果唔中意食芝士 可以揀原味($248)架芝士咸香十足 而且份量都好重手🍜燉雞入面本身有少少薯粉條 份量大概一人份左右唔夠喉可以追加$28一份除咗薯粉條 仲有薯仔塊 索汁一流🐥燉雞既雞肉入味得黎又唔會死咸帶小小辣味 食完又唔會好口渴全部都係即叫即整 所以熱辣辣又juicy!另外仲叫咗芝士雞蛋卷 $88🥚蛋味香濃又夠厚實 又唔會煎到過曬火好老咁上枱之後擺一陣都keep到拉絲既效果🫶🏻餐廳整體份量都好多2個人食上面2款 都食淨曬📍旺角彌敦道726號10樓10/F, 726 Nathan Road, Mong Kok

❣︎ 元祖級燉雞🐥冇炸雞咁熱氣😋餐廳由韓國人親自主理 夠哂正宗有燉雞之外 仲有其他不同韓式美食一坐低就送上三款小菜 分別係芽菜·泡菜·韓式醃青瓜♡⋯⋯食評⋯⋯♡ ☻ 4.4/5 ✨原味鳳雛燉雞（無骨） $248枱枱都必點的燉雞🐣🐣🐣辣度可自選 今次選擇了小辣另外可自選添加配料😛本人好鐘意食年糕 所以加左魚蛋魚糕😋雞肉鮮嫩且全部無骨 可放心食用仲有啲冬粉·薯仔·紅蘿蔔等等配菜啲配菜燉到入哂味真係不得了😋😋😋

事緣係呢日想食炸雞，但又爆左粒瘡唯有食下燉雞，一諗就諗起呢間枱面好整齊咁擺好曬方便你食雞既野我最愛既韓式前菜，超級開胃叫左個鳳雛燉雞（無骨），即係招牌菜！我仲加左年糕，最鍾意佢煙煙unun既口感一上枱已經勁香食指大動佢個調味真係好正，唔太食得辣既可以叫小辣，一舊接一舊停唔到口，佢d雞無骨唔怕食到成口血底下仲有冬粉，食落似薯粉既野唔知是咪唔同叫法only撈埋汁配埋燉雞一流愈食愈辣之時叫杯檸檬梳打水可救你一命今次因為朋友黎之前已食左d野，所以叫得唔多野下次會想試埋佢既雞湯之類！

鳳雛燉雞係我第一次同朋友去首爾一落機就食嘅點，所以有一種親切感，當年喺首爾食嘅時候真係覺得好大盆，食極都食唔完，同埋小辣都幾辣，食到我飲咗好多水，幾年前佢嚟到香港，我幾乎每一年都會幫襯一至兩次，疫情期間呢間店我都驚佢捱唔住，因為真係好少人，好彩今次上嚟見到坐滿晒，都有一種安慰嘅感覺。🫶🏻今次上嚟食之前又係睇吓網上餐牌，有冇啲新菜，見到多咗隻豬手燉雞，但係我覺得兩個人應該食唔晒，所以都係嗌咗普通版嘅鳳雛燉雞，😆然後加咗魚糕同一碗白飯，兩個人食啱啱好，我覺得蔬菜方面就份量少咗，因為依稀記得以前食啲薯仔同蘿蔔係食唔晒，反而今次就薯粉多咗，味道依舊好濃郁，雞件香嫩，份量都唔少，我強烈推薦大家食，呢個一定要配白飯，因為唔配白飯會太濃味，佢嘅小菜我推薦麻油芽菜，我加咗兩次，係清爽之選👍🏻！埋單老闆問我哋覺得味道如何😀我哋覺得佢都幾有心，所以坦白同佢講我覺得份量方面蔬菜真係少咗喎，佢話咁我即刻同廚房提醒一下啦，都算係一個幾有心嘅老闆，希望捱過疫情都要捱過呢段經濟差嘅時刻，下次上嚟會有多啲嘅新菜式啦☺️而家小店越嚟越難做，下下都係集團式🥹

今次介紹呢間餐廳，多年來一直以正宗燉雞聞名。除咗招牌燉雞外，仲有多款美味的韓國料理，如醬油蟹、部隊鍋和人參雞湯，我都好快再試！餐廳環境都算寬敞乾淨，提供各種座位選擇，有長枱非常適合大班人一齊玩，而且樓上鋪 地方靜啲，又可以玩多陣。點可以唔試下招牌菜：//鳳雛芝士燉雞（無骨）//一上菜時，超驚人！超級大碟的份量，我諗三人share就好了，雞肉嫩滑無骨，非常方便入口，絕對加分！！而且好入味🍲 燉雞用咗秘製醬汁烹調，有啲似我鍾意嘅薯仔炆雞！配上豐富的蔬菜，如青瓜、薯仔和洋蔥。底下還有韓式冬粉和最重要嘅薯仔！完美咁吸收了濃郁香醇的精華，再加上濃厚的芝士，邪惡仲要好好味！🔥 點了小辣，惹味到我都覺得辣！份量十分足夠。兩個女生吃已經覺得非常飽。//牛肉紫菜包飯//牛肉紫菜包飯，好古早！有烤咗嘅牛肉紫菜，超足料青瓜絲、蘿蔔絲/醃黃蘿白，口感夠哂豐富呀，重點好飽🤣兩個人share，啱啱好食得晒

韓風襲港已經一段時間時間😆熱潮依然未退🫰旺角鳳雛燉雞🐣都算元組級，食韓國菜一定要食返正宗🤤🙆🏽‍♀️前菜三款可以refill芽菜，泡菜青瓜🥒🥢好入味食完胃口大開 😋🙆🏽‍♀️鳳雛燉雞（無骨）$248🐣份量驚人食極都有雞肉嫩滑仲有好多配菜蘿蔔薯仔🥔薯粉煙煙韌韌吸曬d精華🙆🏽‍♀️加配魚蛋&魚糕🍢$28索曬D汁好惹味🫰🥰二人份量剛剛好💜地點好方便再走塲食甜品🍨👫人均消費$151✨

今日去旺角食晏晝，見到有一間由韓國人主理嘅韓國料理店主打食燉雞，原來韓國除咗炸雞仲有燉雞食㗎喎。我怕熱氣今日就試下呢個燉雞啦。而家星期一至五，午餐晚餐做特價，8折呀！主餐牌Bongchu jjimdak 有三款燉雞，我就選最基本嘅鳳雛燉雞 (無骨) $198，睇下有咩特別先。鳳雛燉雞 (無骨)原來係好大盤，入面鋪滿有肉質嫰滑嘅鷄件，每盤jjimdak有個冬粉配埋，冬粉又彈牙又煙靭，而且個薯仔配菜都唔錯🤤兩個細食嘅女仔都夠食呀！甜甜哋、辣辣地好惹味。再加個海鮮煎餅$78呢個海鮮煎餅有好香嘅蛋味，有蔥有魷魚，而且佢煎得好脆，非常之易入口。大推呀！

夜晚同朋友食飯，佢話之前食過呢間幾好食就去試吓，雖然見到openrice咁多正評都估到係「重視marketing」的餐廳，不過都去試下去到落單時，係一個廚師落的(之後見到佢喺廚房煮嘢，唔知係咪老闆添)，我哋打算叫其他嘢食，唔叫燉雞，因為驚燉雞太大份，我哋想食多啲其他嘢，加上我想食炸雞，但個廚師見我哋冇叫到燉雞，就不斷sale我哋叫燉雞，話佢哋燉雞幾好食，好食到識飛，感覺唔叫燉雞就唔俾我哋落單咁，之後都叫咗個燉雞，話哂佢呢度都係叫燉雞，加上個「銷售員」又話幾好食，當試下，叫咗個芝士燉雞，海鮮薄餅同士多啤梨米酒個海鮮薄餅嚟先，一食落口，心諗我中咗肺炎？冇味嘅？？成個餅都冇調味，要點佢啲汁先有味，啲海鮮又係切得細細粒，都食唔到有乜味之後個燉雞嚟到，見到個賣相都唔太好睇，一食完到落口，即刻明白到個廚師強迫推銷的堅持、佢的用心良苦，唔係因為佢係招牌，係因為佢好L貴啊！！咁樣佢咪可以當你韮菜咁割囉！個燉雞成$300幾啊！但味道呢？普通到冇得再普通，你出街是旦食一道雞料理都好食過佢，雞冇雞味，又嚡又乾，啲雞又唔入味，碟嘢入面啲冬粉煮唔透好韌，成碟嘢感覺就係雞還雞，汁還汁，似係先將雞分開煮熟，再加入去

鳳雛燉雞今次要介紹一間開喺旺角726嘅「鳳雛燉雞」，食得多炸雞驚熱氣，轉下食燉雞。呢間餐廳比較細，門口位要L型入去，我部輪椅都係啱啱好入到去食！前菜有泡菜+青瓜同大豆芽！1.鳳雛燉雞（無雞）（小辣）$248+冬粉$28（9/10）韓國我就未去過，佢哋最出名係「安東燉雞」，呢間好多人都話「鳳雛燉雞」好食，辣度可以揀大/中/小辣，每一碗都勁大碗份量超多，足夠2-3人食， 睇唔到包1人份量嘅冬粉，仲加咗$28加冬粉，冬粉煙堂韌韌，好難夾起，旁邊有剪刀比埋你剪，好貼心呀！其他入面配料有4片紅蘿蔔、15舊好嫩滑雞件、6舊薯仔、3片青瓜等！2.芝士醬汁無骨炸雞$128（10/10）比隔離枱吸引住，呢碟炸雞仲要無骨，咬得甜甜辣辣，外脆內軟，仲有大旺芝士鋪面，拉絲拉到勁長，一共有8舊炸雞！3.青提梳打$32（7/10）飲落好清爽，唔見青提果肉，得少少青提皮，有少少青提味！4.芒果梳打$32（9/10）飲落少少甜，有芒果味，有唔少芒果粒，唔錯！2人總共價錢$516，有加一服務費！個人口味總評分：9/10地址：旺角彌敦道726號10樓Please follow me🙆‍♂️ @wheelchaireatin