鮮入圍煮花膠雞海鮮火鍋

營業中

休息中

不會再想去而且不推介的火鍋店。首先，環境非常擠逼，我地一行三人安排張兩人檯俾我地，根本坐都坐唔到仲可以點食？三個正常體型既女仕都坐唔到，仲可以點放野打邊爐？佢見我地面色一沉，咁佢就轉軚話俾張四人檯我地。講返野食，我都未試過打邊爐叫碟牛都食都唔哂，真係性價比奇差，又黑黑瘀瘀咁既顏色又冇牛味。啲鵝腸又係死死實實既黃色，又苦又唔爽，朋友仲話佢地好似洗得唔乾淨咁，叫我地唔好食。啲響鈴又油益又淋，我地全晚唯一食哂既好似係碟菜，我見隔離檯啲生根同碟牛肉都食淨一大半。唯一可取係，花膠雞湯底就唔錯。相都唔想影，環境又唔靚啲野食又唔好食。我相信同區有更多好既選擇，去食火鍋放題都舒服過佢。

好多年前同一大班朋友食過鮮入圍煮，嗰時仲係旺角店新開張，記得餐廳裝飾到成個街市咁，用晒雞蛋檔啲紅罩燈，玩味十足；搬咗黎尖沙咀之後，店內依然有大魚缸，但整體風格行返平實路線。黎得呢度一定係叫花膠雞湯，今次兩個人自私食，半隻雞加少少配料就夠晒數。雞湯果然冇令我地失望，湯頭金黃色，味道濃郁，花膠有咬口，雞肉一夾就離骨，雞脾肉就更加嫩滑。我地每人飲足兩碗湯先叫加湯，之後就打邊爐喇～我地叫咗鮮腐竹、蜆同埋唐生菜，蜆既份量唔算多但好鮮甜，完全冇沙；腐竹比想像中大碟，索咗湯汁好好味，又比炸枝竹健康；唐生菜亦都係正常水準。飲品方面我地叫咗熱既玫瑰花烏龍茶，真係有玫瑰花瓣喺入面，不過個茶底幾甜，唔肯定係加咗蜜糖定糖漿，定係本身就係用咗帶甜味既茶黎沖，如果有得揀會希望係無糖飲品。

今日去咗一間最近好興嘅火鍋店 入到去好多人🙈我地叫咗呢度好高人氣嘅花膠雞湯(半隻) $288 半隻好夠2個人食 如果3人以上就要叫一隻完隻😃 餐廳提供咗一個醬料盤 入面有蒜蓉香蔥辣椒炸蒜花生等等 比客人任意配搭🥰 按人頭收取醬料費$15餐牌有各種各樣嘅蔬菜丸類麵食海鮮內類等 有50幾種選項☺️等湯底滾咗之後 職員就會用工具分開雞肉 分成一舊舊 等客人方便食用👍🏻湯底好濃雞味 雞肉好鮮嫩 食得出好新鮮 我地每人飲咗三至四碗湯🥰🥰🥰 湯底有好多舊花膠 非常補身☺️飲完湯之後會加豬骨湯變打邊爐 我哋叫咗個手打蝦滑 食得出用新鮮蝦製成 原汁原味 蝦肉彈牙結實 而且份量都幾多 仲有啲蟹籽喺上面 好吸引😊我哋仲叫咗個米粉 呢度嘅粉絲配花膠雞湯好夾 非常吸汁🥺

今日見證左好朋友嘅人生大事，大家吾好誤會，佢吾系結婚，不過對佢黎講已經好重要~洗禮。雖然我吾系咩教徒，不過有幸参與都替佢高興，甘重大嘅日子梗係要同佢食餐好，幫佢慶祝下啦～經朋友推介選擇左交通方便嘅尖沙咀打邊爐。一場黎到無理由吾order佢地招牌湯底呀 ~ 濃厚花膠雞湯(半隻雞)，大家睇下個湯底顏色已經知佢有幾勁，濃厚得黎完全吾油膩，飲完成身暖晒太平洋肥美桶蠔，朋友至愛原粒帶子鮮肉水餃 ~ 無花無假，3大粒帶子系入面，真材實料，好抵食。

花膠雞煲好出色呢個花膠雞煲火鍋有別於香港人平時鐘意食嘅台式火鍋or sabusabu，以花膠雞湯做主打，令到成餐晚餐覺得好之潤😆佢地會首先原隻雞送上，叫我地飲左湯先個湯好入味！花膠仲要唔少，2個人食，每人最少可以食到5 6塊因為真係太好飲，一飲就飲左4,5碗，飲完個身即刻暖粒粒。飲到差唔多嗰時，就可以加雞湯打邊爐喇！手切安格斯牛肉呢碟牛肉真係世界級佢食落去非常之有口感，肥肉唔會太多，但係肉質非常靚南非鮑魚$88隻，呢一個鮑魚我都係第一次食，佢同一般鮑魚有別，就係餐廳會即刻喺個魚缸開出黎，所以特別新鮮。而且呢個鮑魚個口感係特別爽口桂花蚌呢個海鮮我係第一次食，佢同珊瑚蚌有啲似但係鮮味更出，值得一試

以前每逢經過旺角登打士街，總會見到鮮入圍煮的巨大招牌，原來鮮入圍煮已由旺角搬往尖沙咀，適逢好友相約飯聚，終可一試其招牌濃湯花膠雞鍋。招牌濃湯花膠雞鍋花膠雞湯果真非常濃杰，未番滾前湯面有一層薄薄的雞油。打邊爐前先渴一碗雞湯，湯底鮮甜濃郁，灑上少少蔥花更加滋味。小鍋有半隻雞，店員幫忙切開雞隻，方便食用。雞肉肉質尚算嫩滑，就算是雞胸位置，亦不嚡口。花膠有數件之多，厚身有咬口。喝完雞湯加上花膠，寒冷天氣下感覺上滋潤不少。牛骨汁濃湯牛丸 此牛骨汁濃湯牛丸比一般牛丸更加爆汁，牛味更加香濃。原粒帶子水餃豬肉水餃包著原粒帶子，帶子雖然細細粒，但亦鮮甜有口感。紅薯粉 紅薯粉是一種健康食物，灰色細長條狀，晶瑩剔透，不用淥很久，吸湯能力佳。

平時去台式邊爐就打得多,今日同朋友試吓呢間港式邊爐！一入到去個裝橫都好有港式味道, 冇太多花巧佈置。佢哋主打花膠雞煲, 未開始打邊爐之前, 店員會叫你先品嚐湯底。有別之前去過嘅台式餐廳, 佢地嘅湯底濃郁鮮甜而且好足料！湯入面有半隻雞,亦都好鮮嫩, 完全冇因為煲得太耐就好”鞋”。個湯底太好飲嘅關係，未正式開始打邊爐，我同朋友已經飲到有點飽😂為免我地兩個繼續飲，飽到太飽食唔落其他，我地拿拿臨叫店員加湯，等我地可以快點開始打邊爐！！我地叫左美國手切肥牛，兩隻鮑魚，脆肉魚腩鮑魚係即場係餐廳魚缸撈起，雖然有點貴，但係好新鮮，完全唔需要點醬料都好好味！肥牛亦都好高質大份，好抵食！呢餐食得好滿足呀！

呢日同朋友兩個女仔黎食個食完會暖笠笠，既養顏又補身既濃湯花膠雞煲！！雞煲分左兩個size因為得兩個人，所以點左份細既細份既有半隻雞，大概7-8塊厚身花膠完全足夠二至三人分吃～店員會細心咁幫我地分剪雞肉，方便我地食湯頭濃郁鮮甜，無加味精，所以飲曬都唔會覺得口乾好頸渴咁！！之後仲可以加返豬骨湯繼續打邊爐添～我地雖然得兩個人，食個雞煲已經飽左一大半，但一場黎到，少少地都點啲火鍋料試下先佢地自家製既帶子花膠餃子，隻隻都大大粒，好足料！！！朋友好中意食呢度既芝心牛丸=］一份有六粒，咁又真係爆囇芝既xppp芝士同牛香又好夾，難怪朋友嗌住飽都食到4粒~~下次多啲人去仲可以食多啲款式xppp

鮮入圍煮喺一間頗有歷史嘅雞煲專門店 雖然裝修唔係特別吸引 但一直以來都有唔少粉絲熟客 請都係因為佢哋嘅原隻雞煲花膠湯響晒朵🔥🔥濃厚原隻雞煲花膠湯 $288餐廳招牌菜 湯底係超濃郁嘅黃色 滾起之後香味撲鼻 雞隻雖然比較細 但係肉質嫩滑 雞皮肥美 我哋都要爭住食🤣 花膠片爽滑 煲到最後都唔會太軟身 入晒味食都一流👍🏻 食到最後加湯 估唔到都影響唔到鮮味 比出面食到嘅雞煲味道更加持久😎🙌🏻稻庭烏冬 $33 入湯一絕💯 飽肚必叫牛骨汁濃湯牛丸 $48 喺其他火鍋餐廳比較少見 咬落爆汁 好似周星馳嘅瀨尿牛丸咁😆娃娃菜 $38 響鈴卷 $35 份量都幾多 響鈴卷有成10條 抵食之選👌🏻

呢排天氣凍咗，想食花膠雞煲，朋友介紹我去尖沙咀厚福街嘅鮮入圍煮。☺️濃厚原隻雞煲花膠湯（半隻/小）呢度嘅招牌菜必點，兩個人share半隻剛剛好。湯底超濃雞味，充滿膠質，奶白色。入面嗰半隻雞唔好滾咁耐，要撈出嚟食，就可以保持嫩滑，質素好高，食得出係新鮮雞。 店員仲幫手剪雞，入邊仲有大約有四五條長長嘅花膠，好滋潤養顏。牛骨汁濃湯牛丸，爆曬汁，超juicy。手工韮菜餃，自家製夠新鮮，韭菜好香。Apple cider少少酒精，夠fresh，火鍋飲一流。膠樽裝黑烏龍茶解膩解渴👍

最近天氣開始有點寒意，相約姊妹聚會，她們建議去食熱燙燙的火鍋，烚下烚下很寫意，胃口也特別開懷，我上網看見「鮮入圍煮花膠雞海鮮火鍋」在尖沙咀厚福街，地理環境很好，歡聚閒談的好地方。店入面裝潢舒適，佈置優雅，乾淨整潔，事前我巳致電訂位，當晚我準時到達，晚市時段擠滿人群。蕃茄薯仔雞腳湯我們選擇了蕃茄薯仔雞腳湯底，撲鼻的濃郁的蕃茄味，仲有薯仔味，香氣四溢，雞腳有益，食出真材實料，湯底具相當的飲用價值。 醬料方面，包括有生蒜蓉、炸蒜蓉、麻醬及葱等，自己選配喜歡的醬料。花膠雲吞大大粒的花膠雲吞，咀嚼後第一個感覺是肉質有彈性，煙靱有咬口，口感衝擊味蕾，同一般食到的不同，單單看樣子已經令人唾涎三尺。牛骨汁濃湯牛丸我最愛食牛骨汁濃湯牛丸，一口咬下去，咇了肉汁出來，肉汁豐富，味道濃郁，口感煙韌，打邊爐必定要食。魚皮餃魚皮餃鮮嫩剔透，肉質很美味，彈牙有咬口，爽口開胃的感覺，口感豐富，讓人回味無窮。鮮入圍煮花膠雞海鮮火鍋（尖沙咀）地址 : 尖沙咀厚福街8號H8 8樓 

花膠雞湯鍋～湯頭很濃郁，很香雞及豬骨香味，顏色很奶白，喝起來很滋潤；而跟火鍋湯底的花膠很厚很大片，有大約6到7片左右，雞的我們點了半隻，雞肉很厚肉，嫩滑～手工韮菜餃～很惹味，很香韮菜味，火鍋吃真的必吃～皮蛋～很流心，火鍋點一下，感覺清熱了🤣炸響鈴～一碟有很多條響鈴，有足足9條，感覺很抵食，而且，響鈴能把湯汁滲吸進內，吃起時很夠味，輕輕的滾一下，外軟內脆～稻庭手打烏冬～用花膠雞湯做湯底食烏冬勁正，一定要食🤣

鮮入圍煮花膠雞海鮮火鍋 (尖沙咀)尖沙咀厚福街8號H8 8樓醬料費 $15/per head濃厚雞保花膠湯底 (半隻) $288湯底甜，充滿雞香同充滿花膠膠質，漿口！花膠煲得腍，唔韌！ 揀半隻雞都已經啖啖肉，肉質嫩滑，唔老唔嚡，雞脾位大隻，正！牛骨汁濃湯牛丸 (爆汁) $48 有牛脂香，牛丸表面有少少芝士粒，提提大家食個時要小心牛丸太熱，爆汁會燙口啊！😆爽口花膠雲吞 $48 內餡多，成粒雲吞脹卜卜、飽滿！ 與花膠雞湯底嘅花膠唔同，雲吞內既花膠係偏爽口，會比湯底炆既有咬口d～豬肉料亦多！炸響鈴 $48平時黑色盒個款炸響鈴～😘玫瑰花烏龍茶 $28巨峰提子梳打 $28一入座，店員會詢問需唔需要即棄圍巾保護上衣，而且有禮～題外話，小妹好輪盡大意🙈>< 唔小心倒瀉左小半碗湯，店員手法純熟好快拎左店內提供嘅即棄吸水布同比較少見嘅獨立包裝即棄濕毛巾處理，呢2款用品吸水力強到直頭想問店員邊度可以入貨買番屋企🤣

昨天約了在尖沙嘴翻工嘅朋友食飯，朋友提議晚飯食這間火鍋🍲，於是就上去試一試！上到去聽伙計說這間店是從舊店地址搬過來的，舊店已經有一批老食客長期捧場，所以雖然是樓上店，新開也沒什麼宣傳，上到去依然不少客人，我地都要等左一陣先有位來到了當然少不了要點招牌花膠雞鍋～ 服務員大大盤湯鍋端上來，滿滿是金黃色的湯底，撈一撈發現裡面超多花膠🤩個人非常推介這個鍋，雞入口嫩滑，湯底鮮甜，小妹前後喝了很多碗湯難怪朋友推薦要來試一試喜歡，還會來吃的

冷鋒將初至 , 令人想食暖胃熱野的食慾大增 , 而熱野當中邊爐火鍋必定是表表者於是放工後就同老友行經尖沙咀厚福街，呢條街食肆林立，絕對係揾食熱點，左右均是食店 多不勝數當行到街尾H8商廈，見到「鮮入圍煮」，主打花膠雞湯火鍋，就心血來潮決定試下 , 該店是樓上舖 , 搭LIFT上8樓上到去人頭湧湧坐無虛席，等左15分鐘先有位，店鋪唔算好大, 估計店面800多呎 , 枱15-20餘張 , 應可容納 70,80人 , 但坐位都尚算寬敞舒服首先是先加醬料 , 落單時店員十分殷勤有禮 , 更向我們推介撚手菜式及必食推介未幾 , 5分鐘後就開始有食物上枱第一樣當然係㨂佢招牌菜既濃厚原隻花膠雞湯（小$288）半隻雞，一上枱睇到金黃色湯底好濃厚又足料，香味四溢，店員亦好用心幫我地剪開雞件，一啖飲落濃濃既雞湯非常鮮甜，口感有d芝士湯底咁濃郁，雞肉份量都算多亦十分嫩滑，花膠大大塊夠彈牙，湯煲得雞肉好淋同花膠都好入味，每一口都滲住雞湯既香味精華，同友人飲完一啖又一啖，完全停唔到口之後打邊爐點少得靚牛，點左呢個(手切頂級安格斯牛肉)$228,份量都唔少，厚度適中唔會好薄，絲絲雪花紋油花分布平均，食落牛味極為濃