鮮入圍煮花膠雞海鮮火鍋

一早就book咗呢間期待已久嘅火鍋店，夜晚做完gym九點過咗繁忙時間先嚟到，環境好靜，坐得舒服又方便傾偈。入座即刻叫咗佢最出名嘅花膠雞煲做湯底，一開始先飲湯食雞同花膠。半隻雞兩個人食啱啱好，雞肉滑嫩，花膠膠質豐富，煲得耐啲再入口有啲黏口感，令人覺得滋補。湯底初入口似拉麵湯，濃郁但唔會過鹹，帶少少甘甜味，飲落暖胃又舒服。隨住時間煲得耐，湯底味道愈來愈厚，雞肉精華同花膠膠質慢慢融入湯中，層次更豐富。每次加湯都保持到原本嘅香味，唔會沖淡，反而愈飲愈覺得有深度。用嚟涮牛肉特別好，肉片吸晒雞湯香氣，入口鮮甜。蔬菜落湯之後亦變得更有味，爽脆清甜。今次仲試咗蟶子，體型大隻，肉質厚身，落湯煮一陣就熟，唔會縮水。入口爽滑鮮甜，冇沙冇腥味，吸咗花膠雞湯精華之後更加惹味，係海鮮之中最突出嘅一款。服務方面，店員態度親切，雖然夜晚人唔多，但都會主動加湯同收碟，令用餐過程好舒服。環境闊落，枱與枱之間唔逼，坐耐都唔覺壓迫。價錢方面，以火鍋嚟講屬中高檔，兩個人食到好飽，平均每人約$500，以食材質素同湯底水準嚟講都值得。總結：花膠雞煲湯底真係有水準，愈煲愈香，食材新鮮，環境舒適，服務貼心，係一間值得一試嘅火鍋店。…查看更多

都幾貴下，而海鮮同肉都真係只屬於正常，見評論話唔錯，同屋企人6個人一齊去，最後埋單要三千五左右….半隻雞嘅花膠雞湯底已要380蚊，係大煲嘅，金黃色濃湯大塊花膠，雞都嫩滑，湯也濃郁。不過飲曬成煲湯就加白水開始打邊爐。海鮮喺漁缸內，每項落單按斤計。菜牌分開無數張紙仔，劃下劃下遞完紙，再劃下啲送菜就不知不覺點過量，感覺似係一種手段令食客不知不覺咁點咗好多嘢。不吃海鮮的人，肉類選項不多，最便宜嘅黑豬腩肉片都要168，但肉質真係麻麻地。而且雞湯/清湯煮完後食落去會有腥味。龍躉魚要298…魚肉的確嫩滑，愈煮愈嫩，但價錢真係貴過街市自己買。貝殼類海鮮都要1-200嘅range。花甲同蟶子算僅有新鮮口感嘅，因拎上檯時還再郁動。其他野食味道都好普通，冇乜特別。總額按人頭計每位醬汁收15蚊，仲要另外收加一。個醬汁調味料tray仲要好快脆地被收走。調味料味道好一般，成煲豉油溝埋調味配菜都幾鹹，cover咗本身海鮮嘅鮮味，需撈湯淡返少少。最後人均差唔多600蚊打個邊爐都真係幾唔抵。…查看更多

今日終於嚟到鮮入圍煮試佢最出名嘅花膠雞湯，成個環境設計得好似香港傳統舊式大排檔但係環境好乾淨，入口已經有個大魚缸俾你睇吓海鮮嘅新鮮程度！我哋兩個人點咗半隻雞，同埋單點咗一碟牛，一碟菜，一碟牛骨髓，仲有竹笙同埋聖子王！食海鮮之前梗係飲幾啖湯呢度嘅花膠雞湯相對嚟講唔會好似出邊咁濃更加啱打邊爐飲完亦都唔會口渴證明係真材實料，而且半隻雞嘅份量都非常之大，食完都飽咗一半！個湯真係我哋每人都飲咗三碗，平時煲湯都要呢個價錢！蟶子好似手掌咁大隻，六十幾秒就食得，非常之鮮甜！牛肉亦都非常之新鮮，份量一碟都好大，但係佢個菜夾埋佢個湯底先係最出色，加埋係極度甜，令你越嚟越愛上咗食菜！竹笙亦都非常之足本成大碟相有成六條，啱晒鍾意食嘅朋友！而且佢啲飲品亦都非常之健康，有一啲養生茶嘅選擇，亦都有啤酒嘅選擇！…查看更多

天氣涼咗好想飲啖花膠雞湯又想食火鍋，就上網搵邊度有花膠雞湯火鍋。嚟到先入圍煮就當然一定要叫佢嘅花膠雞湯，唐生菜、爽脆牛黃喉、澳洲和牛牛展肉、鮮味炸魚角、鮮嫩筍尖片、爆炸薑汁皮蛋貢丸。先嚟上咗個花膠雞湯，一望落去就已經覺得個湯係好濃郁，一望到都好想飲嗰個感覺，首先飲啖湯非常之鮮甜，而且個湯都係好香濃嘅雞味濃郁嘅質地即係證明花膠都唔少。連續飲咗幾碗湯連埋雞同花膠一齊食完之後全身暖笠笠，個湯都清得差唔多7788之後店員就會幫我哋加返個豬骨湯底嚟食火鍋。首先一定要試吓佢個澳洲和牛牛展肉，爽口得來牛味好濃，第一次食牛黃喉原來係好爽好好味，另外都係第一次食佢嘅招牌薑汁皮蛋貢丸，一啖咬落去好豐富嘅口感，而且真係食到有薑汁同皮蛋嘅香味，真係好正，另外個炸魚角同一般平時喺街市買到嘅絕對唔一樣，因為佢係比較彈牙香口。…查看更多

今日同朋友嚟到尖沙咀一間火鍋店「鮮入圍煮」，嚟到呢間火鍋店必試花膠雞湯底，同朋友都係因為呢個湯底而過嚟，火鍋配料多選擇，店舖位置方便就位於厚福街H8嘅樓上，方便同朋友聚會！花膠雞湯底 名物金黃湯色濃郁香味，花膠軟腍，雞肉嫩滑，湯頭鮮醇溫潤，入口滿是膠質的豐腴感，暖胃又滋補，精華盡在一碗，打火鍋前必定要飲番幾碗，最適合冬天滋潤一下中山脆肉鯇魚片魚片爽脆，口感獨特。輕涮即熟，肉頹不散不柴。肉質緊實彈牙，毫無腥味。搭配雞湯鮮美十足澳洲和牛牛展肉油花均勻分布，肉質細膩入口即融。輕涮三秒，牛肉多汁不膩口爆炸薑汁皮蛋貢丸餡料多汁，咬落去香溢四射，口感特別，貢丸彈牙鮮味炸魚片頭金黃酥脆的外皮裹著彈牙，魚肉鮮甜，三角角造型鎖住肉汁，蘸些火鍋醬汁更顯風味。鮮嫩荀尖片筍尖切得片薄，入鍋輕涮三秒即熟。口感極致爽脆，毫無纖維粗澀感，完美吸收湯底清甜味道，是火鍋中的絕配。…查看更多