影片
港鐵尖沙咀/尖東站 A1 出口, 步行約9分鐘
繼續閱讀
電話號碼
23833366
營業時間
今日營業
12:00 - 15:30
18:00 - 22:30
星期一至日
12:00 - 15:30
18:00 - 22:30
公眾假期
12:00 - 15:30
18:00 - 22:30
公眾假期前夕
12:00 - 15:30
18:00 - 22:30
以上資料只供參考, 請與餐廳確認詳情
這間位於尖沙咀海港城的日本菜餐廳，主打江户前廚師發辦，位於東京銀座的本店更是米芝蓮一星餐廳。餐廳裝修充滿日本風，環境寬敞舒適。.皇Sumeragi $1780.🔹汁煮茄子、螢光魷魚、磯煮螺茄子口感軟腍，感覺清新；螢光魷魚爽滑，配上蛋黃醬更美味；磯煮螺彈牙鮮美。.🔸 九州深海池魚 池魚肉質鮮嫩肥美，富魚油甘香。.🔹北海道帆立貝肉厚且雪白透亮，口感爽彈鮮味。.🔸北海道軟煮水八爪魚用上深海水八爪魚，師傅爽起展示八爪魚腳超巨型，而且肉質柔軟又好入味。.🔹BB吞拿魚 吞拿魚肉質軟嫩，油脂豐富，用上茗荷 和 柚子胡椒wasaki兩款調味配搭，各有特色。.🔸壽司：▪️青森県左口魚▪️金目鯛▪️北海道北寄貝▪️九州車海老▪️清森大間藍鯨吞拿魚▪️赤鯥▪️北海道海膽▪️海鰻8件壽司各有特色，個人最喜歡有：青森県左口魚肉質柔軟細膩，魚油甘香；清森大間藍鯨吞拿魚，魚肉熟成14日，魚味香濃；北海道海膽味道鮮甜，口感豐潤。.🔹太刀魚太刀魚燒得好香，肉質嫩滑，配上蘿蔔蓉感覺清新。.🔸江戶前玉子燒玉子燒有別於一般的，造型和口感與蛋糕一樣，口感鬆軟，充滿特色。.🔹赤味噌湯 🔸甜品赤味噌湯味道咸香暖胃，甜品蜜瓜新鮮清甜。
繼續閱讀
終於有幸香港食到米芝蓮⭐️嘅星級廚師發辦👨🍳🍣~ 主打江戶前嘅 鮨 央泰⭐️小編一向都鍾情有著傳統氣派的omakase, 鮨 央泰正正就係實而不華，而食材新鮮、熟煮有驚喜! 我哋7點半入座已經幾乎滿座,不愧向來都預約困難店🫣 𓏸𑁍𓏸𓈒𓂃𓂃𓂃𓂃𓂃𓂃𓂃𓂃𓏸𓈒𑁍ᵂᴴᴬᵀ ᵂᴱ ᴼᴿᴰᴱᴿᴱᴰ 𝚂𝚄𝙼𝙴𝚁𝙰𝙶𝙸 皇 HK$1,780 先付 三點❁ 出漬吞拿魚花茄子❁ 爽甜白垣貝❁ 庫山縣 螢光魷魚 - 上面加有蛋黃醋，有微少酸感好開胃☺️ 刺身二點❁ 深海池魚勁厚物身爽口池魚, 配搭紫蘇茶花進食😍❁ 帆立貝中間夾有紫菜增加增次感，上面就加有柚子皮🍊 燒物❁ 北海道八爪魚🐙嘩！咁大隻原來叫 深海水爪🐙，雖然佢身驅龐大，但師父已經特別熬製咗一晚，食落好軟腍😳仲伴有辣柚子糊椒同山葵, 可以因應個人培好沾少許帶出鮮味。 手握壽司 八貫🍣❁ 伊左木 - 加有柚子胡椒， 質感好柔軟。❁ 北寄貝 - 加有青檸汁提鮮 - 網烤過表面口感更有彈性。❁ 九州車海老 - 師傅預先烚一烚，再製作壽司前蒸多一會，用以保留剛好的熟度，真係新鮮爽彈，仲有蝦膏添🤤❁ Baby 吞拿魚 - 師傅以禾旱草煙薰法🌬迫出少許油鮨，可以真正享受到吞拿魚自身味道，而不會被油脂味蓋過；再加有蔥粒、芝麻、洋蔥🧅增加口感層次變化😋❁ 喜知次 - 魚脂油份較高， 配以紫菜入口，滋味無窮✨❁ 青森大間 野生吞拿魚 - 因為經師傅熟成14日顏色較暗沉，油脂低而魚味較濃，驚喜係肉身可以咁柔軟🤗❁ 中吞拿魚 - 脂肪比拖羅少但油脂都滿滿，好滿足。❁ 北海道海膽 - Creamy 得來好鮮甜，入口即化🫶 ❁ 太刀魚燒過嘅太刀魚有少量油脂,，配籮蔔蓉進食。 ❁ 海鰻魚以鰻魚的頭骨熬製醬汁，加有少量山椒粉好香好惹味。 ❁ 江戶前玉子燒耗時三日的極致工藝，用上蜂蜜、白身魚肉和蝦代替麵粉， 再加入味醂糖水後焗爐加熱，口感好似食緊海綿蛋糕咁，淡淡魚香好好味啊😛 椀物❁ 味噌湯赤味噌加入了大量黃蜆，鮮味非常! 甜品❁清甜蜜瓜🍈 師傅每道菜都有細心講解，仲得知事前準備了好多功夫，唔單止每件壽司都溫度適中，原來壽司飯都用上兩三款赤醋，先至可以令刺身魚發揮出最佳味道！真係絕對值得再來👍🏻
繼續閱讀
位於尖沙咀海港城既高質Omakase🍣鮨 央泰總店係位於東京銀座的米芝蓮星級食府食材高質又新鮮，加上師傅嘅用心製作品質一定有保證👍我地揀左LUNCH OMAKASE 清雅 $680係由日籍師傅主理先付係 沖繩 水雲酸酸甜甜，入口順滑茶碗蒸用高湯蒸既蛋，又滑又清甜，面頭配上舞茸，好香握寿司-十貫左口魚🍣油脂豐富，肉質細緻入口即溶。金目鯛🍣用火槍輕輕燒過，魚香咪濃郁深海池魚🍣鮮甜爽口鹿兒島縣 車海老🍣肉質鮮甜春子鯛🍣 肉質軟滑，魚味濃北海道 帆立貝🍣好厚肉，鮮甜好味池魚🍣比深海池魚個味更濃郁，面頭有師傅手磨蔥蓉，鮮味🆙青森大間 拖羅🍣經熟成過，入口即溶，魚油味濃郁，油脂豐富肥美北海道 馬糞海膽軍艦 🍣係我至愛🤤creamy 口感，入口溶化，超鮮甜😍大愛海鰻🍣 平時唔食鰻魚既我，因為好怕有骨，但🐢🍯試完話完全無骨仲要好好食，咁就試一次啦😝點知塊海鰻一入口已同舊飯溶為一體啦🤣真係零骨之餘，仲要入口即化👍👍👍令我一試愛上鰹魚玉子燒無加麵粉整，但賣相好似蛋糕，而口感都有海綿蛋糕嘅鬆軟感，蛋味香濃配淡淡魚香，好特別赤味噌湯🍲（內有新鮮紫菜）Dessert 🍨係抹茶雪糕鮨央泰📍尖沙咀廣東道3-27號海港城港威大廈地下G111號舖
繼續閱讀
1463 瀏覽
表妹近年申請咗張「滙豐卓越理財信用卡」，其中最具吸引力嘅就係全年可於指定食肆享用買一送一嘅餐飲優惠，好多仲要有星星架，所以半價絕對抵玩！嘻嘻，小肥表哥同表妹感情咁好，不時都有機會做「送一」，舊年暑假就過咗海一試由銀座開到黎香港嘅壽司店「鮨 央泰」。位於尖沙咀嘅餐廳傍晚準六時開門。落地玻璃窗同室內以木為主嘅間格時尚簡樸得黎自然地流露出日系和風。店子中央為師傅嘅大舞台，光鮮企理，衛生非常。當晚為兩口子備製魚生嘅係Raymond師傅。每位席上擺有自用嘅筷子，埋位即有熱茶及熱毛巾。由於信用咭優惠只適用於指定嘅「忍冬」廚師發辦晚餐（$2,380/位），所以不用費神點菜。兩隻酒鬼只需從電子酒牌揀選佳釀。應推介開咗樽「釀し人九平次 纯米大吟醸」（$1,080/樽）。季節限定嘅日本清酒芳香馥鬱，配上妹妹仔預先雪凍咗嘅白酒杯，炎炎夏日尤其清爽！先付け – 五點：晚餐正式由前菜拼盤作序，右手邊隻杯仔內有味淡腍身嘅昆布水茄子、左邊嘅磯粒貝則煙韌有嚼勁、上方件門鱔南蠻漬就最唔啱細佬口味，勁酸且有幾條細骨。接著嘅九州黑鯛刺身用黑色嘅碟盤上，唔知係咪要專登襯返個名呢？！應建議用魚肉捲入頂面啲薑蓉同木之芽葉仔，再黏上秘製嘅蕃茄紅椒醬一啖過食，效果酸甜甘香，但感覺似食汁多啲，魚魚只能淪為配角。小碟中嘅鰹魚二重奏就似乎重口味咗少少，除咗兩件都偏咸之外，左手邊輕輕燒過嗰件帶有一陣強烈嘅煙燻味，幸好連同白雪雪嘅日本嘅新洋蔥絲食可以略為中和返；個人反而比較鍾意右手邊以醬油醃過嗰件，起碼質感柔滑得多。轉入壽司環節前，先有爽脆嘅淮山、蕎頭、薑粒，三款漬物均無限添加。握り寿司 – 十二貫：Raymond師傅講明所有壽司都已調好哂味，如果覺得唔夠咸都歡迎食客加點醬油。為方便貴客用手進食壽司，每人都派多條濕巾抹手指。第一件呈橋形嘅北海道帆立貝壽司爽脆得黎滲出青檸香，醒神又醒胃。師傅好神秘地介紹第二件為一種好特別嘅「鯛魚」，叫XO仔食後品評過感想佢先加以說明。真係冇諗到外表最平庸嘅「鯛魚」油潤得黎散發出陣陣果香，兩老表就懶醒咁估魚身上搽咗層果汁啦，師傅即開故此魚為源自愛嬡縣嘅蜜柑鯛，得此其名全因其飼料內含蜜柑，如果魚魚夠肥，當中嘅油脂就會洋溢著芬芳嘅蜜柑香，堅有驚喜，實屬整晚之最！黑邊白肉嘅深海池魚壽司厚潤肥美。呈半生熟狀態嘅牡丹蝦壽司Q彈潤澤，頂面以炒香咗嘅蝦膏點綴，組合契合惹味，蝦身爽脆尤甚。油光亮澤嘅北海道櫻鱒壽司魚味清香，肉質柔潤細緻。不經不覺已經食到中間位，跟住嗰兩件壽司都係由同一條熟成咗嘅沖繩吞拿魚度切出黎嘅，只係不同部位及不同調味。第一件赤身壽司厚潤得黎柔韌度較高，當中夾咗片紫菜令魚味明顯濃郁突出過平時。第二件唔講真係食唔出佢係中拖羅，因為絕冇溶喺口，雖則唔可以話佢嚡，之但係好似食得到啲魚紋咁，其魚味濃郁得黎係咸咗，而並非鮮咗，甚為失色！擺盤好似成幅畫咁靚嘅汁煮北海道水八爪魚厚肉爽彈，吸盤位置尤其脆嫩幼細，就咁食最食得出八爪魚本身嘅鮮甜，點上附配嘅山葵會香啲，但加點柚子胡椒就太搶。銀光閃閃嘅手釣池魚壽司鮮爽肥美，莫非一定要手釣先咁油潤？！凹凸不平嘅北海道北寄貝壽司爽就夠爽口，唯一當中嘅椒香味似乎蓋過咗北寄貝嘅鮮味。鹿兒島車海老成隻手掌咁長，睇頭十足！壽司握好後好型咁掛於碟邊。橙白紋理鮮明嘅靚蝦肉肥爽厚，超強呀！熱辣辣嘅茶椀蒸內含菠菜及高野豆腐，蛋蛋香滑得黎好夠湯汁，因為上面加咗肥嘟嘟嘅節令芝海老肉及其打造咗嘅芡汁，倍添爽甜與鮮濃。焼物：兩片厚厚嘅鮫碟魚西京燒魚油豐沛，不用咀嚼已滑嫩得絲絲入扣，細膩得很！直接從師傅手接獲嘅北海道馬糞海膽壽司卷一啖放入口，脆薄嘅紫菜皮層即化於舌上，海膽嘅細滑濃甜直迫齒頰間嘅縫隙，爆！由於之前食頭盤時食鱔鱔已經差啲哽骨，酒精影響下陰影更難消，所以壓軸上陣嘅長崎海鰻壽司就轉贈咗俾鱔后表妹。玉子焼き：貌似海綿蛋糕嘅玉子燒完全冇麵粉嘅成份，除咗蛋蛋同蜂蜜之外，竟然混入咗個用海鮮淆製嘅鰹魚高湯焗出。平心而論，玉子燒鬆就幾鬆軟，不過自己食唔出任何蛋味，唔咸唔甜怪怪地咁，或許個高湯有啲喧賓奪主？！椀物：赤麵豉湯味道偏咸且唔夠熱，未能暖胃實為大忌也！デザート：可能喺雪櫃放得太耐，日式蕨餅微微偏乾同開始有啲硬化，唔得柔韌黏潤。日本過江龍壽司專門店「鮨 央泰」環境雅緻，服務生專業周到，師傅仲一啲架子都冇。壽司高質味佳，可惜非壽司類菜式嘅質素卻頗為遜色，包括前菜、湯湯、甜品等，廚房失手難免會殃及池魚，直令廚師發辦晚餐整體分數下降，如果唔係有信用卡嘅買一送一優惠的話，$2,380/位依個價位實無說服力！
繼續閱讀
「鮨央泰 -Sushi Hisayoshi」位於海港城，餐廳是東京米芝蓮一星食府 ，由北海道廚師親手打造，師傅製作用心，運用季節性食材，而且每日新鮮送到🥢先付三點 - 磯煮螺、炸茄子、螢光魷魚磯煮螺肉味道煮得鮮美彈嫩、螢光魷魚一口吞下滿滿的海味湧上、炸茄子入口即化🥢刺身二點 - 石垣鯛、扇貝油脂飽滿，刺身食落好新鮮滑順與軟嫩，夠哂肥美鮮甜🥢燒物 - 拖羅藁燒肥美的拖羅精雕，口感一絕鮮美入口軟滑🍣握り寿司-八貫拖羅、平目、鯵、喜知次、北寄貝、車海老、海膽、穴子我最鐘意車海老 - 質感緊實，蝦肉鮮甜爽彈，鮮味十足。喜知次 - 魚身柔軟，含有豐富脂肪，灸燒 過後逼出魚油，口感鮮美 。穴子 - 醬燒穴子已去骨，配上經典的穴子醬汁，令海鰻更鮮味，肉質非常細膩柔軟🥢江户前玉子燒口感似蛋糕咁軟綿，有少少鮮甜蝦味🍱椀物 - 北海道軟煮水八爪魚軟煮八爪魚煮得很軟身，再用鰹魚高湯及醬油浸煮入味🍈甜品最後仲有時令夠清甜🤩
繼續閱讀